[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Lingapurana](https://indike.org/pramana/in.purana.linga) › 1.7 # Lingapurana 1.7 Liṅgapurāṇa 1.7 - **Language:** Sanskrit ### [1.7.1](https://indike.org/pramana/in.purana.linga.1.7.1) sūta uvāca rahasyaṃ vaḥ pravakṣyāmi bhavasyāmitatejasaḥ prabhāvaṃ śaṃkarasyādyaṃ saṃkṣepātsarvadarśinaḥ // ### [1.7.2](https://indike.org/pramana/in.purana.linga.1.7.2) yoginaḥ sarvatattvajñāḥ paraṃ vairāgyamāsthitāḥ // ### [1.7.3](https://indike.org/pramana/in.purana.linga.1.7.3) prāṇāyāmādibhiścāṣṭasādhanaiḥ sahacāriṇaḥ // ### [1.7.4](https://indike.org/pramana/in.purana.linga.1.7.4) karuṇādiguṇopetāḥ kṛtvāpi vividhāni te karmāṇi narakaṃ svargaṃ gacchantyeva svakarmaṇā // ### [1.7.5](https://indike.org/pramana/in.purana.linga.1.7.5) prasādājjāyate jñānaṃ jñānādyogaḥ pravartate yogena jāyate muktiḥ prasādādakhilaṃ tataḥ // ### [1.7.6](https://indike.org/pramana/in.purana.linga.1.7.6) ṛṣaya ūcuḥ prasādād yadi vijñānaṃ svarūpaṃ vaktumarhasi divyaṃ māheśvaraṃ caiva yogaṃ yogavidāṃ vara // ### [1.7.7](https://indike.org/pramana/in.purana.linga.1.7.7) kathaṃ karoti bhagavān cintayā rahitaḥ śivaḥ prasādaṃ yogamārgeṇa kasminkāle nṛṇāṃ vibhuḥ // ### [1.7.8](https://indike.org/pramana/in.purana.linga.1.7.8) romaharṣaṇa uvāca devānāṃ ca ṛṣīṇāṃ ca pitṝṇāṃ saṃnidhau purā śailādinā tu kathitaṃ śṛṇvantu brahmasūnave // ### [1.7.9](https://indike.org/pramana/in.purana.linga.1.7.9) vyāsāvatārāṇi tathā dvāparānte ca suvratāḥ yogācāryāvatārāṇi tathā tiṣye tu śūlinaḥ // ### [1.7.10](https://indike.org/pramana/in.purana.linga.1.7.10) tatratatra vibhoḥ śiṣyāś catvāraḥ śamabhājanāḥ praśiṣyā bahavasteṣāṃ prasīdatyevamīśvaraḥ // ### [1.7.11](https://indike.org/pramana/in.purana.linga.1.7.11) evaṃ kramāgataṃ jñānaṃ mukhādeva nṛṇāṃ vibhoḥ vaiśyāntaṃ brāhmaṇādyaṃ hi ghṛṇayā cānurūpataḥ // ### [1.7.12](https://indike.org/pramana/in.purana.linga.1.7.12) ṛṣaya ūcuḥ dvāpare dvāpare vyāsāḥ ke vai kutrāntareṣu vai kalpeṣu kasminkalpe no vaktumarhasi cātra tān // ### [1.7.13](https://indike.org/pramana/in.purana.linga.1.7.13) sūta uvāca śṛṇvantu kalpe vārāhe dvijā vaivasvatāntare vyāsāṃś ca sāmprataṃ rudrāṃs tathā sarvāntareṣu vai // ### [1.7.14](https://indike.org/pramana/in.purana.linga.1.7.14) vedānāṃ ca purāṇānāṃ tathā jñānapradarśakān yathākramaṃ pravakṣyāmi sarvāvarteṣu sāmpratam // ### [1.7.15](https://indike.org/pramana/in.purana.linga.1.7.15) kratuḥ satyo bhārgavaś ca aṅgirāḥ savitā dvijāḥ mṛtyuḥ śatakraturdhīmān vasiṣṭho munipuṃgavaḥ // ### [1.7.16](https://indike.org/pramana/in.purana.linga.1.7.16) sārasvatastridhāmā ca trivṛto munipuṃgavaḥ śatatejāḥ svayaṃdharmo nārāyaṇa iti śrutaḥ // ### [1.7.17](https://indike.org/pramana/in.purana.linga.1.7.17) tarakṣuścāruṇirdhīmāṃs tathā devaḥ kṛtaṃjayaḥ ṛtaṃjayo bharadvājo gautamaḥ kavisattamaḥ // ### [1.7.18](https://indike.org/pramana/in.purana.linga.1.7.18) vācaśravā muniḥ sākṣāt tathā śuṣmāyaṇiḥ śuciḥ tṛṇabindur munī rūkṣaḥ śaktiḥ śākteya uttaraḥ // ### [1.7.19](https://indike.org/pramana/in.purana.linga.1.7.19) jātūkarṇyo hariḥ sākṣāt kṛṣṇadvaipāyano muniḥ vyāsāstvete ca śṛṇvantu kalau yogeśvarān kramāt // ### [1.7.20](https://indike.org/pramana/in.purana.linga.1.7.20) asaṃkhyātā hi kalpeṣu vibhoḥ sarvāntareṣu ca kalau rudrāvatārāṇāṃ vyāsānāṃ kila gauravāt // ### [1.7.21](https://indike.org/pramana/in.purana.linga.1.7.21) vaivasvatāntare kalpe vārāhe ye ca tān punaḥ avatārān pravakṣyāmi tathā sarvāntareṣu vai // ### [1.7.22](https://indike.org/pramana/in.purana.linga.1.7.22) ṛṣaya ūcuḥ manvantarāṇi vārāhe vaktumarhasi sāmpratam tathaiva cordhvakalpeṣu siddhānvaivasvatāntare // ### [1.7.23](https://indike.org/pramana/in.purana.linga.1.7.23) romaharṣaṇa uvāca manuḥ svāyambhuvastvādyas tataḥ svārociṣo dvijāḥ uttamastāmasaścaiva raivatāścākṣuṣas tathā // ### [1.7.24](https://indike.org/pramana/in.purana.linga.1.7.24) vaivasvataś ca sāvarṇir dharmaḥ sāvarṇikaḥ punaḥ piśaṅgaścāpiśaṅgābhaḥ śabalo varṇakas tathā // ### [1.7.25](https://indike.org/pramana/in.purana.linga.1.7.25) aukārāntā akārādyā manavaḥ parikīrtitāḥ śvetaḥ pāṇḍus tathā raktas tāmraḥ pītaśca kāpilaḥ // ### [1.7.26](https://indike.org/pramana/in.purana.linga.1.7.26) kṛṣṇaḥ śyāmas tathā dhūmraḥ sudhūmraś ca dvijottamāḥ apiśaṅgaḥ piśaṅgaś ca trivarṇaḥ śabalas tathā // ### [1.7.27](https://indike.org/pramana/in.purana.linga.1.7.27) kālaṃdhurastu kathitā varṇato manavaḥ śubhāḥ nāmato varṇataścaiva varṇataḥ punareva ca // ### [1.7.28](https://indike.org/pramana/in.purana.linga.1.7.28) svarātmānaḥ samākhyātāś cāntareśāḥ samāsataḥ vaivasvata ṛkārastu manuḥ kṛṣṇaḥ sureśvaraḥ // ### [1.7.29](https://indike.org/pramana/in.purana.linga.1.7.29) saptamastasya vakṣyāmi yugāvarteṣu yoginaḥ samatīteṣu kalpeṣu tathā cānāgateṣu vai // ### [1.7.30](https://indike.org/pramana/in.purana.linga.1.7.30) vārāhaḥ sāmprataṃ jñeyaḥ saptamāntarataḥ kramāt yogāvatārāṃś ca vibhoḥ śiṣyāṇāṃ saṃtatis tathā // ### [1.7.31](https://indike.org/pramana/in.purana.linga.1.7.31) samprekṣya sarvakāleṣu tathāvarteṣu yoginām ādye śvetaḥ kalau rudraḥ sutāro madanas tathā // ### [1.7.32](https://indike.org/pramana/in.purana.linga.1.7.32) suhotraḥ kaṅkaṇaścaiva lokākṣir munisattamāḥ jaigīṣavyo mahātejā bhagavān dadhivāhanaḥ // ### [1.7.33](https://indike.org/pramana/in.purana.linga.1.7.33) ṛṣabhaś ca munirdhīmān ugraścātriḥ subālakaḥ gautamaścātha bhagavān sarvadevanamaskṛtaḥ // ### [1.7.34](https://indike.org/pramana/in.purana.linga.1.7.34) vedaśīrṣaś ca gokarṇo guhāvāsī śikhaṇḍabhṛt jaṭāmālyaṭṭahāsaś ca dāruko lāṅgalī tathā // ### [1.7.35](https://indike.org/pramana/in.purana.linga.1.7.35) mahākāyamuniḥ śūlī daṇḍī muṇḍīśvaraḥ svayam sahiṣṇuḥ somaśarmā ca nakulīśo jagadguruḥ // ### [1.7.36](https://indike.org/pramana/in.purana.linga.1.7.36) vaivasvate 'ntare samyak proktā hi paramātmanaḥ yogācāryāvatārā ye sarvāvarteṣu suvratāḥ // ### [1.7.37](https://indike.org/pramana/in.purana.linga.1.7.37) vyāsāścaivaṃ muniśreṣṭhā dvāpare dvāpare tvime yogeśvarāṇāṃ catvāraḥ śiṣyāḥ pratyekamavyayāḥ // ### [1.7.38](https://indike.org/pramana/in.purana.linga.1.7.38) śvetaḥ śvetaśikhaṇḍī ca śvetāśvaḥ śvetalohitaḥ dundubhiḥ śatarūpaś ca ṛcīkaḥ ketumāṃs tathā // ### [1.7.39](https://indike.org/pramana/in.purana.linga.1.7.39) viśokaśca vikeśaś ca vipāśaḥ pāpanāśanaḥ sumukho durmukhaścaiva durdamo duratikramaḥ // ### [1.7.40](https://indike.org/pramana/in.purana.linga.1.7.40) sanakaś ca sanandaś ca prabhuryaś ca sanātanaḥ ṛbhuḥ sanatkumāraś ca sudhāmā virajās tathā // ### [1.7.41](https://indike.org/pramana/in.purana.linga.1.7.41) śaṅkhapād vairajaścaiva meghaḥ sārasvatas tathā suvāhano muniśreṣṭho meghavāho mahādyutiḥ // ### [1.7.42](https://indike.org/pramana/in.purana.linga.1.7.42) kapilaścāsuriścaiva tathā pañcaśikho muniḥ vālkalaś ca mahāyogī dharmātmāno mahaujasaḥ // ### [1.7.43](https://indike.org/pramana/in.purana.linga.1.7.43) parāśaraś ca gargaś ca bhārgavaścāṅgirās tathā balabandhur nirāmitraḥ ketuśṛṅgastapodhanaḥ // ### [1.7.44](https://indike.org/pramana/in.purana.linga.1.7.44) lambodaraś ca lambaśca lambākṣo lambakeśakaḥ sarvajñaḥ samabuddhiś ca sādhyaḥ sarvastathaiva ca // ### [1.7.45](https://indike.org/pramana/in.purana.linga.1.7.45) sudhāmā kāśyapaścaiva vāsiṣṭho