Lingapurana 2.2
Liṅgapurāṇa 2.2
- Language
- Sanskrit
Contents
- 2.2.9 — 1 part
2.2.1
mārkaṇḍeya uvāca
tato nārāyaṇo devastasmai sarvaṃ pradāya vai /
kālayogena viśvatmā samaṃ cakre 'tha tuṃbaroḥ //
2.2.2
nāradaṃ muniśārdūlamevaṃ vṛttamabhūtpurā /
nārāyaṇasya gītānāṃ gānaṃ śreṣṭhaṃ punaḥ punaḥ //
2.2.3
gānenārādhito viṣṇuḥ satkīrti jñānavarcasī /
dadāti tuṣṭiṃ sthānaṃ ca yathāsau kauśikasya vai //
2.2.4
padmākṣaprabhṛtīnāṃ ca saṃsiddhiṃ pradadau hariḥ /
tasmāttvayā mahārāja viṣṇukṣatre viśeṣataḥ //
2.2.5
arcanaṃ gānanṛtyādyaṃ vādyotsavasamanvitam /
kartavyaṃ viṣṇubhaktairhi puruṣairaniśaṃ nṛpa //
2.2.6
śrotavyaṃ ca sadā nityaṃ śrotavyosau haristathā /
viṣṇukṣetre tu yo vidvān kārayedbhaktisaṃyutaḥ //
2.2.7
gānanṛtyādikaṃ caiva viṣṇvākhyānāṃ kathāṃ tathā /
jatismṛtiṃ ca medhāṃ ca tathaivoparame smṛtim //
2.2.8
prāpnoti viṣṇusāyujyaṃ satyametannṛpādhipa /
etatte kathitaṃ rājan yanmāṃ tvaṃ paripṛcchasi //
2.2.9
kiṃ vadāmi ca te bhūto vada dharmabhṛtāṃ vara //
2.2.9.p1
iti śrīliṅgamahāpurāṇe uttarabhāge viṣṇumāhātmyaṃ nāma dvitīyo 'dhyāyaḥ
Commentaries (2)
- Śivatosaṇī Liṅgapurāṇaṭīkā — Gaṇeśa Bhaṭṭa, Sanskrit
- Śivatoṣiṇī — Gaṇeśa Ballāla Nātū, Sanskrit
Linked texts (1)
- Liṅga — Sanskrit