[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Linga Purana](https://indike.org/pramana/in.purana.linga) › 2.22 # Linga Purana 2.22 Liṅgapurāṇa 2.22 - **Language:** Sanskrit ## Contents - [2.22.85](https://indike.org/pramana/in.purana.linga.2.22.85) — 1 part ### [2.22.1](https://indike.org/pramana/in.purana.linga.2.22.1) śailādiruvāca snānayāgādikarmāṇi kṛtvā vai bhaskarasya ca / śivasnānaṃ tataḥ kuryādbhasmasnānaṃ śivārcanam // ### [2.22.2](https://indike.org/pramana/in.purana.linga.2.22.2) ṣaṣṭhena mṛdamādāya bhaktyā bhūmaunyasenmṛdam / dvitīyena tathābhyukṣya tṛtīyena ca śodhayet // ### [2.22.3](https://indike.org/pramana/in.purana.linga.2.22.3) caturthenaiva vibhajenmalamekena śodhayet / snātvā ṣaṣṭhena taccheṣāṃ mṛdaṃ hastagatāṃ punaḥ // ### [2.22.4](https://indike.org/pramana/in.purana.linga.2.22.4) tridhā vibhajya sarvaṃ ca caturbhirmadhyamaṃ punaḥ / ṣaṣṭhena saptavārāṇi vāmaṃ mūlena cālabhet / daśavāraṃ ca ṣaṣṭhena diśo bandhaḥ prakīrtitaḥ // ### [2.22.5](https://indike.org/pramana/in.purana.linga.2.22.5) vāmena tīrthaṃ savyena śarīramanulipya ca / snātvā sarvaiḥsmaran bhānumabhiṣekaṃ samācaret // ### [2.22.6](https://indike.org/pramana/in.purana.linga.2.22.6) śṛṅgeṇa parṇapuṭakaiḥ pālāśena dalena vā / saurai rebhiśca vividhaiḥ sarvāsiddhikaraiḥ śubhaiḥ // ### [2.22.7](https://indike.org/pramana/in.purana.linga.2.22.7) sārauṇi ca pravakṣyāmi bāṣkalādyāni suvrata / aṅgāni sarvadeveṣu sārabhūtāni sarvataḥ // ### [2.22.8](https://indike.org/pramana/in.purana.linga.2.22.8) oṃ bhūḥ oṃbhuvaḥ oṃsvaḥ oṃ mahaḥ oṃ janaḥ oṃ tapaḥ oṃsatyam oṃ ṛtam oṃ brahmā / navākṣaramayaṃ mantraṃ bāṣkalaṃ parikīrtitam / na kṣaratīti lokāni ṛtamakṣaramucyate / satyamakṣarīmatyuktaṃ praṇavādinamontakam // ### [2.22.9](https://indike.org/pramana/in.purana.linga.2.22.9) oṃ bhūrbhavaḥ suvaḥ tatsaviturvareṇyaṃ bhargo devasya dhīmahi / oṃ namaḥ sūryāya khakholkāya namaḥ // ### [2.22.10](https://indike.org/pramana/in.purana.linga.2.22.10) mūlamantramidaṃ proktaṃ bhāskarasya mahātmanaḥ / navākṣareṇa dīptāsyaṃ mūlamantreṇa bhāskaram // ### [2.22.11](https://indike.org/pramana/in.purana.linga.2.22.11) pūjayendragamantrāṇi kathayāmi yatākramam / vedādibhiḥ prabhūtādyaṃ praṇavena ca madhyamam // ### [2.22.12](https://indike.org/pramana/in.purana.linga.2.22.12) oṃ bhūḥ brahma hṛdayāya oṃ bhuvaḥ viṣṇuśirase oṃsvaḥ rudraśikhāyai oṃbhūrbhūvaḥ svaḥ jvālāmālinīśikhayai oṃ mahaḥ maheśvarāya kavacāya oñjanaḥ śivāya netrebhyaḥ oṃ tapaḥ tāpakāya astrāya phaṭ mantrāṇi kathitānyevaṃ saurāṇi vividhāni ca / etaiḥ śṛṅgādibhiḥ pātraiḥ svātmānamābheṣeṭayet // ### [2.22.13](https://indike.org/pramana/in.purana.linga.2.22.13) tāmrakuṃbhena vā vipraḥ kṣatriyo vaiśya eva ca / sakusena sapuṣpeṇa mantraiḥ sarvai samāhitaḥ // ### [2.22.14](https://indike.org/pramana/in.purana.linga.2.22.14) raktavastraparīdhānaḥ svācāmedvidhipūrvakam / sūryaścoti divā rātrau cāgniśceti dvijottamaḥ // ### [2.22.15](https://indike.org/pramana/in.purana.linga.2.22.15) āpaḥ punantu madhyāhne mantrācamanamucyate / ṣaṣṭhena śuddhiṃ kṛtvaiva japedādyamanuttamam // ### [2.22.16](https://indike.org/pramana/in.purana.linga.2.22.16) vauṣaḍantaṃ tathā mūlaṃ navākṣaramanuttamam / karaśākhāṃ tathāṅguṣṭhamadhyamānāmikāṃ nyaset // ### [2.22.17](https://indike.org/pramana/in.purana.linga.2.22.17) tale ca tarjanyaṅguṣṭhaṃ muṣṭibhāgāni vinyaset / navākṣaramayaṃ dehaṃ kṛtvāṅgairapi pāvitam // ### [2.22.18](https://indike.org/pramana/in.purana.linga.2.22.18) sūryo 'hamiti saṃcintya mantrairetairyathākramam / vāmahastagatairadbhirgandhasiddhārthakānvitaiḥ // ### [2.22.19](https://indike.org/pramana/in.purana.linga.2.22.19) kuśapuñjena cābhyukṣya mūlāgrairaṣṭadhā sthitaiḥ / āpo hiṣṭhādibhiścaiva śeṣamāghrādha vai jalam // ### [2.22.20](https://indike.org/pramana/in.purana.linga.2.22.20) vāmanāsāpuṭenaiva dehe saṃbhāvayecchivam / arghyamādāya dehasthaṃ savyanāsāpuṭena ca // ### [2.22.21](https://indike.org/pramana/in.purana.linga.2.22.21) kṛṣṇavarṇena bāhyasthaṃ bhāvayecca śilāgatam / tarpayetsarvadevebhya ṛṣibhyaśca viśeṣataḥ // ### [2.22.22](https://indike.org/pramana/in.purana.linga.2.22.22) bhūtebhyaśca pitṛbhyaśca vidhinārghyaṃ ca dāpayet / vyāpiniṃ ca parāṃ jyotsnāṃ saṃdhyāṃ samyagupāsayet // ### [2.22.23](https://indike.org/pramana/in.purana.linga.2.22.23) prātarmadhyāhnasāyāhne arghyaṃ caiva nivedayet / raktacandanatoyena hastamātreṇa maṇḍalam // ### [2.22.24](https://indike.org/pramana/in.purana.linga.2.22.24) suvṛttaṃ kalpayedbhūmau prārthayeta dvijottamāḥ / prāṅmukhastāmrapātraṃ ca sagandhaṃ prasthāpūritam // ### [2.22.25](https://indike.org/pramana/in.purana.linga.2.22.25) pūrayedgandhatoyena raktacandanakena ca / raktapuṣpaistilaiścaiva kuśākṣatasamanvitaiḥ // ### [2.22.26](https://indike.org/pramana/in.purana.linga.2.22.26) dūrvāpāmārgagavyena kevalena ghṛtena ca / āpūrya mūlamantreṇa navākṣaramayena ca / jānubhyāṃ dharaṇīṃ gatvā deva devaṃ namasya ca // ### [2.22.27](https://indike.org/pramana/in.purana.linga.2.22.27) kṛtvā śirasi tatpātramarghya mūlena dāpayet / aśvamedhāyutaṃ kṛtvā yatphalaṃ parikīrtitam // ### [2.22.28](https://indike.org/pramana/in.purana.linga.2.22.28) tatphalaṃ labhate dattvā saurārghyaṃ sarvasaṃmatam / dattvaivārghyaṃ yajedbhaktyā devadevaṃ triyaṃbakam // ### [2.22.29](https://indike.org/pramana/in.purana.linga.2.22.29) athavā bhāskaraṃ ceṣṭvā āgneyaṃ snānamācaret / pūrvavadvai śivasnānaṃ mantramātreṇa bheditam // ### [2.22.30](https://indike.org/pramana/in.purana.linga.2.22.30) dantadhāvanapūrvaṃ ca snānaṃ sauraṃ ca śāṅkaram / vighneśaṃ varuṇaṃ caiva guruṃ tīrthaṃ samarcayet // ### [2.22.31](https://indike.org/pramana/in.purana.linga.2.22.31) baddhvā padmāsanaṃ tīrthe tathā tīrthaṃ samarcayet / tīrthaṃ saṃgṛhya vidhinā pūjāsthānaṃ praviśya ca // ### [2.22.32](https://indike.org/pramana/in.purana.linga.2.22.32) mārgeṇārghyapavitreṇa tadākramya ca pādukam / pūrvavatkaravinyāsaṃ dehavinyāsamācaret / tīrthaṃ saṃgṛhya vidhinā pūjāsthānaṃ pravisya ca // ### [2.22.33](https://indike.org/pramana/in.purana.linga.2.22.33) arghyasya sādanaṃ caiva samāsātparikīrtitam / baddhvā padmāsanaṃ yogī prāṇāyāmaṃ samabhyaset // ### [2.22.34](https://indike.org/pramana/in.purana.linga.2.22.34) raktapuṣpāṇi saṃgṛhya kamalādyāni bhāvayet / ātmano dakṣiṇe sthāpya jalabhāṇḍaṃ ca vāmataḥ // ### [2.22.35](https://indike.org/pramana/in.purana.linga.2.22.35) tāmrapātrāṇi saurāṇi sarvakāmārthasiddhaye / ārghyapātraṃ samādāya prakṣālya ca yathāvidhi // ### [2.22.36](https://indike.org/pramana/in.purana.linga.2.22.36) pūrvoktenāṃbunā sārdhaṃ jalabhāṇḍe tathaiva ca / astrodakena caivārghyamarghyadravyasamanvitam // ### [2.22.37](https://indike.org/pramana/in.purana.linga.2.22.37) saṃhitāmantritaṃ kṛtvā saṃpūjya prathamena ca / turīyeṇāvaguṇṭhyaiva sthāpayedātmano pari // ### [2.22.38](https://indike.org/pramana/in.purana.linga.2.22.38) pādyamācamanīyaṃ ca gandhapūṣpasamanvitam / aṃbhasā śodhite pātre stāpayetpūrvavatpṛthak / saṃhitāṃ caiva vinyasya kavacenāvaguṇṭhyaca // ### [2.22.39](https://indike.org/pramana/in.purana.linga.2.22.39) arghyābunā samabhyukṣya dravyāṇi ca viśeṣataḥ / ādityaṃ ca japed devaṃ sarvadevanamaskṛtam // ### [2.22.40](https://indike.org/pramana/in.purana.linga.2.22.40) ādityo vai teja ūrjo balaṃ yaśo vivirdhati / ityādinā namaskṛtya kalpayedāsanaṃ prabhoḥ // ### [2.22.41](https://indike.org/pramana/in.purana.linga.2.22.41) prabhūtaṃ vimalaṃ sāramārāvyaṃ paramaṃ sukham / āgnoyyādiṣu koṇeṣumadhyamāntaṃ hṛdānyaset // ### [2.22.42](https://indike.org/pramana/in.purana.linga.2.22.42) aṅgaṃ pravinyaseccaiva bījamaṅkurameva ca / nālaṃ suṣirasaṃ yuktaṃ sūtrakaṇṭakasaṃyutam // ### [2.22.43](https://indike.org/pramana/in.purana.linga.2.22.43) dalaṃ dalāgraṃ suśvetaṃ hemābhaṃ raktameva ca / karṇikākesaropetaṃ dīptādyaiḥ śaktibhirvṛtam // ### [2.22.44](https://indike.org/pramana/in.purana.linga.2.22.44) dīptā sūkṣmā jayā bhadrā vibhūtirvimalākramāt / aghorā vikṛtā caiva dīptādyāścāṣṭaśaktayaḥ // ### [2.22.45](https://indike.org/pramana/in.purana.linga.2.22.45) bhāskarābhamukhāḥ sarvāḥ kṛtāñjalipuṭāḥ śubhāḥ / athavā padmahastā vā sarvābharaṇabhūṣitāḥ // ### [2.22.46](https://indike.org/pramana/in.purana.linga.2.22.46) madhyato varadāṃ devīṃ sthāpayetsarvatomukhīm / āvāhayettato devīṃ bhāskaraṃ parameśvaram // ### [2.22.47](https://indike.org/pramana/in.purana.linga.2.22.47) navākṣareṇa mantreṇa bāṣkaloktena bhāskaram / āvāhane ca sānnidhyamanenaiva vidhīyate // ### [2.22.48](https://indike.org/pramana/in.purana.linga.2.22.48) mudrā ca padmamudrākhyā bhaskarasya mahātmanaḥ / mūle nārghyaṃ tato dadyātpādyamācamanaṃ pṛthak // ### [2.22.49](https://indike.org/pramana/in.purana.linga.2.22.49) punararghyapradānena bāṣkalena yatāvidhi / raktapadmāni puṣpāṇi raktacandanameva ca // ### [2.22.50](https://indike.org/pramana/in.purana.linga.2.22.50) dīpadhūpādinaivedyaṃ mukhāvāsādireva ca / tāṃbūlavartidīpādyaṃ bāṣkalena vidhīyate // ### [2.22.51](https://indike.org/pramana/in.purana.linga.2.22.51) āgnoyyāṃ ca tathaiśānyāṃ nairṛtyāṃ vāyugocare / pūrvasyāṃ paścime caiva paṭprakāraṃ vidhīyate // ### [2.22.52](https://indike.org/pramana/in.purana.linga.2.22.52) netrāntaṃ vidhinābhyarcya praṇavādinamontakam / karṇikāyāṃ pravinyasya rūpakadhyānamācaret // ### [2.22.53](https://indike.org/pramana/in.purana.linga.2.22.53) sarve vidyutprabhāḥ śāntā raudramastraṃ prakīrtitam / daṃṣṭrākarālavadanaṃ hyaṣṭamūrti bhayaṅkaram // ### [2.22.54](https://indike.org/pramana/in.purana.linga.2.22.54) varadaṃ dakṣiṇaṃ hastaṃ vāmaṃ padmavibhūṣitam / sarvābharaṇasaṃpannā raktasraganulepanāḥ // ### [2.22.55](https://indike.org/pramana/in.purana.linga.2.22.55) raktāṃbaradharāḥ sarvā mūrtayastasya saṃsthitāḥ / samaṇḍalo mahādevaḥ siṃdūrāruṇavigrahaḥ // ### [2.22.56](https://indike.org/pramana/in.purana.linga.2.22.56) padmahasto 'mṛtāsyaśca dvihastanayanaḥ prabhuḥ / raktābharaṇasaṃyukto raktasraganulepanaḥ // ### [2.22.57](https://indike.org/pramana/in.purana.linga.2.22.57) itthaṃrūpadharaṃ dhyāyedbhāskaraṃ bhuvaneśvaram / padmabāhye śubhaṃ cātra maṇḍaleṣu samantataḥ // ### [2.22.58](https://indike.org/pramana/in.purana.linga.2.22.58) somamaṅgārakaṃ caiva budhaṃ buddhimatāṃvaram / bṛhaspatiṃ mahābuddhiṃ rudraputraṃ ca bhārgavam // ### [2.22.59](https://indike.org/pramana/in.purana.linga.2.22.59) śanaiścaraṃ tathā rāhuṃ ketuṃ dhūmraṃ prakīrtitam / sarve dvinetrā dvibhujā rāhuścordhvaśarīradhṛk // ### [2.22.60](https://indike.org/pramana/in.purana.linga.2.22.60) vivṛttāsyo ḥñjaliṃ kṛtvā bhrukuṭīkuṭilekṣaṇaḥ / śanaiścaraśca daṃṣṭrāsyo varadābhayahastadhṛk // ### [2.22.61](https://indike.org/pramana/in.purana.linga.2.22.61) svaiḥsvairbhāvaiḥ svanāmnā ca praṇavādinamontakam / pūjanīyāḥ prayatnena dharmakāmārthasiddhaye // ### [2.22.62](https://indike.org/pramana/in.purana.linga.2.22.62) saptasaptagaṇāṃścaiva bahirdevasya pūjayet / ṛṣayo devagandharvāḥ pannagāpsarasāṃ gaṇāḥ // ### [2.22.63](https://indike.org/pramana/in.purana.linga.2.22.63) grāmaṇyo yātudhānāśca tathā yakṣāśca mukhyataḥ / saptāśvān pūjayedagre saptacchandomayān vibhoḥ // ### [2.22.64](https://indike.org/pramana/in.purana.linga.2.22.64) vālakhilyagaṇaṃ caiva nirmālyagrahaṇaṃ vibhoḥ / pūjayedāsanaṃ sūrterdevatāmapi pūjayet // ### [2.22.65](https://indike.org/pramana/in.purana.linga.2.22.65) arghyaṃ ca dāpayetteṣāṃ pṛthageva vidhā nataḥ / āvāhane ca pūjānte teṣāmudvāsane tathā // ### [2.22.66](https://indike.org/pramana/in.purana.linga.2.22.66) sahasraṃ vā tadardhaṃ vā śatamaṣṭottaraṃ tu vā / bāṣkalaṃ ca japedagre dhaśāṃśena ca yojayet // ### [2.22.67](https://indike.org/pramana/in.purana.linga.2.22.67) kuṇḍaṃ ca paścime kuryādvartulaṃ caiva mekhalam / caturaṅgulamānena cotsedhādvistarādapi // ### [2.22.68](https://indike.org/pramana/in.purana.linga.2.22.68) ekahastapramāṇena nitye naimittike tathā / kṛtvāśvatthadalākāraṃ nābhiṃ kuṇḍe daśāṅgulam // ### [2.22.69](https://indike.org/pramana/in.purana.linga.2.22.69) tadardhena purastāttu gajoṣṭhasadṛśaṃ smṛtam / galamekāṅgulaṃ caiva śeṣandviguṇavistaram // ### [2.22.70](https://indike.org/pramana/in.purana.linga.2.22.70) tatpramāṇena kuṇḍasya tyaktvā kurvīta mekhalām / yatnena sādhayitvaiva paścādvomaṃ ca kārayet // ### [2.22.71](https://indike.org/pramana/in.purana.linga.2.22.71) ṣaṣṭhenolle khanaṃ kuryātprokṣayedvāriṇā punaḥ / āsanaṃ kalpayenmadhye prathamena samāhitaḥ // ### [2.22.72](https://indike.org/pramana/in.purana.linga.2.22.72) prabhāvatīṃ tataḥ śaktimādyenaiva tu vunyaset / bāṣkalenaiva saṃpūjya gandhapuṣpādibhiḥ kramāt // ### [2.22.73](https://indike.org/pramana/in.purana.linga.2.22.73) bāṣkalenaiva mantreṇa kriyāṃ prati yajetpṛthak / mūlamantreṇa vidhinā paścātpūrṇāhutirbhavet // ### [2.22.74](https://indike.org/pramana/in.purana.linga.2.22.74) kramādevaṃ vidhānena