Linga Purana 2.38
Liṅgapurāṇa 2.38
- Language
- Sanskrit
Contents
- 2.38.9 — 1 part
2.38.1
sanatkumāra uvāca
gosahasrapradānaṃ ca vadāmi śṛṇu suvrata /
gavāṃ sahasramādāya savatsaṃ saguṇaṃ śubham //
2.38.2
tās tv abhyarcya yathāśāstram aṣṭau samyakprayatnataḥ /
tāsāṃ śṛṅgāṇi hemnātha pratiniṣkeṇa bandhayet //
2.38.3
khurāṃśca rajatenaiva bandayetkaṇṭhadesataḥ /
pratiniṣkeṇa kartavyaṃ karṇe vajraṃ ca śobhanam //
2.38.4
śivāya dadyādviprebhyo dakṣiṇāṃ ca pṛthakpṛthak /
daśaniṣkaṃ tadardhaṃ vā tasyārdhārdhamathāpi vā //
2.38.5
yathāvibhavavistāraṃ niṣkamātramathāpi vā /
vastrayugmaṃ ca dātavyaṃ pṛthagvipreṣu śobhanam //
2.38.6
gāvaścārādhya yatnena dātavyāḥ sumanoramāḥ /
evaṃ dattvā vidhānena śivamabhyarcya saṃkaram //
2.38.7
japedagre yathānyāyaṃ gavāṃ stavamanuttamam /
gāvo mamāgrato nityaṃ gāvo naḥ pṛṣṭhatastathā //
2.38.8
hṛdaye me sadā gāvo gāvaṃ madhye vasāmy aham /
iti kṛtvā dvijāgryebhyodattvā gatvā pradakṣiṇam //
2.38.9
tadromavarṣasaṃkhyāni svargaloke mahīyate //
2.38.9.p1
iti śrīliṅgamahāpurāṇe uttarabhāge gosahasrapradānaṃ nāmāṣṭatriṃśo 'dhyāyaḥ
Commentaries (2)
- Śivatosaṇī Liṅgapurāṇaṭīkā — Gaṇeśa Bhaṭṭa, Sanskrit
- Śivatoṣiṇī — Gaṇeśa Ballāla Nātū, Sanskrit
Linked texts (2)
- Liṅga — Sanskrit
- Studies in the Purāṇic Records on Hindu Rites and Customs — R. C. Hazra, English