[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Lingapurana](https://indike.org/pramana/in.purana.linga) › 2.12 # Lingapurana 2.12 Liṅgapurāṇa 2.12 - **Language:** Sanskrit ## Contents - [2.12.46](https://indike.org/pramana/in.purana.linga.2.12.46) — 1 part ### [2.12.1](https://indike.org/pramana/in.purana.linga.2.12.1) sanatkumāra uvāca mūrtayo 'ṣṭhau mamācakṣvaśaṅkarasya mahātmanaḥ / viśvarūpasya devasya gaṇeśvara mahāmate // ### [2.12.2](https://indike.org/pramana/in.purana.linga.2.12.2) nandikeśvara uvāca hanta te kathayiṣyāmi mahimānamumāpateḥ / viśvarūpasya devasya sarojabhavasaṃbhava // ### [2.12.3](https://indike.org/pramana/in.purana.linga.2.12.3) bhūr āpo ḥgnir marud vyoma bhāskaro dīkṣitaḥ śaśī / bhavasya mūrtayaḥ proktāḥ śivasya parameṣṭhanaḥ // ### [2.12.4](https://indike.org/pramana/in.purana.linga.2.12.4) khātmenduvahnisūryāṃbhodharāḥ pavana ityapi / tasyāṣṭa mūrtayaḥ proktā devadevasya dhīmataḥ // ### [2.12.5](https://indike.org/pramana/in.purana.linga.2.12.5) agnihotrerpite tena sūryātmani mahātmani / tadvibhūtistathā sarve devāstṛpyanti sarvadāḥ // ### [2.12.6](https://indike.org/pramana/in.purana.linga.2.12.6) vṛkṣasya mūlasekena yathā śākhopaśākhikāḥ / tathā tasyārcayā devās tathā syus tadvibhūtayaḥ // ### [2.12.7](https://indike.org/pramana/in.purana.linga.2.12.7) tasya dvādaśadhā bhinnaṃ rūpaṃ sūryātmakaṃ prabhoḥ / sarvadevātmakaṃ yājyaṃ yajānti munipuṅgavāḥ // ### [2.12.8](https://indike.org/pramana/in.purana.linga.2.12.8) amṛtākhyā kalā tasya sarvasyādityarūpiṇaḥ / bhūtasaṃjīvanī ceṣṭā lokosmin pīyate sadā // ### [2.12.9](https://indike.org/pramana/in.purana.linga.2.12.9) candrākhyakiraṇāstasya dhūrjaṭerbhāskarātmanaḥ / oṣadhīnāṃ vivṛddhyarthaṃ himavṛṣṭiṃ vitanvate // ### [2.12.10](https://indike.org/pramana/in.purana.linga.2.12.10) suklākhyāraśmayastasya śaṃbhormārtaṇḍarūpiṇaḥ / dharmaṃ vitanvate loke sasyapākādikāraṇam // ### [2.12.11](https://indike.org/pramana/in.purana.linga.2.12.11) divākarātmanastasya harikeśāhvayaḥ karaḥ / nakṣatrapoṣakaścaiva prasiddhaḥ parameṣṭhinaḥ // ### [2.12.12](https://indike.org/pramana/in.purana.linga.2.12.12) viśvakarmāhvayastasya kiraṇo budhapoṣakaḥ / sarveśvarasya devasya saptasaptisvarūpiṇaḥ // ### [2.12.13](https://indike.org/pramana/in.purana.linga.2.12.13) viśvavyaca iti khyātaḥ kiraṇastasya śūlinaḥ / śukrapoṣakabhāvena pratītaḥ sūryarūpiṇaḥ // ### [2.12.14](https://indike.org/pramana/in.purana.linga.2.12.14) saṃyadvasurīti khyāto yasya raśmistriśūlinaḥ / lohitāṅgaṃ prapuṣṇāti sahasrakiraṇātmanaḥ // ### [2.12.15](https://indike.org/pramana/in.purana.linga.2.12.15) arvāvasurīti khyāto raśmistasya pinākinaḥ / bṛhaspatiṃ prapuṣṇāti