[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Lingapurana](https://indike.org/pramana/in.purana.linga) › 1.98 # Lingapurana 1.98 Liṅgapurāṇa 1.98 - **Language:** Sanskrit ## Contents - [1.98.195](https://indike.org/pramana/in.purana.linga.1.98.195) — 1 part ### [1.98.1](https://indike.org/pramana/in.purana.linga.1.98.1) ṛṣaya ūcuḥ kathaṃ devena vai sūta devadevānmaheśvarāt sudarśanākhyaṃ vai labdhaṃ vaktumarhasi viṣṇunā // ### [1.98.2](https://indike.org/pramana/in.purana.linga.1.98.2) sūta uvāca devānām asurendrāṇām abhavacca sudāruṇaḥ sarveṣāmeva bhūtānāṃ vināśakaraṇo mahān // ### [1.98.3](https://indike.org/pramana/in.purana.linga.1.98.3) te devāḥ śaktimuśalaiḥ sāyakairnataparvabhiḥ prabhidyamānāḥ kuntaiś ca dudruvurbhayavihvalāḥ // ### [1.98.4](https://indike.org/pramana/in.purana.linga.1.98.4) parājitāstadā devā devadeveśvaraṃ harim praṇemustaṃ sureśānaṃ śokasaṃvignamānasāḥ // ### [1.98.5](https://indike.org/pramana/in.purana.linga.1.98.5) tān samīkṣyātha bhagavān devadeveśvaro hariḥ praṇipatya sthitāndevān idaṃ vacanamabravīt // ### [1.98.6](https://indike.org/pramana/in.purana.linga.1.98.6) vatsāḥ kimiti vai devāś cyutālaṅkāravikramāḥ samāgatāḥ sasaṃtāpā vaktumarhatha suvratāḥ // ### [1.98.7](https://indike.org/pramana/in.purana.linga.1.98.7) tasya tadvacanaṃ śrutvā tathābhūtāḥ surottamāḥ praṇamyāhuryathāvṛttaṃ devadevāya viṣṇave // ### [1.98.8](https://indike.org/pramana/in.purana.linga.1.98.8) bhagavandevadeveśa viṣṇo jiṣṇo janārdana dānavaiḥ pīḍitāḥ sarve vayaṃ śaraṇamāgatāḥ // ### [1.98.9](https://indike.org/pramana/in.purana.linga.1.98.9) tvameva devadeveśa gatirnaḥ puruṣottama tvameva paramātmā hi tvaṃ pitā jagatāmapi // ### [1.98.10](https://indike.org/pramana/in.purana.linga.1.98.10) tvameva bhartā hartā ca bhoktā dātā janārdana hantumarhasi tasmāttvaṃ dānavāndānavārdana // ### [1.98.11](https://indike.org/pramana/in.purana.linga.1.98.11) daityāś ca vaiṣṇavairbrāhmai raudrairyāmyaiḥ sudāruṇaiḥ kauberaiścaiva saumyaiś ca nairṛtyairvāruṇairdṛḍhaiḥ // ### [1.98.12](https://indike.org/pramana/in.purana.linga.1.98.12) vāyavyaiś ca tathāgneyair aiśānair vārṣikaiḥ śubhaiḥ saurai raudrais tathā bhīmaiḥ kampanair jṛmbhaṇair dṛḍhaiḥ // ### [1.98.13](https://indike.org/pramana/in.purana.linga.1.98.13) avadhyā varalābhātte sarve vārijalocana sūryamaṇḍalasambhūtaṃ tvadīyaṃ cakram udyatam // ### [1.98.14](https://indike.org/pramana/in.purana.linga.1.98.14) kuṇṭhitaṃ hi dadhīcena cyāvanena jagadguro daṇḍaṃ śārṅgaṃ tavāstraṃ ca labdhaṃ daityaiḥ prasādataḥ // ### [1.98.15](https://indike.org/pramana/in.purana.linga.1.98.15) purā jalandharaṃ hantuṃ nirmitaṃ tripurāriṇā rathāṅgaṃ suśitaṃ ghoraṃ tena tān hantum arhasi // ### [1.98.16](https://indike.org/pramana/in.purana.linga.1.98.16) tasmāttena nihantavyā nānyaiḥ śastraśatairapi tato niśamya teṣāṃ vai vacanaṃ vārijekṣaṇaḥ // ### [1.98.17](https://indike.org/pramana/in.purana.linga.1.98.17) vācaspatimukhānāha sa hariścakrabhṛt svayam bhobho devā mahādevaṃ sarvair devaiḥ sanātanaiḥ // ### [1.98.18](https://indike.org/pramana/in.purana.linga.1.98.18) samprāpya sāṃprataṃ sarvaṃ kariṣyāmi divaukasām devā jalandharaṃ hantuṃ nirmitaṃ hi purāriṇā // ### [1.98.19](https://indike.org/pramana/in.purana.linga.1.98.19) labdhvā rathāṅgaṃ tenaiva nihatya ca mahāsurān sarvāndhundhumukhāndaityān aṣṭaṣaṣṭiśatān surān // ### [1.98.20](https://indike.org/pramana/in.purana.linga.1.98.20) sabāndhavānkṣaṇādeva yuṣmān saṃtārayāmyaham evam uktvā suraśreṣṭhān suraśreṣṭhamanusmaran // ### [1.98.21](https://indike.org/pramana/in.purana.linga.1.98.21) suraśreṣṭhastadā śreṣṭhaṃ pūjayāmāsa śaṅkaram liṅgaṃ sthāpya yathānyāyaṃ himavacchikhare śubhe // ### [1.98.22](https://indike.org/pramana/in.purana.linga.1.98.22) meruparvatasaṃkāśaṃ nirmitaṃ viśvakarmaṇā tvaritākhyena rudreṇa raudreṇa ca janārdanaḥ // ### [1.98.23](https://indike.org/pramana/in.purana.linga.1.98.23) snāpya sampūjya gandhādyair jvālākāraṃ manoramam tuṣṭāva ca tadā rudraṃ sampūjyāgnau praṇamya ca // ### [1.98.24](https://indike.org/pramana/in.purana.linga.1.98.24) devaṃ nāmnāṃ sahasreṇa bhavādyena yathākramam