[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Linga Purana](https://indike.org/pramana/in.purana.linga) › 1.76 # Linga Purana 1.76 Liṅgapurāṇa 1.76 - **Language:** Sanskrit ## Contents - [1.76.64](https://indike.org/pramana/in.purana.linga.1.76.64) — 1 part ### [1.76.1](https://indike.org/pramana/in.purana.linga.1.76.1) sūta uvāca ataḥ paraṃ pravakṣyāmi svecchāvigrahasaṃbhavam pratiṣṭhāyāḥ phalaṃ sarvaṃ sarvalokahitāya vai // ### [1.76.2](https://indike.org/pramana/in.purana.linga.1.76.2) skandomāsahitaṃ devam āsīnaṃ paramāsane kṛtvā bhaktyā pratiṣṭhāpya sarvānkāmānavāpnuyāt // ### [1.76.3](https://indike.org/pramana/in.purana.linga.1.76.3) skandomāsahitaṃ devaṃ sampūjya vidhinā sakṛt yatphalaṃ labhate martyas tadvadāmi yathāśrutam // ### [1.76.4](https://indike.org/pramana/in.purana.linga.1.76.4) sūryakoṭipratikāśair vimānaiḥ sārvakāmikaiḥ rudrakanyāsamākīrṇair geyanāṭyasamanvitaiḥ // ### [1.76.5](https://indike.org/pramana/in.purana.linga.1.76.5) śivavatkrīḍate yogī yāvadābhūtasaṃplavam tatra bhuktvā mahābhogān vimānaiḥ sārvakāmikaiḥ // ### [1.76.6](https://indike.org/pramana/in.purana.linga.1.76.6) aumaṃ kaumāramaiśānaṃ vaiṣṇavaṃ brāhmameva ca prājāpatyaṃ mahātejā janalokaṃ mahas tathā // ### [1.76.7](https://indike.org/pramana/in.purana.linga.1.76.7) aindram āsādya caindratvaṃ kṛtvā varṣāyutaṃ punaḥ bhuktvā caiva bhuvarloke bhogān divyān suśobhanān // ### [1.76.8](https://indike.org/pramana/in.purana.linga.1.76.8) merumāsādya devānāṃ bhavaneṣu pramodate ekapādaṃ caturbāhuṃ trinetraṃ śūlasaṃyutam // ### [1.76.9](https://indike.org/pramana/in.purana.linga.1.76.9) sṛṣṭvā sthitaṃ hariṃ vāme dakṣiṇe caturānanam aṣṭāviṃśatirudrāṇāṃ koṭiḥ sarvāṅgasuprabham // ### [1.76.10](https://indike.org/pramana/in.purana.linga.1.76.10) pañcaviṃśatikaṃ sākṣāt puruṣaṃ hṛdayāttathā prakṛtiṃ vāmataścaiva buddhiṃ vai buddhideśataḥ // ### [1.76.11](https://indike.org/pramana/in.purana.linga.1.76.11) ahaṅkāramahaṅkārāt tanmātrāṇi tu tatra vai indriyāṇīndriyādeva līlayā parameśvaram // ### [1.76.12](https://indike.org/pramana/in.purana.linga.1.76.12) pṛthivīṃ pādamūlāttu guhyadeśājjalaṃ tathā nābhideśāt tathā vahniṃ hṛdayādbhāskaraṃ tathā // ### [1.76.13](https://indike.org/pramana/in.purana.linga.1.76.13) kaṇṭhātsomaṃ tathātmānaṃ bhrūmadhyānmastakāddivam sṛṣṭaivaṃ saṃsthitaṃ sākṣāj jagatsarvaṃ carācaram // ### [1.76.14](https://indike.org/pramana/in.purana.linga.1.76.14) sarvajñaṃ sarvagaṃ devaṃ kṛtvā vidyāvidhānataḥ pratiṣṭhāpya yathānyāyaṃ śivasāyujyamāpnuyāt // ### [1.76.15](https://indike.org/pramana/in.purana.linga.1.76.15) tripādaṃ saptahastaṃ ca catuḥśṛṅgaṃ dviśīrṣakam kṛtvā yajñeśamīśānaṃ viṣṇuloke mahīyate // ### [1.76.16](https://indike.org/pramana/in.purana.linga.1.76.16) tatra bhuktvā mahābhogān kalpalakṣaṃ sukhī naraḥ kramādāgatya loke 'smin sarvayajñāntago bhavet // ### [1.76.17](https://indike.org/pramana/in.purana.linga.1.76.17) vṛṣārūḍhaṃ tu yaḥ kuryāt somaṃ somārdhabhūṣaṇam hayamedhāyutaṃ kṛtvā yatpuṇyaṃ tad avāpya saḥ // ### [1.76.18](https://indike.org/pramana/in.purana.linga.1.76.18) kāñcanena vimānena kiṅkiṇījālamālinā gatvā śivapuraṃ divyaṃ tatraiva sa vimucyate // ### [1.76.19](https://indike.org/pramana/in.purana.linga.1.76.19) nandinā sahitaṃ devaṃ sāmbaṃ sarvagaṇairvṛtam kṛtvā yatphalamāpnoti vakṣye tadvai yathāśrutam // ### [1.76.20](https://indike.org/pramana/in.purana.linga.1.76.20) sūryamaṇḍalasaṃkāśair vimānair vṛṣasaṃyutaiḥ apsarogaṇasaṃkīrṇair devadānavadurlabhaiḥ // ### [1.76.21](https://indike.org/pramana/in.purana.linga.1.76.21) nṛtyadbhir apsaraḥsaṃghaiḥ sarvataḥ sarvaśobhitaiḥ gatvā śivapuraṃ divyaṃ gāṇapatyamavāpnuyāt // ### [1.76.22](https://indike.org/pramana/in.purana.linga.1.76.22) nṛtyantaṃ devadeveśaṃ śailajāsahitaṃ prabhum sahasrabāhuṃ sarvajñaṃ caturbāhum athāpi vā // ### [1.76.23](https://indike.org/pramana/in.purana.linga.1.76.23) bhṛgvādyairbhūtasaṃghaiś ca saṃvṛtaṃ parameśvaram śailajāsahitaṃ sākṣād vṛṣabhadhvajamīśvaram // ### [1.76.24](https://indike.org/pramana/in.purana.linga.1.76.24) brahmendraviṣṇusomādyaiḥ sadā sarvairnamaskṛtam mātṛbhir munibhiścaiva saṃvṛtaṃ parameśvaram // ### [1.76.25](https://indike.org/pramana/in.purana.linga.1.76.25) kṛtvā bhaktyā pratiṣṭhāpya yatphalaṃ tadvadāmyaham sarvayajñatapodānatīrthadeveṣu yat phalam // ### [1.76.26](https://indike.org/pramana/in.purana.linga.1.76.26) tatphalaṃ koṭiguṇitaṃ labdhvā yāti śivaṃ padam tatra bhuktvā mahābhogān yāvad ābhūtasaṃplavam // ### [1.76.27](https://indike.org/pramana/in.purana.linga.1.76.27) sṛṣṭyantare punaḥ prāpte mānavaṃ padamāpnuyāt nagnaṃ caturbhujaṃ śvetaṃ trinetraṃ sarpamekhalam // ### [1.76.28](https://indike.org/pramana/in.purana.linga.1.76.28) kapālahastaṃ deveśaṃ kṛṣṇakuñcitamūrdhajam kṛtvā bhaktyā pratiṣṭhāpya śivasāyujyamāpnuyāt // ### [1.76.29](https://indike.org/pramana/in.purana.linga.1.76.29) ibhendradārakaṃ devaṃ sāṃbaṃ siddhārthadaṃ prabhum sudhūmravarṇaṃ raktākṣaṃ trinetraṃ candrabhūṣaṇam // ### [1.76.30](https://indike.org/pramana/in.purana.linga.1.76.30) kākapakṣadharaṃ mūrdhnā nāgaṭaṅkadharaṃ haram siṃhājinottarīyaṃ ca mṛgacarmāṃbaraṃ prabhum // ### [1.76.31](https://indike.org/pramana/in.purana.linga.1.76.31) tīkṣṇadaṃṣṭraṃ gadāhastaṃ kapālodyatapāṇinam huṃphaṭkāre mahāśabdaśabditākhiladiṅmukham // ### [1.76.32](https://indike.org/pramana/in.purana.linga.1.76.32) puṇḍarīkājinaṃ dorbhyāṃ bibhrantaṃ kambukaṃ tathā hasantaṃ ca nadantaṃ ca pibantaṃ kṛṣṇasāgaram // ### [1.76.33](https://indike.org/pramana/in.purana.linga.1.76.33) nṛtyantaṃ bhūtasaṃghaiś ca gaṇasaṃghais tvalaṃkṛtam kṛtvā bhaktyā pratiṣṭhāpya yathāvibhavavistaram // ### [1.76.34](https://indike.org/pramana/in.purana.linga.1.76.34) sarvavighnān atikramya śivaloke mahīyate tatra bhuktvā mahābhogān yāvadābhūtasaṃplavam // ### [1.76.35](https://indike.org/pramana/in.purana.linga.1.76.35) jñānaṃ vicārato