Lingapurana 2.42
Liṅgapurāṇa 2.42
- Language
- Sanskrit
Contents
- 2.42.6 — 1 part
2.42.1
sanatkumāra uvāca
gajadānaṃ pravakṣyāmi yathāvadanupūrvaśaḥ /
dvijāya vā śivāyātha dātavyaḥ pūjya pūrvavat //
2.42.2
gajaṃ sulakṣaṇopetaṃ haimaṃ vā rājataṃ tu vā /
sahasraniṣkamātreṇa tadardhenāpi kārayet //
2.42.3
tadardhārdhena vā kuryātsarvalakṣaṇabhūṣitam /
pūrvoktadeśakāle ca devāya vinivedayet //
2.42.4
aṣṭamyāṃ vā pradātavyaṃ śivāya parameṣṭhine /
brāhmaṇāya daridrāya śrotriyāyāhitāgnaye //
2.42.5
śivamuddiśya dātavyaṃ śivaṃ saṃpūjya pūrvavat /
etadyaḥ kurute dānaṃ śivabhaktisamāhitam //
2.42.6
sthitvā svarge ciraṃ kālaṃ rājā gajapatirbhavet //
2.42.6.p1
iti śrīliṅgamahāpurāṇe uttarabhāge dvicatvāriṃśo 'dhyāyaḥ
Linked texts (4)
- Garuḍapurāṇa — Vyāsa, Sanskrit
- Caturvargacintāmaṇi — Hemādri, Sanskrit
- Ṣoḍaśamahādānavidhi (Hemādri) — Hemādri, Sanskrit
- Dānakhaṇḍa — Hemādri, Sanskrit