pūjayāmāsa ca śivaṃ praṇavādyaṃ namo 'ntakam // ### [1.98.25](https://indike.org/pramana/in.purana.linga.1.98.25) devaṃ nāmnāṃ sahasreṇa bhavādyena maheśvaram pratināma sa padmena pūjayāmāsa śaṅkaram // ### [1.98.26](https://indike.org/pramana/in.purana.linga.1.98.26) agnau ca nāmabhir devaṃ bhavādyaiḥ samidādibhiḥ svāhāntairvidhivaddhutvā pratyekamayutaṃ prabhum // ### [1.98.27](https://indike.org/pramana/in.purana.linga.1.98.27) tuṣṭāva ca punaḥ śaṃbhuṃ bhavādyairbhavamīśvaram bhavaḥ śivo haro rudraḥ puruṣaḥ padmalocanaḥ // ### [1.98.28](https://indike.org/pramana/in.purana.linga.1.98.28) arthitavyaḥ sadācāraḥ sarvaśaṃbhurmaheśvaraḥ īśvaraḥ sthāṇurīśānaḥ sahasrākṣaḥ sahasrapāt // ### [1.98.29](https://indike.org/pramana/in.purana.linga.1.98.29) varīyān varado vandyaḥ śaṅkaraḥ parameśvaraḥ gaṅgādharaḥ śūladharaḥ parārthaikaprayojanaḥ // ### [1.98.30](https://indike.org/pramana/in.purana.linga.1.98.30) sarvajñaḥ sarvadevādigiridhanvā jaṭādharaḥ candrāpīḍaścandramaulir vidvānviśvāmareśvaraḥ // ### [1.98.31](https://indike.org/pramana/in.purana.linga.1.98.31) vedāntasārasaṃdohaḥ kapālī nīlalohitaḥ dhyānādhāroparicchedyo gaurībhartā gaṇeśvaraḥ // ### [1.98.32](https://indike.org/pramana/in.purana.linga.1.98.32) aṣṭamūrtirviśvamūrtis trivargaḥ svargasādhanaḥ jñānagamyo dṛḍhaprajño devadevastrilocanaḥ // ### [1.98.33](https://indike.org/pramana/in.purana.linga.1.98.33) vāmadevo mahādevaḥ pāṇḍuḥ paridṛḍho dṛḍhaḥ viśvarūpo virūpākṣo vāgīśaḥ śucirantaraḥ // ### [1.98.34](https://indike.org/pramana/in.purana.linga.1.98.34) sarvapraṇayasaṃvādī vṛṣāṅko vṛṣavāhanaḥ īśaḥ pinākī khaṭvāṅgī citraveṣaścirantanaḥ // ### [1.98.35](https://indike.org/pramana/in.purana.linga.1.98.35) tamoharo mahāyogī goptā brahmāṅgahṛjjaṭī kālakālaḥ kṛttivāsāḥ subhagaḥ praṇavātmakaḥ // ### [1.98.36](https://indike.org/pramana/in.purana.linga.1.98.36) unmattaveṣaś cakṣuṣyo durvāsāḥ smaraśāsanaḥ dṛḍhāyudhaḥ skandaguruḥ parameṣṭhī parāyaṇaḥ // ### [1.98.37](https://indike.org/pramana/in.purana.linga.1.98.37) anādimadhyanidhano giriśo giribāndhavaḥ kuberabandhuḥ śrīkaṇṭho lokavarṇottamottamaḥ // ### [1.98.38](https://indike.org/pramana/in.purana.linga.1.98.38) sāmānyadevaḥ kodaṇḍī nīlakaṇṭhaḥ paraśvadhī viśālākṣo mṛgavyādhaḥ sureśaḥ sūryatāpanaḥ // ### [1.98.39](https://indike.org/pramana/in.purana.linga.1.98.39) dharmakarmākṣamaḥ kṣetraṃ bhagavān bhaganetrabhit ugraḥ paśupatis tārkṣyaḥ priyabhaktaḥ priyaṃvadaḥ // ### [1.98.40](https://indike.org/pramana/in.purana.linga.1.98.40) dātā dayākaro dakṣaḥ kapardī kāmaśāsanaḥ śmaśānanilayaḥ sūkṣmaḥ śmaśānastho maheśvaraḥ // ### [1.98.41](https://indike.org/pramana/in.purana.linga.1.98.41) lokakartā bhūtapatir mahākartā mahauṣadhī uttaro gopatirgoptā jñānagamyaḥ purātanaḥ // ### [1.98.42](https://indike.org/pramana/in.purana.linga.1.98.42) nītiḥ sunītiḥ śuddhātmā somaḥ somarataḥ sukhī somapo 'mṛtapaḥ somo mahānītirmahāmatiḥ // ### [1.98.43](https://indike.org/pramana/in.purana.linga.1.98.43) ajātaśatrurālokaḥ saṃbhāvyo havyavāhanaḥ lokakāro vedakāraḥ sūtrakāraḥ sanātanaḥ // ### [1.98.44](https://indike.org/pramana/in.purana.linga.1.98.44) maharṣiḥ kapilācāryo viśvadīptistrilocanaḥ pinākapāṇir bhūdevaḥ svastidaḥ svastikṛtsadā // ### [1.98.45](https://indike.org/pramana/in.purana.linga.1.98.45) tridhāmā saubhagaḥ śarvaḥ sarvajñaḥ sarvagocaraḥ brahmadhṛg viśvasṛk svargaḥ karṇikāraḥ priyaḥ kaviḥ // ### [1.98.46](https://indike.org/pramana/in.purana.linga.1.98.46) śākho viśākho gośākhaḥ śivo naikaḥ kratuḥ samaḥ gaṅgāplavodako bhāvaḥ sakalaḥ sthapatiḥ sthiraḥ // ### [1.98.47](https://indike.org/pramana/in.purana.linga.1.98.47) vijitātmā vidheyātmā bhūtavāhanasārathiḥ sagaṇo gaṇakāryaś ca sukīrtiś chinnasaṃśayaḥ // ### [1.98.48](https://indike.org/pramana/in.purana.linga.1.98.48) kāmadevaḥ kāmapālo bhasmoddhūlitavigrahaḥ bhasmapriyo bhasmaśāyī kāmī kāntaḥ kṛtāgamaḥ // ### [1.98.49](https://indike.org/pramana/in.purana.linga.1.98.49) samāyukto nivṛttātmā dharmayuktaḥ sadāśivaḥ caturmukhaścaturbāhur durāvāso durāsadaḥ // ### [1.98.50](https://indike.org/pramana/in.purana.linga.1.98.50) durgamo durlabho durgaḥ sarvāyudhaviśāradaḥ adhyātmayoganilayaḥ sutantustantuvardhanaḥ // ### [1.98.51](https://indike.org/pramana/in.purana.linga.1.98.51) śubhāṅgo lokasāraṅgo jagadīśo 'mṛtāśanaḥ bhasmaśuddhikaro merur ojasvī śuddhavigrahaḥ // ### [1.98.52](https://indike.org/pramana/in.purana.linga.1.98.52) hiraṇyaretās taraṇir marīcir mahimālayaḥ mahāhrado mahāgarbhaḥ siddhavṛndāravanditaḥ // ### [1.98.53](https://indike.org/pramana/in.purana.linga.1.98.53) vyāghracarmadharo vyālī mahābhūto mahānidhiḥ amṛtāṅgo 'mṛtavapuḥ pañcayajñaḥ prabhañjanaḥ // ### [1.98.54](https://indike.org/pramana/in.purana.linga.1.98.54) pañcaviṃśatitattvajñaḥ pārijātaḥ parāvaraḥ sulabhaḥ suvrataḥ śūro vāṅmayaikanidhirnidhiḥ // ### [1.98.55](https://indike.org/pramana/in.purana.linga.1.98.55) varṇāśramagururvarṇī śatrujicchatrutāpanaḥ āśramaḥ kṣapaṇaḥ kṣāmo jñānavānacalācalaḥ // ### [1.98.56](https://indike.org/pramana/in.purana.linga.1.98.56) pramāṇabhūto durjñeyaḥ suparṇo vāyuvāhanaḥ dhanurdharo dhanurvedo guṇarāśirguṇākaraḥ // ### [1.98.57](https://indike.org/pramana/in.purana.linga.1.98.57) anantadṛṣṭirānando daṇḍo damayitā damaḥ abhivādyo mahācāryo viśvakarmā viśāradaḥ // ### [1.98.58](https://indike.org/pramana/in.purana.linga.1.98.58) vītarāgo vinītātmā tapasvī bhūtabhāvanaḥ unmattaveṣaḥ pracchanno jitakāmo jitapriyaḥ // ### [1.98.59](https://indike.org/pramana/in.purana.linga.1.98.59) kalyāṇaprakṛtiḥ kalpaḥ sarvalokaprajāpatiḥ tapasvī tārako dhīmān pradhānaprabhur avyayaḥ // ### [1.98.60](https://indike.org/pramana/in.purana.linga.1.98.60) lokapālo 'ntarhitātmā kalpādiḥ kamalekṣaṇaḥ vedaśāstrārthatattvajño niyamo niyamāśrayaḥ // ### [1.98.61](https://indike.org/pramana/in.purana.linga.1.98.61) candraḥ sūryaḥ śaniḥ ketur virāmo vidrumacchaviḥ bhaktigamyaḥ paraṃ brahma mṛgabāṇārpaṇo 'naghaḥ // ### [1.98.62](https://indike.org/pramana/in.purana.linga.1.98.62) adrirājālayaḥ kāntaḥ paramātmā jagadguruḥ sarvakarmācalastvaṣṭā maṅgalyo maṅgalāvṛtaḥ // ### [1.98.63](https://indike.org/pramana/in.purana.linga.1.98.63) mahātapā dīrghatapāḥ sthaviṣṭhaḥ sthaviro dhruvaḥ ahaḥ saṃvatsaro vyāptiḥ pramāṇaṃ paramaṃ tapaḥ // ### [1.98.64](https://indike.org/pramana/in.purana.linga.1.98.64) saṃvatsarakaro mantraḥ pratyayaḥ sarvadarśanaḥ ajaḥ sarveśvaraḥ snigdho mahāretā mahābalaḥ // ### [1.98.65](https://indike.org/pramana/in.purana.linga.1.98.65) yogī yogyo mahāretāḥ siddhaḥ sarvādir agnidaḥ vasurvasumanāḥ satyaḥ sarvapāpaharo haraḥ // ### [1.98.66](https://indike.org/pramana/in.purana.linga.1.98.66) amṛtaḥ śāśvataḥ śānto bāṇahastaḥ pratāpavān kamaṇḍaludharo dhanvī vedāṅgo vedavinmuniḥ // ### [1.98.67](https://indike.org/pramana/in.purana.linga.1.98.67) bhrājiṣṇur bhojanaṃ bhoktā lokanetā durādharaḥ atīndriyo mahāmāyaḥ sarvāvāsaścatuṣpathaḥ // ### [1.98.68](https://indike.org/pramana/in.purana.linga.1.98.68) kālayogī mahānādo mahotsāho mahābalaḥ mahābuddhir mahāvīryo bhūtacārī purandaraḥ // ### [1.98.69](https://indike.org/pramana/in.purana.linga.1.98.69) niśācaraḥ pretacārī mahāśaktir mahādyutiḥ anirdeśyavapuḥ śrīmān sarvahāryamito gatiḥ // ### [1.98.70](https://indike.org/pramana/in.purana.linga.1.98.70) bahuśruto bahumayo niyatātmā bhavodbhavaḥ ojastejo dyutikaro nartakaḥ sarvakāmakaḥ // ### [1.98.71](https://indike.org/pramana/in.purana.linga.1.98.71) nṛtyapriyo nṛtyanṛtyaḥ prakāśātmā pratāpanaḥ buddhaspaṣṭākṣaro mantraḥ sanmānaḥ sārasaṃplavaḥ // ### [1.98.72](https://indike.org/pramana/in.purana.linga.1.98.72) yugādikṛd yugāvarto gaṃbhīro vṛṣavāhanaḥ iṣṭo viśiṣṭaḥ śiṣṭeṣṭaḥ śarabhaḥ śarabho dhanuḥ // ### [1.98.73](https://indike.org/pramana/in.purana.linga.1.98.73) apāṃ nidhiradhiṣṭhānaṃ vijayo jayakālavit pratiṣṭhitaḥ pramāṇajño hiraṇyakavaco hariḥ // ### [1.98.74](https://indike.org/pramana/in.purana.linga.1.98.74) virocanaḥ suragaṇo vidyeśo vibudhāśrayaḥ bālarūpo balonmāthī vivarto gahano guruḥ // ### [1.98.75](https://indike.org/pramana/in.purana.linga.1.98.75) karaṇaṃ kāraṇaṃ kartā sarvabandhavimocanaḥ vidvattamo vītabhayo viśvabhartā niśākaraḥ // ### [1.98.76](https://indike.org/pramana/in.purana.linga.1.98.76) vyavasāyo vyavasthānaḥ sthānado jagadādijaḥ dundubho lalito viśvo bhavātmātmani saṃsthitaḥ // ### [1.98.77](https://indike.org/pramana/in.purana.linga.1.98.77) vīreśvaro vīrabhadro vīrahā vīrabhṛd virāṭ vīracūḍāmaṇirvettā tīvranādo nadīdharaḥ // ### [1.98.78](https://indike.org/pramana/in.purana.linga.1.98.78) ājñādharastriśūlī ca śipiviṣṭaḥ śivālayaḥ vālakhilyo mahācāpas tigmāṃśur nidhir avyayaḥ // ### [1.98.79](https://indike.org/pramana/in.purana.linga.1.98.79) abhirāmaḥ suśaraṇaḥ subrahmaṇyaḥ sudhāpatiḥ maghavānkauśiko gomān viśrāmaḥ sarvaśāsanaḥ // ### [1.98.80](https://indike.org/pramana/in.purana.linga.1.98.80) lalāṭākṣo viśvadehaḥ sāraḥ saṃsāracakrabhṛt amoghadaṇḍī madhyastho hiraṇyo brahmavarcasī // ### [1.98.81](https://indike.org/pramana/in.purana.linga.1.98.81) paramārthaḥ paramayaḥ śambaro vyāghrako 'nalaḥ rucir vararucir vandyo vācaspatiraharpatiḥ // ### [1.98.82](https://indike.org/pramana/in.purana.linga.1.98.82) ravirvirocanaḥ skandhaḥ śāstā vaivasvato janaḥ yuktirunnatakīrtiś ca śāntarāgaḥ parājayaḥ // ### [1.98.83](https://indike.org/pramana/in.purana.linga.1.98.83) kailāsapatikāmāriḥ savitā ravilocanaḥ vidvattamo vītabhayo viśvahartā nivāritaḥ // ### [1.98.84](https://indike.org/pramana/in.purana.linga.1.98.84) nityo niyatakalyāṇaḥ puṇyaśravaṇakīrtanaḥ dūraśravā viśvasaho dhyeyo duḥsvapnanāśanaḥ // ### [1.98.85](https://indike.org/pramana/in.purana.linga.1.98.85) uttārako duṣkṛtihā durdharṣo duḥsaho 'bhayaḥ anādirbhūrbhuvolakṣmīḥ kirīṭī tridaśādhipaḥ // ### [1.98.86](https://indike.org/pramana/in.purana.linga.1.98.86) viśvagoptā viśvabhartā sudhīro rucirāṅgadaḥ janano janajanmādiḥ prītimānnītimānnayaḥ // ### [1.98.87](https://indike.org/pramana/in.purana.linga.1.98.87) viśiṣṭaḥ kāśyapo bhānur bhīmo bhīmaparākramaḥ praṇavaḥ saptadhācāro mahākāyo mahādhanuḥ // ### [1.98.88](https://indike.org/pramana/in.purana.linga.1.98.88) janmādhipo mahādevaḥ sakalāgamapāragaḥ tattvātattvavivekātmā vibhūṣṇur bhūtibhūṣaṇaḥ // ### [1.98.89](https://indike.org/pramana/in.purana.linga.1.98.89) ṛṣirbrāhmaṇavijjiṣṇur janmamṛtyujarātigaḥ yajño yajñapatiryajvā yajñānto 'moghavikramaḥ // ### [1.98.90](https://indike.org/pramana/in.purana.linga.1.98.90) mahendro durbharaḥ senī yajñāṅgo yajñavāhanaḥ pañcabrahmasamutpattir viśveśo vimalodayaḥ // ### [1.98.91](https://indike.org/pramana/in.purana.linga.1.98.91) ātmayonir anādyantaḥ ṣaḍviṃśatsaptalokadhṛk gāyatrīvallabhaḥ prāṃśur viśvāvāsaḥ prabhākaraḥ // ### [1.98.92](https://indike.org/pramana/in.purana.linga.1.98.92) śiśurgirirataḥ samrāṭ suṣeṇaḥ suraśatruhā amogho 'riṣṭamathano mukundo vigatajvaraḥ // ### [1.98.93](https://indike.org/pramana/in.purana.linga.1.98.93) svayaṃjyotir anujyotir ātmajyotir acañcalaḥ piṅgalaḥ kapilaśmaśruḥ śāstranetras trayītanuḥ // ### [1.98.94](https://indike.org/pramana/in.purana.linga.1.98.94) jñānaskandho mahājñānī nirutpattir upaplavaḥ bhago vivasvānādityo yogācāryo bṛhaspatiḥ // ### [1.98.95](https://indike.org/pramana/in.purana.linga.1.98.95) udārakīrtir udyogī sadyogī sadasanmayaḥ nakṣatramālī rākeśaḥ sādhiṣṭhānaḥ ṣaḍāśrayaḥ // ### [1.98.96](https://indike.org/pramana/in.purana.linga.1.98.96) pavitrapāṇiḥ pāpārir maṇipūro manogatiḥ hṛtpuṇḍarīkamāsīnaḥ śuklaḥ śānto vṛṣākapiḥ // ### [1.98.97](https://indike.org/pramana/in.purana.linga.1.98.97) viṣṇurgrahapatiḥ kṛṣṇaḥ samartho 'narthanāśanaḥ adharmaśatrurakṣayyaḥ puruhūtaḥ puruṣṭutaḥ // ### [1.98.98](https://indike.org/pramana/in.purana.linga.1.98.98) brahmagarbho bṛhadgarbho dharmadhenurdhanāgamaḥ jagaddhitaiṣī sugataḥ kumāraḥ kuśalāgamaḥ // ### [1.98.99](https://indike.org/pramana/in.purana.linga.1.98.99) hiraṇyavarṇo jyotiṣmān nānābhūtadharo dhvaniḥ arogo niyamādhyakṣo viśvāmitro dvijottamaḥ // ### [1.98.100](https://indike.org/pramana/in.purana.linga.1.98.100) bṛhajjyotiḥ sudhāmā ca mahājyotiranuttamaḥ mātāmaho mātariśvā nabhasvān nāgahāradhṛk // ### [1.98.101](https://indike.org/pramana/in.purana.linga.1.98.101) pulastyaḥ pulaho 'gastyo jātūkarṇyaḥ parāśaraḥ nirāvaraṇadharmajño viriñco viṣṭaraśravāḥ // ### [1.98.102](https://indike.org/pramana/in.purana.linga.1.98.102) ātmabhūr aniruddho 