Lingapurana 2.41
Liṅgapurāṇa 2.41
- Language
- Sanskrit
Contents
- 2.41.10 — 1 part
2.41.1
sanatkumāra uvāca
hiraṇyavṛṣadānaṃ ca kathayāmi samāsataḥ /
vṛṣarūpaṃ hiraṇyena sahasreṇātha kārayet //
2.41.2
tadardhārdhena vā dhīmāṃstadardhārdhena vā punaḥ /
aṣṭottaraśatenāpi vṛṣabhaṃ dharmarūpiṇam //
2.41.3
lalāṭe kārayetpuṇḍramardhacandrakalākṛtim /
sphaṭikena tu karttavyaṃ khuraṃ tu rajatena vai //
2.41.4
grīvāṃ tu padmarāgeṇa kakudgomedakena ca /
grīvāyāṃ ghāṇṭavalayaṃ ratnacitraṃ tu kārayet //
2.41.5
vṛṣāṅkaṃ kārayettatra kiṅkiṇīvalayāvṛtam /
pūrvoktadeśakāle tu vedikoparimaṇḍale //
2.41.6
vṛṣendraṃ sthāpayettatra paścimāmukhamagrataḥ /
īśvaraṃ pūjayedbhaktyā vṛṣārūḍhaṃ vṛṣadhvajam //
2.41.7
vṛṣendraṃ pūjya gāyatryā namaskṛtya samāhitaḥ /
tīkṣṇaśṛṅgāya vidmahe dharmapādāya dhīmahi /
tanno vṛṣaḥ pracodayāt //
2.41.8
mantreṇānena saṃpūjya vṛṣaṃ dharmavivṛddhaye /
homayecca ghṛtānnādyairyathāvibhavavistaram //
2.41.9
vṛṣabhaḥ pūjya dātavyo brāhmaṇebhyaḥ śivāya vā /
dakṣiṇā caiva dātavyā yathāvittānusārataḥ //
2.41.10
etadyaḥ kurute bhaktyā vṛṣadānamanuttamam /
śivasyānucaro bhūtvā tenaiva saha modate //
2.41.10.p1
iti śrīliṅgamahāpurāṇe uttarabhāge suvarṇavṛṣadānaṃ nāmaikacatvāriṃśo 'dhyāyaḥ
Commentaries (2)
- Śivatosaṇī Liṅgapurāṇaṭīkā — Gaṇeśa Bhaṭṭa, Sanskrit
- Śivatoṣiṇī — Gaṇeśa Ballāla Nātū, Sanskrit
Linked texts (5)
- Liṅga — Sanskrit
- Caturvargacintāmaṇi — Hemādri, Sanskrit
- Ṣoḍaśamahādānavidhi (Hemādri) — Hemādri, Sanskrit
- Dānakhaṇḍa — Hemādri, Sanskrit
- Studies in the Purāṇic Records on Hindu Rites and Customs — R. C. Hazra, English