sarvadā tapanātmanaḥ // ### [2.12.16](https://indike.org/pramana/in.purana.linga.2.12.16) svarāḍiti samākhyātaḥ śivasyāṃśuḥ śanaiścaram / haridaśvātmanastasya prapuṣṇāti divāniśam // ### [2.12.17](https://indike.org/pramana/in.purana.linga.2.12.17) sūryātmakasya devasya viśvayonerumāpateḥ / suṣumṇākhyaḥ sadā raśmiḥ puṣṇāti śiśiradyutim // ### [2.12.18](https://indike.org/pramana/in.purana.linga.2.12.18) saumyānāṃ vasujātānāṃ prakṛtitvamupāgatā / tasya somāhvayā mūrtiḥ śaṅkarasya jagadguroḥ // ### [2.12.19](https://indike.org/pramana/in.purana.linga.2.12.19) tasya somātmaka rūpa śukratvena vyavasthitam / śarīrabhājāṃ sarveṣāṃ devasyāntakaśāsinaḥ // ### [2.12.20](https://indike.org/pramana/in.purana.linga.2.12.20) śarīriṇāmaśeṣāṇāṃ manasyeva vyavasthitam / vapuḥ somātmakaṃ śaṃbhostasya sarvajagadguroḥ // ### [2.12.21](https://indike.org/pramana/in.purana.linga.2.12.21) śaṃbhoḥ ṣoḍaśadhābhinnā sthitāmṛtakalātmanaḥ / sarvabhūtaśarīreṣu somākhyā mūrtiruttamā // ### [2.12.22](https://indike.org/pramana/in.purana.linga.2.12.22) devānpitṝṃś ca puṣṇāti sudhayāmṛtayā sadā / mūrtiḥ somāhvayā tasya devadevasya śāsituḥ // ### [2.12.23](https://indike.org/pramana/in.purana.linga.2.12.23) puṣṇātyoṣadhijātāni dehināmātmaśuddhaye / somāhvayā tanustasya bhavānīmiti nirdiśet // ### [2.12.24](https://indike.org/pramana/in.purana.linga.2.12.24) yajñānāṃ patibhāvena jīvānāṃ tapasāmapi / prasiddharūpametadvai momātmakamumāpateḥ // ### [2.12.25](https://indike.org/pramana/in.purana.linga.2.12.25) jalānāmoṣadhīnāṃ ca patibhāvena viśrutam / somātmakaṃ vapustasya śaṃbhorbhagavataḥ prabhoḥ // ### [2.12.26](https://indike.org/pramana/in.purana.linga.2.12.26) devo hiraṇmayo mṛṣṭaḥ parasparavivekinaḥ / karaṇānāmaśeṣāṇāṃ devatānāṃ nirākṛtiḥ // ### [2.12.27](https://indike.org/pramana/in.purana.linga.2.12.27) jīvatvena sthite tasmiñchive somātmake prabhau / madhurā vilayaṃ yāti sarvalokaikarakṣiṇī // ### [2.12.28](https://indike.org/pramana/in.purana.linga.2.12.28) yajamānāhvayā mūrtiḥ śaivī havyairaharniśam / puṣṇāti devatāḥ sarvāḥ kavyaiḥ pitṛgaṇānapi // ### [2.12.29](https://indike.org/pramana/in.purana.linga.2.12.29) yajamānāhvayā yā sā tanuścāhutijā tayā / vṛṣṭyā bhāvayati spaṣṭaṃ sarvameva parāparam // ### [2.12.30](https://indike.org/pramana/in.purana.linga.2.12.30) antaḥsthaṃ ca bahiḥsthaṃ ca brahmāṇḍānāṃ sthitaṃ jalam / bhūtānāṃ ca śarīrasthaṃ śaṃbhormūrtirgarīyasī // ### [2.12.31](https://indike.org/pramana/in.purana.linga.2.12.31) nadīnāmamṛtaṃ sākṣānnadānāmapi sarvadā / samudrāṇāṃ ca sarvatra vyāpī sarvamumāpatiḥ // ### [2.12.32](https://indike.org/pramana/in.purana.linga.2.12.32) saṃjīvinī samastānāṃ bhūtānāmeva