'trijñānamūrtir mahāyaśāḥ lokacūḍāmaṇirvīraḥ caṇḍasatyaparākramaḥ // ### [1.98.103](https://indike.org/pramana/in.purana.linga.1.98.103) vyālakalpo mahākalpo mahāvṛkṣaḥ kalādharaḥ alaṃkariṣṇus tvacalo rociṣṇurvikramottamaḥ // ### [1.98.104](https://indike.org/pramana/in.purana.linga.1.98.104) āśuśabdapatirvegī plavanaḥ śikhisārathiḥ asaṃsṛṣṭo 'tithiḥ śakraḥ pramāthī pāpanāśanaḥ // ### [1.98.105](https://indike.org/pramana/in.purana.linga.1.98.105) vasuśravāḥ kavyavāhaḥ pratapto viśvabhojanaḥ jaryo jarādhiśamano lohitaś ca tanūnapāt // ### [1.98.106](https://indike.org/pramana/in.purana.linga.1.98.106) pṛṣadaśvo nabhoyoniḥ supratīkas tamisrahā nidāghastapano meghaḥ pakṣaḥ parapuraṃjayaḥ // ### [1.98.107](https://indike.org/pramana/in.purana.linga.1.98.107) mukhānilaḥ suniṣpannaḥ surabhiḥ śiśirātmakaḥ vasaṃto mādhavo grīṣmo nabhasyo bījavāhanaḥ // ### [1.98.108](https://indike.org/pramana/in.purana.linga.1.98.108) aṅgirā munirātreyo vimalo viśvavāhanaḥ pāvanaḥ purujicchakras trividyo naravāhanaḥ // ### [1.98.109](https://indike.org/pramana/in.purana.linga.1.98.109) mano buddhirahaṅkāraḥ kṣetrajñaḥ kṣetrapālakaḥ tejonidhir jñānanidhir vipāko vighnakārakaḥ // ### [1.98.110](https://indike.org/pramana/in.purana.linga.1.98.110) adharo 'nuttaro jñeyo jyeṣṭho niḥśreyasālayaḥ śailo nagastanurdeho dānavārirarindamaḥ // ### [1.98.111](https://indike.org/pramana/in.purana.linga.1.98.111) cārudhīr janakaścāruviśalyo lokaśalyakṛt caturvedaścaturbhāvaś caturaścaturapriyaḥ // ### [1.98.112](https://indike.org/pramana/in.purana.linga.1.98.112) āmnāyo 'tha samāmnāyas tīrthadevaśivālayaḥ bahurūpo mahārūpaḥ sarvarūpaś carācaraḥ // ### [1.98.113](https://indike.org/pramana/in.purana.linga.1.98.113) nyāyanirvāhako nyāyo nyāyagamyo nirañjanaḥ sahasramūrdhā devendraḥ sarvaśastraprabhañjanaḥ // ### [1.98.114](https://indike.org/pramana/in.purana.linga.1.98.114) muṇḍo virūpo vikṛto daṇḍī dānto guṇottamaḥ piṅgalākṣo 'tha haryakṣo nīlagrīvo nirāmayaḥ // ### [1.98.115](https://indike.org/pramana/in.purana.linga.1.98.115) sahasrabāhuḥ sarveśaḥ śaraṇyaḥ sarvalokabhṛt padmāsanaḥ paraṃ jyotiḥ parāvaraṃ paraṃ phalam // ### [1.98.116](https://indike.org/pramana/in.purana.linga.1.98.116) padmagarbho mahāgarbho viśvagarbho vicakṣaṇaḥ parāvarajño bījeśaḥ sumukhaḥ sumahāsvanaḥ // ### [1.98.117](https://indike.org/pramana/in.purana.linga.1.98.117) devāsuragururdevo devāsuranamaskṛtaḥ devāsuramahāmātro devāsuramahāśrayaḥ // ### [1.98.118](https://indike.org/pramana/in.purana.linga.1.98.118) devādidevo devarṣidevāsuravarapradaḥ devāsureśvaro divyo devāsuramaheśvaraḥ // ### [1.98.119](https://indike.org/pramana/in.purana.linga.1.98.119) sarvadevamayo 'cintyo devatātmātmasaṃbhavaḥ īḍyo 'nīśaḥ suravyāghro devasiṃho divākaraḥ // ### [1.98.120](https://indike.org/pramana/in.purana.linga.1.98.120) vibudhāgravaraśreṣṭhaḥ sarvadevottamottamaḥ śivajñānarataḥ śrīmān śikhiśrīparvatapriyaḥ // ### [1.98.121](https://indike.org/pramana/in.purana.linga.1.98.121) jayastaṃbho viśiṣṭambho narasiṃhanipātanaḥ brahmacārī lokacārī dharmacārī dhanādhipaḥ // ### [1.98.122](https://indike.org/pramana/in.purana.linga.1.98.122) nandī nandīśvaro nagno nagnavratadharaḥ śuciḥ liṅgādhyakṣaḥ surādhyakṣo yugādhyakṣo yugāvahaḥ // ### [1.98.123](https://indike.org/pramana/in.purana.linga.1.98.123) svavaśaḥ savaśaḥ svargaḥ svaraḥ svaramayasvanaḥ bījādhyakṣo bījakartā dhanakṛd dharmavardhanaḥ // ### [1.98.124](https://indike.org/pramana/in.purana.linga.1.98.124) daṃbho 'dambho mahādaṃbhaḥ sarvabhūtamaheśvaraḥ śmaśānanilayastiṣyaḥ seturapratimākṛtiḥ // ### [1.98.125](https://indike.org/pramana/in.purana.linga.1.98.125) lokottarasphuṭālokas tryaṃbako nāgabhūṣaṇaḥ andhakārirmakhadveṣī viṣṇukandharapātanaḥ // ### [1.98.126](https://indike.org/pramana/in.purana.linga.1.98.126) vītadoṣo 'kṣayaguṇo dakṣāriḥ pūṣadantahṛt dhūrjaṭiḥ khaṇḍaparaśuḥ sakalo niṣkalo 'naghaḥ // ### [1.98.127](https://indike.org/pramana/in.purana.linga.1.98.127) ādhāraḥ sakalādhāraḥ pāṇḍurābho mṛḍo naṭaḥ pūrṇaḥ pūrayitā puṇyaḥ sukumāraḥ sulocanaḥ // ### [1.98.128](https://indike.org/pramana/in.purana.linga.1.98.128) sāmageyaḥ priyakaraḥ puṇyakīrtiranāmayaḥ manojavastīrthakaro jaṭilo jīviteśvaraḥ // ### [1.98.129](https://indike.org/pramana/in.purana.linga.1.98.129) jīvitāntakaro nityo vasuretā vasupriyaḥ sadgatiḥ satkṛtiḥ saktaḥ kālakaṇṭhaḥ kalādharaḥ // ### [1.98.130](https://indike.org/pramana/in.purana.linga.1.98.130) mānī mānyo mahākālaḥ sadbhūtiḥ satparāyaṇaḥ candrasaṃjīvanaḥ śāstā lokagūḍho 'marādhipaḥ // ### [1.98.131](https://indike.org/pramana/in.purana.linga.1.98.131) lokabandhurlokanāthaḥ kṛtajñaḥ kṛtibhūṣaṇaḥ anapāyyakṣaraḥ kāntaḥ sarvaśāstrabhṛtāṃ varaḥ // ### [1.98.132](https://indike.org/pramana/in.purana.linga.1.98.132) tejomayo dyutidharo lokamāyo 'graṇīr aṇuḥ śucismitaḥ prasannātmā durjayo duratikramaḥ // ### [1.98.133](https://indike.org/pramana/in.purana.linga.1.98.133) jyotirmayo nirākāro jagannātho jaleśvaraḥ tumbavīṇī mahākāyo viśokaḥ śokanāśanaḥ // ### [1.98.134](https://indike.org/pramana/in.purana.linga.1.98.134) trilokātmā trilokeśaḥ śuddhaḥ śuddhī rathākṣajaḥ avyaktalakṣaṇo vyakto vyaktāvyakto viśāṃpatiḥ // ### [1.98.135](https://indike.org/pramana/in.purana.linga.1.98.135) varaśīlo varatulo māno mānadhano mayaḥ brahmā viṣṇuḥ prajāpālo haṃso haṃsagatiryamaḥ // ### [1.98.136](https://indike.org/pramana/in.purana.linga.1.98.136) vedhā dhātā vidhātā ca attā hartā caturmukhaḥ kailāsaśikharāvāsī sarvāvāsī satāṃ gatiḥ // ### [1.98.137](https://indike.org/pramana/in.purana.linga.1.98.137) hiraṇyagarbho hariṇaḥ puruṣaḥ pūrvajaḥ pitā bhūtālayo bhūtapatir bhūtido bhuvaneśvaraḥ // ### [1.98.138](https://indike.org/pramana/in.purana.linga.1.98.138) saṃyogī yogavidbrahma brahmaṇyo brāhmaṇapriyaḥ devapriyo devanātho devajño devacintakaḥ // ### [1.98.139](https://indike.org/pramana/in.purana.linga.1.98.139) viṣamākṣaḥ kalādhyakṣo vṛṣāṅko vṛṣavardhanaḥ nirmado nirahaṅkāro nirmoho nirupadravaḥ // ### [1.98.140](https://indike.org/pramana/in.purana.linga.1.98.140) darpahā darpito dṛptaḥ sarvartuparivartakaḥ saptajihvaḥ sahasrārciḥ snigdhaḥ prakṛtidakṣiṇaḥ // ### [1.98.141](https://indike.org/pramana/in.purana.linga.1.98.141) bhūtabhavyabhavannāthaḥ prabhavo bhrāntināśanaḥ artho 'nartho mahākośaḥ parakāryaikapaṇḍitaḥ // ### [1.98.142](https://indike.org/pramana/in.purana.linga.1.98.142) niṣkaṇṭakaḥ kṛtānando nirvyājo vyājamardanaḥ sattvavān sāttvikaḥ satyakīrtistambhakṛtāgamaḥ // ### [1.98.143](https://indike.org/pramana/in.purana.linga.1.98.143) akaṃpito guṇagrāhī naikātmā naikakarmakṛt suprītaḥ sumukhaḥ sūkṣmaḥ sukaro dakṣiṇo 'nalaḥ // ### [1.98.144](https://indike.org/pramana/in.purana.linga.1.98.144) skandhaḥ skandhadharo dhuryaḥ prakaṭaḥ prītivardhanaḥ aparājitaḥ sarvasaho vidagdhaḥ sarvavāhanaḥ // ### [1.98.145](https://indike.org/pramana/in.purana.linga.1.98.145) adhṛtaḥ svadhṛtaḥ sādhyaḥ pūrvamūrtiryaśodharaḥ varāhaśṛṅgadhṛg vāyur balavān ekanāyakaḥ // ### [1.98.146](https://indike.org/pramana/in.purana.linga.1.98.146) śrutiprakāśaḥ śrutimān ekabandhur anekadhṛk śrīvallabhaśivārambhaḥ śāntabhadraḥ samañjasaḥ // ### [1.98.147](https://indike.org/pramana/in.purana.linga.1.98.147) bhūśayo bhūtikṛdbhūtir bhūṣaṇo bhūtavāhanaḥ akāyo bhaktakāyasthaḥ kālajñānī kalāvapuḥ // ### [1.98.148](https://indike.org/pramana/in.purana.linga.1.98.148) satyavratamahātyāgī niṣṭhāśāntiparāyaṇaḥ parārthavṛttir varado viviktaḥ śrutisāgaraḥ // ### [1.98.149](https://indike.org/pramana/in.purana.linga.1.98.149) anirviṇṇo guṇagrāhī kalaṅkāṅkaḥ kalaṅkahā svabhāvarudro madhyasthaḥ śatrughno madhyanāśakaḥ // ### [1.98.150](https://indike.org/pramana/in.purana.linga.1.98.150) śikhaṇḍī kavacī śūlī caṇḍī muṇḍī ca kuṇḍalī mekhalī kavacī khaḍgī māyī saṃsārasārathiḥ // ### [1.98.151](https://indike.org/pramana/in.purana.linga.1.98.151) amṛtyuḥ sarvadṛk siṃhas tejorāśir mahāmaṇiḥ asaṃkhyeyo 'prameyātmā vīryavān kāryakovidaḥ // ### [1.98.152](https://indike.org/pramana/in.purana.linga.1.98.152) vedyo vedārthavidgoptā sarvācāro munīśvaraḥ anuttamo durādharṣo madhuraḥ priyadarśanaḥ // ### [1.98.153](https://indike.org/pramana/in.purana.linga.1.98.153) sureśaḥ śaraṇaṃ sarvaḥ śabdabrahma satāṃ gatiḥ kālabhakṣaḥ kalaṅkāriḥ kaṅkaṇīkṛtavāsukiḥ // ### [1.98.154](https://indike.org/pramana/in.purana.linga.1.98.154) maheṣvāso mahībhartā niṣkalaṅko viśṛṅkhalaḥ dyumaṇis taraṇir dhanyaḥ siddhidaḥ siddhisādhanaḥ // ### [1.98.155](https://indike.org/pramana/in.purana.linga.1.98.155) nivṛttaḥ saṃvṛtaḥ śilpo vyūḍhorasko mahābhujaḥ ekajyotir nirātaṅko naro nārāyaṇapriyaḥ // ### [1.98.156](https://indike.org/pramana/in.purana.linga.1.98.156) nirlepo niṣprapañcātmā nirvyagro vyagranāśanaḥ stavyastavapriyaḥ stotā vyāsamūrtiranākulaḥ // ### [1.98.157](https://indike.org/pramana/in.purana.linga.1.98.157) niravadyapadopāyo vidyārāśiravikramaḥ praśāntabuddhirakṣudraḥ kṣudrahā nityasundaraḥ // ### [1.98.158](https://indike.org/pramana/in.purana.linga.1.98.158) dhairyāgryadhuryo dhātrīśaḥ śākalyaḥ śarvarīpatiḥ paramārthagurur dṛṣṭir gurur āśritavatsalaḥ // ### [1.98.159](https://indike.org/pramana/in.purana.linga.1.98.159) raso rasajñaḥ sarvajñaḥ sarvasattvāvalaṃbanaḥ evaṃ nāmnāṃ sahasreṇa tuṣṭāva vṛṣabhadhvajam // ### [1.98.160](https://indike.org/pramana/in.purana.linga.1.98.160) snāpayāmāsa ca vibhuḥ pūjayāmāsa paṅkajaiḥ parīkṣārthaṃ hareḥ pūjākamaleṣu maheśvaraḥ // ### [1.98.161](https://indike.org/pramana/in.purana.linga.1.98.161) gopayāmāsa kamalaṃ tadaikaṃ bhuvaneśvaraḥ hṛtapuṣpo haristatra kimidaṃ tvabhyacintayat // ### [1.98.162](https://indike.org/pramana/in.purana.linga.1.98.162) jñātvā svanetramuddhṛtya sarvasattvāvalambanam pūjayāmāsa bhāvena nāmnā tena jagadgurum // ### [1.98.163](https://indike.org/pramana/in.purana.linga.1.98.163) tatastatra vibhurdṛṣṭvā tathābhūtaṃ haro harim tasmādavatatārāśu maṇḍalātpāvakasya ca // ### [1.98.164](https://indike.org/pramana/in.purana.linga.1.98.164) koṭibhāskarasaṃkāśaṃ jaṭāmukuṭamaṇḍitam jvālāmālāvṛtaṃ divyaṃ tīkṣṇadaṃṣṭraṃ bhayaṅkaram // ### [1.98.165](https://indike.org/pramana/in.purana.linga.1.98.165) śūlaṭaṅkagadācakrakuntapāśadharaṃ haram varādabhayahastaṃ ca dvīpicarmottarīyakam // ### [1.98.166](https://indike.org/pramana/in.purana.linga.1.98.166) itthaṃbhūtaṃ tadā dṛṣṭvā bhavaṃ bhasmavibhūṣitam hṛṣṭo namaścakārāśu devadevaṃ janārdanaḥ // ### [1.98.167](https://indike.org/pramana/in.purana.linga.1.98.167) dudruvustaṃ parikramya sendrā devāstrilocanam cacāla brahmabhuvanaṃ cakampe ca vasuṃdharā // ### [1.98.168](https://indike.org/pramana/in.purana.linga.1.98.168) dadāha tejastacchaṃbhoḥ prāntaṃ vai śatayojanam adhastāccordhvataścaiva hāhetyakṛta bhūtale // ### [1.98.169](https://indike.org/pramana/in.purana.linga.1.98.169) tadā prāha mahādevaḥ prahasanniva śaṅkaraḥ samprekṣya praṇayādviṣṇuṃ kṛtāñjalipuṭaṃ sthitam // ### [1.98.170](https://indike.org/pramana/in.purana.linga.1.98.170) jñātaṃ mayedamadhunā devakāryaṃ janārdana sudarśanākhyaṃ cakraṃ ca dadāmi tava śobhanam // ### [1.98.171](https://indike.org/pramana/in.purana.linga.1.98.171) yadrūpaṃ bhavatā dṛṣṭaṃ sarvalokabhayaṃkaram hitāya tava yatnena tava bhāvāya suvrata // ### [1.98.172](https://indike.org/pramana/in.purana.linga.1.98.172) śāntaṃ raṇājire viṣṇo devānāṃ duḥkhasādhanam śāntasya cāstraṃ śāntaḥ syāc chāntenāstreṇa kiṃ phalam // ### [1.98.173](https://indike.org/pramana/in.purana.linga.1.98.173) śāntasya samare cāstraṃ śāntireva tapasvinām yoddhuḥ śāntyā balacchedaḥ parasya balavṛddhidaḥ // ### [1.98.174](https://indike.org/pramana/in.purana.linga.1.98.174) devairaśāntairyadrūpaṃ madīyaṃ bhāvayāvyayam kimāyudhena kāryaṃ vai yoddhuṃ devārisūdana // ### [1.98.175](https://indike.org/pramana/in.purana.linga.1.98.175) kṣamā yudhi na kāryaṃ vai yoddhuṃ devārisūdana anāgate vyatīte ca daurbalye svajanotkare // ### [1.98.176](https://indike.org/pramana/in.purana.linga.1.98.176) akālike tvadharme ca anarthe vārisūdana evamuktvā dadau cakraṃ sūryāyutasamaprabham // ### [1.98.177](https://indike.org/pramana/in.purana.linga.1.98.177) netraṃ ca netā jagatāṃ prabhurvai padmasannibham tadāprabhṛti taṃ prāhuḥ padmākṣamiti suvratam // ### [1.98.178](https://indike.org/pramana/in.purana.linga.1.98.178) dattvainaṃ nayanaṃ cakraṃ viṣṇave nīlalohitaḥ pasparśa ca karābhyāṃ vai suśubhābhyāmuvāca ha // ### [1.98.179](https://indike.org/pramana/in.purana.linga.1.98.179) varado 