Lingapurana 2.31
Liṅgapurāṇa 2.31
- Language
- Sanskrit
Contents
- 2.31.6 — 1 part
2.31.1
sanatkumāra uvāca
athānyaṃ parvataṃ sūkṣmamalpadravyaṃ mahāphalam /
dravyamātropasaṃyukte kāle madhyaṃ vidhīyate //
2.31.2
gomayāliptabhūmau tu hyaṃbarāṇi prakīrya ca /
tanmadhye nikṣipeddhīmāṃstilabhāratrayaṃ śubham //
2.31.3
padmamaṣṭadalaṃ kuryātkarṇikākesarānvitam /
daśaniṣkeṇa tatkāryaṃ tadardhārdhena vā punaḥ //
2.31.4
tilamadhye nyasetpadmaṃ padmamadhye maheśvaram /
ārādhya vidhivaddevaṃ vāmādīni prapūjayet //
2.31.5
śaktirūpaṃ suvarṇena triniṣkeṇa tu kārayet /
nyāsaṃ tu paritaḥ kuryādvighneśānparibhāgataḥ //
2.31.6
pūrvokta hemamānena vighneśānapi kārayet /
tān abhyarcya vidhānena gandhapūṣpādibhiḥ kramāt //
2.31.6.p1
iti śrīliṅgamahāpurāṇe uttarabhāge ekatriṃśo 'dhyāyaḥ
Commentaries (2)
- Śivatosaṇī Liṅgapurāṇaṭīkā — Gaṇeśa Bhaṭṭa, Sanskrit
- Śivatoṣiṇī — Gaṇeśa Ballāla Nātū, Sanskrit
Linked texts (1)
- Liṅga — Sanskrit