pāvinī / aṃbikā prāṇasaṃsthā yā mūrtilaṃbumayī parā // ### [2.12.33](https://indike.org/pramana/in.purana.linga.2.12.33) antaḥsthaś ca bahiḥsthaś ca brahmāṇḍānāṃ vibhāvasuḥ / yajñānāṃ ca śarīrasthaḥ śaṃbhormūrtirgarīyasī // ### [2.12.34](https://indike.org/pramana/in.purana.linga.2.12.34) śarīrasthā ca bhūtānāṃ śreyasī mūrtiraiśvarī / mūrtiḥ pāvaka saṃsthā yā śaṃbhoratyantapūjitā // ### [2.12.35](https://indike.org/pramana/in.purana.linga.2.12.35) bhedā ekonapañcāśadvedavidbhirudāhṛtāḥ / havyaṃ vahati devānāṃ śaṃbhoryajñātmakaṃ vapuḥ // ### [2.12.36](https://indike.org/pramana/in.purana.linga.2.12.36) kavyaṃ pitṛgaṇānāṃ ca hūyamānaṃ dvijātibhiḥ / sarvadevamayaṃ śaṃbhoḥ śreṣṭhamagyātmakaṃ vapuḥ // ### [2.12.37](https://indike.org/pramana/in.purana.linga.2.12.37) vadanti vedaśāstrajñā yajanti ca yathāvidhi / antaḥstho jagadaṇḍānāṃ bahiḥsthaśca samīraṇaḥ // ### [2.12.38](https://indike.org/pramana/in.purana.linga.2.12.38) śarīrasthaśca bhūtānāṃ śaivī mūrtiḥ paṭīyasī / prāṇādyā nāgakūrmādyā āvahādyāśca vāyavaḥ // ### [2.12.39](https://indike.org/pramana/in.purana.linga.2.12.39) īśānamūrterekasya bhedāḥ sarve prakīrtitāḥ / antaḥsthaṃ jagadaṇḍānāṃ bahiḥsthaṃ ca viyadvibhoḥ // ### [2.12.40](https://indike.org/pramana/in.purana.linga.2.12.40) śarīrasthaṃ ca bhūtānāṃ śaṃbhomūrtirgarīyasī / śaṃbhorviśvaṃbharā mūrtiḥ sarvabrahmādhidevatā // ### [2.12.41](https://indike.org/pramana/in.purana.linga.2.12.41) carācarāṇāṃ bhūtānāṃ sarveṣāṃ dhāraṇe matā / carācarāṇāṃ bhūtānāṃ śarīrāṇi vidurbudhāḥ // ### [2.12.42](https://indike.org/pramana/in.purana.linga.2.12.42) pañcakenesamūrtīnāṃ samārabdhāni sarvathā / pañcabhūtāni candrārkāvātmeti munipuṅgavāḥ // ### [2.12.43](https://indike.org/pramana/in.purana.linga.2.12.43) mūrtayo 'ṣṭau śivasyāhurdevadevasya dhīmataḥ / ātmā tasyāṣṭamī mūrtiryajamānāhvayā parā // ### [2.12.44](https://indike.org/pramana/in.purana.linga.2.12.44) carācara śarīreṣu sarveṣveva sthitā tadā / dīkṣitaṃ brāhmaṇaṃ prāhurātmānaṃ ca munīśvarāḥ // ### [2.12.45](https://indike.org/pramana/in.purana.linga.2.12.45) yajamānāhvayā mūrtiḥ śivasya śivadāyinaḥ / mūrtayo 'ṣṭau śivasyaitā vandanīyāḥ prayatnataḥ // ### [2.12.46](https://indike.org/pramana/in.purana.linga.2.12.46) śreyo ḥrthibhir narair nityaṃ śreyasāmekahetavaḥ // ### [2.12.46.p1](https://indike.org/pramana/in.purana.linga.2.12.46.p1) iti śrīliṅgamahāpurāṇe uttarabhāge dvādaśo 'dhyāyaḥ ## Commentaries (1) - [Śivatosaṇī Liṅgapurāṇaṭīkā](https://indike.org/pramana/in.purana.linga!ganesa.144.18) — Gaṇeśa Bhaṭṭa, Sanskrit --- Source: [https://indike.org/pramana/in.purana.linga.2.12](https://indike.org/pramana/in.purana.linga.2.12) · Pramāṇa