[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Lingapurana](https://indike.org/pramana/in.purana.linga) › 2.29 # Lingapurana 2.29 Liṅgapurāṇa 2.29 - **Language:** Sanskrit ## Contents - [2.29.13](https://indike.org/pramana/in.purana.linga.2.29.13) — 1 part ### [2.29.1](https://indike.org/pramana/in.purana.linga.2.29.1) sanatkumāra uvāca tulā te kathitā hyeṣā ādyā sāmānyarūpiṇī / hiraṇyagarbhaṃ vakṣyāmi dvitīyaṃ sarvasiddhidam // ### [2.29.2](https://indike.org/pramana/in.purana.linga.2.29.2) adhaḥ pātraṃ sahasreṇa hiraṇyena vidhīyate / ūrdhvapātraṃ tadardhena mukhaṃ saṃveśamātrakam // ### [2.29.3](https://indike.org/pramana/in.purana.linga.2.29.3) haimamevaṃ śubhaṃ kuryāt sarvālaṃkārasaṃyutam / adhaḥ pātre smareddevīṃ guṇatrayasamanvitām // ### [2.29.4](https://indike.org/pramana/in.purana.linga.2.29.4) caturviśatikāṃ devīṃ brahmaviṣṇvagnirūpiṇīm / ūrdhvapātre guṇātītaṃ ṣaḍviśakamumāpatim // ### [2.29.5](https://indike.org/pramana/in.purana.linga.2.29.5) ātmānaṃ puruṣaṃ dhyāyetpañcaviśakamagrajam / pūrvoktasthānamadhye 'tha vedikopari maṇḍale // ### [2.29.6](https://indike.org/pramana/in.purana.linga.2.29.6) śālīmadhye kṣipennītvā navavastraiśca veṣṭayet / māṣakalkena cāliṣya pañcadravyeṇa pūjayet // ### [2.29.7](https://indike.org/pramana/in.purana.linga.2.29.7) īśānādyairyathānyāyaṃ pañcabhiḥ paripūjayet / pūrvavacchivapūjā ca homaścaiva yathakramam // ### [2.29.8](https://indike.org/pramana/in.purana.linga.2.29.8) devīṃ gāyatrikāṃ japtvā praviśetprāṅmukhaḥ svayam / vidhinaiva tu saṃpādya garbhādhānādikāṃ kriyām // ### [2.29.9](https://indike.org/pramana/in.purana.linga.2.29.9) kṛtvā ṣoḍaśamārgeṇa vidhinā brāhmaṇottamaḥ / dūrvākuraistu kartavyā secanā dakṣiṇe puṭe // ### [2.29.10](https://indike.org/pramana/in.purana.linga.2.29.10) auduṃbaraphalaiḥ sārdham ekaviṃśatkuśodakam / īśānyāṃ tāvadevātra kuryātsīmantakarmaṇi // ### [2.29.11](https://indike.org/pramana/in.purana.linga.2.29.11) udvahetkanyakāṃ kṛtvā triṃśanniṣkeṇa śobhanām / alaṅkṛtya tathā hutvā śivāya vinivedayet // ### [2.29.12](https://indike.org/pramana/in.purana.linga.2.29.12) annaprāśanake vidvān bhojayetpāyasādibhiḥ / evaṃ viśvajitāntā vai garbhādhānādikāḥ kriyāḥ // ### [2.29.13](https://indike.org/pramana/in.purana.linga.2.29.13) śaktibījena kartavyā brāhmaṇairvedapāragaiḥ / śeṣaṃ sarvaṃ ca vidhivattulāhemavadācaret // ### [2.29.13.p1](https://indike.org/pramana/in.purana.linga.2.29.13.p1) iti śrīliṅgamahāpurāṇe uttarabhāge ekonatriṃśo 'dhyāyaḥ ## Commentaries (1) - [Śivatoṣiṇī](https://indike.org/pramana/in.purana.linga!ganesa-ballala-natu) — Gaṇeśa Ballāla Nātū, Sanskrit ## Linked texts (1) - [Dānamayūkha](https://indike.org/pramana/in.niti.dharma.dana.nibandha.danamayukha.3.p26.6) — Nīlakaṇṭha Dīkṣita 1600, Sanskrit ## Discussed in (2) - [Studies in the Purāṇic Records on Hindu Rites and Customs](https://indike.org/pramana/ins.religion.hazra-1940.c14.s9.2) — Hazra 1940, English - [History of Dharmaśāstra (Ancient and Mediaeval Religious and Civil Law in India)](https://indike.org/pramana/ins.polity.kane-1930.v3.c43.113) — Kane 1930, English --- Source: [https://indike.org/pramana/in.purana.linga.2.29](https://indike.org/pramana/in.purana.linga.2.29) · Pramāṇa