[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Lingapurana](https://indike.org/pramana/in.purana.linga) › 1.92 # Lingapurana 1.92 Liṅgapurāṇa 1.92 - **Language:** Sanskrit ## Contents - [1.92.190](https://indike.org/pramana/in.purana.linga.1.92.190) — 1 part ### [1.92.1](https://indike.org/pramana/in.purana.linga.1.92.1) ṛṣaya ūcuḥ evaṃ vārāṇasī puṇyā yadi sūta mahāmate vaktumarhasi cāsmākaṃ tatprabhāvaṃ hi sāṃpratam // ### [1.92.2](https://indike.org/pramana/in.purana.linga.1.92.2) kṣetrasyāsya ca māhātmyam avimuktasya śobhanam vistareṇa yathānyāyaṃ śrotuṃ kautūhalaṃ hi naḥ // ### [1.92.3](https://indike.org/pramana/in.purana.linga.1.92.3) sūta uvāca vakṣye saṃkṣepataḥ samyak vārāṇasyāḥ suśobhanam avimuktasya māhātmyaṃ yathāha bhagavān bhavaḥ // ### [1.92.4](https://indike.org/pramana/in.purana.linga.1.92.4) vistareṇa mayā vaktuṃ brahmaṇā ca mahātmanā śakyate naiva viprendrā varṣakoṭiśatairapi // ### [1.92.5](https://indike.org/pramana/in.purana.linga.1.92.5) devaḥ purā kṛtodvāhaḥ śaṅkaro nīlalohitaḥ himavacchikharāddevyā haimavatyā gaṇeśvaraiḥ // ### [1.92.6](https://indike.org/pramana/in.purana.linga.1.92.6) vārāṇasīmanuprāpya darśayāmāsa śaṅkaraḥ avimukteśvaraṃ liṅgaṃ vāsaṃ tatra cakāra saḥ // ### [1.92.7](https://indike.org/pramana/in.purana.linga.1.92.7) vārāṇasīkurukṣetraśrīparvatamahālaye tuṅgeśvare ca kedāre tatsthāne yo yatirbhavet // ### [1.92.8](https://indike.org/pramana/in.purana.linga.1.92.8) yoge pāśupate samyak dinamekaṃ yatirbhavet tasmātsarvaṃ parityajya caret pāśupataṃ vratam // ### [1.92.9](https://indike.org/pramana/in.purana.linga.1.92.9) devodyāne vasettatra śarvodyānamanuttamam manasā nirmame rudro vimānaṃ ca suśobhanam // ### [1.92.10](https://indike.org/pramana/in.purana.linga.1.92.10) darśayāmāsa ca tadā devodyānamanuttamam haimavatyāḥ svayaṃ devaḥ sanandī parameśvaraḥ // ### [1.92.11](https://indike.org/pramana/in.purana.linga.1.92.11) kṣetrasyāsya ca māhātmyam avimuktasya śaṅkaraḥ uktavānparameśānaḥ pārvatyāḥ prītaye bhavaḥ // ### [1.92.12](https://indike.org/pramana/in.purana.linga.1.92.12) praphullanānāvidhagulmaśobhitaṃ latāpratānādimanoharaṃ bahiḥ virūḍhapuṣpaiḥ paritaḥ priyaṅgubhiḥ supuṣpitaiḥ kaṇṭakitaiś ca ketakaiḥ // ### [1.92.13](https://indike.org/pramana/in.purana.linga.1.92.13) tamālagulmairnicitaṃ sugandhibhir nikāmapuṣpairvakulaiś ca sarvataḥ aśokapunnāgaśataiḥ supuṣpitair dvirephamālākulapuṣpasaṃcayaiḥ // ### [1.92.14](https://indike.org/pramana/in.purana.linga.1.92.14) kvacit praphullāmbujareṇubhūṣitair vihaṅgamaiś cānukalapraṇādibhiḥ vināditaṃ sārasacakravākaiḥ pramattadātyūhavaraiś ca sarvataḥ // ### [1.92.15](https://indike.org/pramana/in.purana.linga.1.92.15) kvacicca kekārutanāditaṃ śubhaṃ kvacicca kāraṇḍavanādanāditam kvacicca mattālikulākulīkṛtaṃ madākulābhir bhramarāṅganādibhiḥ // ### [1.92.16](https://indike.org/pramana/in.purana.linga.1.92.16) niṣevitaṃ cārusugandhipuṣpakaiḥ kvacit supuṣpaiḥ sahakāravṛkṣaiḥ latopagūḍhaistilakaiś ca gūḍhaṃ pragītavidyādharasiddhacāraṇam // ### [1.92.17](https://indike.org/pramana/in.purana.linga.1.92.17) pravṛttanṛttānugatāpsarogaṇaṃ prahṛṣṭanānāvidhapakṣisevitam pranṛttahārītakulopanāditaṃ mṛgendranādākulamattamānasaiḥ // ### [1.92.18](https://indike.org/pramana/in.purana.linga.1.92.18) kvacit kvacid gandhakadambakair mṛgair vilūnadarbhāṅkurapuṣpasaṃcayam praphullanānāvidhacārupaṅkajaiḥ sarastaḍāgairupaśobhitaṃ kvacit // ### [1.92.19](https://indike.org/pramana/in.purana.linga.1.92.19) viṭapanicayalīnaṃ nīlakaṇṭhābhirāmaṃ madamuditavihaṅgaṃ prāptanādābhirāmam kusumitataruśākhālīnamattadvirephaṃ navakisalayaśobhāśobhitaṃ prāṃśuśākham // ### [1.92.20](https://indike.org/pramana/in.purana.linga.1.92.20) kvacidvilāsālasagāminībhir niṣevitaṃ kiṃpuruṣāṅganābhiḥ // ### [1.92.21](https://indike.org/pramana/in.purana.linga.1.92.21) pārāvatadhvanivikūjitacāruśṛṅgair abhraṅkaṣaiḥ sitamanoharacārurūpaiḥ ākīrṇapuṣpanikarapravibhaktahaṃsair vibhrājitaṃ tridaśadivyakulairanekaiḥ // ### [1.92.22](https://indike.org/pramana/in.purana.linga.1.92.22) phullotpalāṃbujavitānasahasrayuktaṃ toyāśayaiḥ samanuśobhitadevamārgam mārgāntarākalitapuṣpavicitrapaṅktisambaddhagulmaviṭapair vividhairupetam // ### [1.92.23](https://indike.org/pramana/in.purana.linga.1.92.23) tuṅgāgrair nīlapuṣpastabakabharanataprāṃśuśākhair aśokair dolāprāntāntanīlaśrutisukhajanakair bhāsitāntaṃ manojñaiḥ rātrau candrasya bhāsā kusumitatilakairekatāṃ samprayātaṃ chāyāsuptaprabuddhasthitahariṇakulāluptadūrvāṅkurāgram // ### [1.92.24](https://indike.org/pramana/in.purana.linga.1.92.24) haṃsānāṃ pakṣavātapracalitakamalasvacchavistīrṇatoyaṃ toyānāṃ tīrajātapracakitakadalīcāṭunṛtyanmayūram māyūraiḥ pakṣacandraiḥ kvacidavanigatai rañjitakṣmāpradeśaṃ deśe deśe vilīnapramuditavilasanmattahārītavṛndam // ### [1.92.25](https://indike.org/pramana/in.purana.linga.1.92.25) sāraṅgaiḥ kvacidupaśobhitapradeśaṃ pracchannaṃ kusumacayaiḥ kvacidvicitraiḥ hṛṣṭābhiḥ kvacidapi kinnarāṅganābhir vīṇābhiḥ sumadhuragītanṛttakaṇṭham // ### [1.92.26](https://indike.org/pramana/in.purana.linga.1.92.26) saṃsṛṣṭaiḥ kvacidupaliptakīrṇapuṣpair āvāsaiḥ parivṛtapādapaṃ munīnām ā mūlāt phalanicitaiḥ kvacidviśālair uttuṅgaiḥ panasamahīruhairupetam // ### [1.92.27](https://indike.org/pramana/in.purana.linga.1.92.27) ramyaṃ priyaṅgutarumañjarisaktabhṛṅgaṃ bhṛṅgāvalīkavalitāmrakadambapuṣpam // ### [1.92.28](https://indike.org/pramana/in.purana.linga.1.92.28) puṣpotkarānilavighūrṇitavāriramyaṃ ramyadvirephavinipātitamañjugulmam gulmāntaraprasabhabhītamṛgīsamūhaṃ vāteritaṃ tanubhṛtāmapavargadātṛ // ### [1.92.29](https://indike.org/pramana/in.purana.linga.1.92.29) candrāṃśujālaśabalais tilakair manojñaiḥ sindūrakuṅkumakusumbhanibhair aśokaiḥ cāmīkaradyutisamairatha karṇikāraiḥ puṣpotkarairupacitaṃ suviśālaśākhaiḥ // ### [1.92.30](https://indike.org/pramana/in.purana.linga.1.92.30) kvacidañjanacūrṇābhaiḥ kvacid vidrumasannibhaiḥ kvacitkāñcanasaṃkāśaiḥ puṣpair ācitabhūtalam // ### [1.92.31](https://indike.org/pramana/in.purana.linga.1.92.31) punnāgeṣu dvijaśatavirutaṃ raktāśokastabakabharanatam ramyopāntaklamahārabhavanaṃ phullābjeṣu bhramaravilasitam // ### [1.92.32](https://indike.org/pramana/in.purana.linga.1.92.32) sakalabhuvanabhartā lokanāthastadānīṃ tuhinaśikharaputryā sārdhamiṣṭairgaṇeśaiḥ vividhataruviśālaṃ mattahṛṣṭānnapuṣṭair upavanam atiramyaṃ darśayāmāsa devyāḥ // ### [1.92.33](https://indike.org/pramana/in.purana.linga.1.92.33) puṣpairvanyaiḥ śubhaśubhatamaiḥ kalpitairdivyabhūṣair devīṃ divyāmupavanagatāṃ bhūṣayāmāsa śarvaḥ sā cāpyenaṃ tuhinagirisutā śaṅkaraṃ devadevaṃ puṣpairdivyaiḥ śubhataratamair bhūṣayāmāsa bhaktyā // ### [1.92.34](https://indike.org/pramana/in.purana.linga.1.92.34) sampūjya pūjyaṃ tridaśeśvarāṇāṃ samprekṣya codyānam atīva ramyam gaṇeśvarair nandimukhaiś ca sārdham uvāca devaṃ praṇipatya devī // ### [1.92.35](https://indike.org/pramana/in.purana.linga.1.92.35) śrīdevyuvāca udyānaṃ darśitaṃ deva prabhayā parayā yutam kṣetrasya ca guṇānsarvān punarme vaktumarhasi // ### [1.92.36](https://indike.org/pramana/in.purana.linga.1.92.36) asya kṣetrasya māhātmyam avimuktasya sarvathā vaktumarhasi deveśa devadeva vṛṣadhvaja // ### [1.92.37](https://indike.org/pramana/in.purana.linga.1.92.37) sūta uvāca devyāstadvacanaṃ śrutvā devadevo varaprabhuḥ āghrāya vadanāmbhojaṃ tadāha girijāṃ hasan // ### [1.92.38](https://indike.org/pramana/in.purana.linga.1.92.38) śrībhagavānuvāca idaṃ guhyatamaṃ kṣetraṃ sadā vārāṇasī mama sarveṣāmeva jantūnāṃ heturmokṣasya sarvadā // ### [1.92.39](https://indike.org/pramana/in.purana.linga.1.92.39) asminsiddhāḥ sadā devi madīyaṃ vratamāsthitāḥ nānāliṅgadharā nityaṃ mama lokābhikāṅkṣiṇaḥ // ### [1.92.40](https://indike.org/pramana/in.purana.linga.1.92.40) abhyasyanti paraṃ yogaṃ yuktātmāno jitendriyāḥ nānāvṛkṣasamākīrṇe nānāvihagaśobhite // ### [1.92.41](https://indike.org/pramana/in.purana.linga.1.92.41) kamalotpalapuṣpāḍhyaiḥ sarobhiḥ samalaṃkṛte apsarogaṇagandharvaiḥ sadā saṃsevite śubhe // ### [1.92.42](https://indike.org/pramana/in.purana.linga.1.92.42) rocate me sadā vāso yena kāryeṇa tacchṛṇu manmanā mama bhaktaś ca mayi nityārpitakriyaḥ // ### [1.92.43](https://indike.org/pramana/in.purana.linga.1.92.43) yathā mokṣamavāpnoti anyatra na tathā kvacit kāmaṃ hyatra mṛto devi janturmokṣāya kalpate // ### [1.92.44](https://indike.org/pramana/in.purana.linga.1.92.44) etanmama puraṃ divyaṃ guhyādguhyatamaṃ mahat brahmādayo vijānanti