Lingapurana 2.43
Liṅgapurāṇa 2.43
- Language
- Sanskrit
Contents
- 2.43.11 — 1 part
2.43.1
sanatkumāra uvāca
lokapālāṣṭakaṃ divyaṃ sākṣātparamadurlabham /
sarvasaṃpatkaraṃ guhyaṃ paracakravināśanam //
2.43.2
svadeśarakṣaṇaṃ divyaṃ gajavājivivardhanam /
putra vṛddhikaraṃ puṇyaṃ gobrāhmaṇahitāvaham //
2.43.3
pūrvoktadeśakāle tu vedikoparimaṇḍale /
madhye śivaṃ samabhyarcya yathānyāyaṃ yathākramam //
2.43.4
digvidikṣu prakartavyaṃ sthaṇḍilaṃ vālukāmayam /
aṣṭau viprānsamabhyarcya vedavedāṅgapāragān //
2.43.5
jitendriyānkulodbhūtānsarvalakṣaṇasaṃyutān /
śivābhimukhamāsīnānāhateṣvaṃbareṣu ca //
2.43.6
vastrairābharaṇairdivyairlokapālakamantrakaiḥ /
gandhapuṣpaiḥ sudhūpaiśca brāhmaṇānarcayetkramāt //
2.43.7
pūrvato homayedagnau lokapālakamantrakaiḥ /
samiddhṛtābhyāṃ hotavyamagnikāryaṃ krameṇa vā //
2.43.8
evaṃ hutvā vidhānena ācāryaḥ śivavatsalaḥ /
yajamānaṃ samāhūya sarvābharamabhūṣitān //
2.43.9
tena tānpūjayitvātha dvijobhyo dāpayeddhanam /
pṛthakpṛthaktanmantraiśca daśaniṣkaṃ ca bhūṣaṇam //
2.43.10
daśanīṣkeṇa kartavyamāsanaṃ kevalaṃ pṛthak /
snapanaṃ tatra kartavyaṃ śivasya vidhipūrvakam //
2.43.11
dakṣiṇā ca pradātavyā yathāvibhavavistaram /
evaṃ yaḥ kurute dānaṃ lokeśānāṃ tu bhaktitaḥ /
lokeśānāṃ ciraṃ sthitvā sārvabhaumau bhavedbudhaḥ //
2.43.11.p1
iti śrīliṅgamahāpurāṇe uttarabhāge tricatvāriṃśo 'dhyāyaḥ