labdhvā rudrebhyastatra mucyate ardhanārīśvaraṃ devaṃ caturbhujamanuttamam // ### [1.76.36](https://indike.org/pramana/in.purana.linga.1.76.36) varadābhayahastaṃ ca śūlapadmadharaṃ prabhum strīpuṃbhāvena saṃsthānaṃ sarvābharaṇabhūṣitam // ### [1.76.37](https://indike.org/pramana/in.purana.linga.1.76.37) kṛtvā bhaktyā pratiṣṭhāpya śivaloke mahīyate tatra bhuktvā mahābhogān aṇimādiguṇairyutaḥ // ### [1.76.38](https://indike.org/pramana/in.purana.linga.1.76.38) ācandratārakaṃ jñānaṃ tato labdhvā vimucyate yaḥ kuryāddevadeveśaṃ sarvajñaṃ lakulīśvaram // ### [1.76.39](https://indike.org/pramana/in.purana.linga.1.76.39) vṛtaṃ śiṣyapraśiṣyaiś ca vyākhyānodyatapāṇinam kṛtvā bhaktyā pratiṣṭhāpya śivalokaṃ sa gacchati // ### [1.76.40](https://indike.org/pramana/in.purana.linga.1.76.40) bhuktvā tu vipulāṃstatra bhogān yugaśataṃ naraḥ jñānayogaṃ samāsādya tatraiva ca vimucyate // ### [1.76.41](https://indike.org/pramana/in.purana.linga.1.76.41) pūrvadevāmarāṇāṃ ca yatsthānaṃ sakalepsitam kṛtamudrasya devasya citābhasmānulepinaḥ // ### [1.76.42](https://indike.org/pramana/in.purana.linga.1.76.42) tripuṇḍradhāriṇasteṣāṃ śiromālādharasya ca brahmaṇaḥ keśakenaikam upavītaṃ ca bibhrataḥ // ### [1.76.43](https://indike.org/pramana/in.purana.linga.1.76.43) bibhrato vāmahastena kapālaṃ brahmaṇo varam viṣṇoḥ kalevaraṃ caiva bibhrataḥ parameṣṭhinaḥ // ### [1.76.44](https://indike.org/pramana/in.purana.linga.1.76.44) kṛtvā bhaktyā pratiṣṭhāpya mucyate bhavasāgarāt oṃnamo nīlakaṇṭhāya iti puṇyākṣarāṣṭakam // ### [1.76.45](https://indike.org/pramana/in.purana.linga.1.76.45) mantramāha sakṛdvā yaḥ pātakaiḥ sa vimucyate mantreṇānena gandhādyair bhaktyā vittānusārataḥ // ### [1.76.46](https://indike.org/pramana/in.purana.linga.1.76.46) sampūjya devadeveśaṃ śivaloke mahīyate jālandharāntakaṃ devaṃ sudarśanadharaṃ prabhum // ### [1.76.47](https://indike.org/pramana/in.purana.linga.1.76.47) kṛtvā bhaktyā pratiṣṭhāpya dvidhābhūtaṃ jalaṃdharam prayāti śivasāyujyaṃ nātra kāryā vicāraṇā // ### [1.76.48](https://indike.org/pramana/in.purana.linga.1.76.48) sudarśanapradaṃ devaṃ sākṣātpūrvoktalakṣaṇam arcamānena devena cārcitaṃ netrapūjayā // ### [1.76.49](https://indike.org/pramana/in.purana.linga.1.76.49) kṛtvā bhaktyā pratiṣṭhāpya śivaloke mahīyate tiṣṭhato 'tha nikumbhasya pṛṣṭhataścaraṇāṃbujam // ### [1.76.50](https://indike.org/pramana/in.purana.linga.1.76.50) vāmetaraṃ suvinyasya vāme cāliṅgya cādrijām śūlāgre kūrparaṃ sthāpya kiṅkiṇīkṛtapannagam // ### [1.76.51](https://indike.org/pramana/in.purana.linga.1.76.51) samprekṣya cāndhakaṃ pārśve kṛtāñjalipuṭaṃ sthitam rūpaṃ kṛtvā yathānyāyaṃ śivasāyujyamāpnuyāt // ### [1.76.52](https://indike.org/pramana/in.purana.linga.1.76.52) yaḥ kuryāddevadeveśaṃ tripurāntakamīśvaram dhanurbāṇasamāyuktaṃ somaṃ somārdhabhūṣaṇam // ### [1.76.53](https://indike.org/pramana/in.purana.linga.1.76.53) rathe susaṃsthitaṃ devaṃ caturānanasārathim tadākāratayā