[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Linga Purana](https://indike.org/pramana/in.purana.linga) › 2.39 # Linga Purana 2.39 Liṅgapurāṇa 2.39 - **Language:** Sanskrit ## Contents - [2.39.9](https://indike.org/pramana/in.purana.linga.2.39.9) — 1 part ### [2.39.1](https://indike.org/pramana/in.purana.linga.2.39.1) sanatkumāra uvāca hiraṇyāśvapradānaṃ ca vadāmī vijayāvaham / aśvamedhātpunaḥ śreṣṭhaṃ vadāmī śṛṇu suvrata // ### [2.39.2](https://indike.org/pramana/in.purana.linga.2.39.2) aṣṭottarasahasreṇa aṣṭottaraśatena vā / kṛtvāśvaṃ lakṣaṇairyuktaṃ sarvālaṅkārasaṃyutam // ### [2.39.3](https://indike.org/pramana/in.purana.linga.2.39.3) pañcakalyāṇasaṃpannaṃ divyākāraṃ tu kārayet / sarvalakṣaṇasaṃyuktaṃ sarvāṅgaiśca samanvitam // ### [2.39.4](https://indike.org/pramana/in.purana.linga.2.39.4) sarvāyudhasamopetamindravāhanamuttamam / tanmadhyadeśe saṃsthāpya turaṅgaṃ svaguṇānvitam // ### [2.39.5](https://indike.org/pramana/in.purana.linga.2.39.5) uccaiḥ śravasakaṃ matvā bhaktyā caiva samarcayet / tasya pūrvādiśābhāge brāhmaṇaṃ vedapāragam // ### [2.39.6](https://indike.org/pramana/in.purana.linga.2.39.6) suredrabuddhyā saṃpūjya pañcaniṣkaṃ pradāpayet / sa cāśvaḥ śivabhaktāya dātavyo vidhinaiva tu // ### [2.39.7](https://indike.org/pramana/in.purana.linga.2.39.7) suvarṇāśvaṃ pradattvā tu ācāryamapi pūjayet / yathāvibhavavistāraṃ pañcaniṣkamathāpivā // ### [2.39.8](https://indike.org/pramana/in.purana.linga.2.39.8) dīnāndhakṛpaṇānāthabālavṛddhakṛśāturān / toṣayedannadānena brāhmaṇāṃśca viśeṣataḥ // ### [2.39.9](https://indike.org/pramana/in.purana.linga.2.39.9) etadyaḥ kurute bhaktyā dānamaśvasya mānavaḥ / eendrānbhogāṃściraṃ bhuktvā ruciraiśvaryavānbhavet // ### [2.39.9.p1](https://indike.org/pramana/in.purana.linga.2.39.9.p1) iti śrīliṅgamahāpurāṇe uttarabhāge hiraṇyāśvadānaṃ nāmaikonacatvāriṃśo 'dhyāyaḥ ## Commentaries (1) - [Śivatoṣiṇī](https://indike.org/pramana/in.purana.linga!ganesa-ballala-natu.175.2) — Gaṇeśa Ballāla Nātū, Sanskrit ## Discussed in (1) - [Studies in the Purāṇic Records on Hindu Rites and Customs](https://indike.org/pramana/ins.religion.hazra-1940.c14.s9.2) — Hazra 1940, English --- Source: [https://indike.org/pramana/in.purana.linga.2.39](https://indike.org/pramana/in.purana.linga.2.39) · Pramāṇa