Linga Purana 2.30
Liṅgapurāṇa 2.30
- Language
- Sanskrit
Contents
- 2.30.13 — 1 part
2.30.1
sanatkumāra uvāca
adhunā saṃpravakṣyāmi tilaparvatamuttamam /
pūrvoktasthānakāle tu kṛtvā saṃpūjya yatnataḥ //
2.30.2
susame bhūtale ramye vedinā ca vivarjite /
daśatālapramāṇaena daṇḍaṃ saṃsthāpya vai mune //
2.30.3
adbhiḥ saṃprokṣya paścāddhi tilāṃstvasminvinikṣipet /
pañcagavyena taṃ deśaṃ prokṣayedbrāhmaṇottamaḥ //
2.30.4
maṇḍalaṃ kalpayedvidvānpūrvavatsusamantataḥ /
navavastraiśca saṃsthāpya ramyapuṣpairvikīrya ca //
2.30.5
tasminsaṃcayanaṃ kāryaṃ tilabhārairviśeṣataḥ /
daṇḍaprādeśamutsedhamuttamaṃ parikīrtitam //
2.30.6
caturaṅgulahīnaṃ tu madhyamaṃ munipuṅgavāḥ /
daṇḍatulyaṃ kaniṣṭhaṃ syāddaṇḍahīnaṃ na kārayet //
2.30.7
veṣṭayitvā navairvastraiḥ paritaḥ pūjayetkramāt /
sadyādīni pravinyasya pūjayedvidhipūrvakam //
2.30.8
aṣṭadikṣu ca kartavyāḥ pūrvoktā mūrtayaḥ kramāt /
triniṣkena suvarṇena pratyekaṃ kārayetkramāt //
2.30.9
dakṣiṇā vidhinā kāryā tulābhāravadeva tu /
homaścapūrvavatprokto yathāvanmunisattamāḥ //
2.30.10
arcayeddevadeveśaṃ lokapālasamāvṛtam /
tilaparvatamadhyasthaṃ tilaparvatarūpiṇam //
2.30.11
śivārcanā ca kartavyā sahasrakalaśādibhiḥ /
darśayettilamadhyasthaṃ devadevamumāpatim //
2.30.12
pūjayitvā vidhānena krameṇa ca visarjayet /
śrotriyāya daridrāya dāpayettilaparvatam //
2.30.13
evaṃ tilanagaḥ proktaḥ sarvasmādadhikaḥ paraḥ //
2.30.13.p1
iti śrīliṅgamahāpurāṇe uttarabhāge tilaparvatadānaṃ nāma triṃśo 'dhyāyaḥ
Commentaries (2)
- Śivatosaṇī Liṅgapurāṇaṭīkā — Gaṇeśa Bhaṭṭa, Sanskrit
- Śivatoṣiṇī — Gaṇeśa Ballāla Nātū, Sanskrit
Linked texts (6)
- Kāmikāgama — Sanskrit
- Sūkṣmāgama — Sanskrit
- Candrajñānāgama (BHU C4243) — Sanskrit
- Liṅga — Sanskrit
- Studies in the Purāṇic Records on Hindu Rites and Customs — R. C. Hazra, English
- Kāmikatantra — Sanskrit