[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Lingapurana](https://indike.org/pramana/in.purana.linga) › 2.17 # Lingapurana 2.17 Liṅgapurāṇa 2.17 - **Language:** Sanskrit ## Contents - [2.17.24](https://indike.org/pramana/in.purana.linga.2.17.24) — 1 part ### [2.17.1](https://indike.org/pramana/in.purana.linga.2.17.1) sanatkumāra uvāca bhūyo devagaṇaśreṣṭha śivamāhātmyamuttamam / śṛṇvato nāsti me tṛptistva dvākyāmṛtapānataḥ // ### [2.17.2](https://indike.org/pramana/in.purana.linga.2.17.2) kathaṃ śarīrī bhagavān kasmādrudraḥ pratāpavān / sarvātmā ca kathaṃ śambhuḥ kathaṃ pāśupataṃ vratam // ### [2.17.3](https://indike.org/pramana/in.purana.linga.2.17.3) kathaṃ vā devamukhyaiśca śruto dṛṣṭaśca śaṅkaraḥ / śailādiruvāca avyaktādabhavatsthāṇuḥ śivaḥ paramakāraṇam // ### [2.17.4](https://indike.org/pramana/in.purana.linga.2.17.4) sa sarvakāraṇopeta ṛpirviśvāvikaḥ prabhuḥ / devānāṃ prathamaṃ devaṃ jāyamānaṃ mukhāmbujāt // ### [2.17.5](https://indike.org/pramana/in.purana.linga.2.17.5) dadarśa cāgre brahmāṇaṃ cājñayā tamavaikṣata / dṛṣṭo rudreṇa deveśaḥ sasarja sakalaṃ ca saḥ // ### [2.17.6](https://indike.org/pramana/in.purana.linga.2.17.6) varṇāśramavyavasthāśca sthāpayāmāsa vai virāṭ / somaṃ sasarja yajñārthaṃ somādidamajāyata // ### [2.17.7](https://indike.org/pramana/in.purana.linga.2.17.7) caruśca vahniryajñaśca vajrapāṇiḥ śacīpatiḥ / viṣṇurnārāyaṇaḥ śrīmān sarvaṃ somamayaṃ jagat // ### [2.17.8](https://indike.org/pramana/in.purana.linga.2.17.8) rudrādhyāyena te devā rudraṃ tuṣṭuvurīśvaram / prasannavadanastasthau devānāṃ madhyataḥ prabhuḥ // ### [2.17.9](https://indike.org/pramana/in.purana.linga.2.17.9) apahṛtya ca vijñānameṣāmeva maheśvaraḥ / devā hyapṛcchaṃstaṃ devaṃ ko bhavāniti śaṅkaram // ### [2.17.10](https://indike.org/pramana/in.purana.linga.2.17.10) abravīdbhagavānrudro hyahamekaḥ purātanaḥ / āsaṃ prathama evāhaṃ vartāmi ca surottamāḥ // ### [2.17.11](https://indike.org/pramana/in.purana.linga.2.17.11) bhaviṣyāmi ca loke 'sminmatto nānyaḥ kutaścana / vyatiriktaṃ na matto 'sti nānyatkiñcitsurottamāḥ // ### [2.17.12](https://indike.org/pramana/in.purana.linga.2.17.12) nityo 'nityo 'hamanagho brāhmāhaṃ brahmaṇaspatiḥ / diśaśca vidiśaścāhaṃ prakṛtiśca pumānaham // ### [2.17.13](https://indike.org/pramana/in.purana.linga.2.17.13) triṣṭubjagatyanuṣṭup ca cchandohaṃ tanmayaḥ śivaḥ / satyohaṃ sarvagaḥ śāntastretāgnirgauravaṃ guruḥ // ### [2.17.14](https://indike.org/pramana/in.purana.linga.2.17.14) gaurahaṃ gahvaraścāhaṃ nityaṃ gahanagocaraḥ / jyeṣṭhohaṃ sarvatattvānāṃ variṣṭhohamapāṃ patiḥ // ### [2.17.15](https://indike.org/pramana/in.purana.linga.2.17.15) āpohaṃ bhagavānīśastejohaṃ vedirapyaham / ṛgvedohaṃ yajurvedaḥ sāmavedohamātmabhūḥ // ### [2.17.16](https://indike.org/pramana/in.purana.linga.2.17.16) atharvaṇohaṃ mantrohaṃ tathā cāṅgirasāṃ varaḥ / itihāsapurāṇāni kalpohaṃ kalpanāpyaham // ### [2.17.17](https://indike.org/pramana/in.purana.linga.2.17.17) akṣaraṃ ca kṣaraṃ cāhaṃ kṣāntiḥ śāntirahaṃ kṣamā / guhyohaṃ sarvavedeṣu vareṇyohamajopyaham // ### [2.17.18](https://indike.org/pramana/in.purana.linga.2.17.18) puṣkaraṃ ca pavitraṃ ca madhyaṃ cāhaṃ tataḥ param / bahiścāhaṃ tathā cāntaḥ purastādahamavyayaḥ // ### [2.17.19](https://indike.org/pramana/in.purana.linga.2.17.19) jyotiścāhaṃ tamaścāhaṃ brahmā viṣṇurmaheśvaraḥ / buddhiścāhamahaṅkārastanmātrāṇīndriyāṇi ca // ### [2.17.20](https://indike.org/pramana/in.purana.linga.2.17.20) evaṃ sarvaṃ ca māmeva yo veda sura sattamāḥ / sa eva sarvavitsarvaṃ sarvātmā parameśvaraḥ // ### [2.17.21](https://indike.org/pramana/in.purana.linga.2.17.21) gāṃ gobhirbrāhmaṇānsarvānbrahmaṇyena havīṃṣi ca / āyuṣāyustathā satyaṃ satyena surasattamāḥ // ### [2.17.22](https://indike.org/pramana/in.purana.linga.2.17.22) dharmaṃ dharmeṇa sarvāṃśca tarpayāmi svatejasā / ityādau bhagavānuktvā tatraivāntaradhīyata // ### [2.17.23](https://indike.org/pramana/in.purana.linga.2.17.23) nāpaśyanta tato devaṃ rudraṃ paramakāraṇam / te devāḥ paramātmānaṃ rudraṃ dhyāyanti śaṅkaram // ### [2.17.24](https://indike.org/pramana/in.purana.linga.2.17.24) sanārāyaṇakā devāḥ seṃdrāśca munayastathā / tathordhvabāhavo devā rudraṃ stunvanti saṃkaram // ### [2.17.24.p1](https://indike.org/pramana/in.purana.linga.2.17.24.p1) iti śrīliṅgamahāpurāṇe uttarabhāge saptadaśo 'dhyāyaḥ ## Commentaries (1) - [Śivatosaṇī Liṅgapurāṇaṭīkā](https://indike.org/pramana/in.purana.linga!ganesa.149.20) — Gaṇeśa Bhaṭṭa, Sanskrit ## Linked texts (5) - [Saurapurāṇa](https://indike.org/pramana/in.purana.upa.saiva.saura.45.12) — Sanskrit - [Śivagītā](https://indike.org/pramana/in.sampradaya.saiva.stotra.sivagita-2.6.38_15) — Sanskrit - [Śivapurāṇa (complete text)](https://indike.org/pramana/in.purana.siva*complete-2.7.2.8.15) — Sanskrit - [Atharvaśira-upaniṣad](https://indike.org/pramana/in.veda.upanisad.saiva.atharvashiras.1) — Sanskrit - [Śivagītā (ed. Vāsudevaśarman)](https://indike.org/pramana/in.sampradaya.saiva.stotra.sivagita*vasudevasarman1929.7.11) — Sanskrit --- Source: [https://indike.org/pramana/in.purana.linga.2.17](https://indike.org/pramana/in.purana.linga.2.17) · Pramāṇa