[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Lingapurana](https://indike.org/pramana/in.purana.linga) › 1.94 # Lingapurana 1.94 Liṅgapurāṇa 1.94 - **Language:** Sanskrit ## Contents - [1.94.32](https://indike.org/pramana/in.purana.linga.1.94.32) — 1 part ### [1.94.1](https://indike.org/pramana/in.purana.linga.1.94.1) ṛṣaya ūcuḥ kathamasya pitā daityo hiraṇyākṣaḥ sudāruṇaḥ viṣṇunā sūdito viṣṇur vārāhatvaṃ kathaṃ gataḥ // ### [1.94.2](https://indike.org/pramana/in.purana.linga.1.94.2) tasya śṛṅgaṃ maheśasya bhūṣaṇatvaṃ kathaṃ gatam etatsarvaṃ viśeṣeṇa sūta vaktumihārhasi // ### [1.94.3](https://indike.org/pramana/in.purana.linga.1.94.3) sūta uvāca hiraṇyakaśiporbhrātā hiraṇyākṣa iti smṛtaḥ purāndhakāsureśasya pitā kālāntakopamaḥ // ### [1.94.4](https://indike.org/pramana/in.purana.linga.1.94.4) devāñjitvātha daityendro baddhvā ca dharaṇīmimām nītvā rasātalaṃ cakre vandīm indīvaraprabhām // ### [1.94.5](https://indike.org/pramana/in.purana.linga.1.94.5) tataḥ sabrahmakā devāḥ parimlānamukhaśriyaḥ bādhitāstāḍitā baddhvā hiraṇyākṣeṇa tena vai // ### [1.94.6](https://indike.org/pramana/in.purana.linga.1.94.6) balinā daityamukhyena krūreṇa sudurātmanā praṇamya śirasā viṣṇuṃ daityakoṭivimardanam // ### [1.94.7](https://indike.org/pramana/in.purana.linga.1.94.7) sarve vijñāpayāmāsur dharaṇībandhanaṃ hareḥ śrutvaitadbhagavān viṣṇur dharaṇībandhanaṃ hariḥ // ### [1.94.8](https://indike.org/pramana/in.purana.linga.1.94.8) bhūtvā yajñavarāho 'sau yathā liṅgodbhave tathā daityaiś ca sārdhaṃ daityendraṃ hiraṇyākṣaṃ mahābalam // ### [1.94.9](https://indike.org/pramana/in.purana.linga.1.94.9) daṃṣṭrāgrakoṭyā hatvainaṃ reje daityāntakṛtprabhuḥ kalpādiṣu yathāpūrvaṃ praviśya ca rasātalam // ### [1.94.10](https://indike.org/pramana/in.purana.linga.1.94.10) ānīya vasudhāṃ devīm aṅkasthāmakarodbahiḥ tatas tuṣṭāva deveśaṃ devadevaḥ pitāmahaḥ // ### [1.94.11](https://indike.org/pramana/in.purana.linga.1.94.11) śakrādyaiḥ sahito bhūtvā harṣagadgadayā girā śāśvatāya varāhāya daṃṣṭriṇe daṇḍine namaḥ // ### [1.94.12](https://indike.org/pramana/in.purana.linga.1.94.12) nārāyaṇāya sarvāya brahmaṇe paramātmane kartre dhartre dharāyāstu hartre devāriṇāṃ svayam kartre netre surendrāṇāṃ śāstre ca sakalasya ca // ### [1.94.13](https://indike.org/pramana/in.purana.linga.1.94.13) tvamaṣṭamūrtistvamanantamūrtis tvamādidevastvamanantaveditaḥ tvayā kṛtaṃ sarvamidaṃ prasīda sureśa lokeśa varāha viṣṇo // ### [1.94.14](https://indike.org/pramana/in.purana.linga.1.94.14) tathaikadaṃṣṭrāgramukhāgrakoṭibhāgaikabhāgārdhatamena viṣṇo hatāḥ kṣaṇāt kāmada daityamukhyāḥ svadaṃṣṭrakoṭyā saha putrabhṛtyaiḥ // ### [1.94.15](https://indike.org/pramana/in.purana.linga.1.94.15) tvayoddhṛtā deva dharā dhareśa dharādharākāra dhṛtāgradaṃṣṭre dharādharaiḥ sarvajanaiḥ samudraiḥ surāsuraiḥ sevitacandravaktra // ### [1.94.16](https://indike.org/pramana/in.purana.linga.1.94.16) tvayaiva deveśa vibho kṛtaś ca jayaḥ surāṇāmasureśvarāṇām aho pradattastu varaḥ prasīda vāgdevatā vārijasaṃbhavāya // ### [1.94.17](https://indike.org/pramana/in.purana.linga.1.94.17) nihitā rasātalagatā vasuṃdharā tava pṛṣṭhataḥ sakalatārakādayaḥ // ### [1.94.18](https://indike.org/pramana/in.purana.linga.1.94.18) jagatāṃ hitāya bhavatā vasuṃdharā bhagavan rasātalapuṭaṃ gatā tadā abaloddhṛtā ca bhagavaṃstavaiva sakalaṃ tvayaiva hi dhṛtaṃ jagadguro // ### [1.94.19](https://indike.org/pramana/in.purana.linga.1.94.19) iti vākpatirbahuvidhaistavārcanaiḥ praṇipatya viṣṇumamaraiḥ prajāpatiḥ vividhānvarān harimukhāttu labdhavān harinābhivārijadehabhṛt svayam // ### [1.94.20](https://indike.org/pramana/in.purana.linga.1.94.20) atha tāmuddhṛtāṃ tena dharāṃ devā munīśvarāḥ mūrdhnyāropya namaścakruś cakriṇaḥ saṃnidhau tadā // ### [1.94.21](https://indike.org/pramana/in.purana.linga.1.94.21) anenaiva varāheṇa coddhṛtāsi varaprade kṛṣṇenākliṣṭakāryeṇa śatahastena viṣṇunā // ### [1.94.22](https://indike.org/pramana/in.purana.linga.1.94.22) dharaṇi tvaṃ mahābhoge bhūmistvaṃ dhenuravyaye lokānāṃ dhāriṇī tvaṃ hi mṛttike hara pātakam // ### [1.94.23](https://indike.org/pramana/in.purana.linga.1.94.23) manasā karmaṇā vācā varade vārijekṣaṇe tvayā hatena pāpena jīvāmastvatprasādataḥ // ### [1.94.24](https://indike.org/pramana/in.purana.linga.1.94.24) ityuktā sā tadā devī dharā devair athābravīt varāhadaṃṣṭrābhinnāyāṃ dharāyāṃ mṛttikāṃ dvijāḥ // ### [1.94.25](https://indike.org/pramana/in.purana.linga.1.94.25) mantreṇānena yo bibhrat mūrdhni pāpātpramucyate āyuṣmān balavān dhanyaḥ putrapautrasamanvitaḥ // ### [1.94.26](https://indike.org/pramana/in.purana.linga.1.94.26) kramādbhuvi divaṃ prāpya karmānte modate suraiḥ atha deve gate tyaktvā varāhe kṣīrasāgaram // ### [1.94.27](https://indike.org/pramana/in.purana.linga.1.94.27) vārāharūpamanaghaṃ cacāla ca dharā punaḥ tasya daṃṣṭrābharākrāntā devadevasya dhīmataḥ // ### [1.94.28](https://indike.org/pramana/in.purana.linga.1.94.28) yadṛcchayā bhavaḥ paśyan jagāma jagadīśvaraḥ daṃṣṭrāṃ jagrāha dṛṣṭvā tāṃ bhūṣaṇārthamathātmanaḥ // ### [1.94.29](https://indike.org/pramana/in.purana.linga.1.94.29) dadhāra ca mahādevaḥ kūrcānte vai mahorasi devāś ca tuṣṭuvuḥ sendrā devadevasya vaibhavam // ### [1.94.30](https://indike.org/pramana/in.purana.linga.1.94.30) dharā pratiṣṭhitā hyevaṃ devadevena līlayā bhūtānāṃ saṃplave cāpi viṣṇoścaiva kalevaram // ### [1.94.31](https://indike.org/pramana/in.purana.linga.1.94.31) brahmaṇaś ca tathānyeṣāṃ devānāmapi līlayā vibhuraṅgavibhāgena bhūṣito na yadi prabhuḥ // ### [1.94.32](https://indike.org/pramana/in.purana.linga.1.94.32) kathaṃ vimuktirviprāṇāṃ tasmāddaṃṣṭrī maheśvaraḥ // ### [1.94.32.p1](https://indike.org/pramana/in.purana.linga.1.94.32.p1) iti śrīliṅgamahāpurāṇe pūrvabhāge varāhaprādurbhāvo nāma caturnavatitamo 'dhyāyaḥ ## Commentaries (2) - [Śivatosaṇī Liṅgapurāṇaṭīkā](https://indike.org/pramana/in.purana.linga!ganesa) — Gaṇeśa Bhaṭṭa, Sanskrit - [Śivatoṣiṇī](https://indike.org/pramana/in.purana.linga!ganesa-ballala-natu) — Gaṇeśa Ballāla Nātū, Sanskrit ## Linked texts (2) - [Liṅga](https://indike.org/pramana/in.purana.linga-anon.109.1) — Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.109.1) — Ativīrarāma Pāṇṭiyar 1500, Sanskrit --- Source: [https://indike.org/pramana/in.purana.linga.1.94](https://indike.org/pramana/in.purana.linga.1.94) · Pramāṇa