[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Linga Purana](https://indike.org/pramana/in.purana.linga) › 2.41 # Linga Purana 2.41 Liṅgapurāṇa 2.41 - **Language:** Sanskrit ## Contents - [2.41.10](https://indike.org/pramana/in.purana.linga.2.41.10) — 1 part ### [2.41.1](https://indike.org/pramana/in.purana.linga.2.41.1) sanatkumāra uvāca hiraṇyavṛṣadānaṃ ca kathayāmi samāsataḥ / vṛṣarūpaṃ hiraṇyena sahasreṇātha kārayet // ### [2.41.2](https://indike.org/pramana/in.purana.linga.2.41.2) tadardhārdhena vā dhīmāṃstadardhārdhena vā punaḥ / aṣṭottaraśatenāpi vṛṣabhaṃ dharmarūpiṇam // ### [2.41.3](https://indike.org/pramana/in.purana.linga.2.41.3) lalāṭe kārayetpuṇḍramardhacandrakalākṛtim / sphaṭikena tu karttavyaṃ khuraṃ tu rajatena vai // ### [2.41.4](https://indike.org/pramana/in.purana.linga.2.41.4) grīvāṃ tu padmarāgeṇa kakudgomedakena ca / grīvāyāṃ ghāṇṭavalayaṃ ratnacitraṃ tu kārayet // ### [2.41.5](https://indike.org/pramana/in.purana.linga.2.41.5) vṛṣāṅkaṃ kārayettatra kiṅkiṇīvalayāvṛtam / pūrvoktadeśakāle tu vedikoparimaṇḍale // ### [2.41.6](https://indike.org/pramana/in.purana.linga.2.41.6) vṛṣendraṃ sthāpayettatra paścimāmukhamagrataḥ / īśvaraṃ pūjayedbhaktyā vṛṣārūḍhaṃ vṛṣadhvajam // ### [2.41.7](https://indike.org/pramana/in.purana.linga.2.41.7) vṛṣendraṃ pūjya gāyatryā namaskṛtya samāhitaḥ / tīkṣṇaśṛṅgāya vidmahe dharmapādāya dhīmahi / tanno vṛṣaḥ pracodayāt // ### [2.41.8](https://indike.org/pramana/in.purana.linga.2.41.8) mantreṇānena saṃpūjya vṛṣaṃ dharmavivṛddhaye / homayecca ghṛtānnādyairyathāvibhavavistaram // ### [2.41.9](https://indike.org/pramana/in.purana.linga.2.41.9) vṛṣabhaḥ pūjya dātavyo brāhmaṇebhyaḥ śivāya vā / dakṣiṇā caiva dātavyā yathāvittānusārataḥ // ### [2.41.10](https://indike.org/pramana/in.purana.linga.2.41.10) etadyaḥ kurute bhaktyā vṛṣadānamanuttamam / śivasyānucaro bhūtvā tenaiva saha modate // ### [2.41.10.p1](https://indike.org/pramana/in.purana.linga.2.41.10.p1) iti śrīliṅgamahāpurāṇe uttarabhāge suvarṇavṛṣadānaṃ nāmaikacatvāriṃśo 'dhyāyaḥ ## Commentaries (1) - [Śivatoṣiṇī](https://indike.org/pramana/in.purana.linga!ganesa-ballala-natu.177.2) — Gaṇeśa Ballāla Nātū, Sanskrit ## Linked texts (2) - [Caturvargacintāmaṇi](https://indike.org/pramana/in.niti.dharma.nibandha.mahanibandha.caturvargacintamani.77.p4) — Hemādri, Sanskrit - [Dānakhaṇḍa](https://indike.org/pramana/in.niti.dharma.nibandha.hemadri.danakhanda.83.p1) — Hemādri, Sanskrit ## Discussed in (1) - [Studies in the Purāṇic Records on Hindu Rites and Customs](https://indike.org/pramana/ins.religion.hazra-1940.c14.s9.2) — Hazra 1940, English --- Source: [https://indike.org/pramana/in.purana.linga.2.41](https://indike.org/pramana/in.purana.linga.2.41) · Pramāṇa