[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Lingapurana](https://indike.org/pramana/in.purana.linga) › 2.28 # Lingapurana 2.28 Liṅgapurāṇa 2.28 - **Language:** Sanskrit ## Contents - [2.28.96](https://indike.org/pramana/in.purana.linga.2.28.96) — 1 part ### [2.28.1](https://indike.org/pramana/in.purana.linga.2.28.1) sūta uvāca snātvā devaṃ namaskṛtya devadevamumāpatim / divyena cakṣuṣārudrāṃ nīlalohitamīśvaram // ### [2.28.2](https://indike.org/pramana/in.purana.linga.2.28.2) dṛṣṭvā tuṣṭāva varadaṃ rudrādhyāyena śaṅkaram / devo 'pi tuṣṭyā nirvāṇaṃ rājyānte karmaṇaiva tu // ### [2.28.3](https://indike.org/pramana/in.purana.linga.2.28.3) tavā stīti sakṛccoktvā tatraivāntaradhīyata / svāyaṃbhuvo manurdevaṃ namaskṛtya vṛṣadhvajam // ### [2.28.4](https://indike.org/pramana/in.purana.linga.2.28.4) āruroha mahāmeruṃ mahāvṛṣamiveśvaraḥ / tatra devaṃ hiramyābhaṃ yogaiśvaryasamanvitam // ### [2.28.5](https://indike.org/pramana/in.purana.linga.2.28.5) sanatkumāraṃ varadamapaśyadbrahmaṇaḥ sutam / namaścakāra varadaṃ brahmaṇyaṃ brahmarūpiṇam // ### [2.28.6](https://indike.org/pramana/in.purana.linga.2.28.6) kṛtāñjalipuṭo bhūtvā tuṣṭāva ca mahādyutiḥ / so 'pi dṛṣṭvā manuṃ devo hṛṣṭaromābhavanmuniḥ // ### [2.28.7](https://indike.org/pramana/in.purana.linga.2.28.7) sanatkumāraḥ prāhedaṃ ghṛṇayā ca ghṛṇānidhe / sanatkumāra uvāca dṛṣṭvā sarveśvarācchāntācchaṅkarānnīlalohitāt // ### [2.28.8](https://indike.org/pramana/in.purana.linga.2.28.8) labdhvābhiṣekaṃ saṃprāpto vivakṣurvada yadyapi / tasya tadvacanaṃ śrutvā praṇipatya kṛtāñjaliḥ // ### [2.28.9](https://indike.org/pramana/in.purana.linga.2.28.9) vijñāpayāmāsa kathaṃ karmaṇā nirvṛtirvibho / vaktumarhasi cāsmākaṃ karmaṇā kevalena ca // ### [2.28.10](https://indike.org/pramana/in.purana.linga.2.28.10) jñānena nirvṛtiḥ siddhā vibho miśreṇa vā kkacit / atha tasya vacaḥ śrutvā śrutisāravidāṃ nidhiḥ // ### [2.28.11](https://indike.org/pramana/in.purana.linga.2.28.11) sanatkumāro bhagavānkarmaṇā nirvṛtiṅkramāt / miśreṇa ca kramādeva kṣaṇājjñānena vai mune // ### [2.28.12](https://indike.org/pramana/in.purana.linga.2.28.12) purāmānena coṣṭratvamagamaṃ nandinaḥ prabhoḥ / śāpātpunaḥ prasādāddhi śivamabhyarcya śaṅkaram // ### [2.28.13](https://indike.org/pramana/in.purana.linga.2.28.13) prasādānnandinastasya karmaṇaiva sutohyaham / śrutvottamāṃ gatiṃ divyāmavasthāṃ prāptavānaham // ### [2.28.14](https://indike.org/pramana/in.purana.linga.2.28.14) śivārcanaprakāreṇa śivadharmeṇa nānyathā / rājñāṃ ṣoḍaśadānāni nandinā kathitāni ca // ### [2.28.15](https://indike.org/pramana/in.purana.linga.2.28.15) dharmakāmārthamuktyarthaṃ karmaṇaiva mahātmanā / tulādirohaṇādyāni śṛṇu tāni yatātatham // ### [2.28.16](https://indike.org/pramana/in.purana.linga.2.28.16) grahaṇādiṣu kāleṣu śubhadeśeṣu śobhanam / viṃśaddhastapramāṇena maṇḍapaṃ kūṭameva ca // ### [2.28.17](https://indike.org/pramana/in.purana.linga.2.28.17) yathāṣṭādaśahastena kalāhastena vā punaḥ / kṛtvā vediṃ tathā madhye navahastapramāṇataḥ // ### [2.28.18](https://indike.org/pramana/in.purana.linga.2.28.18) aṣṭahastena vā kāryā saptahastena vā punaḥ / dvihastā sārdhahastā vā vedikā cātiśobhanā // ### [2.28.19](https://indike.org/pramana/in.purana.linga.2.28.19) dvādaśastaṃbhasaṃyuktā sādhuramyā bhramantikā / parito nava kuṇḍāni caturasrāṇi kārayet // ### [2.28.20](https://indike.org/pramana/in.purana.linga.2.28.20) endrikeśānayormadhye pradhānaṃ brahmaṇaḥ sutā / athavā caturasraṃ ca yonyākāramataḥ param // ### [2.28.21](https://indike.org/pramana/in.purana.linga.2.28.21) strīṇāṃ kuṇḍāni viprendrā yonyākārāṇi kārayet / ardhacandraṃ trikoṇaṃ ca vartulaṃ kuṇḍameva ca // ### [2.28.22](https://indike.org/pramana/in.purana.linga.2.28.22) ṣaḍasraṃ sarvato vāpi trikoṇaṃ padmasannibham / aṣṭāsraṃ sarvamāne tu sthaṇḍilaṃ kevalaṃ tu vā // ### [2.28.23](https://indike.org/pramana/in.purana.linga.2.28.23) caturdvārasamopetaṃ catustoraṇabhūṣitam / diggajāṣṭakasaṃyuktaṃ darbhamālāsamāvṛtam // ### [2.28.24](https://indike.org/pramana/in.purana.linga.2.28.24) aṣṭamaṅgalasaṃyuktaṃ vitānopariśobhitam / tulāstaṃbhadrumāścātra bilvādīni viśeṣataḥ // ### [2.28.25](https://indike.org/pramana/in.purana.linga.2.28.25) bilvāśvatthapalāśādyāḥ kevalaṃ khādiraṃ tu vā / yena staṃbhaḥ kṛtaḥ pūrvaṃ tena sarvaṃ tu kārayet // ### [2.28.26](https://indike.org/pramana/in.purana.linga.2.28.26) athavā miśramārgeṇa veṇunā vā prakalpayet / aṣṭahastapramāṇaṃ tu hastadvayasamāyutam // ### [2.28.27](https://indike.org/pramana/in.purana.linga.2.28.27) tulāstaṃbhasya viṣkaṃbho 'nāhatastriguṇomataḥ / dvyaṅgulena vihīnaṃ tu suvṛttaṃ nirvraṇaṃ tathā // ### [2.28.28](https://indike.org/pramana/in.purana.linga.2.28.28) ubhayorantaraṃ caiva ṣaḍḍhastaṃ nṛpate smṛtam / dvoyaścaturhastakṛtamantaraṃ staṃbhayorapi // ### [2.28.29](https://indike.org/pramana/in.purana.linga.2.28.29) ṣaḍastamantaraṃ jñeyaṃ staṃbhayorupari sthitam / vitāstimātraṃ vistāro viṣkaṃbhastāvaduttaram // ### [2.28.30](https://indike.org/pramana/in.purana.linga.2.28.30) staṃbhayostu pramāṇena uttaradvārasammitam / ṣaṭtriṃśanmātrasaṃyuktaṃ vyāyāmaṃ tu tulātmakam // ### [2.28.31](https://indike.org/pramana/in.purana.linga.2.28.31) viṣkaṃbhamaṣṭamātraṃ tu yavapaṇṭakasaṃyutam / ṣaṭtriṃśanmātranābhaṃ syānnirmāṇādvartulaṃ śubham // ### [2.28.32](https://indike.org/pramana/in.purana.linga.2.28.32) agre mūle ca madhye ca hemapaṭṭena bandayet / paṭṭamadhye prakartavyamavalaṃbanakatrayam // ### [2.28.33](https://indike.org/pramana/in.purana.linga.2.28.33) tāmreṇa ca prakartavyamavalaṃbanakatrayam / āreṇa vā prakartavyamāyasaṃ naiva kārayet // ### [2.28.34](https://indike.org/pramana/in.purana.linga.2.28.34) madhye cordhvamukhaṃ kāryamavalaṃbaḥ suśobhanaḥ / raśmibhistoraṇāgre vā bandhayecca vidhānataḥ // ### [2.28.35](https://indike.org/pramana/in.purana.linga.2.28.35) jihvāmekāṃ tulāmadhye tāreṇaṃ tu vidhīyate / uttarasya ca madhye ca śaṅkuṃ dṛḍhamanuttamam // ### [2.28.36](https://indike.org/pramana/in.purana.linga.2.28.36) vitānenopari cchādya dṛḍhaṃ samyakprayojayet / saṃkoḥ suṣirasaṃpannaṃ valayaṃ kārayenmune // ### [2.28.37](https://indike.org/pramana/in.purana.linga.2.28.37) tulāmadhye vitānena tulayālaṃbake tathā / valayena prayoktavyaṃ kuṇḍalaṃ vāvalaṃbanam // ### [2.28.38](https://indike.org/pramana/in.purana.linga.2.28.38) sudṛḍhaṃ ca tulāmadhye navamāṅgulamānataḥ / paṭṭasyaiva tu vistāraṃ pañcamātrapramāṇataḥ // ### [2.28.39](https://indike.org/pramana/in.purana.linga.2.28.39) aparau sudṛḍhau piṇḍau śubhadravyeṇa kārayet / śikyādhastātprakartavyau pañcaprādeśa vistarau / sahasreṇa tu kartavyau palānāṃ dhārakāvubhau // ### [2.28.40](https://indike.org/pramana/in.purana.linga.2.28.40) śataṣṭakena vā kuryātpalaiḥ ṣaṭśatameva vā / catustālaṃ ca kartavyo vistāromadyamastathā // ### [2.28.41](https://indike.org/pramana/in.purana.linga.2.28.41) sārdhatritālavistāraḥ kalaśasya vidhiyate / badhnīyātpañcapātraṃ tu trimātraṃ ṣaṭkamucyate // ### [2.28.42](https://indike.org/pramana/in.purana.linga.2.28.42) caturdvārasamopetaṃ dvāramaṅgulamātrakam / kuṇḍalaiśca samopetaiḥ śuklaśuddhasamanvitaiḥ // ### [2.28.43](https://indike.org/pramana/in.purana.linga.2.28.43) kuṇḍalekuṇḍale kāryaṃ śṛṅkhalāparimaṇḍalam / śṛṅkhalādhāravalayamavalaṃ bena yojayet // ### [2.28.44](https://indike.org/pramana/in.purana.linga.2.28.44) prādeśaṃ vā caturmātraṃ bhūmestyaktvāvalaṃbayet / ghaṭau puruṣamātrau tu kartavyau śobhanāvubhau // ### [2.28.45](https://indike.org/pramana/in.purana.linga.2.28.45) tau vālukābhiḥ saṃpūrya śivaṃ tatra viniḥkṣipet / dvihastamātramavaṭe sthāpanīyau prayatnataḥ // ### [2.28.46](https://indike.org/pramana/in.purana.linga.2.28.46) niḥśeṣaṃ pūrayodvidvānvālukābhiḥ samantataḥ / yena niścalatāṃ gacchettena mārgeṇa kārayet // ### [2.28.47](https://indike.org/pramana/in.purana.linga.2.28.47) śrūyatāṃ paramaṃ guhyaṃ vedikoparimaṇḍalam / aṣṭamāṅgulasaṃyuktaṃ maṅgalākuraśobhitam // ### [2.28.48](https://indike.org/pramana/in.purana.linga.2.28.48) phalapuṣpasamākīrṇaṃ dhūpadīpasamanvitam / vedimadhye prakartavyaṃ darpaṇodarasannibham // ### [2.28.49](https://indike.org/pramana/in.purana.linga.2.28.49) ālikhenmaṇḍalaṃ pūrvaṃ caturdvārasamanvitam / śobhopaśobhāsaṃpannaṃ karṇikākesarānvitam // ### [2.28.50](https://indike.org/pramana/in.purana.linga.2.28.50) varṇajātisamopetaṃ pañcavarṇaṃ tu kārayet / vajraṃ prāgantare bhāge āgneyyāṃ śaktimujjvalām // ### [2.28.51](https://indike.org/pramana/in.purana.linga.2.28.51) ālikheddakṣiṇe daṇḍaṃ nairṛtyāṃ khaṅgamālikhet / pāśaśca vāruṇe lekhyo dhvajaṃ vai vāyugocare // ### [2.28.52](https://indike.org/pramana/in.purana.linga.2.28.52) kauberyāṃ tu gadā lekhyā aiśānyāṃ śūlamālikhet / śūlasya vāmadeśena cakraṃ padmaṃ tu dakṣiṇe // ### [2.28.53](https://indike.org/pramana/in.purana.linga.2.28.53) evaṃ likhitvā paścācca homakarmasamācaret / pradhānahomaṃ gāyatryā svāhā śakraāya vahneye // ### [2.28.54](https://indike.org/pramana/in.purana.linga.2.28.54) yamāya rākṣaseśāya varuṇāya ca vāyave / kuberāyeśvarāyātha viṣṇave brahmaṇe punaḥ // ### [2.28.55](https://indike.org/pramana/in.purana.linga.2.28.55) svāhāntaṃ praṇavenaiva hotavyaṃ vidhipūrvakam / svaśākhāgnimukhenaiva jayādipratisaṃyutam // ### [2.28.56](https://indike.org/pramana/in.purana.linga.2.28.56) sviṣṭāntaṃ sarvakāryāṇi kārayedvidhivattadā / sarvahomāgrahome ca samitpālāśamucyate / ekaviṃśatisaṃkhyātaṃ mantreṇānena homayet // ### [2.28.57](https://indike.org/pramana/in.purana.linga.2.28.57) ayantaidhmaātmājātavedastene dhyasvavardhasvaceddhavardhayacāsmānprajayāpaśubhirbrahmavarcasenānnādyenasamedhayasvāhā bhūḥ svāhā bhuvaḥsvāhā svaḥ svāhā bhūrbhuvaḥ svastathaiva ca / samiddhomaśca caruṇā ghṛtasya ca yathākramam / śuklānnapāyasaṃ caiva mudgānnaṃ caravaḥ smṛtāḥ // ### [2.28.58](https://indike.org/pramana/in.purana.linga.2.28.58) sahasraṃ vā tadardhaṃ vā śatamaṣṭottaraṃ tu vā // ### [2.28.59](https://indike.org/pramana/in.purana.linga.2.28.59) agna āyūṃṣi pavasa āsuvorjamiṣaṃ ca naḥ / arobādhasvaducchanām / agnirṛṣiḥ pavamānaḥ pāñcajanyaḥ purohitaḥ / tamīmahe mahāgayam / agne pavasva svapā asme varcaḥ suvīryam / dadhadrayiṃ mayi poṣam / prajāpate na tvadetānyanyo viśvājātāni paritā babhūva / yatkāmāste juhumastanno astu vayaṃ syāma patayo rayīṇām / gāyatryā ca pradhānasya samiddhomastathaiva va / caruṇā ca tathājyasya śakradīnāṃ ca homayet // ### [2.28.60](https://indike.org/pramana/in.purana.linga.2.28.60) vajrādīnāṃ ca hotavyaṃ sahasrārdhaṃ tataḥ kramāt / brahma jajñeti mantreṇa brahmaṇe viṣṇave punaḥ // ### [2.28.61](https://indike.org/pramana/in.purana.linga.2.28.61) nārāyaṇāya vidmahe vāsu devāya dhīmahi / tanno viṣṇuḥ pracodayāt / ayaṃ viśeṣaḥ kathito homamārgaḥ suśobhanaḥ / dūrvayā kṣīrayuktena pañcaviṃśatpṛthakpṛthak // ### [2.28.62](https://indike.org/pramana/in.purana.linga.2.28.62) tryaṃbakaṃ yajāmahe sugandhiṃ puṣṭivardhanam / urvārukam iva bandhanān mṛtyormukṣayi māmṛtāt // ### [2.28.63](https://indike.org/pramana/in.purana.linga.2.28.63) dūrvāhomaḥ praśasto 'yaṃ vāsuhomaśca sarvathā / prāyaścittamaghoreṇa sarpiṣā ca śataṃśatam // ### [2.28.64](https://indike.org/pramana/in.purana.linga.2.28.64) brahmāṇaṃ dakṣiṇe vāme viṣṇuṃ viśvaguruṃ śivam / madhye devyā samaṃ jñeyamindrādigaṇasaṃvṛtam // ### [2.28.65](https://indike.org/pramana/in.purana.linga.2.28.65) ādityaṃ bhāskaraṃ bhānuṃ raviṃ devaṃ divākaram / uṣāṃ prabhāṃ tathā prajñāṃ saṃdhyāṃ sāvitrimeva ca // ### [2.28.66](https://indike.org/pramana/in.purana.linga.2.28.66) pañcaprakāravidhinā khakholkāya mahātmane / viṣṭarāṃ subhagāṃ caiva vardhanīṃ ca pradakṣiṇām // ### [2.28.67](https://indike.org/pramana/in.purana.linga.2.28.67) āpyāyanīṃ ca saṃpūjya devī padmāsane ravim / prabhūtaṃ vātha kartavyaṃ vimalaṃ dakṣiṇe tathā // ### [2.28.68](https://indike.org/pramana/in.purana.linga.2.28.68) sāraṃ paścimabhāge ca ārādhyaṃ cottare yajet / madhye sukhaṃ vijānīyātkesareṣu yathākramam // ### [2.28.69](https://indike.org/pramana/in.purana.linga.2.28.69) dīptāṃ sūkṣmāṃ jayāṃ bhadrāṃ vibhūtiṃ vimalāṃ kramāt / amoghāṃ vidyutāṃ caiva madhyataḥ sarvatomukhīm // ### [2.28.70](https://indike.org/pramana/in.purana.linga.2.28.70) somamaṅgārakaṃ caiva budhaṃ gurumanukramāt / bhārgavaṃ ca tathā mandaṃ rāhuṃ ketuṃ tathaiva ca // ### [2.28.71](https://indike.org/pramana/in.purana.linga.2.28.71) pūjayeddhomayedevaṃ dāpayecca viśeṣataḥ / yogino bhojayettatra śivatattvaikapāragān // ### [2.28.72](https://indike.org/pramana/in.purana.linga.2.28.72) divyādhyayanasaṃpannānkṛtvaivaṃ vidhivistaram / home pravartamāne ca pūrvādiksthānamadhyame // ### [2.28.73](https://indike.org/pramana/in.purana.linga.2.28.73) ārohayedvidhānena rudrādhyāyena vai nṛpam / dārayettatra bhūpālaṃ ghaṭikaikāṃ vidānataḥ // ### [2.28.74](https://indike.org/pramana/in.purana.linga.2.28.74) yajamāno japenmantraṃ rudragāyatrisaṃjñakam / ghaṭikārdhaṃ tadardhaṃ vā tatraivāsanāmārabhet // ### [2.28.75](https://indike.org/pramana/in.purana.linga.2.28.75) ālokya vāruṇaṃ dhīmānkūrcahastaḥ samāhitaḥ / nṛpaśca bhūṣaṇairyuktaḥ khaḍgakheṭakadhārakaḥ // ### [2.28.76](https://indike.org/pramana/in.purana.linga.2.28.76) svastirityādibhiścādāvante caiva viśeṣataḥ / puṇyāhaṃ brāhmaṇaiḥ kāryaṃ vedavedāṅgapāragaiḥ // ### [2.28.77](https://indike.org/pramana/in.purana.linga.2.28.77) jayamaṅgalaśabdādibrahmaghoṣaiḥ suśobhanaiḥ / nṛtyavādyādibhirgītaiḥ sarvaśobhāsamanvitaiḥ // ### [2.28.78](https://indike.org/pramana/in.purana.linga.2.28.78) svamevaṃ candradigbhāge suvarṇaṃ tatra vikṣipet / tulādhārau samau vṛttau tulābhāraḥ sadā bhavet // ### [2.28.79](https://indike.org/pramana/in.purana.linga.2.28.79) śataniṣkādhikaṃ śreṣṭhaṃ tadardhaṃ madhyamaṃ smṛtam / tasyārdhaṃ ca kaniṣṭhaṃ syāttrividhaṃ tatra kalpitam // ### [2.28.80](https://indike.org/pramana/in.purana.linga.2.28.80) vastrayugmamathoṣṇīṣaṃ kuṇḍalaṃ kaṇṭhaśobhanam / aṅgulībhīṣaṇaṃ caiva maṇibandhasya bhūṣaṇam // ### [2.28.81](https://indike.org/pramana/in.purana.linga.2.28.81) etāni caiva sarvāṇi prāraṃbhe dharmakarmaṇi / pāśupatavratāyātha bhasmāṅgāya pradāpayet // ### [2.28.82](https://indike.org/pramana/in.purana.linga.2.28.82) pūrvoktabhūṣaṇaṃ sarvaṃ soṣṇīṣaṃ vastrasaṃyutam / dadyādetatprayoktubhya ācchādanapaṭaṃ budhaḥ // ### [2.28.83](https://indike.org/pramana/in.purana.linga.2.28.83) dakṣiṇāṃ ca śataṃ sārdhaṃ tadardhaṃ vā pradāpayet / yogināṃ caiva sarveṣāṃ pṛthaṅniṣkaṃ pradāpayet // ### [2.28.84](https://indike.org/pramana/in.purana.linga.2.28.84) yāgopakaraṇaṃ divyamācāryāya pradāpayet / itareṣāṃ yatīnāṃ tu pṛthaṅniṣkaṃ pradāpayet // ### [2.28.85](https://indike.org/pramana/in.purana.linga.2.28.85) tulāroha suvarṇaṃ ca śivāya vinivedayet / prāsādaṃ maṇḍapaṃ caiva prākāraṃ bhūṣaṇaṃ tathā // ### [2.28.86](https://indike.org/pramana/in.purana.linga.2.28.86) suvarṇapuṣpaṃ paṭahaṃ khaḍgaṃ vai kośameva ca / kṛtvā dattvā śivāyātha kiñciccheṣaṃ ca buddhimān // ### [2.28.87](https://indike.org/pramana/in.purana.linga.2.28.87) ācāryebhyaḥ pradātavyaṃ bhasmāṅgebhyo viśeṣataḥ / payasā vātha dadhnā vā sarvadravyairathāpi vā / brahmakūrcena vā devaṃ pañcagavyena cavā punaḥ // ### [2.28.88](https://indike.org/pramana/in.purana.linga.2.28.88) sahasrakalaśaistatra secayetparameśvaram / ghṛtena kevalenāpi devadevamumāpatim // ### [2.28.89](https://indike.org/pramana/in.purana.linga.2.28.89) payasā vātha dadhnā vā sarvadravyairathāpi vā / brahmakūrcena vā devaṃ pañcagavyena vā punaḥ // ### [2.28.90](https://indike.org/pramana/in.purana.linga.2.28.90) gāyatryā caiva gomūtraṃ gomayaṃ praṇavena vā / āpyāyasveti vai kṣīraṃ dadhikraāvṇoti vai dadhi // ### [2.28.91](https://indike.org/pramana/in.purana.linga.2.28.91) tejosītyājyamīśānamantreṇaivābhiṣecayet / devasyatvoti deveśaṃ kuśāṃbukalaśena vai // ### [2.28.92](https://indike.org/pramana/in.purana.linga.2.28.92) rudrādhyāyena vā sarvaṃ snāpayetparameśvaram / sahasrakalaśaṃ śaṃbhornāmnāṃ caiva sahasrakaiḥ // ### [2.28.93](https://indike.org/pramana/in.purana.linga.2.28.93) viṣṇunā kathitairvāpi taṇḍinā kathitaistu vā / dakṣeṇa munimukhyena kīrtitairathavā punaḥ // ### [2.28.94](https://indike.org/pramana/in.purana.linga.2.28.94) mahāpūjā prakartavyā mahādevasya bhaktitaḥ / śivārcakāya dātavyā dakṣiṇā svaguroḥ sadā // ### [2.28.95](https://indike.org/pramana/in.purana.linga.2.28.95) dehārṇavaṃ ca sarveṣāṃ dakṣiṇā ca yatākramam / dīnāndhakṛpaṇānāṃ ca bālavṛddhakṛsāturān // ### [2.28.96](https://indike.org/pramana/in.purana.linga.2.28.96) bhojayecca vidhānena dakṣiṇāmapi dāpayet // ### [2.28.96.p1](https://indike.org/pramana/in.purana.linga.2.28.96.p1) iti śrīliṅgamahāpurāṇe uttarabhāge tulāpuruṣadānavidhāvaṣṭāviṃśattamo 'dhyāyaḥ ## Commentaries (1) - [Śivatosaṇī Liṅgapurāṇaṭīkā](https://indike.org/pramana/in.purana.linga!ganesa.163.12) — Gaṇeśa Bhaṭṭa, Sanskrit ## Linked texts (2) - [Dānakhaṇḍa](https://indike.org/pramana/in.niti.dharma.nibandha.hemadri.danakhanda.2.p1) — Hemādri, Sanskrit - [Dānamayūkha](https://indike.org/pramana/in.niti.dharma.dana.danamayukha.2.p1) — Nīlakaṇṭha Dīkṣita 1600, Sanskrit --- Source: [https://indike.org/pramana/in.purana.linga.2.28](https://indike.org/pramana/in.purana.linga.2.28) · Pramāṇa