[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Lingapurana](https://indike.org/pramana/in.purana.linga) › 1.84 # Lingapurana 1.84 Liṅgapurāṇa 1.84 - **Language:** Sanskrit ## Contents - [1.84.72](https://indike.org/pramana/in.purana.linga.1.84.72) — 1 part ### [1.84.1](https://indike.org/pramana/in.purana.linga.1.84.1) sūta uvāca umāmaheśvaraṃ vakṣye vratamīśvarabhāṣitam naranāryādijantūnāṃ hitāya munisattamāḥ // ### [1.84.2](https://indike.org/pramana/in.purana.linga.1.84.2) paurṇamāsyāmamāvāsyāṃ caturdaśyaṣṭamīṣu ca naktamabdaṃ prakurvīta haviṣyaṃ pūjayedbhavam // ### [1.84.3](https://indike.org/pramana/in.purana.linga.1.84.3) umāmaheśapratimāṃ hemnā kṛtvā suśobhanām rājatīṃ vātha varṣānte pratiṣṭhāpya yathāvidhi // ### [1.84.4](https://indike.org/pramana/in.purana.linga.1.84.4) brāhmaṇān bhojayitvā ca dattvā śaktyā ca dakṣiṇām rathādyairvāpi deveśaṃ nītvā rudrālayaṃ prati // ### [1.84.5](https://indike.org/pramana/in.purana.linga.1.84.5) sarvātiśayasaṃyuktaiś chatracāmarabhūṣaṇaiḥ nivedayedvrataṃ caiva śivāya parameṣṭhine // ### [1.84.6](https://indike.org/pramana/in.purana.linga.1.84.6) sa yāti śivasāyujyaṃ nārī devyā yadi prabho aṣṭamyāṃ ca caturdaśyāṃ niyatā brahmacāriṇī // ### [1.84.7](https://indike.org/pramana/in.purana.linga.1.84.7) varṣamekaṃ na bhuñjati kanyā vā vidhavāpi vā varṣānte pratimāṃ kṛtvā pūrvoktavidhinā tataḥ // ### [1.84.8](https://indike.org/pramana/in.purana.linga.1.84.8) pratiṣṭhāpya yathānyāyaṃ dattvā rudrālaye punaḥ brāhmaṇān bhojayitvā ca bhavānyā saha modate // ### [1.84.9](https://indike.org/pramana/in.purana.linga.1.84.9) yā nāryevaṃ caredabdaṃ kṛṣṇāmekāṃ caturdaśīm varṣānte pratimāṃ kṛtvā yena kenāpi vā dvijāḥ // ### [1.84.10](https://indike.org/pramana/in.purana.linga.1.84.10) pūrvoktamakhilaṃ kṛtvā bhavānyā saha modate amāvāsyāṃ nirāhārā bhavedabdaṃ suyantritā // ### [1.84.11](https://indike.org/pramana/in.purana.linga.1.84.11) śūlaṃ ca vidhinā kṛtvā varṣānte vinivedayet snāpyeśānaṃ yajedbhaktyā sahasraiḥ kamalaiḥ sitaiḥ // ### [1.84.12](https://indike.org/pramana/in.purana.linga.1.84.12) rājataṃ kamalaṃ caiva jāṃbūnadasukarṇikam dattvā bhavāya viprebhyaḥ pradadyād dakṣiṇām api // ### [1.84.13](https://indike.org/pramana/in.purana.linga.1.84.13) kāmato 'pi kṛtaṃ pāpaṃ bhrūṇahatyādikaṃ ca yat tatsarvaṃ śūladānena bhindyānnārī na saṃśayaḥ // ### [1.84.14](https://indike.org/pramana/in.purana.linga.1.84.14) sāyujyaṃ caivamāpnoti bhavānyā dvijasattamāḥ kuryādyadvā naraḥ so 'pi rudrasāyujyamāpnuyāt // ### [1.84.15](https://indike.org/pramana/in.purana.linga.1.84.15) paurṇamāsyāmamāvāsyāṃ varṣamekamatandritā upavāsaratā nārī naro 'pi dvijasattamāḥ // ### [1.84.16](https://indike.org/pramana/in.purana.linga.1.84.16) niyogādeva tatkāryaṃ bhartṝṇāṃ dvijasattamāḥ japaṃ dānaṃ tapaḥ sarvam asvatantrā yataḥ striyaḥ // ### [1.84.17](https://indike.org/pramana/in.purana.linga.1.84.17) varṣānte sarvagandhāḍhyāṃ pratimāṃ saṃnivedayet sā bhavānyāś ca sāyujyaṃ sārūpyaṃ cāpi suvratā // ### [1.84.18](https://indike.org/pramana/in.purana.linga.1.84.18) labhate nātra saṃdehaḥ satyaṃ satyaṃ vadāmyaham kārtikyāṃ vā tu yā nārī ekabhaktena vartate // ### [1.84.19](https://indike.org/pramana/in.purana.linga.1.84.19) kṣamāhiṃsādiniyamaiḥ saṃyuktā brahmacāriṇī dadyātkṛṣṇatilānāṃ ca bhāramekam atandritā // ### [1.84.20](https://indike.org/pramana/in.purana.linga.1.84.20) saghṛtaṃ saguḍaṃ caiva odanaṃ parameṣṭhine dattvā ca brāhmaṇebhyaś ca yathā vibhavavistaram // ### [1.84.21](https://indike.org/pramana/in.purana.linga.1.84.21) aṣṭamyāṃ ca caturdaśyām upavāsaratā ca sā bhavānyā modate sārdhaṃ sārūpyaṃ prāpya suvratā // ### [1.84.22](https://indike.org/pramana/in.purana.linga.1.84.22) kṣamā satyaṃ dayā dānaṃ śaucamindriyanigrahaḥ sarvavrateṣvayaṃ dharmaḥ sāmānyo rudrapūjanam // ### [1.84.23](https://indike.org/pramana/in.purana.linga.1.84.23) samāsādvaḥ pravakṣyāmi pratimāsamanukramāt mārgaśīrṣakamāsādikārttikāntaṃ yathākramam // ### [1.84.24](https://indike.org/pramana/in.purana.linga.1.84.24) vrataṃ suvipulaṃ puṇyaṃ nandinā paribhāṣitam mārgaśīrṣakamāse 'tha vṛṣaṃ pūrṇāṅgamuttamam // ### [1.84.25](https://indike.org/pramana/in.purana.linga.1.84.25) alaṃkṛtya yathānyāyaṃ śivāya vinivedayet sā ca sārdhaṃ bhavānyā vai modate nātra saṃśayaḥ // ### [1.84.26](https://indike.org/pramana/in.purana.linga.1.84.26) puṣyamāse tu vai śūlaṃ pratiṣṭhāpya nivedayet pūrvoktamakhilaṃ kṛtvā bhavānyā saha modate // ### [1.84.27](https://indike.org/pramana/in.purana.linga.1.84.27) māghamāse rathaṃ kṛtvā sarvalakṣaṇalakṣitam dadyāt sampūjya deveśaṃ brāhmaṇāṃścaiva bhojayet // ### [1.84.28](https://indike.org/pramana/in.purana.linga.1.84.28) sā ca devyā mahābhāgā modate nātra saṃśayaḥ phālgune pratimāṃ kṛtvā hiraṇyena yathāvidhi // ### [1.84.29](https://indike.org/pramana/in.purana.linga.1.84.29) rājatenāpi tāmreṇa yathāvibhavavistaram pratiṣṭhāpya samabhyarcya sthāpayecchaṅkarālaye // ### [1.84.30](https://indike.org/pramana/in.purana.linga.1.84.30) sā ca sārdhaṃ mahādevyā modate nātra saṃśayaḥ caitre bhavaṃ kumāraṃ ca bhavānīṃ ca yathāvidhi // ### [1.84.31](https://indike.org/pramana/in.purana.linga.1.84.31) tāmrādyairvidhivatkṛtvā pratiṣṭhāpya yathāvidhi bhavānyā modate sārdhaṃ dattvā rudrāya śaṃbhave // ### [1.84.32](https://indike.org/pramana/in.purana.linga.1.84.32) kṛtvālayaṃ hi kauberaṃ rājataṃ rajatena vai īśvaromāsamāyuktaṃ gaṇeśaiś ca samantataḥ // ### [1.84.33](https://indike.org/pramana/in.purana.linga.1.84.33) sarvaratnasamāyuktaṃ pratiṣṭhāpya yathāvidhi sthāpayetparameśasya bhavasyāyatane śubhe // ### [1.84.34](https://indike.org/pramana/in.purana.linga.1.84.34) vaiśākhe vai cared evaṃ kailāsākhyaṃ vratottamam kailāsaparvataṃ prāpya bhavānyā saha modate // ### [1.84.35](https://indike.org/pramana/in.purana.linga.1.84.35) jyeṣṭhe māsi mahādevaṃ liṅgamūrtimumāpatim kṛtāñjalipuṭenaiva brahmaṇā viṣṇunā tathā // ### [1.84.36](https://indike.org/pramana/in.purana.linga.1.84.36) madhye bhavena saṃyuktaṃ liṅgamūrti dvijottamāḥ haṃsena ca varāheṇa kṛtvā tāmrādibhiḥ śubhām // ### [1.84.37](https://indike.org/pramana/in.purana.linga.1.84.37) pratiṣṭhāpya yathānyāyaṃ brāhmaṇān bhojayettataḥ śivāya śivamāsādya śivasthāne yathāvidhi // ### [1.84.38](https://indike.org/pramana/in.purana.linga.1.84.38) brāhmaṇaiḥ sahitāṃ sthāpya devyāḥ sāyujyamāpnuyāt āṣāḍhe ca śubhe māse gṛhaṃ kṛtvā suśobhanam // ### [1.84.39](https://indike.org/pramana/in.purana.linga.1.84.39) pakveṣṭakābhir vidhivad yathāvibhavavistaram sarvabījarasaiścāpi sampūrṇaṃ sarvaśobhanaiḥ // ### [1.84.40](https://indike.org/pramana/in.purana.linga.1.84.40) gṛhopakaraṇaiścaiva musalolūkhalādibhiḥ dāsīdāsādibhiścaiva śayanairaśanādibhiḥ // ### [1.84.41](https://indike.org/pramana/in.purana.linga.1.84.41) sampūrṇaiś ca gṛhaṃ vastrair ācchādya ca samantataḥ devaṃ ghṛtādibhiḥ snāpya mahādevamumāpatim // ### [1.84.42](https://indike.org/pramana/in.purana.linga.1.84.42) brāhmaṇānāṃ sahasraṃ ca bhojayitvā yathāvidhi vidyāvinayasampannaṃ brāhmaṇaṃ vedapāragam // ### [1.84.43](https://indike.org/pramana/in.purana.linga.1.84.43) prathamāśramiṇaṃ bhaktyā sampūjya ca yathāvidhi kanyāṃ sumadhyamāṃ yāvat kālajīvanasaṃyutām // ### [1.84.44](https://indike.org/pramana/in.purana.linga.1.84.44) kṣetraṃ gomithunaṃ caiva tadgṛhe ca nivedayet sāyanair vividhair divyair meruparvatasannibhaiḥ // ### [1.84.45](https://indike.org/pramana/in.purana.linga.1.84.45) golokaṃ samanuprāpya bhavānyā saha modate bhavānyā sadṛśībhūtvā sarvakalpeṣu sāvyayā // ### [1.84.46](https://indike.org/pramana/in.purana.linga.1.84.46) bhavānyāścaiva sāyujyaṃ labhate nātra saṃśayaḥ sarvadhātusamākīrṇaṃ vicitradhvajaśobhitam // ### [1.84.47](https://indike.org/pramana/in.purana.linga.1.84.47) nivedayīta śarvāya śrāvaṇe tilaparvatam vitānadhvajavastrādyair dhātubhiś ca nivedayet // ### [1.84.48](https://indike.org/pramana/in.purana.linga.1.84.48) brāhmaṇān bhojayitvā ca pūrvoktamakhilaṃ bhavet kṛtvā bhādrapade māsi śobhanaṃ śāliparvatam // ### [1.84.49](https://indike.org/pramana/in.purana.linga.1.84.49) vitānadhvajavastrādyair dhātubhiś ca nivedayet brāhmaṇān bhojayitvā ca dāpayecca yathāvidhi // ### [1.84.50](https://indike.org/pramana/in.purana.linga.1.84.50) sā ca sūryāṃśusaṃkāśā bhavānyā saha modate kṛtvā cāśvayuje māsi vipulaṃ dhānyaparvatam // ### [1.84.51](https://indike.org/pramana/in.purana.linga.1.84.51) suvarṇavastrasaṃyuktaṃ dattvā sampūjya śaṅkaram brāhmaṇān bhojayitvā ca pūrvoktamakhilaṃ bhavet // ### [1.84.52](https://indike.org/pramana/in.purana.linga.1.84.52) sarvadhānyasamāyuktaṃ sarvabījarasādibhiḥ sarvadhātusamāyuktaṃ sarvaratnopaśobhitam // ### [1.84.53](https://indike.org/pramana/in.purana.linga.1.84.53) śṛṅgaiścaturbhiḥ saṃyuktaṃ vitānacchatraśobhitam gandhamālyais tathā dhūpaiś citraiścāpi suśobhitam // ### [1.84.54](https://indike.org/pramana/in.purana.linga.1.84.54) vicitrairnṛtyageyaiś ca śaṅkhavīṇādibhis tathā brahmaghoṣairmahāpuṇyaṃ maṅgalaiś ca viśeṣataḥ // ### [1.84.55](https://indike.org/pramana/in.purana.linga.1.84.55) mahādhvajāṣṭasaṃyuktaṃ vicitrakusumojjvalam nagendraṃ merunāmānaṃ trailokyādhāramuttamam // ### [1.84.56](https://indike.org/pramana/in.purana.linga.1.84.56) tasya mūrdhni śivaṃ kuryān madhyato dhātunaiva tu dakṣiṇe ca yathānyāyaṃ brahmāṇaṃ ca caturmukham // ### [1.84.57](https://indike.org/pramana/in.purana.linga.1.84.57) uttare devadeveśaṃ nārāyaṇamanāmayam indrādilokapālāṃś ca kṛtvā bhaktyā yathāvidhi // ### [1.84.58](https://indike.org/pramana/in.purana.linga.1.84.58) pratiṣṭhāpya tataḥ snāpya samabhyarcya maheśvaram devasya dakṣiṇe haste śūlaṃ tridaśapūjitam // ### [1.84.59](https://indike.org/pramana/in.purana.linga.1.84.59) vāme pāśaṃ bhavānyāś ca kamalaṃ hemabhūṣitam viṣṇoś ca śaṅkhaṃ cakraṃ ca gadāmabjaṃ prayatnataḥ // ### [1.84.60](https://indike.org/pramana/in.purana.linga.1.84.60) brahmaṇaścākṣasūtraṃ ca kamaṇḍalumanuttamam indrasya vajram agneś ca śaktyākhyaṃ paramāyudham // ### [1.84.61](https://indike.org/pramana/in.purana.linga.1.84.61) yamasya daṇḍaṃ nirṛteḥ khaḍgaṃ niśicarasya tu varuṇasya mahāpāśaṃ nāgākhyaṃ rudramadbhutam // ### [1.84.62](https://indike.org/pramana/in.purana.linga.1.84.62) vāyor yaṣṭiṃ kuberasya gadāṃ lokaprapūjitām