virajās tathā atrir devasadaścaiva śravaṇo 'tha śraviṣṭhakaḥ kuṇiś ca kuṇibāhuś ca kuśarīraḥ kunetrakaḥ // ### [1.7.46](https://indike.org/pramana/in.purana.linga.1.7.46) kaśyapo 'pyuśanāścaiva cyavano 'tha bṛhaspatiḥ utathyo vāmadevaś ca mahāyogo mahābalaḥ // ### [1.7.47](https://indike.org/pramana/in.purana.linga.1.7.47) vācaśravāḥ sudhīkaśca śyāvāśvaś ca yatīśvaraḥ hiraṇyanābhaḥ kauśalyo logākṣiḥ kuthumis tathā // ### [1.7.48](https://indike.org/pramana/in.purana.linga.1.7.48) sumanturbarbarī vidvān kabandhaḥ kuśikaṃdharaḥ plakṣo dālbhyāyaṇiścaiva ketumān gopanas tathā // ### [1.7.49](https://indike.org/pramana/in.purana.linga.1.7.49) bhallāvī madhupiṅgaśca śvetaketustaponidhiḥ uśiko bṛhadaśvaś ca devalaḥ kavireva ca // ### [1.7.50](https://indike.org/pramana/in.purana.linga.1.7.50) śālihotro 'gniveśaśca yuvanāśvaḥ śaradvasuḥ chagalaḥ kuṇḍakarṇaś ca kumbhaścaiva pravāhakaḥ // ### [1.7.51](https://indike.org/pramana/in.purana.linga.1.7.51) ulūko vidyutaścaiva maṇḍūko hyāśvalāyanaḥ akṣapādaḥ kumāraś ca ulūko vatsa eva ca // ### [1.7.52](https://indike.org/pramana/in.purana.linga.1.7.52) kuśikaścaiva garbhaś ca mitraḥ kauruṣya eva ca śiṣyāstvete mahātmānaḥ sarvāvarteṣu yoginām // ### [1.7.53](https://indike.org/pramana/in.purana.linga.1.7.53) vimalā brahmabhūyiṣṭhā jñānayogaparāyaṇāḥ ete pāśupatāḥ siddhā bhasmoddhūlitavigrahāḥ // ### [1.7.54](https://indike.org/pramana/in.purana.linga.1.7.54) śiṣyāḥ praśiṣyāścaiteṣāṃ śataśo 'tha sahasraśaḥ prāpya pāśupataṃ yogaṃ rudralokāya saṃsthitāḥ // ### [1.7.55](https://indike.org/pramana/in.purana.linga.1.7.55) devādayaḥ piśācāntāḥ paśavaḥ parikīrtitāḥ teṣāṃ patitvātsarveśo bhavaḥ paśupatiḥ smṛtaḥ // ### [1.7.56](https://indike.org/pramana/in.purana.linga.1.7.56) tena praṇīto rudreṇa paśūnāṃ patinā dvijāḥ yogaḥ pāśupato jñeyaḥ parāvaravibhūtaye // ## Commentaries (1) - [Śivatosaṇī Liṅgapurāṇaṭīkā](https://indike.org/pramana/in.purana.linga!ganesa.7.1) — Gaṇeśa Bhaṭṭa, Sanskrit ## Linked texts (3) - [Śivapurāṇa](https://indike.org/pramana/in.purana.siva.7.2.8.33.p22) — Vyāsa, Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.8.1) — Ativīrarāma Pāṇṭiyar 1500, Sanskrit - [Prabhañjana](https://indike.org/pramana/in.darsana.suddhadvaita.vitthala.prabhanjana.4.11.17) — Viṭṭhalanātha 1518, Sanskrit --- Source: [https://indike.org/pramana/in.purana.linga.1.7](https://indike.org/pramana/in.purana.linga.1.7) · Pramāṇa