Lingapurana 2.29
Liṅgapurāṇa 2.29
- Language
- Sanskrit
Contents
- 2.29.13 — 1 part
2.29.1
sanatkumāra uvāca
tulā te kathitā hyeṣā ādyā sāmānyarūpiṇī /
hiraṇyagarbhaṃ vakṣyāmi dvitīyaṃ sarvasiddhidam //
2.29.2
adhaḥ pātraṃ sahasreṇa hiraṇyena vidhīyate /
ūrdhvapātraṃ tadardhena mukhaṃ saṃveśamātrakam //
2.29.3
haimamevaṃ śubhaṃ kuryāt sarvālaṃkārasaṃyutam /
adhaḥ pātre smareddevīṃ guṇatrayasamanvitām //
2.29.4
caturviśatikāṃ devīṃ brahmaviṣṇvagnirūpiṇīm /
ūrdhvapātre guṇātītaṃ ṣaḍviśakamumāpatim //
2.29.5
ātmānaṃ puruṣaṃ dhyāyetpañcaviśakamagrajam /
pūrvoktasthānamadhye 'tha vedikopari maṇḍale //
2.29.6
śālīmadhye kṣipennītvā navavastraiśca veṣṭayet /
māṣakalkena cāliṣya pañcadravyeṇa pūjayet //
2.29.7
īśānādyairyathānyāyaṃ pañcabhiḥ paripūjayet /
pūrvavacchivapūjā ca homaścaiva yathakramam //
2.29.8
devīṃ gāyatrikāṃ japtvā praviśetprāṅmukhaḥ svayam /
vidhinaiva tu saṃpādya garbhādhānādikāṃ kriyām //
2.29.9
kṛtvā ṣoḍaśamārgeṇa vidhinā brāhmaṇottamaḥ /
dūrvākuraistu kartavyā secanā dakṣiṇe puṭe //
2.29.10
auduṃbaraphalaiḥ sārdham ekaviṃśatkuśodakam /
īśānyāṃ tāvadevātra kuryātsīmantakarmaṇi //
2.29.11
udvahetkanyakāṃ kṛtvā triṃśanniṣkeṇa śobhanām /
alaṅkṛtya tathā hutvā śivāya vinivedayet //
2.29.12
annaprāśanake vidvān bhojayetpāyasādibhiḥ /
evaṃ viśvajitāntā vai garbhādhānādikāḥ kriyāḥ //
2.29.13
śaktibījena kartavyā brāhmaṇairvedapāragaiḥ /
śeṣaṃ sarvaṃ ca vidhivattulāhemavadācaret //
2.29.13.p1
iti śrīliṅgamahāpurāṇe uttarabhāge ekonatriṃśo 'dhyāyaḥ
Commentaries (2)
- Śivatosaṇī Liṅgapurāṇaṭīkā — Gaṇeśa Bhaṭṭa, Sanskrit
- Śivatoṣiṇī — Gaṇeśa Ballāla Nātū, Sanskrit
Linked texts (3)
- Liṅga — Sanskrit
- Dānamayūkha — Nīlakaṇṭha Dīkṣita 1600, Sanskrit
- Studies in the Purāṇic Records on Hindu Rites and Customs — R. C. Hazra, English