so 'pi gatvā śivapuraṃ sukhī // ### [1.76.54](https://indike.org/pramana/in.purana.linga.1.76.54) krīḍate nātra saṃdeho dvitīya iva śaṅkaraḥ tatra bhuktvā mahābhogān yāvad icchā dvijottamāḥ // ### [1.76.55](https://indike.org/pramana/in.purana.linga.1.76.55) jñānaṃ vicāritaṃ labdhvā tatraiva sa vimucyate // ### [1.76.56](https://indike.org/pramana/in.purana.linga.1.76.56) gaṅgādharaṃ sukhāsīnaṃ candraśekharameva ca // ### [1.76.57](https://indike.org/pramana/in.purana.linga.1.76.57) gaṅgayā sahitaṃ caiva vāmotsaṅge 'ṃbikānvitam vināyakaṃ tathā skandaṃ jyeṣṭhaṃ durgāṃ suśobhanām // ### [1.76.58](https://indike.org/pramana/in.purana.linga.1.76.58) bhāskaraṃ ca tathā somaṃ brahmāṇīṃ ca maheśvarīm kaumārīṃ vaiṣṇavīṃ devīṃ vārāhīṃ varadāṃ tathā // ### [1.76.59](https://indike.org/pramana/in.purana.linga.1.76.59) indrāṇīṃ caiva cāmuṇḍāṃ vīrabhadrasamanvitām vighneśena ca yo dhīmān śivasāyujyamāpnuyāt // ### [1.76.60](https://indike.org/pramana/in.purana.linga.1.76.60) liṅgamūrtiṃ mahājvālāmālāsaṃvṛtam avyayam liṅgasya madhye vai kṛtvā candraśekharamīśvaram // ### [1.76.61](https://indike.org/pramana/in.purana.linga.1.76.61) vyomni kuryāt tathā liṅgaṃ brahmāṇaṃ haṃsarūpiṇam viṣṇuṃ varāharūpeṇa liṅgasyādhastvadhomukham // ### [1.76.62](https://indike.org/pramana/in.purana.linga.1.76.62) brahmāṇaṃ dakṣiṇe tasya kṛtāñjalipuṭaṃ sthitam madhye liṅgaṃ mahāghoraṃ mahāmbhasi ca saṃsthitam // ### [1.76.63](https://indike.org/pramana/in.purana.linga.1.76.63) kṛtvā bhaktyā pratiṣṭhāpya śivasāyujyamāpnuyāt kṣetrasaṃrakṣakaṃ devaṃ tathā pāśupataṃ prabhum // ### [1.76.64](https://indike.org/pramana/in.purana.linga.1.76.64) kṛtvā bhaktyā yathānyāyaṃ śivaloke mahīyate // ### [1.76.64.p1](https://indike.org/pramana/in.purana.linga.1.76.64.p1) iti śrīliṅgamahāpurāṇe pūrvabhāge śivamūrtipratiṣṭhāphalakathanaṃ nāma ṣaṭsaptatitamo 'dhyāyaḥ ## Commentaries (1) - [Śivatoṣiṇī](https://indike.org/pramana/in.purana.linga!ganesa-ballala-natu) — Gaṇeśa Ballāla Nātū, Sanskrit ## Linked texts (6) - [Śivadharma (Nandiprokta)](https://indike.org/pramana/in.sampradaya.saiva.sivadharma.sivadharmanandiprokta.2.48) — Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.89.1) — Ativīrarāma Pāṇṭiyar 1500, Sanskrit - [Vīraśaivāmṛtapurāṇa (Gubbi Mallaṇa)](https://indike.org/pramana/in.vernacular.kannada.virasaiva.virasaivamrtapurana-gubbi-mallana.p1091) — Gubbi Mallaṇa, Sanskrit - [Kāmikatantra](https://indike.org/pramana/in.sampradaya.saiva.agama.siva.kamikatantra.65.p8) — Sanskrit - [Śivatattvaviveka (Appayya Dīkṣita)](https://indike.org/pramana/in.sampradaya.saiva.sivadvaita.sivatattvaviveka-appayya-diksita.24-2.7) — Appayya Dīkṣita 1560, Sanskrit - [Śikhariṇīmālā](https://indike.org/pramana/in.sampradaya.saiva.stotra.acarya.sikharinimala.2.14-2.7) — Appayadīkṣita, Sanskrit --- Source: [https://indike.org/pramana/in.purana.linga.1.76](https://indike.org/pramana/in.purana.linga.1.76) · Pramāṇa