[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Lingapurana](https://indike.org/pramana/in.purana.linga) › 2.13 # Lingapurana 2.13 Liṅgapurāṇa 2.13 - **Language:** Sanskrit ## Contents - [2.13.37](https://indike.org/pramana/in.purana.linga.2.13.37) — 1 part ### [2.13.1](https://indike.org/pramana/in.purana.linga.2.13.1) sanatkumāra uvāca bhūyo 'pi vada me nandin mahimānamumāpate / aṣṭamūrtermaheśasya śivasya parameṣṭhinaḥ // ### [2.13.2](https://indike.org/pramana/in.purana.linga.2.13.2) nandikeśvara uvāca vakṣyāmi te maheśasya mahimānamumāpateḥ / aṣṭamūrterjagadvyāpya sthitasya parameṣṭhinaḥ // ### [2.13.3](https://indike.org/pramana/in.purana.linga.2.13.3) carācarāṇāṃ bhūtānāṃ dhātā viśvaṃbharātmakaḥ / śarva ityucyate devaḥ sarvaśāstrārthapāragaiḥ // ### [2.13.4](https://indike.org/pramana/in.purana.linga.2.13.4) viśvaṃbharātmanastasya sarvasya parameṣṭhinaḥ / vikeśī kathyate patnī tanayoṅgārakaḥ smṛtaḥ // ### [2.13.5](https://indike.org/pramana/in.purana.linga.2.13.5) bhava ityucyate devo bhagavānvedavādibhiḥ / saṃjīvanasya lokānāṃ bhavasya paramātmanaḥ // ### [2.13.6](https://indike.org/pramana/in.purana.linga.2.13.6) umā saṃkīrtitā devī sutaḥ śukraśca sūribhiḥ / saptalokāṇḍakavyāpī sarvalokaikarakṣitā // ### [2.13.7](https://indike.org/pramana/in.purana.linga.2.13.7) vahnyātmā bhagavāndevaḥ smṛtaḥ paśupatirbudhaiḥ / svāhā patnyātmanastasya proktā paśupateḥ priyā // ### [2.13.8](https://indike.org/pramana/in.purana.linga.2.13.8) ṣaṇmukho bhagavān devo budhaiḥ putra udāhṛtaḥ / samastabhuvanavyāpī bhartā sarvaśarīriṇām // ### [2.13.9](https://indike.org/pramana/in.purana.linga.2.13.9) pavanātmā budhairdeva īśāna iti kīrtyate / īśānasya jagatkarturdevasya pavanātmanaḥ // ### [2.13.10](https://indike.org/pramana/in.purana.linga.2.13.10) śivā devī budairuktā putraścāsya manojavaḥ / carācarāṇāṃ bhūtānāṃ sarveṣāṃ sarvakāmadaḥ // ### [2.13.11](https://indike.org/pramana/in.purana.linga.2.13.11) vyomātmā bhagavāndevo bhīma ityucyate budhaiḥ / mahāmahimno devasya bhīmasya gaganātmanaḥ // ### [2.13.12](https://indike.org/pramana/in.purana.linga.2.13.12) diśo daśa smṛtā devyaḥ sutaḥ sargaśca sūribhiḥ / sūryātmā bhagavāndevaḥ sarveṣāṃ ca vibhūtidaḥ // ### [2.13.13](https://indike.org/pramana/in.purana.linga.2.13.13) rudra ityucyate devairbhagavān bhuktimuktidaḥ / sūryātma kasya rudrasya bhaktānāṃ bhaktidāyinaḥ // ### [2.13.14](https://indike.org/pramana/in.purana.linga.2.13.14) suvarcalā smṛtā devī sutaścāsya śanaiścaraḥ / samastasaumyavastūnāṃ prakṛtitvena viśrutaḥ // ### [2.13.15](https://indike.org/pramana/in.purana.linga.2.13.15) somātmako budhairdevo mahādeva iti smṛtaḥ / somātmakasya devasya mahādevasya sūribhiḥ // ### [2.13.16](https://indike.org/pramana/in.purana.linga.2.13.16) dayitā rohiṇī proktā budhaścaiva śarīrajaḥ / havyakavyasthitiṃ kurvan havyakavyāśināṃ tadā // ### [2.13.17](https://indike.org/pramana/in.purana.linga.2.13.17) yajamānātmako devo mahādevo budhaiḥ prabhuḥ / ugra ityucyate sadbhirīśānaśceti cāparaiḥ // ### [2.13.18](https://indike.org/pramana/in.purana.linga.2.13.18) ugrāhvayasya devasya yajamānātmanaḥ prabhoḥ / dīkṣā patnī budhairuktā saṃtānākhyaḥ sutastathā // ### [2.13.19](https://indike.org/pramana/in.purana.linga.2.13.19) śarīriṇāṃ śarīreṣu kaṭhinaṃ koṅkaṇādivat / pārthivaṃ tadvapurjñeyaṃ śarvatattvaṃ bubhutsubhiḥ // ### [2.13.20](https://indike.org/pramana/in.purana.linga.2.13.20) dehedehe tu deveśo dehabhājāṃ yadavyayam / vastudravyātmakaṃ tasya bhavasya paramātmanaḥ // ### [2.13.21](https://indike.org/pramana/in.purana.linga.2.13.21) jñeyaṃ ca tattvavidbhirvai sarvavedārthapāragaiḥ / āgneyaḥ pariṇāmo yo vigraheṣu śarīriṇām // ### [2.13.22](https://indike.org/pramana/in.purana.linga.2.13.22) mūrtiḥ paśupatirjñeyā sā tattvaṃ vettumicchubhiḥ / vāyavyaḥ pariṇāmo yaḥ śarīreṣu śarīriṇām // ### [2.13.23](https://indike.org/pramana/in.purana.linga.2.13.23) budhairīśoti sā tasya tanurjñeyā na saṃśayaḥ / suṣiraṃ yaccharīrasthamaśeṣāṇāṃ śarīriṇām // ### [2.13.24](https://indike.org/pramana/in.purana.linga.2.13.24) bhīmasya sā tanurjñeyā tattvavijñānakāṅkṣibhiḥ / cakṣurādigataṃ tejo yaccharīrasthamaṅginām // ### [2.13.25](https://indike.org/pramana/in.purana.linga.2.13.25) rudrasyāpi tanurjñeyā paramārthaṃ bubhutsubhiḥ / sarvabhūtaśarīreṣu manaścandrātmakaṃ hi yat // ### [2.13.26](https://indike.org/pramana/in.purana.linga.2.13.26) mahādevasya sā mūrtirboddhavyā tattvacintakaiḥ / ātmā yo yajamānākhyaḥ sarvabhūtaśarīragaḥ // ### [2.13.27](https://indike.org/pramana/in.purana.linga.2.13.27) mūrtirugrasya sā jñeyā paramātmabubhutsubhiḥ / jātānāṃ sarva bhūtānāṃ caturdaśasu yoniṣu // ### [2.13.28](https://indike.org/pramana/in.purana.linga.2.13.28) aṣṭamūrterananyatvaṃ vadanti paramarṣayaḥ / saptamūrtimayānyāhurīśasyāṅgāni dehinām // ### [2.13.29](https://indike.org/pramana/in.purana.linga.2.13.29) ātmā tasyāṣṭamī mūrtiḥ sarvabhūtaśarīragā / aṣṭamūrtimamuṃ devaṃ sarvalokātmakaṃ vibhum // ### [2.13.30](https://indike.org/pramana/in.purana.linga.2.13.30) bhajasva sarvabhāvena śreyaḥ prāptuṃ yadīcchasi / prāṇino yasya kasyāpi kriyate yadyanugrahaḥ // ### [2.13.31](https://indike.org/pramana/in.purana.linga.2.13.31) aṣṭamūrtermaheśasya kṛtamārādhanaṃ bhavet / nigrahaścet kṛto loke dehino yasya kasyacit // ### [2.13.32](https://indike.org/pramana/in.purana.linga.2.13.32) aṣṭamūrtermaheśasya sa eva vihito bhavet / yadyavajñā kṛtā loke yasya kasya cidaṅginaḥ // ### [2.13.33](https://indike.org/pramana/in.purana.linga.2.13.33) aṣṭamūrtermahe śasya vihitā sā bhavedvibhoḥ / abhayaṃ yat pradattaṃ syādaṅgino vasya kasyacit // ### [2.13.34](https://indike.org/pramana/in.purana.linga.2.13.34) ārādhanaṃ kṛtaṃ tasmādaṣṭamūrterna saṃśayaḥ / sarvopakārakaraṇaṃ pradānamabhayasya ca // ### [2.13.35](https://indike.org/pramana/in.purana.linga.2.13.35) ārādhanaṃ tu devasya aṣṭamūrterna saṃśayaḥ / sarvopakārakaraṇaṃ sarvānugraha eva ca // ### [2.13.36](https://indike.org/pramana/in.purana.linga.2.13.36) tadarcanaṃ paraṃ prāhuraṣṭamūrtermunīśvarāḥ / anugrahaṇamanyeṣāṃ vidhātavyaṃ tvayāṅginām // ### [2.13.37](https://indike.org/pramana/in.purana.linga.2.13.37) sarvābhayapradānaṃ ca śivārādhanamicchatā // ### [2.13.37.p1](https://indike.org/pramana/in.purana.linga.2.13.37.p1) iti śrīliṅgamahāpurāṇe uttarabhāge trayodaśo 'dhyāyaḥ ## Commentaries (1) - [Śivatosaṇī Liṅgapurāṇaṭīkā](https://indike.org/pramana/in.purana.linga!ganesa.145.4) — Gaṇeśa Bhaṭṭa, Sanskrit ## Linked texts (1) - [Kūrmapurāṇa](https://indike.org/pramana/in.purana.kurma.2.7.18) — Vyāsa, Sanskrit --- Source: [https://indike.org/pramana/in.purana.linga.2.13](https://indike.org/pramana/in.purana.linga.2.13) · Pramāṇa