[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Lingapurana](https://indike.org/pramana/in.purana.linga) › 2.15 # Lingapurana 2.15 Liṅgapurāṇa 2.15 - **Language:** Sanskrit ## Contents - [2.15.26](https://indike.org/pramana/in.purana.linga.2.15.26) — 1 part ### [2.15.1](https://indike.org/pramana/in.purana.linga.2.15.1) sanatkumāra uvāca bhūyo 'pi śivamāhātmyaṃ samācakṣva mahāmate / sarvajño hyasi bhūtānā madhinātha mahāguṇa // ### [2.15.2](https://indike.org/pramana/in.purana.linga.2.15.2) śailādiruvāca śivamāhātmyamekāgraḥ śṛṇu vakṣyāmi te mune / bahubhirbahudhā śabdaiḥ kīrtitaṃ munisattamaiḥ // ### [2.15.3](https://indike.org/pramana/in.purana.linga.2.15.3) sadasadrūpamityāhuḥ sadasatpatirityapi / taṃ śivaṃ munayaḥ kecitpravadanti ca sūrayaḥ // ### [2.15.4](https://indike.org/pramana/in.purana.linga.2.15.4) bhūtabhāvavikāreṇa dvitīyena sa ucyate / vyaktaṃ tena vihīnatvādavyaktamasadityapi // ### [2.15.5](https://indike.org/pramana/in.purana.linga.2.15.5) ubhe te śivarūpe hi śivādanyaṃ na vidyate / tayoḥ patitvācca śivaḥ sadasatpatirucyate // ### [2.15.6](https://indike.org/pramana/in.purana.linga.2.15.6) kṣarākṣarātmakaṃ prāhuḥ kṣarākṣaraparaṃ tathā / śivaṃ maheśvaraṃ kecinmunayastattvacintakāḥ // ### [2.15.7](https://indike.org/pramana/in.purana.linga.2.15.7) uktamakṣaramavyaktaṃ vyaktaṃ kṣaramudāhṛtam / rūpe te śaṅkarasyaiva tasmānna para ucyate // ### [2.15.8](https://indike.org/pramana/in.purana.linga.2.15.8) tayoḥ paraḥ śivaḥ śāntaḥ kṣarākṣaraparo budhaiḥ / ucyate paramārthena mahādevo maheśvaraḥ // ### [2.15.9](https://indike.org/pramana/in.purana.linga.2.15.9) samastavyaktarūpaṃ tu tataḥ smṛtvā sa mucyate / samaṣṭivyaṣṭirūpaṃ tu samaṣṭivyaṣṭikāraṇam // ### [2.15.10](https://indike.org/pramana/in.purana.linga.2.15.10) vadanti kecidācāryāḥ śivaṃ paramakāraṇam / samaṣṭiṃ viduravyaktaṃ vyaṣṭiṃ vyaktaṃ munīśvarāḥ // ### [2.15.11](https://indike.org/pramana/in.purana.linga.2.15.11) rūpe te gadite śaṃbhornāstyanyadvastusaṃbhavam / tayoḥ kāramabhāvena śivo hi parameśvaraḥ // ### [2.15.12](https://indike.org/pramana/in.purana.linga.2.15.12) ucyate yogaśāstrajñaiḥ samaṣṭivyaṣṭikāraṇam / kṣetrakṣetrajñarūpī ca śivaḥ kaiścidudāhṛtaḥ // ### [2.15.13](https://indike.org/pramana/in.purana.linga.2.15.13) paramātmā paraṃ jyotirbhagavānparameśvaraḥ / caturviśatitattvāni samaṣṭivyaṣṭikāraṇam // ### [2.15.14](https://indike.org/pramana/in.purana.linga.2.15.14) prāhuḥ kṣetrajñaśabdena bhoktāraṃ puruṣaṃ tathā / kṣetrakṣetravidāvete rūpe tasya svayaṃbhuvaḥ // ### [2.15.15](https://indike.org/pramana/in.purana.linga.2.15.15) na kiñcicca śivādanyaditi prāhurmanīṣiṇaḥ / aparabrahmarūpaṃ taṃ parabrahmātmakaṃ śivam // ### [2.15.16](https://indike.org/pramana/in.purana.linga.2.15.16) kecidāhurmahādevamanādi nidhanaṃ prabhum / bhūtendriyāntaḥ karaṇapradhānaviṣayātmakam // ### [2.15.17](https://indike.org/pramana/in.purana.linga.2.15.17) aparaṃ brahma nirdiṣṭaṃ paraṃ brahma cidātmakam / brahmaṇī te maheśasya śivasyāsya svayaṃbhuvaḥ // ### [2.15.18](https://indike.org/pramana/in.purana.linga.2.15.18) śaṅkarasya parasyaiva śivādanyanna vidyate / vidyāvidyāsvarūpī ca śaṅkaraḥ kaiściducyate // ### [2.15.19](https://indike.org/pramana/in.purana.linga.2.15.19) dhātā vidhātā lokānāmādidevo maheśvaraḥ / vidyeti ca tamevāhuravidyeti munīśvarāḥ // ### [2.15.20](https://indike.org/pramana/in.purana.linga.2.15.20) prapañcajātamakhilaṃ te svarūpe svayaṃbhuvaḥ / bhrāntirvidyā paraṃ ceti śivarūpamanuttamam // ### [2.15.21](https://indike.org/pramana/in.purana.linga.2.15.21) avāpurmunayo yogātkecidāgamavedinaḥ / artheṣu bahurūpeṣu vijñānaṃ bhrāntirucyate // ### [2.15.22](https://indike.org/pramana/in.purana.linga.2.15.22) ātmākāreṇa saṃvittirbudhairvidyeti kīrtyate / vikalparahitaṃ tattvaṃ paramityabhidhīyate // ### [2.15.23](https://indike.org/pramana/in.purana.linga.2.15.23) tṛtīyarūpamīśasya nānyatkiñcana sarvataḥ / vyaktāvyaktajñarūpīti śivaḥ kaiścinnigadyate // ### [2.15.24](https://indike.org/pramana/in.purana.linga.2.15.24) vidhātā sarva lokānāṃ dhātā ca parameśvaraḥ / trayoviṃśatitattvāni vyaktaśabdena sūrayaḥ // ### [2.15.25](https://indike.org/pramana/in.purana.linga.2.15.25) vadantyavyaktaśabdena prakṛtiḥ ca parāṃ tathā / kathayanti jñaśabdena puruṣaṃ gumabhoginam // ### [2.15.26](https://indike.org/pramana/in.purana.linga.2.15.26) tattrayaṃ śāṅkaraṃ rūpaṃ nānyatkiñcidaśāṅkaram // ### [2.15.26.p1](https://indike.org/pramana/in.purana.linga.2.15.26.p1) iti śrīliṅgamahāpurāṇe uttarabhāge pañcadaśo 'dhyāyaḥ ## Commentaries (1) - [Śivatosaṇī Liṅgapurāṇaṭīkā](https://indike.org/pramana/in.purana.linga!ganesa.147.2) — Gaṇeśa Bhaṭṭa, Sanskrit ## Linked texts (1) - [Śivapurāṇa (complete text)](https://indike.org/pramana/in.purana.siva*complete-2.7.2.5.9) — Sanskrit --- Source: [https://indike.org/pramana/in.purana.linga.2.15](https://indike.org/pramana/in.purana.linga.2.15) · Pramāṇa