[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Lingapurana](https://indike.org/pramana/in.purana.linga) › 2.20 # Lingapurana 2.20 Liṅgapurāṇa 2.20 - **Language:** Sanskrit ## Contents - [2.20.52](https://indike.org/pramana/in.purana.linga.2.20.52) — 1 part ### [2.20.1](https://indike.org/pramana/in.purana.linga.2.20.1) sūta uvacā ata rudro mahādevo maṇḍalasthaḥ pitāmahaḥ / pūjyo vai brāhmaṇānāṃ ca kṣatriyāṇāṃ viśeṣataḥ // ### [2.20.2](https://indike.org/pramana/in.purana.linga.2.20.2) vaiśyānāṃ naiva śūdrāṇāṃ śuśruṣāṃ pūjakasya ca / strīṇāṃ naivādikāro 'sti pūjādiṣu na saṃśayaḥ // ### [2.20.3](https://indike.org/pramana/in.purana.linga.2.20.3) strīśūdrāṇāṃ dvajendraiśca pūjayā tatphalaṃ bhavet / nṛpāṇāmupakārārthaṃ brāhmaṇādyairviśeṣataḥ // ### [2.20.4](https://indike.org/pramana/in.purana.linga.2.20.4) evaṃ saṃpūjayeyurvai brāhmaṇādyāḥ sadāśivam / ityuktvā bhagavān rudrastatraivāntaradhātsvayam // ### [2.20.5](https://indike.org/pramana/in.purana.linga.2.20.5) te devā munayaḥ sarve śivamuddiśya śaṅkaram / praṇemuśca mahātmāno rudradhyānena vihvalāḥ // ### [2.20.6](https://indike.org/pramana/in.purana.linga.2.20.6) jagmuryathāgataṃ devā munayaśca tapodhanāḥ / tasmādabyarcayennityamādityaṃ śivarūpiṇam // ### [2.20.7](https://indike.org/pramana/in.purana.linga.2.20.7) dharmakāmārthamuktyarthaṃ manasā karmaṇā girā / ṛṣaya ūcuḥ romaharṣaṇa sarvajña sarvasāstrabhṛtāṃ vara // ### [2.20.8](https://indike.org/pramana/in.purana.linga.2.20.8) vyāsaśiṣya mahābhāga vāhneyaṃ vada sāṃpratam / śivena devadevena bhaktānāṃ hitakāmyayā // ### [2.20.9](https://indike.org/pramana/in.purana.linga.2.20.9) vedāt ṣaḍaṅgāduddhṛtya sāṃkhyayogācca sarvataḥ / tapaśca vipulaṃ taptvā devadānavaduścaram // ### [2.20.10](https://indike.org/pramana/in.purana.linga.2.20.10) arthadeśādisaṃyuktaṃ gūḍhamajñānaninditam / varṇāśramakṛtairdharmairviparītaṃ kvacitsamam // ### [2.20.11](https://indike.org/pramana/in.purana.linga.2.20.11) śivena kathitaṃ sāstraṃ dharmakāmārthamuktaye / śatakoṭipramāṇena tatra pūjā kathaṃ vibhoḥ // ### [2.20.12](https://indike.org/pramana/in.purana.linga.2.20.12) snānayogādayo vāpi śrotuṃ kautuhalaṃ hi naḥ / sūta uvāca purā sanatkumāreṇa merupṛṣṭhe suśobhane // ### [2.20.13](https://indike.org/pramana/in.purana.linga.2.20.13) pṛṣṭo nandīśvaro devaḥ śailādiḥ śivasaṃmataḥ / pṛṣṭoyaṃ praṇipatyaivaṃ munimukhyaiśca sarvataḥ // ### [2.20.14](https://indike.org/pramana/in.purana.linga.2.20.14) tasmai sanatkumārāya nandinā kulanandinā / kathitaṃ yacchivajñānaṃ śṛṇvantu munipuṅgavāḥ // ### [2.20.15](https://indike.org/pramana/in.purana.linga.2.20.15) śaivaṃ saṃkṣipya vedoktaṃ śivena paribhāṣitam / stutinindādirahitaṃ sadyaḥ pratyayakārakam // ### [2.20.16](https://indike.org/pramana/in.purana.linga.2.20.16) guruprasādajaṃ divyamanāyāsena muktidam / sanatkumāra uvāca bhagavansarva bhūteśa nandīśvara maheśvara // ### [2.20.17](https://indike.org/pramana/in.purana.linga.2.20.17) kathaṃ pūjādayaḥ śaṃbhordharmakāmārthamuktaye / vaktumarhasi śailāde vinayenāgatāya me // ### [2.20.18](https://indike.org/pramana/in.purana.linga.2.20.18) sūta uvāca saṃprekṣya bhagavānnandī niśamya vacanaṃ punaḥ / kālavelādhikārādyamavadadvadatāṃ varaḥ // ### [2.20.19](https://indike.org/pramana/in.purana.linga.2.20.19) śailāderuvāca gurutaḥ śāstrataścaivamadhikāraṃ vravīmyaham / gauravādeva saṃjñaiṣā śivācāryasya nānyathā // ### [2.20.20](https://indike.org/pramana/in.purana.linga.2.20.20) svayamācarate yastu ācāre sthāpayatyapi / ācinoti ca śāstrārthānācāryastena cocyate // ### [2.20.21](https://indike.org/pramana/in.purana.linga.2.20.21) tasmādvedārthatattvajñamācāryaṃ bhasmaśāyinam / gurumanveṣayedbhaktaḥ subhagaṃ priyadarśanam // ### [2.20.22](https://indike.org/pramana/in.purana.linga.2.20.22) pratipannaṃ janānandaṃ śrutismṛtipathānugam / vidyayābhayadātāraṃ laulyacāplayavarjitam // ### [2.20.23](https://indike.org/pramana/in.purana.linga.2.20.23) ācārapālakaṃ dhīraṃ samayeṣu kṛtāspadam / taṃ dṛṣṭvā sarvabhāvena pūjayecchivavadgurum // ### [2.20.24](https://indike.org/pramana/in.purana.linga.2.20.24) ātmanā ca dhanenaiva śraddhāvittānusārataḥ / tāvadārādhayecchiṣyaḥ prasanno 'sau yathā bhavet // ### [2.20.25](https://indike.org/pramana/in.purana.linga.2.20.25) suprasanne mahābhāge sadyaḥ pāśakṣayo bhavet / gururmānyo guruḥ pūjyo gurureva sadāśivaḥ // ### [2.20.26](https://indike.org/pramana/in.purana.linga.2.20.26) saṃvatsaratrayaṃ vātha śiṣyānviprānparīkṣayet / prāṇadravyapradānena ādeśaiśca itastataḥ // ### [2.20.27](https://indike.org/pramana/in.purana.linga.2.20.27) uttamaścādhame yojyo nīca uttamavastuṣu / ākṛṣṭāstāḍitā vāpi ye viṣādaṃ na yānti vai // ### [2.20.28](https://indike.org/pramana/in.purana.linga.2.20.28) te yogyāḥ śivadharmiṣṭhāḥ śivadharmaparāyaṇāḥ / saṃyatā dharmasaṃpannāḥ śrutismṛtipathānugāḥ // ### [2.20.29](https://indike.org/pramana/in.purana.linga.2.20.29) sarvadvandvasahādhīrā nityamudyuktacetasaḥ / paropakāraniratā guruśuśrūṣaṇe ratāḥ // ### [2.20.30](https://indike.org/pramana/in.purana.linga.2.20.30) ārjavā mārdavāḥ svasthā anukūlāḥ priyaṃvadāḥ / amānino buddhimantastyaktaspardhā gataspṛhāḥ // ### [2.20.31](https://indike.org/pramana/in.purana.linga.2.20.31) śaucācāraguṇopetā dambhamātsaryavarjitāḥ / yogyā evaṃ dvijāḥ sarve śivabhaktiparāyaṇāḥ // ### [2.20.32](https://indike.org/pramana/in.purana.linga.2.20.32) evaṃvṛttasamopetā vāṅmanaḥkāyakarmabhiḥ / śodhyā evaṃvidhāścaiva tattvānāṃ ca viśuddhaye // ### [2.20.33](https://indike.org/pramana/in.purana.linga.2.20.33) śuddho vinayasaṃpanno mithyākaṭukavarjitaḥ / gurvājñāpālakaścaiva śiṣyo 'nugrahamarhati // ### [2.20.34](https://indike.org/pramana/in.purana.linga.2.20.34) guruśca śāstravit prājñas tapasvī janavatsalaḥ / lokācārarato hyevaṃ tattvavinmokṣadaḥ smṛtaḥ // ### [2.20.35](https://indike.org/pramana/in.purana.linga.2.20.35) sarvalakṣaṇasaṃpannaḥ sarvaśāstraviśāradaḥ / sarvopāyavidhānajñastattvahīnasya niṣphalam // ### [2.20.36](https://indike.org/pramana/in.purana.linga.2.20.36) svasaṃvedya pare tattve niścayo yasya nātmani / ātmano 'nugraho nāsti parasyānugrahaḥ katham // ### [2.20.37](https://indike.org/pramana/in.purana.linga.2.20.37) prabuddhastu dvijo yastu sa śuddhaḥ sādhayatyapi / tattvahīne kuto bodhaḥ kuto hyātmaparigrahaḥ // ### [2.20.38](https://indike.org/pramana/in.purana.linga.2.20.38) parigrahavinirmuktāste sarve paśavoditāḥ / paśubhiḥ preritā ye tu sarve te paśavaḥ smṛtāḥ // ### [2.20.39](https://indike.org/pramana/in.purana.linga.2.20.39) tasmāt tattvavido ye tu te muktā mocayanty api / saṃvittijananaṃ tattvaṃ parānandasamudbhavam // ### [2.20.40](https://indike.org/pramana/in.purana.linga.2.20.40) tattvaṃ tu viditaṃ yena sa evānandadarśakaḥ / na punarnāmamātreṇa saṃvittirahitastu yaḥ // ### [2.20.41](https://indike.org/pramana/in.purana.linga.2.20.41) anyo 