sūryāgnirjanito bhavet / pūrvoktena vidhānena prāguktaṃ kamalaṃ nyaset // ### [2.22.75](https://indike.org/pramana/in.purana.linga.2.22.75) mukhopari samabhyarcya pūrvavadbhāskaraṃ prabhum / daśaivāhutayo deyā bāṣkalena mahāmune // ### [2.22.76](https://indike.org/pramana/in.purana.linga.2.22.76) aṅgānāṃ ca tathaikaikaṃ saṃhitābhiḥ pṛthak punaḥ / jayādisviṣṭaparyantamidhmaprakṣepameva ca // ### [2.22.77](https://indike.org/pramana/in.purana.linga.2.22.77) samānyaṃ sarvamārgeṣu pāraṃparyakrameṇa ca / nivedya devadevāya bhāskarāyāmitātmane // ### [2.22.78](https://indike.org/pramana/in.purana.linga.2.22.78) pūjāhomādikaṃ sarvaṃ dattvārghyaṃ ca pradākṣiṇam / aṅgaiḥ saṃpūjya saṃkṣipya hṛdyudvāsya namasya ca // ### [2.22.79](https://indike.org/pramana/in.purana.linga.2.22.79) śivapūjāṃ tataḥ kuryāddharmakāmārthasiddhaye / evaṃ saṃkṣepataḥ proktaṃ yajanaṃ bhāskarasya ca / sarvaiśvaryasamopetastejasāpratimaśca saḥ // ### [2.22.80](https://indike.org/pramana/in.purana.linga.2.22.80) yaḥ sakṛdvā yajeddevaṃ devadevaṃ jagadgurum / bhāskaraṃ paramātmānaṃ sa yāti paramāṃ gatim // ### [2.22.81](https://indike.org/pramana/in.purana.linga.2.22.81) sarvapāpavinirmuktāḥ sarvapāpa vivarjitaḥ / sarvaiśvaryasamopetastejasāpratimaśca saḥ // ### [2.22.82](https://indike.org/pramana/in.purana.linga.2.22.82) putrapautrādimitraiśca bāndhavaiś ca samantataḥ / bhuktvaiva vipulān bhogānihaiva dhana dhānyavān // ### [2.22.83](https://indike.org/pramana/in.purana.linga.2.22.83) yānavāhanasaṃpanno bhūṣaṇairvividhairapi / kālaṃ gatopi sūryeṇa modate kālamakṣayam // ### [2.22.84](https://indike.org/pramana/in.purana.linga.2.22.84) punastasmādihāgatya rājā bhavati dharmikaḥ / vedavedāṅgasaṃpanno brāhmaṇo vātra jāyate // ### [2.22.85](https://indike.org/pramana/in.purana.linga.2.22.85) punaḥ prāgvāsanāyogāddhārmiko vedapāragaḥ / sūryameva samabhyarcya sūryasāyujyamāpnuyāt // ### [2.22.85.p1](https://indike.org/pramana/in.purana.linga.2.22.85.p1) iti śrīliṅgamahāpurāṇe uttarabhāge dvāviṃśatitamo 'dhyāyaḥ ## Commentaries (1) - [Śivatoṣiṇī](https://indike.org/pramana/in.purana.linga!ganesa-ballala-natu.154.2) — Gaṇeśa Ballāla Nātū, Sanskrit ## Linked texts (1) - [Sūkṣmāgama](https://indike.org/pramana/in.sampradaya.saiva.agama.siva.suksma.7.16) — Sanskrit ## Discussed in (1) - [Ancient Indian Historical Tradition](https://indike.org/pramana/ins.general.pargiter-1922.c7.175) — Pargiter 1922, English --- Source: [https://indike.org/pramana/in.purana.linga.2.22](https://indike.org/pramana/in.purana.linga.2.22) · Pramāṇa