[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Linga Purana](https://indike.org/pramana/in.purana.linga) › 2.35 # Linga Purana 2.35 Liṅgapurāṇa 2.35 - **Language:** Sanskrit ## Contents - [2.35.11](https://indike.org/pramana/in.purana.linga.2.35.11) — 1 part ### [2.35.1](https://indike.org/pramana/in.purana.linga.2.35.1) sanatkumāra uvāca atha te saṃpravakṣyāmi hemadhenuvidhikramam / sarvapāpapraśamanaṃ grahadurbhikṣanāśanam // ### [2.35.2](https://indike.org/pramana/in.purana.linga.2.35.2) upasargapraśamanaṃ sarvavyādhi nivāraṇam / niṣkāṇāṃ ca sahasreṇa suvarṇena tu kārayet // ### [2.35.3](https://indike.org/pramana/in.purana.linga.2.35.3) tadardhenāpi vā samyak tadardhārdhena vā punaḥ / śatena vā prakartavyā sarvarūpaguṇānvitā // ### [2.35.4](https://indike.org/pramana/in.purana.linga.2.35.4) gorūpaṃ sukhuraṃ divyaṃ sarvalakṣaṇasaṃyutam / khurāgre vinyasedvajraṃ śṛṅge vai padmarāgakam // ### [2.35.5](https://indike.org/pramana/in.purana.linga.2.35.5) bhruvormadhye nyaseddivyaṃ mauktikaṃ munisattamāḥ / vauḍūryeṇa stanāḥ kāryā lāṅgūlaṃ nīlataḥ subham // ### [2.35.6](https://indike.org/pramana/in.purana.linga.2.35.6) dantasthāne prakartavyaḥ puṣparāgaḥ suśobhanaḥ / paśuvatkārayitvā tu vatsaṃ kuryātsuśobhanam // ### [2.35.7](https://indike.org/pramana/in.purana.linga.2.35.7) suvarṇadaśaniṣkeṇa sarvaratnasuśobhitam / pūrvoktavedikāmadhye maṇḍalaṃ parikalpya tu // ### [2.35.8](https://indike.org/pramana/in.purana.linga.2.35.8) tanmadhye surabhiṃ sthāpya savatsāṃ sarvatattvavit / savatsāṃ surabhiṃ tatra vastrayugmena veṣṭayet // ### [2.35.9](https://indike.org/pramana/in.purana.linga.2.35.9) saṃpūjayedgāṃ gāyatryā savatsāṃ surabhiṃ punaḥ / athaikāgnividhānena homaṃ kuryādyathāvidhi // ### [2.35.10](https://indike.org/pramana/in.purana.linga.2.35.10) samidājyavidhānena pūrvavaccheṣamācaret / śivapūjā prakartavyā liṅgaṃ snāpya ghṛtādibhiḥ // ### [2.35.11](https://indike.org/pramana/in.purana.linga.2.35.11) gāmālabhya ca gāyatryā śivāyādāpayecchubhām / dakṣiṇā ca prakartavyā triṃśanniṣkā mahāmate // ### [2.35.11.p1](https://indike.org/pramana/in.purana.linga.2.35.11.p1) iti śrīliṅgamahāpurāṇe uttarabhāge hemadhenudānavidhinīrūpaṇaṃ nāma pañcatriṃśo 'dhyāyaḥ ## Commentaries (1) - [Śivatoṣiṇī](https://indike.org/pramana/in.purana.linga!ganesa-ballala-natu) — Gaṇeśa Ballāla Nātū, Sanskrit ## Linked texts (2) - [Dānakhaṇḍa](https://indike.org/pramana/in.niti.dharma.nibandha.hemadri.danakhanda.14.p1) — Hemādri, Sanskrit - [Caturvargacintāmaṇi](https://indike.org/pramana/in.niti.dharma.nibandha.mahanibandha.caturvargacintamani.13.p1) — Hemādri, Sanskrit ## Discussed in (2) - [Studies in the Purāṇic Records on Hindu Rites and Customs](https://indike.org/pramana/ins.religion.hazra-1940.c14.s9.2) — Hazra 1940, English - [History of Dharmaśāstra (Ancient and Mediaeval Religious and Civil Law in India)](https://indike.org/pramana/ins.polity.kane-1930.v3.c43.122) — Kane 1930, English --- Source: [https://indike.org/pramana/in.purana.linga.2.35](https://indike.org/pramana/in.purana.linga.2.35) · Pramāṇa