[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Linga Purana](https://indike.org/pramana/in.purana.linga) › 2.30 # Linga Purana 2.30 Liṅgapurāṇa 2.30 - **Language:** Sanskrit ## Contents - [2.30.13](https://indike.org/pramana/in.purana.linga.2.30.13) — 1 part ### [2.30.1](https://indike.org/pramana/in.purana.linga.2.30.1) sanatkumāra uvāca adhunā saṃpravakṣyāmi tilaparvatamuttamam / pūrvoktasthānakāle tu kṛtvā saṃpūjya yatnataḥ // ### [2.30.2](https://indike.org/pramana/in.purana.linga.2.30.2) susame bhūtale ramye vedinā ca vivarjite / daśatālapramāṇaena daṇḍaṃ saṃsthāpya vai mune // ### [2.30.3](https://indike.org/pramana/in.purana.linga.2.30.3) adbhiḥ saṃprokṣya paścāddhi tilāṃstvasminvinikṣipet / pañcagavyena taṃ deśaṃ prokṣayedbrāhmaṇottamaḥ // ### [2.30.4](https://indike.org/pramana/in.purana.linga.2.30.4) maṇḍalaṃ kalpayedvidvānpūrvavatsusamantataḥ / navavastraiśca saṃsthāpya ramyapuṣpairvikīrya ca // ### [2.30.5](https://indike.org/pramana/in.purana.linga.2.30.5) tasminsaṃcayanaṃ kāryaṃ tilabhārairviśeṣataḥ / daṇḍaprādeśamutsedhamuttamaṃ parikīrtitam // ### [2.30.6](https://indike.org/pramana/in.purana.linga.2.30.6) caturaṅgulahīnaṃ tu madhyamaṃ munipuṅgavāḥ / daṇḍatulyaṃ kaniṣṭhaṃ syāddaṇḍahīnaṃ na kārayet // ### [2.30.7](https://indike.org/pramana/in.purana.linga.2.30.7) veṣṭayitvā navairvastraiḥ paritaḥ pūjayetkramāt / sadyādīni pravinyasya pūjayedvidhipūrvakam // ### [2.30.8](https://indike.org/pramana/in.purana.linga.2.30.8) aṣṭadikṣu ca kartavyāḥ pūrvoktā mūrtayaḥ kramāt / triniṣkena suvarṇena pratyekaṃ kārayetkramāt // ### [2.30.9](https://indike.org/pramana/in.purana.linga.2.30.9) dakṣiṇā vidhinā kāryā tulābhāravadeva tu / homaścapūrvavatprokto yathāvanmunisattamāḥ // ### [2.30.10](https://indike.org/pramana/in.purana.linga.2.30.10) arcayeddevadeveśaṃ lokapālasamāvṛtam / tilaparvatamadhyasthaṃ tilaparvatarūpiṇam // ### [2.30.11](https://indike.org/pramana/in.purana.linga.2.30.11) śivārcanā ca kartavyā sahasrakalaśādibhiḥ / darśayettilamadhyasthaṃ devadevamumāpatim // ### [2.30.12](https://indike.org/pramana/in.purana.linga.2.30.12) pūjayitvā vidhānena krameṇa ca visarjayet / śrotriyāya daridrāya dāpayettilaparvatam // ### [2.30.13](https://indike.org/pramana/in.purana.linga.2.30.13) evaṃ tilanagaḥ proktaḥ sarvasmādadhikaḥ paraḥ // ### [2.30.13.p1](https://indike.org/pramana/in.purana.linga.2.30.13.p1) iti śrīliṅgamahāpurāṇe uttarabhāge tilaparvatadānaṃ nāma triṃśo 'dhyāyaḥ ## Commentaries (1) - [Śivatoṣiṇī](https://indike.org/pramana/in.purana.linga!ganesa-ballala-natu) — Gaṇeśa Ballāla Nātū, Sanskrit ## Linked texts (3) - [Kāmikāgama](https://indike.org/pramana/in.sampradaya.saiva.agama.siva.kamika.2.84-2.9) — Sanskrit - [Sūkṣmāgama](https://indike.org/pramana/in.sampradaya.saiva.agama.siva.suksma.52.80) — Sanskrit - [Kāmikatantra](https://indike.org/pramana/in.sampradaya.saiva.agama.siva.kamikatantra.153.p2) — Sanskrit ## Discussed in (1) - [Studies in the Purāṇic Records on Hindu Rites and Customs](https://indike.org/pramana/ins.religion.hazra-1940.c14.s9.2) — Hazra 1940, English --- Source: [https://indike.org/pramana/in.purana.linga.2.30](https://indike.org/pramana/in.purana.linga.2.30) · Pramāṇa