Linga Purana 2.24

Liṅgapurāṇa 2.24

Language: Sanskrit

2.24.33 — 1 part
2.24.41 — 1 part

2.24.1

śailādiruvāca
vyākhyāṃ pūjāvidānasya pravadāmi samāsataḥ /
śivaśāstroktamārgeṇa śivena kathitaṃ purā //

athobhau candanacarcitau hastau vauṣaḍantenādyañjaliṃ kṛtvā mūrtividyāśivādīni japtvā aṅguṣṭhādikaniṣṭhikānta īśānādyaṃ kaniṣṭhikādimadhyamāntaṃ hṛdayāditṛtīyāntaṃ turīyamaṅguṣṭhenānāmikayā pañcamaṃ taladvayena ṣaṣṭhaṃ tarjanyaṅguṣṭhābhyāṃ nārācastraprayogeṇa punarapi mūlaṃ japtvā turīyenāvaguṇṭhya śivahastamityucyate //

2.24.3

śivārcaṃnā tena hastena kāryā //

2.24.4

tattvagatamātmānaṃ vyavasthāpya tattvaśuddhiṃ pūrvavat //

2.24.5

kṣmāmbhognivāyuvyomāntaṃ pañcacatuḥśuddhakoṭyante dhārāsahitena vyavasthāpya tattśuddhiṃ pūrvaṃ kuryāt //

2.24.6

tattvaśuddhiḥ ṣaṣṭhena sadyena tṛtīyena phaḍantāddharāśuddhiḥ //

2.24.7

ṣaṣṭhasahitena sadyena tṛtīyena phaḍantena vāritattvaśuddhiḥ //

2.24.8

vāhneyatṛtīyena phaṇḍatenāgniśuddhiḥ //

2.24.9

vāyavyacaturthena ṣaṣṭhasahitena phaḍantena vāyuśuddhiḥ //

2.24.10

ṣaṣṭhena sasadyena tṛtīyena phaḍantenākāśaśuddhiḥ //

2.24.11

upasaṃhṛtyaivaṃ sadyaṣaṣṭhena tṛtīyena mūlena phaḍantena tāḍanaṃ tṛtīyena saṃpuṭīkṛtyagrahaṇaṃ mūlameva yonibījena saṃpuṭīkṛtvā bandhanaṃ bandhaḥ //

2.24.12

evaṃ kṣāntātītādinivṛttiparyantaṃ pūrvavatkṛtvā praṇavena tattvatrayakamanudhyāya ātmānaṃ dīpaśikhākāraṃ puryaṣṭakasahitaṃ trayātītaṃ śaktikṣobheṇāmṛtadhārāṃ suṣumṇāyāṃ dhyātvā //

2.24.13

śāntyatītādinivṛttiparyantānāṃ cāntarnādabindvakārokāramakārāntaṃ śivaṃ sadāśivaṃ rudraviṣṇubrahmāntaṃ sṛṣṭimeṇāmṛtīkaraṇaṃ brahmanyāsaṃ kṛtvā pañcavaktreṣu pañcadaśanayanaṃ vinyasya mūlena pādādikeśāntaṃ mahāmudrāmapi baddhvā śivohamiti dhyātvā śaktyādīni vinyasyahṛdi śaktyābījāṅkurānantarātsasuṣirasūtrakaṇṭakapatrakesaradharmajñānavairāgyaiśvaryasūryasomāgnivāmājyeṣṭhāraudrīkālīkalavikaraṇībalavikaraṇībala prathamanīsarvabhūtadamanīḥ kesareṣu karṇikāyāṃ manonmanīmapi dhyātvā //

2.24.14

āsanaṃ parikalpyaivaṃ sarvopacārasahitaṃ bahiryogopacāreṇāntaḥkaraṇaṃ kṛtvā nābhau vahnikuṇḍe pūrvavadāsanaṃ parikalpya sadāśivaṃ dhyātvā binduto 'mṛtadhārāṃ śivamaṇḍale nipatitāṃ dhyātvā lalāṭe maheśvaraṃ dīpaśikhākāraṃ dhyātvā ātmaśuddhiritthaṃ prāṇāpānau saṃyamya suṣumṇayā vāyuṃ vyavasthāpya ṣaṣṭhena tālumudrāṃ kṛtvā digbandhaṃ kṛtvā ṣaṣṭhena sthānaśuddhirvastrādi pūtāntararghyapātrādiṣu praṇavena tattvatrayaṃ vinyasya tadupari bunduṃ dhyātvā vipūrya dravyāṇi ca vidhāya amṛtaplāvanaṃ kṛtvā pādyapātrādiṣu teṣāmarghyavadāsanaṃ parikalpya saṃhitayābhimantryādyenābhyarcya dvitīyenāmṛtīkṛtvā tṛtīyena viśodhyacaturthenāvaguṇṭhya pañcamonāvalokyaṣaṣṭhena rakṣāṃvidhāya caturthena kuśapuñjenārghyāṃbhasābhyukṣya ātmānamapi dravyāṇi punarghyāṃbhasābyukṣya sapuṣpeṇa sarvadravyāṇi pṛthakpṛthak śodhayet //

2.24.15

sadyena gandhaṃ vāmena vastram /
aghoreṇa ābharaṇaṃ puruṣeṇa naivedyam /
īśānena puṣpāṇi athābhimantrayet //

2.24.16

śivagāyatryā śeṣaṃ prokṣayet //

2.24.17

pañcāmṛtapañcagavyādīni brahmāṅgamūlādyairābhimantrayet //

2.24.18

pṛthakpṛthaṅmūlenārghyaṃ dhūpaṃ dattvācamanīyaṃ ca teṣāmapi dhenumudrā ca darśayitvā kavacenāvaguṇṭhyāstreṇa rakṣāṃ ca vidhāya dravyaśuddhiṃ kuryāt //

2.24.19

arghyodakamagre hṛdā gandhamādāyāstreṇa viśodhya pūjāprabhṛtikaraṇaṃ rakṣāntaṃ kṛtvaivaṃ dravyaśuddhiṃ pūjāsamarpaṇāntaṃ maunamāsthāya puṣpāñjaliṃ dattvā sarvamantrāṇi praṇavādinamontājjapitvā puṣpāñjaliṃ tyajenmantraśuddhirittham //

2.24.20

agre sāmānyārghyapātraṃ payasāpūrya gandhapuṣpādinā saṃhitayābhimantrya dhenamudrāṃ dattvā kavacenāvaguṇṭhyāstreṇa rakṣayet /
pūjāṃ paryuṣitāṃ gāyatryā samabhyarcya sāmānyārghyaṃ dattvā gandhapuṣpadhūpācamanīyaṃ svadhāntaṃ namontaṃ vā datvā brahmabhiḥ pṛthakpṛthakpuṣpāñjaliṃ dattvā phaḍantāstreṇa nirmalyaṃ vyapohya īśānyāṃ caṇḍamabhyarcyāsanamūrti caṇḍaṃ sāmānyāstreṇa liṅgapīṭhaṃ śivaṃ pāśupatāstreṇa viśodhya mūrdhni puṣpaṃ nidhāya pūjayelliṅgaśuddhiḥ //

2.24.21

āsanaṃ kūrmaśilāyāṃ bījāṅkuraṃ tadupari brahmaśilāyāmanantanālasuṣire sūtrapatrakaṇṭakakarṇikākesaradharmajñānavairāgyaiśvaryasūryasomāgnikesaraśaktiṃ manonmanīṃ karṇikāyāṃ manonmanenānantāsanāyeti samāsenāsanaṃ parikalpya tadupari nivṛttyādikalāmayaṃ ṣaṅvidhasahitaṃ karmakalāṅgadehaṃ sadāśivaṃ bhāvayet //

2.24.22

ubhābhyāṃ sapuṣpābhyāṃ hastābhyāmaṅguṣṭhena puṣpamāpīḍya āpāhanamudrayā śanaiḥśanaiḥ hṛdayādimastamāropya hṛdā saha mūlaṃ plutamuccāryasadyena bindusthānādabhyadhikaṃ dīpaśikhākāraṃ sarvatomukhahastaṃ vyāpyavyāpakamābāhya sthāpayet //

2.24.23

pūrvahṛdā śivaśaktisamavāyena paramīkaraṇamamṛtīkaraṇaṃ hṛdayādimūlena sadyenāvāhanaṃ hṛdā mūlopari aghoreṇa sannirodaṃ hṛdā mūlopari puruṣeṇa sānnidhyaṃ hṛdā mūlena īśānena pūjayediti upadeśaḥ //

2.24.24

pañcamantrasahitena yathāpūrvamātmano dehanirmāṇaṃ tathā devasyāpi vahneścaivamupadeśaḥ //

2.24.25

rūpakadhyānaṃ kṛtvā mūlena namaskārāntamāpādya svadhāntamācamanīyaṃ sarvaṃ namaskārāntaṃ vā svāhākārāntamarghyaṃ mūlena puṣpāñjaliṃ vauṣaḍantena sarvaṃ namaskārāntaṃ hṛdā vā īśānena vā rudragāyatryā oṃnamaḥ śivāyeti mūlamantreṇa vā pūjayet //

2.24.26

puṣpāñjaliṃ dattvā punardhūṣācamanīyaṃ ṣaṣṭhena puṣpāvasaraṇaṃ visarjanaṃ mantrodakena mūlena saṃsnāpya sarvadravyābhiṣekamīśānena pratidravyamaṣṭapuṣpaṃ dattvaivamarghyaṃ ca gandhapuṣpadhūpācamanīyaṃ phaḍantāstreṇa pūjāpasaraṇaṃ śuddhodakena mūlena saṃsnāpya piṣṭāmalagādibhiḥ //

Commentaries (2)

Śivatosaṇī Liṅgapurāṇaṭīkā — Gaṇeśa Bhaṭṭa, Sanskrit
Śivatoṣiṇī — Gaṇeśa Ballāla Nātū, Sanskrit

Linked texts (1)

Liṅga — Sanskrit

Linga Purana 2.24

Contents

Commentaries (2)

Linked texts (1)