ṭaṅkaṃ ceśānadevasya nivedyaivaṃ krameṇa ca // ### [1.84.63](https://indike.org/pramana/in.purana.linga.1.84.63) śivasya mahatīṃ pūjāṃ kṛtvā carusamanvitām pūjayetsarvadevāṃś ca yathāvibhavavistaram // ### [1.84.64](https://indike.org/pramana/in.purana.linga.1.84.64) brāhmaṇānbhojayitvā ca pūjāṃ kṛtvā prayatnataḥ mahāmeruvrataṃ kṛtvā mahādevāya dāpayet // ### [1.84.65](https://indike.org/pramana/in.purana.linga.1.84.65) mahāmerumanuprāpya mahādevyā pramodate ciraṃ sāyujyam āpnoti mahādevyā na saṃśayaḥ // ### [1.84.66](https://indike.org/pramana/in.purana.linga.1.84.66) kārtikyāmapi yā nārī kṛtvā devīmumāṃ śubhām sarvābharaṇasampūrṇāṃ sarvalakṣaṇalakṣitām // ### [1.84.67](https://indike.org/pramana/in.purana.linga.1.84.67) hematāmrādibhiścaiva pratiṣṭhāpya vidhānataḥ devaṃ ca kṛtvā deveśaṃ sarvalakṣaṇasaṃyutam // ### [1.84.68](https://indike.org/pramana/in.purana.linga.1.84.68) tayoragre hutāśaṃ ca sruvahastaṃ pitāmaham nārāyaṇaṃ ca dātāraṃ sarvābharaṇabhūṣitam // ### [1.84.69](https://indike.org/pramana/in.purana.linga.1.84.69) lokapālais tathā siddhaiḥ saṃvṛtaṃ sthāpya yatnataḥ rudrālaye vrataṃ tasmai dāpayedbhaktipūrvakam // ### [1.84.70](https://indike.org/pramana/in.purana.linga.1.84.70) sā bhavānyāstanuṃ gatvā bhavena saha modate ekabhaktavrataṃ puṇyaṃ pratimāsamanukramāt // ### [1.84.71](https://indike.org/pramana/in.purana.linga.1.84.71) mārgaśīrṣakamāsādikārtikāntaṃ pravartitam naranāryādijantūnāṃ hitāya munisattamāḥ // ### [1.84.72](https://indike.org/pramana/in.purana.linga.1.84.72) naraḥ kṛtvā vrataṃ caiva śivasāyujyamāpnuyāt nārī devyā na saṃdehaḥ śivena paribhāṣitam // ### [1.84.72.p1](https://indike.org/pramana/in.purana.linga.1.84.72.p1) iti śrīliṅgamahāpurāṇe pūrvabhāge umāmaheśvaravrataṃ nāma caturaśītitamo 'dhyāyaḥ ## Commentaries (1) - [Śivatosaṇī Liṅgapurāṇaṭīkā](https://indike.org/pramana/in.purana.linga!ganesa.98.1) — Gaṇeśa Bhaṭṭa, Sanskrit ## Linked texts (4) - [Śivadharmottara](https://indike.org/pramana/in.sampradaya.saiva.sivadharma.sivadharmottara.1249) — Sanskrit - [Śivadharmaśāstra (IFP/EFEO 860 copied from R2442 G.O.N.L., Madras)](https://indike.org/pramana/in.sampradaya.saiva.sivadharma.sivadharmasastra*ms-ifp-efeo-860-copied.2.388) — Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.98.1) — Ativīrarāma Pāṇṭiyar 1500, Sanskrit - [Vratakāṇḍa](https://indike.org/pramana/in.niti.dharma.vrata.vratakanda.6.p588) — Lakṣmīdhara, Sanskrit --- Source: [https://indike.org/pramana/in.purana.linga.1.84](https://indike.org/pramana/in.purana.linga.1.84) · Pramāṇa