[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Lingapurana](https://indike.org/pramana/in.purana.linga) › 1.99 # Lingapurana 1.99 Liṅgapurāṇa 1.99 - **Language:** Sanskrit ## Contents - [1.99.20](https://indike.org/pramana/in.purana.linga.1.99.20) — 1 part ### [1.99.1](https://indike.org/pramana/in.purana.linga.1.99.1) ṛṣaya ūcuḥ saṃbhavaḥ sūcito devyās tvayā sūta mahāmate savistaraṃ vadasvādya satītve ca yathātatham // ### [1.99.2](https://indike.org/pramana/in.purana.linga.1.99.2) menājatvaṃ mahādevyā dakṣayajñavimardanam viṣṇunā ca kathaṃ dattā devadevāya śaṃbhave // ### [1.99.3](https://indike.org/pramana/in.purana.linga.1.99.3) kalyāṇaṃ vā kathaṃ tasya vaktumarhasi sāṃpratam teṣāṃ tadvacanaṃ śrutvā sūtaḥ paurāṇikottamaḥ // ### [1.99.4](https://indike.org/pramana/in.purana.linga.1.99.4) saṃbhavaṃ ca mahādevyāḥ prāha teṣāṃ mahātmanām brahmaṇā kathitaṃ pūrvaṃ daṇḍine tat suvistaram // ### [1.99.5](https://indike.org/pramana/in.purana.linga.1.99.5) yuṣmābhir vai kumārāya tena vyāsāya dhīmate tasmādahamupaśrutya pravadāmi suvistaram // ### [1.99.6](https://indike.org/pramana/in.purana.linga.1.99.6) vacanādvo mahābhāgāḥ praṇamyomāṃ tathā bhavam sā bhagākhyā jagaddhātrī liṅgamūrtestrivedikā // ### [1.99.7](https://indike.org/pramana/in.purana.linga.1.99.7) liṅgastu bhagavāndvābhyāṃ jagatsṛṣṭirdvijottamāḥ liṅgamūrtiḥ śivo jyotis tamasaścopari sthitaḥ // ### [1.99.8](https://indike.org/pramana/in.purana.linga.1.99.8) liṅgavedisamāyogād ardhanārīśvarobhavat brahmāṇaṃ vidadhe devam agre putraṃ caturmukham // ### [1.99.9](https://indike.org/pramana/in.purana.linga.1.99.9) prāhiṇoti sma tasyaiva jñānaṃ jñānamayo haraḥ viśvādhiko 'sau bhagavān ardhanārīśvaro vibhuḥ // ### [1.99.10](https://indike.org/pramana/in.purana.linga.1.99.10) hiraṇyagarbhaṃ taṃ devo jāyamānamapaśyata so 'pi rudraṃ mahādevaṃ brahmāpaśyata śaṅkaram // ### [1.99.11](https://indike.org/pramana/in.purana.linga.1.99.11) taṃ dṛṣṭvā saṃsthitaṃ devam ardhanārīśvaraṃ prabhum tuṣṭāva vāgbhir iṣṭābhir varadaṃ vārijodbhavaḥ // ### [1.99.12](https://indike.org/pramana/in.purana.linga.1.99.12) vibhajasveti viśveśaṃ viśvātmānamajo vibhuḥ sasarja devīṃ vāmāṅgāt patnīṃ caivātmanaḥ samām // ### [1.99.13](https://indike.org/pramana/in.purana.linga.1.99.13) śraddhā hyasya śubhā patnī tataḥ puṃsaḥ purātanī saivājñayā vibhordevī dakṣaputrī babhūva ha // ### [1.99.14](https://indike.org/pramana/in.purana.linga.1.99.14) satīsaṃjñā tadā sā vai rudramevāśritā patim dakṣaṃ vinindya kālena devī mainā hyabhūtpunaḥ // ### [1.99.15](https://indike.org/pramana/in.purana.linga.1.99.15) nāradasyaiva dakṣo 'pi śāpādevaṃ vinindya ca avajñādurmado dakṣo devadevamumāpatim // ### [1.99.16](https://indike.org/pramana/in.purana.linga.1.99.16) anādṛtya kṛtiṃ jñātvā satī dakṣeṇa tatkṣaṇāt bhasmīkṛtvātmano dehaṃ yogamārgeṇa sā punaḥ // ### [1.99.17](https://indike.org/pramana/in.purana.linga.1.99.17) babhūva pārvatī devī tapasā ca gireḥ prabhoḥ jñātvaitadbhagavān bhargo dadāha ruṣitaḥ prabhuḥ // ### [1.99.18](https://indike.org/pramana/in.purana.linga.1.99.18) dakṣasya vipulaṃ yajñaṃ cyāvaner vacanādapi cyavanasya suto dhīmān dadhīca iti viśrutaḥ // ### [1.99.19](https://indike.org/pramana/in.purana.linga.1.99.19) vijitya viṣṇuṃ samare prasādāt tryaṃbakasya ca viṣṇunā lokapālāṃś ca śaśāpa ca munīśvaraḥ // ### [1.99.20](https://indike.org/pramana/in.purana.linga.1.99.20) rudrasya krodhajenaiva vahninā haviṣā surāḥ vināśo vai kṣaṇādeva māyayā śaṅkarasya vai // ### [1.99.20.p1](https://indike.org/pramana/in.purana.linga.1.99.20.p1) iti śrīliṅgamahāpurāṇe pūrvabhāge devīsaṃbhavo nāma navanavatitamo 'dhyāyaḥ ## Commentaries (1) - [Śivatosaṇī Liṅgapurāṇaṭīkā](https://indike.org/pramana/in.purana.linga!ganesa.123.16) — Gaṇeśa Bhaṭṭa, Sanskrit ## Linked texts (1) - [Liṅgapurāṇa](https://indike.org/pramana/in.vernacular.tamil.kappiyam.lingapurana.119.1) — Ativīrarāma Pāṇṭiyar 1500, Sanskrit --- Source: [https://indike.org/pramana/in.purana.linga.1.99](https://indike.org/pramana/in.purana.linga.1.99) · Pramāṇa