Lingapurana 2.36
Liṅgapurāṇa 2.36
- Language
- Sanskrit
Contents
- 2.36.9 — 1 part
2.36.1
sanatkumāra uvāca
lakṣmīdānaṃ pravakṣyāmi mahadaiśvaryavardhanam /
pūrvoktamaṇḍapekāryaṃ vedikoparimaṇḍale //
2.36.2
śrīdevīmatulāṃ kṛtvā hiraṇyena yathāvidhi /
sahasreṇa tadardhena tadardhārdhena vā punaḥ //
2.36.3
aṣṭottaraśatenāpi sarvalakṣaṇasaṃyutām /
maṇḍale vinyasellakṣmīṃ sarvālaṅkārasaṃyutām //
2.36.4
tasyāstu dakṣiṇe bhāge sthaṇḍile viṣṇumarcayet /
arcayitvā vidhānena śrīsuktena sureśvarīm //
2.36.5
arcayedviṣṇugāyatryā viṣṇuṃ viśvaguruṃ harim /
ārādhya vidhinā devīṃ pūrvavaddhoma mācaret //
2.36.6
samiddhrutvā vidhānena ājyāhutimathācaret /
pṛthagaṣṭotaraśataṃ homayed brāhmaṇottamaiḥ //
2.36.7
āhūya yajamānaṃ tu tasyāḥ pūrvadiśi sthale /
tasmai tāṃ darśayeddevīṃ daṇḍavatpraṇamotkṣitau //
2.36.8
praṇamya viṣṇuṃ tatrasthaṃ śivaṃ pūrvavadarcayet /
tasyā viṃśatibhāgaṃ tu dakṣiṇā parikīrtitā //
2.36.9
tadardhāṃśaṃ tu dātavyamitareṣāṃ yathārhataḥ /
tatastu homayecchaṃbhuṃ bhakto yogī viśeṣataḥ //
2.36.9.p1
iti śrīliṅgamahāpurāṇe uttarabhāge lakṣmīdānavidhinirūpaṇaṃ nāma ṣaṭtriṃśattamo 'dhyāyaḥ
Commentaries (2)
- Śivatosaṇī Liṅgapurāṇaṭīkā — Gaṇeśa Bhaṭṭa, Sanskrit
- Śivatoṣiṇī — Gaṇeśa Ballāla Nātū, Sanskrit
Linked texts (2)
- Liṅga — Sanskrit
- Studies in the Purāṇic Records on Hindu Rites and Customs — R. C. Hazra, English