'nyaṃ tārayennaiva kiṃ śilā tārayec chilām / yeṣāṃ tannāmamātreṇa muktirvai nāmamātrikā // ### [2.20.42](https://indike.org/pramana/in.purana.linga.2.20.42) yogināṃ darśanādvāpi sparśanādbhāṣaṇādapi / sadyaḥ saṃjāyate cājñā pāśopakṣayakāriṇī // ### [2.20.43](https://indike.org/pramana/in.purana.linga.2.20.43) athavā yogamārgeṇa śiṣyadehaṃ praviśya ca / bodayedeva yogena sarvatattvāni śodhya ca // ### [2.20.44](https://indike.org/pramana/in.purana.linga.2.20.44) ṣaāḍardhaśuddhirvihitā jñānayogena yoginām / śiṣyaṃ parīkṣya dharmajñaṃ dhārmikaṃ vedapāragam // ### [2.20.45](https://indike.org/pramana/in.purana.linga.2.20.45) brāhmaṇaṃ kṣatriyaṃ vaiśyaṃ bahudoṣavivarjitam / jñānena jñeyamālokya karṇāt karṇāgatena tu // ### [2.20.46](https://indike.org/pramana/in.purana.linga.2.20.46) dīpāddīpo yatā cānyaḥ saṃcaredvidhipadguruḥ / bhauvanaṃ ca padaṃ caiva varṇākhyaṃ mātramuttamam // ### [2.20.47](https://indike.org/pramana/in.purana.linga.2.20.47) / kālādhvaraṃ mahā bhāga tattvākhyaṃ sarvasaṃmatam / bhidyate yasya sāmārthyādājñāmātreṇa sarvataḥ // ### [2.20.48](https://indike.org/pramana/in.purana.linga.2.20.48) tasya siddhiśca muktiśca gurukāruṇyasaṃbhavā / pṛthivyādīni bhūtāni āviśanti ca bhauvane // ### [2.20.49](https://indike.org/pramana/in.purana.linga.2.20.49) śabdaḥ sparśastathā rūpaṃ raso gandhaśca bhāvataḥ / padaṃ varṇākhyakaṃ vipra buddhīndriyavikalpanam // ### [2.20.50](https://indike.org/pramana/in.purana.linga.2.20.50) karmendriyāṇi mātraṃ hi mano buddhirataḥ param / ahaṅkāramathāvyaktaṃ kālādhvaramiti smṛtam // ### [2.20.51](https://indike.org/pramana/in.purana.linga.2.20.51) puruṣādiviriñcyantamunmanatvaṃ parātparam / tatheśatvamiti proktaṃ sarvatattvārtha bodhakam // ### [2.20.52](https://indike.org/pramana/in.purana.linga.2.20.52) ayogī naiva jānāti tattvaśuddhiṃ śivātmikām // ### [2.20.52.p1](https://indike.org/pramana/in.purana.linga.2.20.52.p1) iti śrīliṅgamahāpurāṇe uttarabhāge viṃśodhyāyaḥ ## Commentaries (2) - [Śivatosaṇī Liṅgapurāṇaṭīkā](https://indike.org/pramana/in.purana.linga!ganesa.152.2) — Gaṇeśa Bhaṭṭa, Sanskrit - [Śivatoṣiṇī](https://indike.org/pramana/in.purana.linga!ganesa-ballala-natu.152.2) — Gaṇeśa Ballāla Nātū, Sanskrit ## Linked texts (9) - [Vedāntasāravīraśaivacintāmaṇi](https://indike.org/pramana/in.sampradaya.saiva.virasaiva.vedantasaravirasaivacintamani.2.184) — Niṣṭhura Nañjanācārya 1700, Sanskrit - [Brahmapurāṇa](https://indike.org/pramana/in.purana.brahma.40.107) — Vyāsa, Sanskrit - [Kubjikāmatatantra](https://indike.org/pramana/in.sampradaya.saiva.agama.kubjika.kubjikamata.10.77) — Sanskrit - [Candrajñānāgama](https://indike.org/pramana/in.sampradaya.saiva.agama.rudra.candrajnana.2.82) — Sanskrit - [Liṅga](https://indike.org/pramana/in.purana.linga-anon.155.1) — Sanskrit - [Studies in the Upapurāṇas](https://indike.org/pramana/ins.religion.hazra-1958.v2.c21.s1.915) — R. C. Hazra, English - [Studies in the Purāṇic Records on Hindu Rites and Customs](https://indike.org/pramana/ins.religion.hazra-1940.c9.66) — R. C. Hazra, English - [Candrajñānatantra](https://indike.org/pramana/in.sampradaya.saiva.agama.candrajnanatantra.2.56) — Sanskrit - [Candrajñānāgamatantra](https://indike.org/pramana/in.sampradaya.saiva.agama.rudra.candrajnanagamatantra.2.56) — Sanskrit --- Source: [https://indike.org/pramana/in.purana.linga.2.20](https://indike.org/pramana/in.purana.linga.2.20) · Pramāṇa