[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Lingapurana](https://indike.org/pramana/in.purana.linga) › 2.16 # Lingapurana 2.16 Liṅgapurāṇa 2.16 - **Language:** Sanskrit ## Contents - [2.16.31](https://indike.org/pramana/in.purana.linga.2.16.31) — 1 part ### [2.16.1](https://indike.org/pramana/in.purana.linga.2.16.1) sanatkumāra uvāca punareva mahābuddhe śrotumicchāmi tattvataḥ / bahubhirbahudhā śabdaiḥ śabditāni munīśvaraiḥ // ### [2.16.2](https://indike.org/pramana/in.purana.linga.2.16.2) śailādiruvāca punaḥ punaḥ pravakṣyāmi śivarūpāṇi te mune / bahubhirbahudhā śabdaiḥ śabditāni munīśvaraiḥ // ### [2.16.3](https://indike.org/pramana/in.purana.linga.2.16.3) kṣetrajñaḥ prakṛtirvyaktaṃ kālātmeti munīśvaraiḥ / ucyate kaiścidācāryairāgamārṇavapāragaiḥ // ### [2.16.4](https://indike.org/pramana/in.purana.linga.2.16.4) kṣetrajñaṃ puruṣaṃ prāhuḥ pradhānaṃ prakṛtiṃ budhāḥ / vikārajātaṃ niḥśeṣaṃ prakṛtervyaktamityapi // ### [2.16.5](https://indike.org/pramana/in.purana.linga.2.16.5) pradhānavyaktayoḥ kālaḥ pariṇāmaikakāraṇam / taccatuṣṭayamīśasya rūpāṇāṃ hi catuṣṭayam // ### [2.16.6](https://indike.org/pramana/in.purana.linga.2.16.6) hiraṇyagarbhaṃ puruṣaṃ pradhānaṃ vyaktarūpiṇam / kathayanti śivaṃ kecidācāryāḥ parameśvaram // ### [2.16.7](https://indike.org/pramana/in.purana.linga.2.16.7) hiraṇyagarbhaḥ kartāsya bhoktā viśvasya pūruṣaḥ / vikārajātaṃ vyaktākhyaṃ pradhānaṃ kāraṇaṃ param // ### [2.16.8](https://indike.org/pramana/in.purana.linga.2.16.8) teṣāṃ catuṣṭayaṃ buddheḥ śivarūpacatuṣṭayam / procyate śaṅkarādanyadasti vastu na kiñcana // ### [2.16.9](https://indike.org/pramana/in.purana.linga.2.16.9) piṇḍajātisvarūpī tu kathyate kauścidīśvaraḥ / carācaraśarīrāṇi piṇḍākhyāny akhilāny api // ### [2.16.10](https://indike.org/pramana/in.purana.linga.2.16.10) sāmānyāni samastāni mahāsāmānyameva ca / kathyante jātiśabdena tāni rūpāṇi dhīmataḥ // ### [2.16.11](https://indike.org/pramana/in.purana.linga.2.16.11) virāṭ hiraṇyagarbhātmā kaiścidīśo nigadyate / hiraṇyagarbho lokānāṃ heturlokātmako virāṭ // ### [2.16.12](https://indike.org/pramana/in.purana.linga.2.16.12) sūtrāvyākṛtarūpaṃ taṃ śivaṃ śaṃsaṃti kecana / avyākṛtaṃ pradhānaṃ hi tadrūpaṃ parameṣṭhanaḥ // ### [2.16.13](https://indike.org/pramana/in.purana.linga.2.16.13) lokā yenaiva tiṣṭhanti sūtre maṇigaṇā iva / tatsūtramiti vijñeyaṃ rūpamadbhutavikramam // ### [2.16.14](https://indike.org/pramana/in.purana.linga.2.16.14) antaryāmī paraḥ kaiścitkaiścidīśaḥ prakīrtyate / svayañjyotiḥ svayaṃvedyaḥ śivaḥ śaṃbhurmaheśvaraḥ // ### [2.16.15](https://indike.org/pramana/in.purana.linga.2.16.15) sarveṣāmeva bhūtānāmantaryāmī śivaḥ smṛtaḥ / sarveṣāmeva bhūtānāṃ paratvātpara ucyate // ### [2.16.16](https://indike.org/pramana/in.purana.linga.2.16.16) paramātmā śivaḥ śaṃbhuḥ śaṅkaraḥ parameśvaraḥ / prājñataijasaviśvākhyaṃ tasya rūpatrayaṃ viduḥ // ### [2.16.17](https://indike.org/pramana/in.purana.linga.2.16.17) suṣuptisvapnajāgrantamavasthātrayameva tat / virāṭ hiraṇyagarbhākhyamavyākṛtapadāhvayam // ### [2.16.18](https://indike.org/pramana/in.purana.linga.2.16.18) turīyasya śivasyāsya avasthātrayagāminaḥ / hiraṇyagarbhaḥ puruṣaḥ kāla ity eva kīrtitāḥ // ### [2.16.19](https://indike.org/pramana/in.purana.linga.2.16.19) tisro 'vasthā jagatsṛṣṭisthitisaṃhārahetavaḥ / bhavaviṣṇuviriñcākhyamavasthātrayamīśituḥ // ### [2.16.20](https://indike.org/pramana/in.purana.linga.2.16.20) ārādhya bhaktyā muktiṃ ca prāpnuvanti śarīriṇaḥ / kartā kriyā ca kāryaṃ ca karaṇaṃ ceti sūribhiḥ // ### [2.16.21](https://indike.org/pramana/in.purana.linga.2.16.21) śaṃbhoścatvāri rūpāṇi kīrtyante parameṣṭhinaḥ / pramātā ca pramāṇaṃ ca prameyaṃ pramitistathā // ### [2.16.22](https://indike.org/pramana/in.purana.linga.2.16.22) catvāryetāni rūpāṇi śivasyaiva na saṃśayaḥ / īśvarāvyākṛtaprāṇavirāṭbhūtendriyātmakam // ### [2.16.23](https://indike.org/pramana/in.purana.linga.2.16.23) śivasyaiva vikāro 'yaṃ samudrasyeva vīcayaḥ / īśvaraṃ jagatāmāhurnimittaṃ kāraṇaṃ tathā // ### [2.16.24](https://indike.org/pramana/in.purana.linga.2.16.24) avyākṛtaṃ pradhānaṃ hi taduktaṃ vedavādibhiḥ / hiraṇyagarbhaḥ prāṇākhyo virāṭ lokātmakaḥ smṛtaḥ // ### [2.16.25](https://indike.org/pramana/in.purana.linga.2.16.25) mahā bhūtāni bhūtāni kāryāṇi indriyāṇi ca / śivasyaitāni rūpāṇi śaṃsaṃti munisattamāḥ // ### [2.16.26](https://indike.org/pramana/in.purana.linga.2.16.26) paramātmā śivādanyo nāstīti kavayoviduḥ / śivajātāni tattvāni pañcaviṃśanmanīṣibhiḥ // ### [2.16.27](https://indike.org/pramana/in.purana.linga.2.16.27) uktāni na tadanyāni salilādūrmivṛndavat / pañcaviṃśatpadārthebhyaḥ śivatattvaṃ paraṃ viduḥ // ### [2.16.28](https://indike.org/pramana/in.purana.linga.2.16.28) tāni tasmādananyāni suvarṇakaṭakādivat / sadāśiveśvarādyāni tattvāni śivatattvataḥ // ### [2.16.29](https://indike.org/pramana/in.purana.linga.2.16.29) jātāni na tadanyāni mṛddravyaṃ kuṃbhabhedavat / māyā vidyā kriyā śaktirjñānaśaktiḥ kriyāmayī // ### [2.16.30](https://indike.org/pramana/in.purana.linga.2.16.30) jātāḥ śivānna saṃdehaḥ kiraṇā iva sūryataḥ / sarvātmakaṃ śivaṃ devaṃ sarvāśrayavidhāyinam // ### [2.16.31](https://indike.org/pramana/in.purana.linga.2.16.31) bhajasva sarvabhāvena śreyaścetprāptumicchasi // ### [2.16.31.p1](https://indike.org/pramana/in.purana.linga.2.16.31.p1) iti śrīliṅgamahāpurāṇe uttarabhāge ṣoḍaśo 'dhyāyaḥ ## Commentaries (1) - [Śivatosaṇī Liṅgapurāṇaṭīkā](https://indike.org/pramana/in.purana.linga!ganesa.148.5) — Gaṇeśa Bhaṭṭa, Sanskrit ## Linked texts (2) - [Śivapurāṇa (complete text)](https://indike.org/pramana/in.purana.siva*complete-2.7.2.5.22) — Sanskrit - [Kūrmapurāṇa](https://indike.org/pramana/in.purana.kurma.2.16.93.p1) — Vyāsa, Sanskrit --- Source: [https://indike.org/pramana/in.purana.linga.2.16](https://indike.org/pramana/in.purana.linga.2.16) · Pramāṇa