[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Linga Purana](https://indike.org/pramana/in.purana.linga) › 2.26 # Linga Purana 2.26 Liṅgapurāṇa 2.26 - **Language:** Sanskrit ## Contents - [2.26.30](https://indike.org/pramana/in.purana.linga.2.26.30) — 1 part ### [2.26.1](https://indike.org/pramana/in.purana.linga.2.26.1) śailādiruvāca athavā devamīśānaṃ liṅge saṃpūjayecchivam / brāhmaṇaḥ śivabhaktaśca śivadhyānaparāyaṇaḥ // ### [2.26.2](https://indike.org/pramana/in.purana.linga.2.26.2) agnirityādinā bhasma gṛhītvā hyagnihotrajam / uddhūlayeddhi sarvāṅgamāpādatalamastakam // ### [2.26.3](https://indike.org/pramana/in.purana.linga.2.26.3) ācāmedbrahmatīrthena brahmasūtrī hyudaṅmukhaḥ / athoṃnamaḥ śivāyeti tanuṃ kṛtvātmanaḥ punaḥ // ### [2.26.4](https://indike.org/pramana/in.purana.linga.2.26.4) devaṃ ca tena mantreṇa pūjayetpraṇavena ca / sarvasmādadhikā pūjā aghoreśasya śūlinaḥ // ### [2.26.5](https://indike.org/pramana/in.purana.linga.2.26.5) sāmānyaṃ yajanaṃ sarvamagnikāryaṃ ca suvrata / mantrabhedaḥ prabhostasya aghoradhyānameva ca // ### [2.26.6](https://indike.org/pramana/in.purana.linga.2.26.6) mantraḥ aghorebhyo 'tha ghorebhyo ghoraghoratarebhyaḥ śarvebhyaḥ sarvaśarvebhyo namaste astu rudrarūpebhyaḥ // ### [2.26.7](https://indike.org/pramana/in.purana.linga.2.26.7) aghorebhyaḥ praśāntahṛdayāya namaḥ / atha ghorebhyaḥ sarvātmabrahmaśirase svāhā / ghoraghoratarebhyaḥ jvālāmālinī śikāyai vaṣaṭ / sarvebhyaḥ sarvaśarvebhyaḥ piṅgalakavacāya hum / namaste astu rudrarūpebhyaḥ netratrayāya vaṣaṭ / sahasrākṣāya durbhedāya pāśupatāstrāya huṃ phaṭ / snātvācāmya tanuṃ kṛtvā samabhyukṣyāgamarṣaṇam / tarpaṇaṃ vidhinā cārghyaṃ bhānave bhānupūjanam // ### [2.26.8](https://indike.org/pramana/in.purana.linga.2.26.8) samaṃ cāghorapūjāyāṃ mantramātreṇa bheditam / mārgaśuddhistathā dvāri pūjāṃ vāstvadhipasya ca // ### [2.26.9](https://indike.org/pramana/in.purana.linga.2.26.9) kṛtvā karaṃ viśodhyāgre sa śubhāsanamāsthitaḥ / nāsāgrakamale sthāpya dagdhākṣaḥ kṣubhikāgninā // ### [2.26.10](https://indike.org/pramana/in.purana.linga.2.26.10) vāyunā prerya tadbhasma viśodhya ca śubhāṃ bhasā / śaktyāmṛtamaye brahmakalāṃ tatra prakalpayet // ### [2.26.11](https://indike.org/pramana/in.purana.linga.2.26.11) aghoraṃ pañcadhā kṛtvā pañcāṅgasahitaṃ punaḥ / itthaṃ jñānākriyāmevaṃ vinyasya ca vidhānataḥ // ### [2.26.12](https://indike.org/pramana/in.purana.linga.2.26.12) nyāsāstrinetrasahito hṛdi dhyātvā varāsane / nābhau vahnigataṃ smṛtvā bhrūmadhye dīpavatprabhum // ### [2.26.13](https://indike.org/pramana/in.purana.linga.2.26.13) sāṃtyā bījāṅkurānantadharmādyairapi saṃyute / somasūryāgnisaṃpanne mūrtitrayasamanvite // ### [2.26.14](https://indike.org/pramana/in.purana.linga.2.26.14) vāmādibhiśca sahite manonmanyāpyadhiṣṭhite / śivāsanetmamūrtisthamakṣayākāra rūpiṇam // ### [2.26.15](https://indike.org/pramana/in.purana.linga.2.26.15) aṣṭatriṃśatkalādehṝṃ tritattvasahitaṃ śivam / aṣṭādaśabhujaṃ devaṃ gajacarmottarīyakam // ### [2.26.16](https://indike.org/pramana/in.purana.linga.2.26.16) siṃhājināṃbaradharamaghoraṃ parameśvaram / dvātriṃśākṣararūpeṇa dvātriṃśacchaktibhirvṛtam // ### [2.26.17](https://indike.org/pramana/in.purana.linga.2.26.17) sarvābharaṇasaṃyuktaṃ sarvadevanamaskṛtam / kapālamālābharaṇaṃ sarvavṛścikabhūthamaṇ // ### [2.26.18](https://indike.org/pramana/in.purana.linga.2.26.18) pūrṇoduvadanaṃ saumyaṃ candrakoṭisamaprabham / candrarekhādharaṃ śaktyā sahitaṃ nīlarūpiṇam // ### [2.26.19](https://indike.org/pramana/in.purana.linga.2.26.19) haste khaḍgaṃ kheṭakaṃ pāśamekeratnaiścitraṃ cāṅkuśaṃ nāgakakṣām / śarasanaṃ pāśupataṃ tathāstraṃ daṇḍaṃ ca khaṭvāṅgamathāpare ca // ### [2.26.20](https://indike.org/pramana/in.purana.linga.2.26.20) tantrīṃ ca ghaṇṭāṃ vipulaṃ ca śūlaṃ tathāpare ḍāmarukaṃ ca divyam / vajraṃ gadāṃ ṭaṅkamekaṃ ca dīptaṃ samudraraṃ hastamathāsya śaṃbhoḥ // ### [2.26.21](https://indike.org/pramana/in.purana.linga.2.26.21) varadābhayahastaṃ ca vareṇyaṃ parameśvaram / bhāvayetpūjayeccāpi vahnau homaṃ ca kārayet // ### [2.26.22](https://indike.org/pramana/in.purana.linga.2.26.22) homaśca pūrvavatsarvo mantrabhedaśca kīrtitaḥ / aṣṭapuṣpādi gandhādi pūjāstutinivedanam // ### [2.26.23](https://indike.org/pramana/in.purana.linga.2.26.23) antarbaliṃ ca kuṇḍasya vāhneyena vidhānataḥ / maṇḍalaṃ vidhinā kṛtvā mantrairetairyathākramam // ### [2.26.24](https://indike.org/pramana/in.purana.linga.2.26.24) rudrebhyo mātṛgaṇebhyo yakṣebhyo 'surebhyo grahebhyo rākṣasebhyo nāgebhyo nakṣatrebhyo viśvagaṇebhyaḥ kṣetrapālebhyaḥ atha vāyuvaruṇadigbhāge kṣetrapālabaliṃ kṣipet / arghyaṃ gandhaṃ ca puṣpaṃ ca dhūpaṃ dīpaṃ ca suvratāḥ / naivedyaṃ mukhavāsādi nivedyaṃ vai yathāvidhi // ### [2.26.25](https://indike.org/pramana/in.purana.linga.2.26.25) vijñāpyaivaṃ visṛjyātha aṣṭapuṣpaiśca pūjanam / sarvasāmānyametaddhi pūjāyāṃ munipuṅgavāḥ // ### [2.26.26](https://indike.org/pramana/in.purana.linga.2.26.26) evaṃ saṃkṣepataḥ proktamaghorārcādi suvrata / aghorārcāvidhānaṃ ca liṅgevā sthāṇḍile 'pi vā // ### [2.26.27](https://indike.org/pramana/in.purana.linga.2.26.27) sthaṇḍilātkoṭiguṇitaṃ liṅgārcanamanuttamam / liṅgārcanarato vipro mahāpātakasaṃbhavaiḥ // ### [2.26.28](https://indike.org/pramana/in.purana.linga.2.26.28) pāpairapi na lipyeta padmapatramivāṃbhasā / liṅgasya darśanaṃ puṇyaṃ darśanātsparśanaṃ varam // ### [2.26.29](https://indike.org/pramana/in.purana.linga.2.26.29) arcanādadhikaṃ nāsti brahmaputra na saṃśayaḥ / evaṃ saṃkṣepataḥ proktamaghorārcanamuttamam // ### [2.26.30](https://indike.org/pramana/in.purana.linga.2.26.30) varṣakoṭiśatenāpi vistareṇa na śakyate // ### [2.26.30.p1](https://indike.org/pramana/in.purana.linga.2.26.30.p1) iti śrīliṅgamahāpurāṇe uttarabhāge ṣaḍviṃśatitamo 'dhyāyaḥ ## Commentaries (1) - [Śivatoṣiṇī](https://indike.org/pramana/in.purana.linga!ganesa-ballala-natu.159.2) — Gaṇeśa Ballāla Nātū, Sanskrit ## Discussed in (1) - [Studies in the Purāṇic Records on Hindu Rites and Customs](https://indike.org/pramana/ins.religion.hazra-1940.c14.s9.2) — Hazra 1940, English --- Source: [https://indike.org/pramana/in.purana.linga.2.26](https://indike.org/pramana/in.purana.linga.2.26) · Pramāṇa