ye ca siddhā mumukṣavaḥ // ### [1.92.45](https://indike.org/pramana/in.purana.linga.1.92.45) ataḥ paramidaṃ kṣetraṃ parā ceyaṃ gatirmama vimuktaṃ na mayā yasmān mokṣyate vā kadācana // ### [1.92.46](https://indike.org/pramana/in.purana.linga.1.92.46) mama kṣetramidaṃ tasmād avimuktamiti smṛtam naimiṣe ca kurukṣetre gaṅgādvāre ca puṣkare // ### [1.92.47](https://indike.org/pramana/in.purana.linga.1.92.47) snānātsaṃsevanādvāpi na mokṣaḥ prāpyate yataḥ iha samprāpyate yena tata etadviśiṣyate // ### [1.92.48](https://indike.org/pramana/in.purana.linga.1.92.48) prayāge vā bhavenmokṣa iha vā matparigrahāt prayāgādapi tīrthāgryād avimuktamidaṃ śubham // ### [1.92.49](https://indike.org/pramana/in.purana.linga.1.92.49) dharmasyopaniṣat satyaṃ mokṣasyopaniṣac chamaḥ kṣetratīrthopaniṣadaṃ na vidurbudhasattamāḥ // ### [1.92.50](https://indike.org/pramana/in.purana.linga.1.92.50) kāmaṃ bhuñjan svapan krīḍan kurvan hi vividhāḥ kriyāḥ avimukte tyajetprāṇān janturmokṣāya kalpate // ### [1.92.51](https://indike.org/pramana/in.purana.linga.1.92.51) kṛtvā pāpasahasrāṇi piśācatvaṃ varaṃ nṛṇām na tu śakrasahasratvaṃ svarge kāśīpurīṃ vinā // ### [1.92.52](https://indike.org/pramana/in.purana.linga.1.92.52) tasmātsaṃsevanīyaṃ hi avimuktaṃ hi muktaye jaigīṣavyaḥ parāṃ siddhiṃ gato yatra mahātapāḥ // ### [1.92.53](https://indike.org/pramana/in.purana.linga.1.92.53) asya kṣetrasya māhātmyād bhaktyā ca mama bhāvitaḥ jaigīṣavyaguhā śreṣṭhā yogināṃ sthānamiṣyate // ### [1.92.54](https://indike.org/pramana/in.purana.linga.1.92.54) dhyāyantastatra māṃ nityaṃ yogāgnirdīpyate bhṛśam kaivalyaṃ paramaṃ yāti devānāmapi durlabham // ### [1.92.55](https://indike.org/pramana/in.purana.linga.1.92.55) avyaktaliṅgairmunibhiḥ sarvasiddhāntavedibhiḥ iha samprāpyate mokṣo durlabho 'nyatra karhicit // ### [1.92.56](https://indike.org/pramana/in.purana.linga.1.92.56) tebhyaścāhaṃ pravakṣyāmi yogaiśvaryamanuttamam ātmanaścaiva sāyujyam īpsitaṃ sthānameva ca // ### [1.92.57](https://indike.org/pramana/in.purana.linga.1.92.57) kubero 'tra mama kṣetre mayi sarvārpitakriyaḥ kṣetrasaṃsevanādeva gaṇeśatvamavāpa ha // ### [1.92.58](https://indike.org/pramana/in.purana.linga.1.92.58) saṃvarto bhavitā yaś ca so 'pi bhakto mamaiva tu ihaivārādhya māṃ devi siddhiṃ yāsyatyanuttamām // ### [1.92.59](https://indike.org/pramana/in.purana.linga.1.92.59) parāśarasutau yogī ṛṣirvyāso mahātapāḥ mama bhakto bhaviṣyaś ca vedasaṃsthāpravartakaḥ // ### [1.92.60](https://indike.org/pramana/in.purana.linga.1.92.60) raṃsyate so 'pi padmākṣi kṣetre 'sminmunipuṅgavaḥ brahmā devarṣibhiḥ sārddhaṃ viṣṇurvāpi divākaraḥ // ### [1.92.61](https://indike.org/pramana/in.purana.linga.1.92.61) devarājastathā śakro ye 'pi cānye divaukasaḥ upāsate mahātmānaḥ sarve māmiha suvrate // ### [1.92.62](https://indike.org/pramana/in.purana.linga.1.92.62) anye 'pi yogino divyāś channarūpā mahātmanaḥ ananyamanaso bhūtvā māmihopāsate sadā // ### [1.92.63](https://indike.org/pramana/in.purana.linga.1.92.63) viṣayāsaktacitto 'pi tyaktadharmaratirnaraḥ iha kṣetre mṛtaḥ so 'pi saṃsāre na punarbhavet // ### [1.92.64](https://indike.org/pramana/in.purana.linga.1.92.64) ye punarnirmamā dhīrāḥ sattvasthā vijitendriyāḥ vratinaś ca nirārambhāḥ sarve te mayi bhāvitāḥ // ### [1.92.65](https://indike.org/pramana/in.purana.linga.1.92.65) devadevaṃ samāsādya dhīmantaḥ saṃgavarjitāḥ gatā iha paraṃ mokṣaṃ prasādānmama suvrate // ### [1.92.66](https://indike.org/pramana/in.purana.linga.1.92.66) janmāntarasahasreṣu yaṃ na yogī samāpnuyāt tamihaiva paraṃ mokṣaṃ prasādānmama suvrate // ### [1.92.67](https://indike.org/pramana/in.purana.linga.1.92.67) goprekṣakam idaṃ kṣetraṃ brahmaṇā sthāpitaṃ purā kailāsabhavanaṃ cātra paśya divyaṃ varānane // ### [1.92.68](https://indike.org/pramana/in.purana.linga.1.92.68) goprekṣakam athāgamya dṛṣṭvā māmatra mānavaḥ na durgatimavāpnoti kalmaṣaiś ca vimucyate // ### [1.92.69](https://indike.org/pramana/in.purana.linga.1.92.69) kapilāhradam ityevaṃ tathā vai brahmaṇā kṛtam gavāṃ stanyajatoyena tīrthaṃ puṇyatamaṃ mahat // ### [1.92.70](https://indike.org/pramana/in.purana.linga.1.92.70) atrāpi svayamevāhaṃ vṛṣadhvaja iti smṛtaḥ sānnidhyaṃ kṛtavān devi sadāhaṃ dṛśyate tvayā // ### [1.92.71](https://indike.org/pramana/in.purana.linga.1.92.71) bhadratoyaṃ ca paśyeha brahmaṇā ca kṛtaṃ hradam sarvairdevairahaṃ devi asmindeśe prasāditaḥ // ### [1.92.72](https://indike.org/pramana/in.purana.linga.1.92.72) gacchopaśamam īśeti upaśāntaḥ śivas tathā atrāhaṃ brahmaṇānīya sthāpitaḥ parameṣṭhinā // ### [1.92.73](https://indike.org/pramana/in.purana.linga.1.92.73) brahmaṇā cāpi saṃgṛhya viṣṇunā sthāpitaḥ punaḥ brahmaṇāpi tato viṣṇuḥ proktaḥ saṃvignacetasā // ### [1.92.74](https://indike.org/pramana/in.purana.linga.1.92.74) mayānītamidaṃ liṅgaṃ kasmāt sthāpitavān asi tamuvāca punar viṣṇur brahmāṇaṃ kupitānanam // ### [1.92.75](https://indike.org/pramana/in.purana.linga.1.92.75) rudre deve mamātyantaṃ parā bhaktirmahattarā mayaiva sthāpitaṃ liṅgaṃ tava nāmnā bhaviṣyati // ### [1.92.76](https://indike.org/pramana/in.purana.linga.1.92.76) hiraṇyagarbha ityevaṃ tato 'trāhaṃ samāsthitaḥ dṛṣṭvainamapi deveśaṃ mama lokaṃ vrajennaraḥ // ### [1.92.77](https://indike.org/pramana/in.purana.linga.1.92.77) tataḥ punarapi brahmā mama liṅgamidaṃ śubham sthāpayāmāsa vidhivad bhaktyā paramayā yutaḥ // ### [1.92.78](https://indike.org/pramana/in.purana.linga.1.92.78) svarlīneśvara ityevam atrāhaṃ svayamāgataḥ prāṇān iha narastyaktvā na punarjāyate kvacit // ### [1.92.79](https://indike.org/pramana/in.purana.linga.1.92.79) ananyā sā gatistasya yogināṃ caiva yā smṛtā asminnapi mayā deśe daityo daivatakaṇṭakaḥ // ### [1.92.80](https://indike.org/pramana/in.purana.linga.1.92.80) vyāghrarūpaṃ samāsthāya nihato darpito balī vyāghreśvara iti khyāto nityamatrāhamāsthitaḥ // ### [1.92.81](https://indike.org/pramana/in.purana.linga.1.92.81) na punardurgatiṃ yāti dṛṣṭvainaṃ vyāghramīśvaram utpalo vidalaścaiva yau daityau brahmaṇā purā // ### [1.92.82](https://indike.org/pramana/in.purana.linga.1.92.82) strīvadhyau darpitau dṛṣṭvā tvayaiva nihatau raṇe sāvajñaṃ kandukenātra tasyedaṃ dehamāsthitam // ### [1.92.83](https://indike.org/pramana/in.purana.linga.1.92.83) ādāvatrāhamāgamya prasthito gaṇapaiḥ saha jyeṣṭhasthānamidaṃ tasmād etanme puṇyadarśanam // ### [1.92.84](https://indike.org/pramana/in.purana.linga.1.92.84) devaiḥ samantād etāni liṅgāni sthāpitānyataḥ dṛṣṭvāpi niyato martyo dehabhede gaṇo bhavet // ### [1.92.85](https://indike.org/pramana/in.purana.linga.1.92.85) pitrā te śailarājena purā himavatā svayam mama priyahitaṃ sthānaṃ jñātvā liṅgaṃ pratiṣṭhitam // ### [1.92.86](https://indike.org/pramana/in.purana.linga.1.92.86) śaileśvaramiti khyātaṃ dṛśyatāmiha cādarāt dṛṣṭvaitanmanujo devi na durgatimato vrajet // ### [1.92.87](https://indike.org/pramana/in.purana.linga.1.92.87) nadyeṣā varuṇā devi puṇyā pāpapramocanī kṣetrametad alaṃkṛtya jāhnavyā saha saṃgatā // ### [1.92.88](https://indike.org/pramana/in.purana.linga.1.92.88) sthāpitaṃ brahmaṇā cāpi saṃgame liṅgamuttamam saṃgameśvaram ityevaṃ khyātaṃ jagati dṛśyatām // ### [1.92.89](https://indike.org/pramana/in.purana.linga.1.92.89) saṃgame devanadyā hi yaḥ snātvā manujaḥ śuciḥ arcayet saṃgameśvaraṃ tasya janmabhayaṃ kutaḥ // ### [1.92.90](https://indike.org/pramana/in.purana.linga.1.92.90) idaṃ manye mahākṣetraṃ nivāso yogināṃ param kṣetramadhye ca yatrāhaṃ svayaṃ bhūtvāgramāsthitaḥ // ### [1.92.91](https://indike.org/pramana/in.purana.linga.1.92.91) madhyameśvaramityevaṃ khyātaḥ sarvasurāsuraiḥ siddhānāṃ sthānametaddhi madīyavratadhāriṇām // ### [1.92.92](https://indike.org/pramana/in.purana.linga.1.92.92) yogināṃ mokṣalipsūnāṃ jñānayogaratātmanām dṛṣṭvainaṃ madhyameśānaṃ janma prati na śocati // ### [1.92.93](https://indike.org/pramana/in.purana.linga.1.92.93) sthāpitaṃ liṅgametattu śukreṇa bhṛgusūnunā nāmnā śukreśvaraṃ nāma sarvasiddhāmarārcitam // ### [1.92.94](https://indike.org/pramana/in.purana.linga.1.92.94) dṛṣṭvainaṃ niyataḥ sadyo mucyate sarvakilbiṣaiḥ mṛtaś ca na punarjantuḥ saṃsārī tu bhavennaraḥ // ### [1.92.95](https://indike.org/pramana/in.purana.linga.1.92.95) purā jambūkarūpeṇa asuro devakaṇṭakaḥ brahmaṇo hi varaṃ labdhvā gomāyurbandhaśaṅkitaḥ // ### [1.92.96](https://indike.org/pramana/in.purana.linga.1.92.96) nihato himavatputri jambūkeśastato hyaham adyāpi jagati khyātaṃ surāsuranamaskṛtam // ### [1.92.97](https://indike.org/pramana/in.purana.linga.1.92.97) dṛṣṭvainamapi deveśaṃ sarvānkāmānavāpnuyāt grahaiḥ śukrapurogaiś ca etāni sthāpitāni ha // ### [1.92.98](https://indike.org/pramana/in.purana.linga.1.92.98) paśya puṇyāni liṅgāni sarvakāmapradāni tu evametāni puṇyāni mannivāsāni pārvati // ### [1.92.99](https://indike.org/pramana/in.purana.linga.1.92.99) kathitāni mama kṣetre guhyaṃ cānyadidaṃ śṛṇu catuḥkrośaṃ caturdikṣu kṣetrametatprakīrtitam // ### [1.92.100](https://indike.org/pramana/in.purana.linga.1.92.100) yojanaṃ viddhi cārvaṅgi mṛtyukāle 'mṛtapradam mahālayagiristhaṃ māṃ kedāre ca vyavasthitam // ### [1.92.101](https://indike.org/pramana/in.purana.linga.1.92.101) gaṇatvaṃ labhate dṛṣṭvā hy asminmokṣo hyavāpyate gāṇapatyaṃ labhedyasmād yataḥ sā muktiruttamā // ### [1.92.102](https://indike.org/pramana/in.purana.linga.1.92.102) tato mahālayāt tasmāt kedārānmadhyamādapi smṛtaṃ puṇyatamaṃ kṣetram avimuktaṃ varānane // ### [1.92.103](https://indike.org/pramana/in.purana.linga.1.92.103) kedāraṃ madhyamaṃ kṣetraṃ sthānaṃ caiva mahālayam mama puṇyāni bhūrloke tebhyaḥ śreṣṭhatamaṃ tvidam // ### [1.92.104](https://indike.org/pramana/in.purana.linga.1.92.104) yataḥ sṛṣṭāstvime lokās tataḥ kṣetramidaṃ śubham kadācinna mayā muktam avimuktaṃ tato 'bhavat // ### [1.92.105](https://indike.org/pramana/in.purana.linga.1.92.105) avimukteśvaraṃ liṅgaṃ mama dṛṣṭveha mānavaḥ sadyaḥ pāpavinirmuktaḥ paśupāśairvimucyate // ### [1.92.106](https://indike.org/pramana/in.purana.linga.1.92.106) śaileśaṃ saṃgameśaṃ ca svarlīnaṃ madhyameśvaram hiraṇyagarbham īśānaṃ goprekṣaṃ vṛṣabhadhvajam // ### [1.92.107](https://indike.org/pramana/in.purana.linga.1.92.107) upaśāntaṃ śivaṃ caiva jyeṣṭhasthānanivāsinam śukreśvaraṃ ca vikhyātaṃ vyāghreśaṃ jambukeśvaram // ### [1.92.108](https://indike.org/pramana/in.purana.linga.1.92.108) dṛṣṭvā na jāyate martyaḥ saṃsāre duḥkhasāgare evam uktvā mahādevo diśaḥ sarvā vyalokayat // ### [1.92.109](https://indike.org/pramana/in.purana.linga.1.92.109) vilokya saṃsthite paścād devadeve maheśvare akasmādabhavatsarvaḥ sa deśojjvalito yathā // ### [1.92.110](https://indike.org/pramana/in.purana.linga.1.92.110) tataḥ pāśupatāḥ siddhā bhasmābhyaṅgasitaprabhāḥ māheśvarā mahātmānas tathā vai niyatavratāḥ // ### [1.92.111](https://indike.org/pramana/in.purana.linga.1.92.111) bahavaḥ śataśo 'bhyetya namaścakrurmaheśvaram punarnirīkṣya yogeśaṃ dhyānayogaṃ ca kṛtsnaśaḥ // ### [1.92.112](https://indike.org/pramana/in.purana.linga.1.92.112) tasthurātmānamāsthāya līyamānā iveśvare sthitānāṃ sa tadā teṣāṃ devadeva umāpatiḥ // ### [1.92.113](https://indike.org/pramana/in.purana.linga.1.92.113) sa bibhratparamāṃ mūrtiṃ babhūva puruṣaḥ prabhuḥ kṛtsnaṃ jagadihaikasthaṃ kartum anta iva sthitaḥ // ### [1.92.114](https://indike.org/pramana/in.purana.linga.1.92.114) tasya tāṃ paramāṃ mūrtim āsthitasya jagatprabhoḥ na śaśāka punardraṣṭuṃ hṛṣṭaromā girīndrajā // ### [1.92.115](https://indike.org/pramana/in.purana.linga.1.92.115) tatastvadṛṣṭamākāraṃ buddhvā sā prakṛtisthitam prakṛtermūrtimāsthāya yogena parameśvarī // ### [1.92.116](https://indike.org/pramana/in.purana.linga.1.92.116) taṃ śaśāka punardraṣṭuṃ harasya ca mahātmanaḥ tataste layamādhāya yoginaḥ puruṣasya tu // ### [1.92.117](https://indike.org/pramana/in.purana.linga.1.92.117) viviśurhṛdayaṃ sarve dagdhasaṃsārabījinaḥ pañcākṣarasya vai bījaṃ saṃsmarantaḥ suśobhanam // ### [1.92.118](https://indike.org/pramana/in.purana.linga.1.92.118) sarvapāpaharaṃ divyaṃ purā caiva prakāśitam nīlalohitamūrtisthaṃ punaścakre vapuḥ śubham // ### [1.92.119](https://indike.org/pramana/in.purana.linga.1.92.119) taṃ dṛṣṭvā śailajā prāha hṛṣṭasarvatanūruhā stuvatī caraṇau natvā ka ime bhagavanniti // ### [1.92.120](https://indike.org/pramana/in.purana.linga.1.92.120) tāmuvāca suraśreṣṭhas tadā devīṃ girīndrajām madīyaṃ vratamāśritya bhaktimadbhir dvijottamaiḥ // ### [1.92.121](https://indike.org/pramana/in.purana.linga.1.92.121) yairyairyogā ihābhyastās teṣām ekena janmanā kṣetrasyāsya prabhāvena bhaktyā ca mama bhāmini // ### [1.92.122](https://indike.org/pramana/in.purana.linga.1.92.122) anugraho mayā hyevaṃ kriyate mūrtitaḥ svayam tasmād etan mahat kṣetraṃ brahmādyaiḥ sevitaṃ tathā // ### [1.92.123](https://indike.org/pramana/in.purana.linga.1.92.123) śrutimadbhiś ca viprendraiḥ saṃsiddhaiś ca tapasvibhiḥ pratimāsaṃ tathāṣṭamyāṃ pratimāsaṃ caturdaśīm // ### [1.92.124](https://indike.org/pramana/in.purana.linga.1.92.124) ubhayoḥ pakṣayordevi vārāṇasyāmupāsyate śaśibhānūparāge ca kārtikyāṃ ca viśeṣataḥ // ### [1.92.125](https://indike.org/pramana/in.purana.linga.1.92.125) sarvaparvasu puṇyeṣu viṣuveṣvayaneṣu ca pṛthivyāṃ sarvatīrthāni vārāṇasyāṃ tu jāhnavīm // ### [1.92.126](https://indike.org/pramana/in.purana.linga.1.92.126) uttarapravahāṃ puṇyāṃ mama mauliviniḥsṛtām pituste girirājasya śubhāṃ himavataḥ sutām // ### [1.92.127](https://indike.org/pramana/in.purana.linga.1.92.127) puṇyasthānasthitāṃ puṇyāṃ puṇyadikpravahāṃ sadā bhajante sarvato 'bhyetya ye tāñchṛṇu varānane // ### [1.92.128](https://indike.org/pramana/in.purana.linga.1.92.128) saṃnihatya kurukṣetraṃ sārdhaṃ tīrthaśatais tathā puṣkaraṃ nimiṣaṃ caiva prayāgaṃ ca pṛthūdakam // ### [1.92.129](https://indike.org/pramana/in.purana.linga.1.92.129) drumakṣetraṃ kurukṣetraṃ naimiṣaṃ tīrthasaṃyutam kṣetrāṇi sarvato devi devatā ṛṣayas tathā // ### [1.92.130](https://indike.org/pramana/in.purana.linga.1.92.130) saṃdhyā ca ṛtavaścaiva sarvā nadyaḥ sarāṃsi ca samudrāḥ sapta caivātra devatīrthāni kṛtsnaśaḥ // ### [1.92.131](https://indike.org/pramana/in.purana.linga.1.92.131) bhāgīrathīṃ sameṣyanti sarvaparvasu suvrate avimukteśvaraṃ dṛṣṭvā dṛṣṭvā caiva triviṣṭapam // ### [1.92.132](https://indike.org/pramana/in.purana.linga.1.92.132) kālabhairavamāsādya dhūtapāpāni sarvaśaḥ bhavanti hi sureśāni sarvaparvasu parvasu // ### [1.92.133](https://indike.org/pramana/in.purana.linga.1.92.133) pṛthivyāṃ yāni puṇyāni mahāntyāyatanāni ca praviśanti sadābhyetya puṇyaṃ parvasu parvasu avimuktaṃ kṣetravaraṃ mahāpāpanibarhaṇam // ### [1.92.134](https://indike.org/pramana/in.purana.linga.1.92.134) kedāre caiva yalliṅgaṃ yacca liṅgaṃ mahālaye // ### [1.92.135](https://indike.org/pramana/in.purana.linga.1.92.135) madhyameśvarasaṃjñaṃ ca tathā pāśupateśvaram śaṅkukarṇeśvaraṃ caiva gokarṇau ca tathā hyubhau // ### [1.92.136](https://indike.org/pramana/in.purana.linga.1.92.136) drumacaṇḍeśvaraṃ nāma bhadreśvaram anuttamam sthāneśvaraṃ tathaikāgraṃ kāleśvaram ajeśvaram // ### [1.92.137](https://indike.org/pramana/in.purana.linga.1.92.137) bhairaveśvaram īśānaṃ tathauṃkārakasaṃjñitam amareśaṃ mahākālaṃ jyotiṣaṃ bhasmagātrakam // ### [1.92.138](https://indike.org/pramana/in.purana.linga.1.92.138) yāni cānyāni puṇyāni sthānāni mama bhūtale aṣṭaṣaṣṭisamākhyāni rūḍhānyanyāni kṛtsnaśaḥ // ### [1.92.139](https://indike.org/pramana/in.purana.linga.1.92.139) tāni sarvāṇyaśeṣāṇi vārāṇasyāṃ viśanti mām sarvaparvasu puṇyeṣu guhyaṃ caitadudāhṛtam // ### [1.92.140](https://indike.org/pramana/in.purana.linga.1.92.140) teneha labhate jantur mṛto divyāmṛtaṃ padam snātasya caiva gaṅgāyāṃ dṛṣṭena ca mayā śubhe // ### [1.92.141](https://indike.org/pramana/in.purana.linga.1.92.141) sarvayajñaphalaistulyam iṣṭaiḥ śatasahasraśaḥ sadya eva samāpnoti kiṃ tataḥ paramādbhutam // ### [1.92.142](https://indike.org/pramana/in.purana.linga.1.92.142) sarvāyatanamukhyāni divi bhūmau giriṣv api parātparataraṃ devī budhyasveti mayoditam // ### [1.92.143](https://indike.org/pramana/in.purana.linga.1.92.143) aviśabdena pāpastu vedoktaḥ kathyate dvijaiḥ tena muktaṃ mayā juṣṭam avimuktam ata ucyate // ### [1.92.144](https://indike.org/pramana/in.purana.linga.1.92.144) ityuktvā bhagavān rudraḥ sarvalokamaheśvaraḥ sudṛṣṭaṃ kuru deveśi avimuktaṃ gṛhaṃ mama // ### [1.92.145](https://indike.org/pramana/in.purana.linga.1.92.145) ityuktvā bhagavān devas tayā sārdham umāpatiḥ darśayāmāsa bhagavān śrīparvatamanuttamam // ### [1.92.146](https://indike.org/pramana/in.purana.linga.1.92.146) avimukteśvare nityam avasacca sadā tayā sarvagatvācca sarvatvāt sarvātmā sadasanmayaḥ // ### [1.92.147](https://indike.org/pramana/in.purana.linga.1.92.147) śrīparvatamanuprāpya devyā deveśvaro haraḥ kṣetrāṇi darśayāmāsa sarvabhūtapatirbhavaḥ // ### [1.92.148](https://indike.org/pramana/in.purana.linga.1.92.148) kuṇḍīprabhaṃ ca paramaṃ divyaṃ vaiśravaṇeśvaram āśāliṅgaṃ ca deveśaṃ divyaṃ yacca bileśvaram // ### [1.92.149](https://indike.org/pramana/in.purana.linga.1.92.149) rāmeśvaraṃ ca paramaṃ viṣṇunā yatpratiṣṭhitam dakṣiṇadvārapārśve tu kuṇḍaleśvaramīśvaram // ### [1.92.150](https://indike.org/pramana/in.purana.linga.1.92.150) pūrvadvārasamīpasthaṃ tripurāntakamuttamam vivṛddhaṃ giriṇā sārdhaṃ devadevanamaskṛtam // ### [1.92.151](https://indike.org/pramana/in.purana.linga.1.92.151) madhyameśvaramityuktaṃ triṣu lokeṣu viśrutam amareśvaraṃ ca varadaṃ devaiḥ pūrvaṃ pratiṣṭhitam // ### [1.92.152](https://indike.org/pramana/in.purana.linga.1.92.152) gocarmeśvaram īśānaṃ tathendreśvaram adbhutam karmeśvaraṃ ca vipulaṃ kāryārthaṃ brahmaṇā kṛtam // ### [1.92.153](https://indike.org/pramana/in.purana.linga.1.92.153) śrīmatsiddhavaṭaṃ caiva sadāvāso mamāvyaye ajena nirmitaṃ divyaṃ sākṣādajabilaṃ śubham // ### [1.92.154](https://indike.org/pramana/in.purana.linga.1.92.154) tatraiva pāduke divye madīye ca bileśvare tatra śṛṅgāṭakākāraṃ śṛṅgāṭācalamadhyame // ### [1.92.155](https://indike.org/pramana/in.purana.linga.1.92.155) śṛṅgāṭakeśvaraṃ nāma śrīdevyā tu pratiṣṭhitam mallikārjunakaṃ caiva mama vāsamidaṃ śubham // ### [1.92.156](https://indike.org/pramana/in.purana.linga.1.92.156) rajeśvaraṃ ca paryāye rajasā supratiṣṭhitam gajeśvaraṃ ca vaiśākhaṃ kapoteśvaramavyayam // ### [1.92.157](https://indike.org/pramana/in.purana.linga.1.92.157) koṭīśvaraṃ mahātīrthaṃ rudrakoṭigaṇaiḥ purā sevitaṃ devi paśyādya sarvasmādadhikaṃ śubham // ### [1.92.158](https://indike.org/pramana/in.purana.linga.1.92.158) dvidevakulasaṃjñaṃ ca brahmaṇā dakṣiṇe śubham uttare sthāpitaṃ caiva viṣṇunā caiva śailajam // ### [1.92.159](https://indike.org/pramana/in.purana.linga.1.92.159) mahāpramāṇaliṅgaṃ ca mayā pūrvaṃ pratiṣṭhitam paścime parvate paśya brahmeśvaramaleśvaram // ### [1.92.160](https://indike.org/pramana/in.purana.linga.1.92.160) alaṃkṛtaṃ tvayā brahman purastān munibhiḥ saha ityuktvā tadgṛhe tiṣṭhad alaṃgṛhamiti smṛtam // ### [1.92.161](https://indike.org/pramana/in.purana.linga.1.92.161) tatrāpi tīrthaṃ tīrthajñe vyomaliṅgaṃ ca paśya me kadambeśvaram etaddhi skandenaiva pratiṣṭhitam // ### [1.92.162](https://indike.org/pramana/in.purana.linga.1.92.162) gomaṇḍaleśvaraṃ caiva nandādyaiḥ supratiṣṭhitam devaiḥ sarvaistu śakrādyaiḥ sthāpitāni varānane // ### [1.92.163](https://indike.org/pramana/in.purana.linga.1.92.163) śrīmaddevahradaprānte sthānānīmāni paśya me tathā hārapure devi tava hāre nipātite // ### [1.92.164](https://indike.org/pramana/in.purana.linga.1.92.164) tvayā hitāya jagatāṃ hārakuṇḍamidaṃ kṛtam śivarudrapure caiva tatkāyopari suvrate // ### [1.92.165](https://indike.org/pramana/in.purana.linga.1.92.165) tatra pitrā suśailena sthāpitaṃ tvacaleśvaram alaṃkṛtaṃ mayā brahma purastān munibhiḥ saha // ### [1.92.166](https://indike.org/pramana/in.purana.linga.1.92.166) caṇḍikeśvarakaṃ devi caṇḍikeśā tavātmajā caṇḍikānirmitaṃ sthānam aṃbikātīrtham uttamam // ### [1.92.167](https://indike.org/pramana/in.purana.linga.1.92.167) rucikeśvarakaṃ caiva dhāraiṣā kapilā śubhā eteṣu devi sthāneṣu tīrtheṣu vividheṣu ca // ### [1.92.168](https://indike.org/pramana/in.purana.linga.1.92.168) pūjayenmāṃ sadā bhaktyā mayā sārdhaṃ hi modate śrīśaile saṃtyajed dehaṃ brāhmaṇo dagdhakilbiṣaḥ // ### [1.92.169](https://indike.org/pramana/in.purana.linga.1.92.169) mucyate nātra saṃdeho hy avimukte yathā śubham mahāsnānaṃ ca yaḥ kuryād ghṛtena vidhinaiva tu // ### [1.92.170](https://indike.org/pramana/in.purana.linga.1.92.170) sa yāti mama sāyujyaṃ sthāneṣveteṣu suvrate snānaṃ palaśataṃ jñeyam abhyaṅgaṃ pañcaviṃśati // ### [1.92.171](https://indike.org/pramana/in.purana.linga.1.92.171) palānāṃ dve sahasre tu mahāsnānaṃ prakīrtitam snāpya liṅgaṃ madīyaṃ tu gavyenaiva ghṛtena ca // ### [1.92.172](https://indike.org/pramana/in.purana.linga.1.92.172) viśodhya sarvadravyaistu vāribhir abhiṣiñcati saṃmārjya śatayajñānāṃ snānena prayutaṃ tathā // ### [1.92.173](https://indike.org/pramana/in.purana.linga.1.92.173) pūjayā śatasāhasram anantaṃ gītavādinām mahāsnāne prasaktaṃ tu snānamaṣṭaguṇaṃ smṛtam // ### [1.92.174](https://indike.org/pramana/in.purana.linga.1.92.174) jalena kevalenaiva gandhatoyena bhaktitaḥ anulepanaṃ tu tat sarvaṃ pañcaviṃśatpalena vai // ### [1.92.175](https://indike.org/pramana/in.purana.linga.1.92.175) śamīpuṣpaṃ ca vidhinā bilvapatraṃ ca paṅkajam anyānyapi ca puṣpāṇi bilvapatraṃ na saṃtyajet // ### [1.92.176](https://indike.org/pramana/in.purana.linga.1.92.176) caturdroṇair mahādevam aṣṭadroṇairathāpi vā daśadroṇais tu naivedyam aṣṭadroṇairathāpi vā // ### [1.92.177](https://indike.org/pramana/in.purana.linga.1.92.177) śatadroṇasamaṃ puṇyam āḍhake 'pi vidhīyate vittahīnasya viprasya nātra kāryā vicāraṇā // ### [1.92.178](https://indike.org/pramana/in.purana.linga.1.92.178) bherīmṛdaṅgamurajatimirāpaṭahādibhiḥ vāditrairvividhaiścānyair ninādairvividhairapi // ### [1.92.179](https://indike.org/pramana/in.purana.linga.1.92.179) jāgaraṃ kārayedyastu prārthayecca yathākramam sa bhṛtyaputradāraiś ca tathā saṃbandhibāndhavaiḥ // ### [1.92.180](https://indike.org/pramana/in.purana.linga.1.92.180) sārdhaṃ pradakṣiṇaṃ kṛtvā prārthayelliṅgam uttamam dravyahīnaṃ kriyāhīnaṃ śraddhāhīnaṃ sureśvara // ### [1.92.181](https://indike.org/pramana/in.purana.linga.1.92.181) kṛtaṃ vā na kṛtaṃ vāpi kṣantumarhasi śaṅkara ityuktvā vai japedrudraṃ tvaritaṃ śāntimeva ca // ### [1.92.182](https://indike.org/pramana/in.purana.linga.1.92.182) japitvaivaṃ mahābījaṃ tathā pañcākṣarasya vai sa evaṃ sarvatīrtheṣu sarvayajñeṣu yatphalam // ### [1.92.183](https://indike.org/pramana/in.purana.linga.1.92.183) tatphalaṃ samavāpnoti vārāṇasyāṃ yathā mṛtaḥ tathaiva mama sāyujyaṃ labhate nātra saṃśayaḥ // ### [1.92.184](https://indike.org/pramana/in.purana.linga.1.92.184) matpriyārthamidaṃ kāryaṃ madbhaktairvidhipūrvakam ye na kurvanti te bhaktā na bhavanti na saṃśayaḥ // ### [1.92.185](https://indike.org/pramana/in.purana.linga.1.92.185) sūta uvāca niśamya vacanaṃ devī gatvā vārāṇasīṃ purīm avimukteśvaraṃ liṅgaṃ payasā ca ghṛtena ca // ### [1.92.186](https://indike.org/pramana/in.purana.linga.1.92.186) arcayāmāsa deveśaṃ rudraṃ bhuvananāyakam avimukte ca tapasā mandarasya mahātmanaḥ // ### [1.92.187](https://indike.org/pramana/in.purana.linga.1.92.187) kalpayāmāsa vai kṣetraṃ mandare cārukandare tatrāndhakaṃ mahādaityaṃ hiraṇyākṣasutaṃ prabhuḥ // ### [1.92.188](https://indike.org/pramana/in.purana.linga.1.92.188) anugṛhya gaṇatvaṃ ca prāpayāmāsa līlayā etadvaḥ kathitaṃ sarvaṃ kathāsarvasvamādarāt // ### [1.92.189](https://indike.org/pramana/in.purana.linga.1.92.189) yaḥ paṭhecchṛṇuyādvāpi kṣetramāhātmyamuttamam sarvakṣetreṣu yatpuṇyaṃ tatsarvaṃ sahasā labhet // ### [1.92.190](https://indike.org/pramana/in.purana.linga.1.92.190) śrāvayedvā dvijānsarvān kṛtaśaucān jitendriyān sa eva sarvayajñasya phalaṃ prāpnoti mānavaḥ // ### [1.92.190.p1](https://indike.org/pramana/in.purana.linga.1.92.190.p1) iti śrīliṅgamahāpurāṇe pūrvabhāge vārāṇasīśrīśailamāhātmyakathanaṃ nāma dvinavatitamo 'dhyāyaḥ ## Commentaries (1) - [Śivatosaṇī Liṅgapurāṇaṭīkā](https://indike.org/pramana/in.purana.linga!ganesa.112.26) — Gaṇeśa Bhaṭṭa, Sanskrit ## Linked texts (9) - [Skandapurāṇa (early; "Ambikākhaṇḍa")](https://indike.org/pramana/in.purana.skanda*early.30.27) — Sanskrit - [Skandamahāpurāṇa (vulgate)](https://indike.org/pramana/in.purana.skanda*vulgate.7.3.93_599) — Sanskrit - [Haribhaktivilāsa](https://indike.org/pramana/in.sampradaya.vaisnava.gaudiya.acara.haribhaktivilasa.6.109) — Gopāla Bhaṭṭa Gosvāmin & Sanātana Gosvāmin 1535, Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.106.1) — Ativīrarāma Pāṇṭiyar 1500, Sanskrit - [Skanda Purāṇa (Kumāra Kavi)](https://indike.org/pramana/in.purana.skandapurana.55.22) — Kumāra Kavi, Sanskrit - [Tīrthacintāmaṇi](https://indike.org/pramana/in.niti.dharma.tirtha.tirthacintamani.14.p3) — Vācaspatimiśra, Sanskrit - [Tīrthaprakāśa](https://indike.org/pramana/in.niti.dharma.tirtha.tirthaprakasa.4.p47) — Mitramiśra, Sanskrit - [Tristhalīsetu (Nārāyaṇa)](https://indike.org/pramana/in.niti.dharma.tirtha.tristhali.tristhalisetu.3.p23) — Nārāyaṇa (Mahiṣamaṅgalam) 1513, Sanskrit - [Nityācārapradīpa](https://indike.org/pramana/in.niti.dharma.acara.ahnika.nityacarapradipa.11.p84) — Narasiṃha Vājapeyin, Sanskrit --- Source: [https://indike.org/pramana/in.purana.linga.1.92](https://indike.org/pramana/in.purana.linga.1.92) · Pramāṇa