[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Lingapurana](https://indike.org/pramana/in.purana.linga) › 2.18 # Lingapurana 2.18 Liṅgapurāṇa 2.18 - **Language:** Sanskrit ## Contents - [2.18.67](https://indike.org/pramana/in.purana.linga.2.18.67) — 1 part ### [2.18.1](https://indike.org/pramana/in.purana.linga.2.18.1) devā ūcuḥ ya eṣa bhagavān rudro brahmaviṣṇumaheśvarāḥ / skandaścāpi tathā cedro bhuvanāni caturdaśa / aśvinau grahatārāsca nakṣatrāṇi ca khaṃ diśaḥ // ### [2.18.2](https://indike.org/pramana/in.purana.linga.2.18.2) bhūtāni ca tathā sūryaḥ somaścāṣṭau grahāstathā / prāṇaḥ kālo yamo mṛtyuramṛtaḥ parameśvaraḥ // ### [2.18.3](https://indike.org/pramana/in.purana.linga.2.18.3) bhūtaṃ bhavyaṃ bhaviṣyacca vartamānaṃ maheśvaraḥ / viśvaṃ kṛtsnaṃ jagatsarvaṃ satyaṃ tasmai namonamaḥ // ### [2.18.4](https://indike.org/pramana/in.purana.linga.2.18.4) tvamādau ca tathā bhūto bhūrbhuvaḥ svastathaiva ca / ante tvaṃ viśvarūpo 'si śīrṣaṃ tu jagataḥ saṃdā // ### [2.18.5](https://indike.org/pramana/in.purana.linga.2.18.5) brahmaikastvaṃ dvitridhārthamadhaśca tvaṃ sureśvaraḥ / śāntiśca tvaṃ tathā puṣṭistuṣṭiścāpyahutaṃ hutam // ### [2.18.6](https://indike.org/pramana/in.purana.linga.2.18.6) viśvaṃ caiva tathāviśvaṃ dattaṃ vādattamīśvaram / kṛtaṃ cāpyakṛtaṃ devaṃ paramapyaparaṃ dhruvam / parāyaṇaṃ satāṃ caiva hyasatāmapi śaṅkaram // ### [2.18.7](https://indike.org/pramana/in.purana.linga.2.18.7) apāma somam amṛtā abhūmāganma jyotiravidāma devān / kiṃ nūnamasmānkṛṇavadarātiḥ kimu dhūrtiramṛtaṃ martyasya // ### [2.18.8](https://indike.org/pramana/in.purana.linga.2.18.8) etajjagaddhitaṃ divyamakṣaraṃ sūkṣmamavyayam // ### [2.18.9](https://indike.org/pramana/in.purana.linga.2.18.9) prājā patyaṃ pavitraṃ ca saumyamagrāhyamavyayam / agrāhyeṇāpi vā grāhyaṃ vāyavyena samīraṇaḥ // ### [2.18.10](https://indike.org/pramana/in.purana.linga.2.18.10) saumyena saumyaṃ grasati tejasā svena līlayā / tasmai namo 'pasaṃhartre mahāgrāsāya śūline // ### [2.18.11](https://indike.org/pramana/in.purana.linga.2.18.11) hṛdisthā devatāḥ sarvā hṛdi prāṇe pratiṣṭhitāḥ / hṛdi tvamasi yo nityaṃ tisro mātrāḥ parastu saḥ // ### [2.18.12](https://indike.org/pramana/in.purana.linga.2.18.12) śiraścottarataścaiva pādau dakṣiṇatastathā / yo vai cottarataḥ sākṣātsa oṅkāraḥ sanātanaḥ // ### [2.18.13](https://indike.org/pramana/in.purana.linga.2.18.13) oṅkāro yaḥ sa eveha praṇavo vyāpya tiṣṭhati / anantastārasūkṣmaṃ ca śuklaṃ vaidyutameva ca // ### [2.18.14](https://indike.org/pramana/in.purana.linga.2.18.14) paraṃ brahmā sa īśāna ekorudraḥ sa eva ca / bhavānmaheśvaraḥ sākṣānmahādevo na saṃśayaḥ // ### [2.18.15](https://indike.org/pramana/in.purana.linga.2.18.15) ūrdhvamunnāmayatyeva sa oṅkāraḥ prakīrtitaḥ / prāṇānavati yastasmāt praṇavaḥ parikīrtitaḥ // ### [2.18.16](https://indike.org/pramana/in.purana.linga.2.18.16) sarvaṃ vyāpnoti yastasmātsarvavyāpī sanātanaḥ / brahmā hariśca bhagavānādyantaṃ nopalabdhavān // ### [2.18.17](https://indike.org/pramana/in.purana.linga.2.18.17) tathānye ca tato 'nanto rudraḥ paramakāraṇam / yastārayati saṃsārāttāra ityabhidhīyate // ### [2.18.18](https://indike.org/pramana/in.purana.linga.2.18.18) sūkṣmo bhūtvā śarīrāṇi sarvadā hyadhitiṣṭhiti / tasmātsūkṣmaḥ samākhyāto bhagavannīlalohitaḥ // ### [2.18.19](https://indike.org/pramana/in.purana.linga.2.18.19) nīlaśca lohitaścaiva pradhānapuruṣānvayāt / skandate 'sya yataḥ śukraṃ tathā śukramapaitica // ### [2.18.20](https://indike.org/pramana/in.purana.linga.2.18.20) vidyotayati yastasmādvaidyutaḥ parigīyate / bṛhattvādbṛṃhaṇatvācca bṛhate ca parāpare // ### [2.18.21](https://indike.org/pramana/in.purana.linga.2.18.21) tasmādbṛṃhati yasmāddhi paraṃ brahmeti kīrtitam / advitīyo 'tha bhagavāṃsturīyaḥ parameśvaraḥ // ### [2.18.22](https://indike.org/pramana/in.purana.linga.2.18.22) īśānamasya jagataḥ svardṛśāṃ cakṣur īśvaram / īśānamindrasūrayaḥ sarveṣāmapi sarvadā // ### [2.18.23](https://indike.org/pramana/in.purana.linga.2.18.23) īśānaḥ sarvavidyānāṃ yattadīśāna ucyate / yadīkṣate ca bhagavānnirīkṣyamiti cājñayā // ### [2.18.24](https://indike.org/pramana/in.purana.linga.2.18.24) ātmajñānaṃ mahādevo yogaṃ gamayati svayam / bhagavāṃścocyate devo devadevo maheśvaraḥ // ### [2.18.25](https://indike.org/pramana/in.purana.linga.2.18.25) sarvāṃllokānkrameṇaiva yo gṛhṇati maheśvaraḥ / visṛjatyepa deveśo vāsayatyapi līlayā // ### [2.18.26](https://indike.org/pramana/in.purana.linga.2.18.26) eṣo hi devaḥ pradiśo 'nusarvāḥ pūrvo hi jātaḥ sa u garbhe antaḥ / sa eva jātaḥ sa janiṣyamāṇaḥ pratyaṅmukhāstiṣṭhati sarvatomukhaḥ // ### [2.18.27](https://indike.org/pramana/in.purana.linga.2.18.27) upāsitavyaṃ yatnena tadetatsadbhiravyayam / yato vāco nivartante hyaprāpya manasā saha // ### [2.18.28](https://indike.org/pramana/in.purana.linga.2.18.28) tadagrahaṇameveha yadvāgvadati yatnataḥ / aparaṃ ca paraṃ veti parāyaṇamiti svayam // ### [2.18.29](https://indike.org/pramana/in.purana.linga.2.18.29) vadanti vācaḥ sarvajñaḥ śaṅkaraṃ nīlalohitam / eṣa sarvo namastasmai puruṣaḥ piṅgalaḥ śivaḥ // ### [2.18.30](https://indike.org/pramana/in.purana.linga.2.18.30) sa eṣa sa mahārudro viśvaṃ bhūtaṃ bhaviṣyati / bhuvanaṃ bahudhā jātaṃ jāyamānamitastataḥ // ### [2.18.31](https://indike.org/pramana/in.purana.linga.2.18.31) hiraṇyabāhurbhagavān hiraṇyapatirīśvaraḥ / aṃbikāpatirīśāno hemaretā vṛṣadhvajaḥ // ### [2.18.32](https://indike.org/pramana/in.purana.linga.2.18.32) umāpatirvirūpākṣo viśvasṛgviśvavāhanaḥ / brahmāṇaṃ vidadhe yo 'sau putramagre sanātanam // ### [2.18.33](https://indike.org/pramana/in.purana.linga.2.18.33) prahiṇoti sma tasyaiva jñānamātmaprakāśakam / tamekaṃ puruṣaṃ rudraṃ puruhutaṃ puruṣṭutam // ### [2.18.34](https://indike.org/pramana/in.purana.linga.2.18.34) bālāgramātraṃ hṛdayasya madhye viśvandevaṃ vahnirūpaṃ vareṇyam / tamātmasthaṃ ye 'nupaśyanti dhīrāsteṣāṃ śāntiḥ śāśvatī netareṣām // ### [2.18.35](https://indike.org/pramana/in.purana.linga.2.18.35) mahato yo mahīyāṃśca hyaṇorapyaṇuravyayaḥ / guhāyāṃ nihitaścātmā jantorasya maheśvaraḥ // ### [2.18.36](https://indike.org/pramana/in.purana.linga.2.18.36) veśmabhūto 'sya viśvasya kamalastho hṛti svayam / gahvaraṃ gahanaṃ tatsthaṃ tasyāntaścordhvataḥ sthitaḥ // ### [2.18.37](https://indike.org/pramana/in.purana.linga.2.18.37) tatrāpi dahraṃ gaganamoṅkāraṃ parameśvaram / bālāgramātraṃ tanmadhye ṛtaṃ paramakāraṇam // ### [2.18.38](https://indike.org/pramana/in.purana.linga.2.18.38) satyaṃ brahma mahādevaṃ puruṣaṃ kṛṣṇapiṅgalam / ūrdhvaratesamīśānaṃ virūpākṣamajodbhavam // ### [2.18.39](https://indike.org/pramana/in.purana.linga.2.18.39) adhitiṣṭhati yoniṃ yo yoniṃ vācaika īśvaraḥ / dehaṃ pañcavidhaṃ yena tamīśānaṃ purātanam // ### [2.18.40](https://indike.org/pramana/in.purana.linga.2.18.40) prāṇeṣvantarmanaso liṅgamāhuryasminkrodho yā ca tṛṣṇā kṣamā ca / tṛṣṇāṃ chittvā hetujālasya mūlaṃ buddhyācintyaṃ sthāpayitvā ca rudre // ### [2.18.41](https://indike.org/pramana/in.purana.linga.2.18.41) ekaṃ tamāhurvai rudraṃ śāśvataṃ parameśvaram / parātparataraṃ vāpi parātparataraṃ dhruvam // ### [2.18.42](https://indike.org/pramana/in.purana.linga.2.18.42) brahmaṇo janakaṃ viṣṇorvahnervāyoḥ sadāśivam / dhyātvāgninā ca śodhyāṅgaṃ viśodhya ca pṛthakpṛthak // ### [2.18.43](https://indike.org/pramana/in.purana.linga.2.18.43) pañcabhūtāni saṃyamya mātrāvidhiguṇakramāt / mātrāḥ pañca catasraśca trimātrādistataḥ param // ### [2.18.44](https://indike.org/pramana/in.purana.linga.2.18.44) ekamātramamātraṃ hi dvādaśānte vyavasthitam / sthitvā sthāpyāmṛto bhūtvā vrataṃ pāśupataṃ caret // ### [2.18.45](https://indike.org/pramana/in.purana.linga.2.18.45) etadvrataṃ pāśupataṃ cariṣyāmi samāsataḥ / agnimādhāya vidhivadṛgyajuḥ sāmasaṃbhavaiḥ // ### [2.18.46](https://indike.org/pramana/in.purana.linga.2.18.46) upoṣitaḥ śuciḥ snātaḥ śuklāṃbaradharaḥ svayam / śuklayajñopavīti ca śuklamālyānulepanaḥ // ### [2.18.47](https://indike.org/pramana/in.purana.linga.2.18.47) juhuyādvirajovidvān virajāśca bhaviṣyati / vāyavaḥ pañca śudhyatāṃ vāṅmanaścaraṇādayaḥ // ### [2.18.48](https://indike.org/pramana/in.purana.linga.2.18.48) śrotraṃ jihvā tataḥ prāṇastato buddhistathaiva ca / śiraḥ pāṇistathā pārśvaṃ pṛṣṭhodaramanantaram // ### [2.18.49](https://indike.org/pramana/in.purana.linga.2.18.49) jaṅghe śiśramupasthaṃ ca pāyurmeḍhraṃ tathaiva ca / tvacā māṃsaṃ ca rudhiraṃ medo 'sthīni tathaiva ca // ### [2.18.50](https://indike.org/pramana/in.purana.linga.2.18.50) śabdaḥ sparśaṃ ca rūpaṃ ca raso gandhastathaiva ca / bhūtāni caiva śudhyantāṃ dehe medādayastathā // ### [2.18.51](https://indike.org/pramana/in.purana.linga.2.18.51) annaṃ prāṇe mano jñānaṃ śudhyantāṃ vai śivecchayā / hutvājyena samidbhiśca caruṇā ca yathākramam // ### [2.18.52](https://indike.org/pramana/in.purana.linga.2.18.52) upasaṃhṛtya rudrāgniṃ gṛhītvā bhasma yatnataḥ / agnirityādinā dhīmān vimṛjyāṅgāni saṃspṛśet // ### [2.18.53](https://indike.org/pramana/in.purana.linga.2.18.53) etatpāśupataṃ divyaṃ vrataṃ pāśavimocanam / brāhmaṇānāṃ hitaṃ proktaṃ kṣatriyāṇāṃ tathaiva ca // ### [2.18.54](https://indike.org/pramana/in.purana.linga.2.18.54) vaiśyānāmapi yogyānāṃ yatīnāṃ tu viśeṣataḥ / vānaprasthāśramasthānāṃ gṛhasthānāṃ satāmapi // ### [2.18.55](https://indike.org/pramana/in.purana.linga.2.18.55) vimuktirvidhinānena dṛṣṭvā vai brahmacāriṇām / agnirityādinā bhasma gṛhītvā hyagnihotrajam // ### [2.18.56](https://indike.org/pramana/in.purana.linga.2.18.56) so 'pi pāśupato vipro vimṛjyāṅgāni saṃspṛśet / bhasmācchanno dvijo vidvān mahāpātakasaṃbhavaiḥ // ### [2.18.57](https://indike.org/pramana/in.purana.linga.2.18.57) pāpaurvimucyate sadyo mucyate ca na saṃśayaḥ / vīryamagreryato bhasma vīryavānbhasmasaṃyutaḥ // ### [2.18.58](https://indike.org/pramana/in.purana.linga.2.18.58) bhasmāsnānarato vipro bhasmaśāyī jitendriyaḥ / sarvapāpavinirmuktaḥ śivasāyujyamāpnuyāt // ### [2.18.59](https://indike.org/pramana/in.purana.linga.2.18.59) tasmātsarvaprayatnena bhūtyaṅgaṃ pūjayedvudhaḥ / rerekāro na kartavyastuntuṅkārastathaiva ca // ### [2.18.60](https://indike.org/pramana/in.purana.linga.2.18.60) na tatkṣamati deveśo brahmā vā yadi keśavaḥ / mama putro bhasmadhārī gaṇeśaśca varānane // ### [2.18.61](https://indike.org/pramana/in.purana.linga.2.18.61) teṣāṃ viruddhaṃ yattyājyaṃ sa yāti narakārṇavam / gṛhastho brahmahīnopi tripuṇḍraṃ yo na kārayet // ### [2.18.62](https://indike.org/pramana/in.purana.linga.2.18.62) pūjā karma kriyā tasya dānaṃ snānaṃ tathaiva ca / niṣphalaṃ jāyate sarvaṃ yathā bhasmani vai hutam // ### [2.18.63](https://indike.org/pramana/in.purana.linga.2.18.63) tasmācca sarvakāryeṣu tripuṇḍraṃ dhārayedbudhaḥ / ityuktvā bhagavānbrahmā stutvā devaiḥ samaṃ prabhuḥ // ### [2.18.64](https://indike.org/pramana/in.purana.linga.2.18.64) bhasmācchannaiḥ svayaṃ channo virarāma viśāṃpate / atha teṣāṃ prasādārthaṃ paśūnāṃ patirīśvaraḥ // ### [2.18.65](https://indike.org/pramana/in.purana.linga.2.18.65) sagamaścāṃbayā sārdhaṃ sānnidhyamakarotprabhuḥ / atha saṃnihitaṃ rudraṃ tuṣṭuvuḥ surapuṅgavam // ### [2.18.66](https://indike.org/pramana/in.purana.linga.2.18.66) rudrādhyāyena sarveśaṃ devadeva mumāpatim / devopi devānālokya ghṛṇayā vṛṣabhadhvajaḥ // ### [2.18.67](https://indike.org/pramana/in.purana.linga.2.18.67) tuṣṭosmītyāha devebhyo varaṃ dātuṃ surārihā // ### [2.18.67.p1](https://indike.org/pramana/in.purana.linga.2.18.67.p1) iti śrīliṅgamahāpurāṇe uttarabhāgeṣṭādaśodhyāyaḥ ## Commentaries (1) - [Śivatosaṇī Liṅgapurāṇaṭīkā](https://indike.org/pramana/in.purana.linga!ganesa.150.24) — Gaṇeśa Bhaṭṭa, Sanskrit ## Linked texts (9) - [Saurapurāṇa](https://indike.org/pramana/in.purana.upa.saiva.saura.45.24) — Sanskrit - [Atharvaśira-upaniṣad](https://indike.org/pramana/in.veda.upanisad.saiva.atharvashiras.33) — Sanskrit - [Śivapurāṇa (complete text)](https://indike.org/pramana/in.purana.siva*complete-2.7.2.8.20) — Sanskrit - [Devībhāgavatapurāṇa](https://indike.org/pramana/in.purana.upa.sakta.devibhagavata.11.10.9) — Sanskrit - [Vedāntasāravīraśaivacintāmaṇi](https://indike.org/pramana/in.sampradaya.saiva.virasaiva.vedantasaravirasaivacintamani.2.110) — Niṣṭhura Nañjanācārya 1700, Sanskrit - [Padmapurāṇa](https://indike.org/pramana/in.purana.padma.5.108.48) — Vyāsa, Sanskrit - [Śivagītā](https://indike.org/pramana/in.sampradaya.saiva.stotra.sivagita-2.6.48) — Sanskrit - [Pañcarātravyākhyā](https://indike.org/pramana/in.sampradaya.saiva.virasaiva.pancaratravyakhya.55) — Reṇuka, Sanskrit - [Śivagītā (ed. Vāsudevaśarman)](https://indike.org/pramana/in.sampradaya.saiva.stotra.sivagita*vasudevasarman1929.7.48) — Sanskrit --- Source: [https://indike.org/pramana/in.purana.linga.2.18](https://indike.org/pramana/in.purana.linga.2.18) · Pramāṇa