Linga Purana 2.39
Liṅgapurāṇa 2.39
- Language
- Sanskrit
Contents
- 2.39.9 — 1 part
2.39.1
sanatkumāra uvāca
hiraṇyāśvapradānaṃ ca vadāmī vijayāvaham /
aśvamedhātpunaḥ śreṣṭhaṃ vadāmī śṛṇu suvrata //
2.39.2
aṣṭottarasahasreṇa aṣṭottaraśatena vā /
kṛtvāśvaṃ lakṣaṇairyuktaṃ sarvālaṅkārasaṃyutam //
2.39.3
pañcakalyāṇasaṃpannaṃ divyākāraṃ tu kārayet /
sarvalakṣaṇasaṃyuktaṃ sarvāṅgaiśca samanvitam //
2.39.4
sarvāyudhasamopetamindravāhanamuttamam /
tanmadhyadeśe saṃsthāpya turaṅgaṃ svaguṇānvitam //
2.39.5
uccaiḥ śravasakaṃ matvā bhaktyā caiva samarcayet /
tasya pūrvādiśābhāge brāhmaṇaṃ vedapāragam //
2.39.6
suredrabuddhyā saṃpūjya pañcaniṣkaṃ pradāpayet /
sa cāśvaḥ śivabhaktāya dātavyo vidhinaiva tu //
2.39.7
suvarṇāśvaṃ pradattvā tu ācāryamapi pūjayet /
yathāvibhavavistāraṃ pañcaniṣkamathāpivā //
2.39.8
dīnāndhakṛpaṇānāthabālavṛddhakṛśāturān /
toṣayedannadānena brāhmaṇāṃśca viśeṣataḥ //
2.39.9
etadyaḥ kurute bhaktyā dānamaśvasya mānavaḥ /
eendrānbhogāṃściraṃ bhuktvā ruciraiśvaryavānbhavet //
2.39.9.p1
iti śrīliṅgamahāpurāṇe uttarabhāge hiraṇyāśvadānaṃ nāmaikonacatvāriṃśo 'dhyāyaḥ
Commentaries (2)
- Śivatosaṇī Liṅgapurāṇaṭīkā — Gaṇeśa Bhaṭṭa, Sanskrit
- Śivatoṣiṇī — Gaṇeśa Ballāla Nātū, Sanskrit
Linked texts (2)
- Liṅga — Sanskrit
- Studies in the Purāṇic Records on Hindu Rites and Customs — R. C. Hazra, English