[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Linga Purana](https://indike.org/pramana/in.purana.linga) › 1.78 # Linga Purana 1.78 Liṅgapurāṇa 1.78 - **Language:** Sanskrit ## Contents - [1.78.26](https://indike.org/pramana/in.purana.linga.1.78.26) — 1 part ### [1.78.1](https://indike.org/pramana/in.purana.linga.1.78.1) sūta uvāca vastrapūtena toyena kāryaṃ caivopalepanam śivakṣetre muniśreṣṭhā nānyathā siddhiriṣyate // ### [1.78.2](https://indike.org/pramana/in.purana.linga.1.78.2) āpaḥ pūtā bhavantyetā vastrapūtāḥ samuddhṛtāḥ aphenā muniśārdūlā nādeyāś ca viśeṣataḥ // ### [1.78.3](https://indike.org/pramana/in.purana.linga.1.78.3) tasmādvai sarvakāryāṇi daivikāni dvijottamāḥ adbhiḥ kāryāṇi pūtābhiḥ sarvakāryaprasiddhaye // ### [1.78.4](https://indike.org/pramana/in.purana.linga.1.78.4) jantubhir miśritā hyāpaḥ sūkṣmābhistānnihatya tu yatpāpaṃ sakalaṃ cādbhir apūtābhiściraṃ labhet // ### [1.78.5](https://indike.org/pramana/in.purana.linga.1.78.5) saṃmārjane tathā nṝṇāṃ mārjane ca viśeṣataḥ agnau kaṇḍanake caiva peṣaṇe toyasaṃgrahe // ### [1.78.6](https://indike.org/pramana/in.purana.linga.1.78.6) hiṃsā sadā gṛhasthānāṃ tasmāddhiṃsāṃ vivarjayet ahiṃseyaṃ paro dharmaḥ sarveṣāṃ prāṇināṃ dvijāḥ // ### [1.78.7](https://indike.org/pramana/in.purana.linga.1.78.7) tasmātsarvaprayatnena vastrapūtaṃ samācaret taddānamabhayaṃ puṇyaṃ sarvadānottamottamam // ### [1.78.8](https://indike.org/pramana/in.purana.linga.1.78.8) tasmāttu parihartavyā hiṃsā sarvatra sarvadā manasā karmaṇā vācā sarvadāhiṃsakaṃ naram // ### [1.78.9](https://indike.org/pramana/in.purana.linga.1.78.9) rakṣanti jantavaḥ sarve hiṃsakaṃ bādhayanti ca trailokyamakhilaṃ dattvā yatphalaṃ vedapārage // ### [1.78.10](https://indike.org/pramana/in.purana.linga.1.78.10) tatphalaṃ koṭiguṇitaṃ labhate 'hiṃsako naraḥ manasā karmaṇā vācā sarvabhūtahite ratāḥ // ### [1.78.11](https://indike.org/pramana/in.purana.linga.1.78.11) dayādarśitapanthāno rudralokaṃ vrajanti ca svāmivatparirakṣanti bahūni vividhāni ca // ### [1.78.12](https://indike.org/pramana/in.purana.linga.1.78.12) ye putrapautravatsnehād rudralokaṃ vrajanti te tasmātsarvaprayatnena vastrapūtena vāriṇā // ### [1.78.13](https://indike.org/pramana/in.purana.linga.1.78.13) kāryamabhyukṣaṇaṃ nityaṃ snapanaṃ ca viśeṣataḥ trailokyamakhilaṃ hatvā yatphalaṃ parikīrtyate // ### [1.78.14](https://indike.org/pramana/in.purana.linga.1.78.14) śivālaye nihatyaikam api tatsakalaṃ labhet śivārthaṃ sarvadā kāryā puṣpahiṃsā dvijottamāḥ // ### [1.78.15](https://indike.org/pramana/in.purana.linga.1.78.15) yajñārthaṃ paśuhiṃsā ca kṣatriyairduṣṭaśāsanam vihitāvihitaṃ nāsti yogināṃ brahmavādinām // ### [1.78.16](https://indike.org/pramana/in.purana.linga.1.78.16) yatastasmānna hantavyā niṣiddhānāṃ niṣevaṇāt sarvakarmāṇi vinyasya saṃnyastā brahmavādinaḥ // ### [1.78.17](https://indike.org/pramana/in.purana.linga.1.78.17) na hantavyāḥ sadā pūjyāḥ pāpakarmaratā api pavitrāstu striyaḥ sarvā atreś ca kulasaṃbhavāḥ // ### [1.78.18](https://indike.org/pramana/in.purana.linga.1.78.18) brahmahatyāsamaṃ pāpam ātreyīṃ vinihatya ca striyaḥ sarvā na hantavyāḥ pāpakarmaratā api // ### [1.78.19](https://indike.org/pramana/in.purana.linga.1.78.19) na yajñārthaṃ striyo grāhyāḥ sarvaiḥ sarvatra sarvadā sarvavarṇeṣu viprendrāḥ pāpakarmaratā api // ### [1.78.20](https://indike.org/pramana/in.purana.linga.1.78.20) malinā rūpavatyaś ca virūpā malināṃbarāḥ na hantavyāḥ sadā martyaiḥ śivavacchaṅkayā tathā // ### [1.78.21](https://indike.org/pramana/in.purana.linga.1.78.21) vedabāhyavratācārāḥ śrautasmārtabahiṣkṛtāḥ pāṣaṇḍina iti khyātā na saṃbhāṣyā dvijātibhiḥ // ### [1.78.22](https://indike.org/pramana/in.purana.linga.1.78.22) na spṛṣṭavyā na draṣṭavyā dṛṣṭvā bhānuṃ samīkṣate tathāpi tena vadhyāś ca nṛpairanyaiś ca jantubhiḥ // ### [1.78.23](https://indike.org/pramana/in.purana.linga.1.78.23) prasaṃgādvāpi yo martyaḥ satāṃ sakṛdaho dvijāḥ rudralokamavāpnoti samabhyarcya maheśvaram // ### [1.78.24](https://indike.org/pramana/in.purana.linga.1.78.24) bhavanti duḥkhitāḥ sarve nirdayā munisattamāḥ bhaktihīnā narāḥ sarve bhave paramakāraṇe // ### [1.78.25](https://indike.org/pramana/in.purana.linga.1.78.25) ye bhaktā devadevasya śivasya parameṣṭhinaḥ bhāgyavanto vimucyante bhuktvā bhogānihaiva te // ### [1.78.26](https://indike.org/pramana/in.purana.linga.1.78.26) putreṣu dāreṣu gṛheṣu nṝṇāṃ bhaktaṃ yathā cittamathādideve sakṛtprasaṃgādyatitāpasānāṃ teṣāṃ na dūraḥ parameśalokaḥ // ### [1.78.26.p1](https://indike.org/pramana/in.purana.linga.1.78.26.p1) iti śrīliṅgamahāpurāṇe pūrvabhāge bhaktimahimavarṇanaṃ nāmāṣṭasaptatitamo 'dhyāyaḥ ## Commentaries (1) - [Śivatoṣiṇī](https://indike.org/pramana/in.purana.linga!ganesa-ballala-natu.91.3) — Gaṇeśa Ballāla Nātū, Sanskrit ## Linked texts (2) - [Vīraśaivācārapradīpikā](https://indike.org/pramana/in.sampradaya.saiva.virasaiva.acara.virasaivacarapradipika.216) — Gurudeva 1575, Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.91.2) — Ativīrarāma Pāṇṭiyar 1500, Sanskrit --- Source: [https://indike.org/pramana/in.purana.linga.1.78](https://indike.org/pramana/in.purana.linga.1.78) · Pramāṇa