Lingapurana 2.33
Liṅgapurāṇa 2.33
- Language
- Sanskrit
Contents
- 2.33.9 — 1 part
2.33.1
sanatkumāra uvāca
athānyatsaṃpravakṣyāmi kalpapādapamuttamam /
śatāniṣkeṇa kṛtvaivaṃ sarvaśākhāsamanvitam //
2.33.2
śākhānāṃ vividhaṃ kṛtvā muktā dāmādyalaṃbanam /
divyairmārakataiścaiva cāṅkurāgraṃ pravinyaset //
2.33.3
pravālaṃ kārayedvidvānpravālena drumasya tu /
phalāni padmarāgaiśca parito 'sya suśobhayet //
2.33.4
mūlaṃ ca nīlaratnena vajreṇa skandhamuttamam /
vaiḍūryeṇa drumāgraṃ ca puṣparāgeṇa mastakam //
2.33.5
gomedakena vai kandaṃ sūryakāntena suvrata /
candrakāntena vā vedīṃ drumasya sphaṭikena vā //
2.33.6
vitastimātramāyāmaṃ vṛkṣasya parikīrtitam /
śākhāṣṭakasya mānaṃ ca vistāraṃ cordhvatastathā //
2.33.7
tanmūle stāpayelliṅgaṃ lokapālaiḥ samāvṛtam /
pūrvoktavedimadhye tu maṇḍale sthāpya pādapam //
2.33.8
pūjaye ddevamīśānaṃ lokapālāṃśca yatnataḥ /
pūrvavajjapahomādyaṃ tulābhāravadācaret //
2.33.9
nivedayeddrumaṃ śaṃbhoryogināṃ vātha vā nṛpa /
bhasmāṅgibhyo 'thavā rājā sārvabhaumo bhaviṣyati //
2.33.9.p1
iti śrīliṅgamahāpurāṇe uttarabhāge kalpapādapadānavidirnāma trayastriṃśo 'dhyāyaḥ
Commentaries (2)
- Śivatosaṇī Liṅgapurāṇaṭīkā — Gaṇeśa Bhaṭṭa, Sanskrit
- Śivatoṣiṇī — Gaṇeśa Ballāla Nātū, Sanskrit
Linked texts (7)
- Kāmikāgama — Sanskrit
- Liṅga — Sanskrit
- Caturvargacintāmaṇi — Hemādri, Sanskrit
- Ṣoḍaśamahādānavidhi (Hemādri) — Hemādri, Sanskrit
- Dānakhaṇḍa — Hemādri, Sanskrit
- Studies in the Purāṇic Records on Hindu Rites and Customs — R. C. Hazra, English
- Kāmikatantra — Sanskrit