[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Linga Purana](https://indike.org/pramana/in.purana.linga) › 2.37 # Linga Purana 2.37 Liṅgapurāṇa 2.37 - **Language:** Sanskrit ## Contents - [2.37.16](https://indike.org/pramana/in.purana.linga.2.37.16) — 1 part ### [2.37.1](https://indike.org/pramana/in.purana.linga.2.37.1) sanatkumārā uvāca athātaḥ saṃpravakṣyāmi tiladhenuvidhikramam / pūrvoktamaṇḍape kuryācchivapūjāṃ tu paścime // ### [2.37.2](https://indike.org/pramana/in.purana.linga.2.37.2) tasyāgre madhyato bhūmau padmamālikhya śobhanam / vastrairācchāditaṃ padmaṃ tanmadhye vinyasecchubham // ### [2.37.3](https://indike.org/pramana/in.purana.linga.2.37.3) tilapuṣpaṃ tu kṛtvātha hemapadmaṃ vinikṣipet / triṃśanniṣkema kartavyaṃ tadardhārdhena vā punaḥ // ### [2.37.4](https://indike.org/pramana/in.purana.linga.2.37.4) pañcaniṣkeṇa kartavyaṃ tadardhārhdena vā punaḥ / tamārādhya vidhānena gandhapuṣpādibhiḥ kramāt // ### [2.37.5](https://indike.org/pramana/in.purana.linga.2.37.5) padmasyottaradigbhāge viprānekādaśanyaset / tānabhyarcya vidhānena gandhapuṣpādibhiḥ kramāt // ### [2.37.6](https://indike.org/pramana/in.purana.linga.2.37.6) ācchādanottarāsaṃgaṃ viprebhyo dāpayetkramāt / uṣṇīṣaṃ ca pradātavyaṃ kuṇḍaleca vibhūṣite // ### [2.37.7](https://indike.org/pramana/in.purana.linga.2.37.7) hemāṅgulīyakaṃ dattvā brāhmaṇebhyo vidhānataḥ / ekaṃ daśa ca vastrāṇiṃ teṣāmagre prakīrya ca // ### [2.37.8](https://indike.org/pramana/in.purana.linga.2.37.8) teṣu vastreṣu niḥkṣipyatilādyāni pṛthakpṛthak / kāṃsyapātraṃ śatapalaṃ vibhidyaikādaśāṃśakam // ### [2.37.9](https://indike.org/pramana/in.purana.linga.2.37.9) ikṣudaṇḍaṃ ca dātavyaṃ brāhmaṇebhyo viśeṣataḥ / gośṛge tu hiraṇyena dvinīṣkeṇa tu kārayet // ### [2.37.10](https://indike.org/pramana/in.purana.linga.2.37.10) rajatena tu kartavyāḥ khurā niṣkadvayena tu / evaṃ pṛthakpṛthag dattvā tattileṣu vinikṣipet // ### [2.37.11](https://indike.org/pramana/in.purana.linga.2.37.11) rudraikādaśamantraistu rudrebhyo dāpayettadā / padmasya pūrvadigbhāge viprāndvādaśa pūjitān // ### [2.37.12](https://indike.org/pramana/in.purana.linga.2.37.12) etenaiva tu mārgeṇa teṣu śraddhāsamanvitaḥ / dvādaśādhityamantraiśca dāpayedevameva ca // ### [2.37.13](https://indike.org/pramana/in.purana.linga.2.37.13) pūrvavaddakṣiṇe bhāge viprānṣoḍaśa saṃsthitān / mūrti vighneśamantraiśca dāpayetpūrvavatpunaḥ // ### [2.37.14](https://indike.org/pramana/in.purana.linga.2.37.14) yajamānena kartavyaṃ sarvametadyathākramam / kevalaṃ rudradānaṃ vā adityebhyo 'tha vā punaḥ // ### [2.37.15](https://indike.org/pramana/in.purana.linga.2.37.15) mūrtyādīnāṃ ca vā deyaṃ yathāvibhavavistaram / padmaṃ vinyasya rājāsau śeṣaṃ vā kārayennṛpaḥ // ### [2.37.16](https://indike.org/pramana/in.purana.linga.2.37.16) dakṣiṇā ca pradātavyā pañcaniṣkeṇa bhūṣaṇam // ### [2.37.16.p1](https://indike.org/pramana/in.purana.linga.2.37.16.p1) iti śrīliṅgamahāpurāṇe uttarabhāge tiladhenudānavidhinirūpaṇaṃ nāma saptatriṃśo 'dhyāyaḥ ## Commentaries (1) - [Śivatoṣiṇī](https://indike.org/pramana/in.purana.linga!ganesa-ballala-natu.172.7) — Gaṇeśa Ballāla Nātū, Sanskrit ## Linked texts (4) - [Kāmikāgama](https://indike.org/pramana/in.sampradaya.saiva.agama.siva.kamika.2.91.3) — Sanskrit - [Caturvargacintāmaṇi](https://indike.org/pramana/in.niti.dharma.nibandha.mahanibandha.caturvargacintamani.45.p1) — Hemādri, Sanskrit - [Dānakhaṇḍa](https://indike.org/pramana/in.niti.dharma.nibandha.hemadri.danakhanda.48.p1) — Hemādri, Sanskrit - [Kāmikatantra](https://indike.org/pramana/in.sampradaya.saiva.agama.siva.kamikatantra.159.p1) — Sanskrit ## Discussed in (1) - [Studies in the Purāṇic Records on Hindu Rites and Customs](https://indike.org/pramana/ins.religion.hazra-1940.c14.s9.2) — Hazra 1940, English --- Source: [https://indike.org/pramana/in.purana.linga.2.37](https://indike.org/pramana/in.purana.linga.2.37) · Pramāṇa