[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Lingapurana](https://indike.org/pramana/in.purana.linga) › 1.93 # Lingapurana 1.93 Liṅgapurāṇa 1.93 - **Language:** Sanskrit ## Contents - [1.93.26](https://indike.org/pramana/in.purana.linga.1.93.26) — 1 part ### [1.93.1](https://indike.org/pramana/in.purana.linga.1.93.1) ṛṣaya ūcuḥ andhako nāma daityendro mandare cārukandare damitastu kathaṃ lebhe gāṇapatyaṃ maheśvarāt // ### [1.93.2](https://indike.org/pramana/in.purana.linga.1.93.2) vaktumarhasi cāsmākaṃ yathāvṛttaṃ yathāśrutam andhakānugrahaṃ caiva mandare śoṣaṇaṃ tathā // ### [1.93.3](https://indike.org/pramana/in.purana.linga.1.93.3) varalābhamaśeṣaṃ ca pravadāmi samāsataḥ hiraṇyākṣasya tanayo hiraṇyanayanopamaḥ // ### [1.93.4](https://indike.org/pramana/in.purana.linga.1.93.4) purāndhaka iti khyātas tapasā labdhavikramaḥ prasādādbrahmaṇaḥ sākṣād avadhyatvamavāpya ca // ### [1.93.5](https://indike.org/pramana/in.purana.linga.1.93.5) trailokyamakhilaṃ bhuktvā jitvā cendrapuraṃ purā līlayā cāprayatnena trāsayāmāsa vāsavam // ### [1.93.6](https://indike.org/pramana/in.purana.linga.1.93.6) bādhitāstāḍitā baddhāḥ pātitāstena te surāḥ viviśurmandaraṃ bhītā nārāyaṇapurogamāḥ // ### [1.93.7](https://indike.org/pramana/in.purana.linga.1.93.7) evaṃ saṃpīḍya vai devān andhako 'pi mahāsuraḥ yadṛcchayā giriṃ prāpto mandaraṃ cārukandaram // ### [1.93.8](https://indike.org/pramana/in.purana.linga.1.93.8) tataste samastāḥ surendrāḥ sasādhyāḥ sureśaṃ maheśaṃ puretyāhurevam drutaṃ cālpavīryaprabhinnāṅgabhinnā vayaṃ daityarājasya śastrairnikṛttāḥ // ### [1.93.9](https://indike.org/pramana/in.purana.linga.1.93.9) itīdamakhilaṃ śrutvā daityāgamam anaupamam gaṇeśvaraiś ca bhagavān andhakābhimukhaṃ yayau // ### [1.93.10](https://indike.org/pramana/in.purana.linga.1.93.10) jayeti vācā bhagavantam ūcuḥ kirīṭabaddhāñjalayaḥ samantāt // ### [1.93.11](https://indike.org/pramana/in.purana.linga.1.93.11) athāśeṣāsurāṃstasya koṭikoṭiśatais tataḥ bhasmīkṛtya mahādevo nirbibhedāndhakaṃ tadā // ### [1.93.12](https://indike.org/pramana/in.purana.linga.1.93.12) śūlena śūlinā protaṃ dagdhakalmaṣakañcukam dṛṣṭvāndhakaṃ nanādeśaṃ praṇamya sa pitāmahaḥ // ### [1.93.13](https://indike.org/pramana/in.purana.linga.1.93.13) tannādaśravaṇānnedur devā devaṃ praṇamya tam nanṛturmunayaḥ sarve mumudurgaṇapuṅgavāḥ // ### [1.93.14](https://indike.org/pramana/in.purana.linga.1.93.14) sasṛjuḥ puṣpavarṣāṇi devāḥ śaṃbhostadopari trailokyamakhilaṃ harṣān nananda ca nanāda ca // ### [1.93.15](https://indike.org/pramana/in.purana.linga.1.93.15) dagdho 'gninā ca śūlena protaḥ preta ivāndhakaḥ sāttvikaṃ bhāvamāsthāya cintayāmāsa cetasā // ### [1.93.16](https://indike.org/pramana/in.purana.linga.1.93.16) janmāntare 'pi devena dagdho yasmācchivena vai ārādhito mayā śaṃbhuḥ purā sākṣānmaheśvaraḥ // ### [1.93.17](https://indike.org/pramana/in.purana.linga.1.93.17) tasmādetanmayā labdham anyathā nopapadyate yaḥ smarenmanasā rudraṃ prāṇānte sakṛdeva vā // ### [1.93.18](https://indike.org/pramana/in.purana.linga.1.93.18) sa yāti śivasāyujyaṃ kiṃ punarbahuśaḥ smaran brahmā ca bhagavānviṣṇuḥ sarve devāḥ savāsavāḥ // ### [1.93.19](https://indike.org/pramana/in.purana.linga.1.93.19) śaraṇaṃ prāpya tiṣṭhanti tameva śaraṇaṃ vrajet evaṃ saṃcintya tuṣṭātmā so 'ndhakaś cāndhakārdanam // ### [1.93.20](https://indike.org/pramana/in.purana.linga.1.93.20) sagaṇaṃ śivamīśānam astuvatpuṇyagauravāt prārthitastena bhagavān paramārtiharo haraḥ // ### [1.93.21](https://indike.org/pramana/in.purana.linga.1.93.21) hiraṇyanetratanayaṃ śūlāgrasthaṃ sureśvaraḥ provāca dānavaṃ prekṣya ghṛṇayā nīlalohitaḥ // ### [1.93.22](https://indike.org/pramana/in.purana.linga.1.93.22) tuṣṭo 'smi vatsa bhadraṃ te kāmaṃ kiṃ karavāṇi te varānvaraya daityendra varado 'haṃ tavāndhaka // ### [1.93.23](https://indike.org/pramana/in.purana.linga.1.93.23) śrutvā vākyaṃ tadā śaṃbhor hiraṇyanayanātmajaḥ harṣagadgadayā vācā provācedaṃ maheśvaram // ### [1.93.24](https://indike.org/pramana/in.purana.linga.1.93.24) bhagavandevadeveśa bhaktārtihara śaṅkara tvayi bhaktiḥ prasīdeśa yadi deyo varaś ca me // ### [1.93.25](https://indike.org/pramana/in.purana.linga.1.93.25) śrutvā bhavo 'pi vacanam andhakasya mahātmanaḥ pradadau durlabhāṃ śraddhāṃ daityendrāya mahādyutiḥ // ### [1.93.26](https://indike.org/pramana/in.purana.linga.1.93.26) gāṇapatyaṃ ca daityāya pradadau cāvaropya tam praṇemustaṃ surendrādyā gāṇapatye pratiṣṭhitam // ### [1.93.26.p1](https://indike.org/pramana/in.purana.linga.1.93.26.p1) iti śrīliṅgamahāpurāṇe pūrvabhāge andhakagāṇapatyātmako nāma trinavatitamo 'dhyāyaḥ ## Linked texts (1) - [Liṅgapurāṇa](https://indike.org/pramana/in.vernacular.tamil.kappiyam.lingapurana.108.1) — Ativīrarāma Pāṇṭiyar 1500, Sanskrit --- Source: [https://indike.org/pramana/in.purana.linga.1.93](https://indike.org/pramana/in.purana.linga.1.93) · Pramāṇa