'haṃ varaśreṣṭha varānvaraya cepsitān bhaktyā vaśīkṛto nūnaṃ tvayāhaṃ puruṣottama // ### [1.98.180](https://indike.org/pramana/in.purana.linga.1.98.180) ityukto devadevena devadevaṃ praṇamya tam tvayi bhaktirmahādeva prasīda varamuttamam // ### [1.98.181](https://indike.org/pramana/in.purana.linga.1.98.181) nānyamicchāmi bhaktānām ārtayo nāsti yatprabho tacchrutvā vacanaṃ tasya dayāvān sutarāṃ bhavaḥ // ### [1.98.182](https://indike.org/pramana/in.purana.linga.1.98.182) pasparśa ca dadau tasmai śraddhāṃ śītāṃśubhūṣaṇaḥ prāha caivaṃ mahādevaḥ paramātmānamacyutam // ### [1.98.183](https://indike.org/pramana/in.purana.linga.1.98.183) mayi bhaktaś ca vandyaś ca pūjyaścaiva surāsuraiḥ bhaviṣyasi na saṃdeho matprasādātsurottama // ### [1.98.184](https://indike.org/pramana/in.purana.linga.1.98.184) yadā satī dakṣaputrī vinindyaiva sulocanā mātaraṃ pitaraṃ dakṣaṃ bhaviṣyati sureśvarī // ### [1.98.185](https://indike.org/pramana/in.purana.linga.1.98.185) divyā haimavatī viṣṇo tadā tvamapi suvrata bhaginīṃ tava kalyāṇīṃ devīṃ haimavatīmumām // ### [1.98.186](https://indike.org/pramana/in.purana.linga.1.98.186) niyogād brahmaṇaḥ sādhvīṃ pradāsyasi mamaiva tām matsaṃbandhī ca lokānāṃ madhye pūjyo bhaviṣyasi // ### [1.98.187](https://indike.org/pramana/in.purana.linga.1.98.187) māṃ divyena ca bhāvena tadāprabhṛti śaṅkaram drakṣyase ca prasannena mitrabhūtamivātmanā // ### [1.98.188](https://indike.org/pramana/in.purana.linga.1.98.188) ityuktvāntardadhe rudro bhagavānnīlalohitaḥ janārdano 'pi bhagavān devānāmapi saṃnidhau // ### [1.98.189](https://indike.org/pramana/in.purana.linga.1.98.189) ayācata mahādevaṃ brahmāṇaṃ munibhiḥ samam mayā proktaṃ stavaṃ divyaṃ padmayone suśobhanam // ### [1.98.190](https://indike.org/pramana/in.purana.linga.1.98.190) yaḥ paṭhecchṛṇuyādvāpi śrāvayedvā dvijottamān pratināmni hiraṇyasya tat tasya phalam āpnuyāt // ### [1.98.191](https://indike.org/pramana/in.purana.linga.1.98.191) aśvamedhasahasreṇa phalaṃ bhavati tasya vai ghṛtādyaiḥ snāpayedrudraṃ sthālyā vai kalaśaiḥ śubhaiḥ // ### [1.98.192](https://indike.org/pramana/in.purana.linga.1.98.192) nāmnāṃ sahasreṇānena śraddhayā śivamīśvaram so 'pi yajñasahasrasya phalaṃ labdhvāsureśvaraiḥ // ### [1.98.193](https://indike.org/pramana/in.purana.linga.1.98.193) pūjyo bhavati rudrasya prītirbhavati tasya vai tathāstviti tathā prāha padmayonerjanārdanam // ### [1.98.194](https://indike.org/pramana/in.purana.linga.1.98.194) jagmatuḥ praṇipatyainaṃ devadevaṃ jagadgurum tasmānnāmnāṃ sahasreṇa pūjayed anagho dvijāḥ // ### [1.98.195](https://indike.org/pramana/in.purana.linga.1.98.195) japennāmnāṃ sahasraṃ ca sa yāti paramāṃ gatim // ### [1.98.195.p1](https://indike.org/pramana/in.purana.linga.1.98.195.p1) iti śrīliṅgamahāpurāṇe pūrvabhāge sahasranāmabhiḥ pūjanād viṣṇucakralābho nāmāṣṭanavatitamo 'dhyāyaḥ ## Commentaries (1) - [Śivatosaṇī Liṅgapurāṇaṭīkā](https://indike.org/pramana/in.purana.linga!ganesa.121.1) — Gaṇeśa Bhaṭṭa, Sanskrit ## Linked texts (9) - [Śivapurāṇa (complete text)](https://indike.org/pramana/in.purana.siva*complete-2.4.35.4) — Sanskrit - [Śāktapramoda](https://indike.org/pramana/in.sampradaya.general.sakta.saktapramoda.11.794) — Sanskrit - [Dīptāgama](https://indike.org/pramana/in.sampradaya.saiva.agama.siva.dipta.74.9) — Sanskrit - [Saurapurāṇa](https://indike.org/pramana/in.purana.upa.saiva.saura.41.12) — Sanskrit - [Śrīrāmasahasranāmastotram](https://indike.org/pramana/in.sampradaya.vaisnava.stotra.rama.ramasahasranamastotra.17_13) — Sanskrit - [Rāmasahasranāma](https://indike.org/pramana/in.sampradaya.vaisnava.stotra.rama.ramasahasranama.2.13) — Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.116.4) — Ativīrarāma Pāṇṭiyar 1500, Sanskrit - [Ānandarāmāyaṇa](https://indike.org/pramana/in.lit.ramayana.upajivya.ananda.76.52) — Vālmīki, Sanskrit - [Kūrmapurāṇa](https://indike.org/pramana/in.vernacular.tamil.kappiyam.kurmapurana.9.p10) — Ativīrarāma Pāṇṭiyar, Sanskrit --- Source: [https://indike.org/pramana/in.purana.linga.1.98](https://indike.org/pramana/in.purana.linga.1.98) · Pramāṇa