[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Lingapurana](https://indike.org/pramana/in.purana.linga) › 2.43 # Lingapurana 2.43 Liṅgapurāṇa 2.43 - **Language:** Sanskrit ## Contents - [2.43.11](https://indike.org/pramana/in.purana.linga.2.43.11) — 1 part ### [2.43.1](https://indike.org/pramana/in.purana.linga.2.43.1) sanatkumāra uvāca lokapālāṣṭakaṃ divyaṃ sākṣātparamadurlabham / sarvasaṃpatkaraṃ guhyaṃ paracakravināśanam // ### [2.43.2](https://indike.org/pramana/in.purana.linga.2.43.2) svadeśarakṣaṇaṃ divyaṃ gajavājivivardhanam / putra vṛddhikaraṃ puṇyaṃ gobrāhmaṇahitāvaham // ### [2.43.3](https://indike.org/pramana/in.purana.linga.2.43.3) pūrvoktadeśakāle tu vedikoparimaṇḍale / madhye śivaṃ samabhyarcya yathānyāyaṃ yathākramam // ### [2.43.4](https://indike.org/pramana/in.purana.linga.2.43.4) digvidikṣu prakartavyaṃ sthaṇḍilaṃ vālukāmayam / aṣṭau viprānsamabhyarcya vedavedāṅgapāragān // ### [2.43.5](https://indike.org/pramana/in.purana.linga.2.43.5) jitendriyānkulodbhūtānsarvalakṣaṇasaṃyutān / śivābhimukhamāsīnānāhateṣvaṃbareṣu ca // ### [2.43.6](https://indike.org/pramana/in.purana.linga.2.43.6) vastrairābharaṇairdivyairlokapālakamantrakaiḥ / gandhapuṣpaiḥ sudhūpaiśca brāhmaṇānarcayetkramāt // ### [2.43.7](https://indike.org/pramana/in.purana.linga.2.43.7) pūrvato homayedagnau lokapālakamantrakaiḥ / samiddhṛtābhyāṃ hotavyamagnikāryaṃ krameṇa vā // ### [2.43.8](https://indike.org/pramana/in.purana.linga.2.43.8) evaṃ hutvā vidhānena ācāryaḥ śivavatsalaḥ / yajamānaṃ samāhūya sarvābharamabhūṣitān // ### [2.43.9](https://indike.org/pramana/in.purana.linga.2.43.9) tena tānpūjayitvātha dvijobhyo dāpayeddhanam / pṛthakpṛthaktanmantraiśca daśaniṣkaṃ ca bhūṣaṇam // ### [2.43.10](https://indike.org/pramana/in.purana.linga.2.43.10) daśanīṣkeṇa kartavyamāsanaṃ kevalaṃ pṛthak / snapanaṃ tatra kartavyaṃ śivasya vidhipūrvakam // ### [2.43.11](https://indike.org/pramana/in.purana.linga.2.43.11) dakṣiṇā ca pradātavyā yathāvibhavavistaram / evaṃ yaḥ kurute dānaṃ lokeśānāṃ tu bhaktitaḥ / lokeśānāṃ ciraṃ sthitvā sārvabhaumau bhavedbudhaḥ // ### [2.43.11.p1](https://indike.org/pramana/in.purana.linga.2.43.11.p1) iti śrīliṅgamahāpurāṇe uttarabhāge tricatvāriṃśo 'dhyāyaḥ --- Source: [https://indike.org/pramana/in.purana.linga.2.43](https://indike.org/pramana/in.purana.linga.2.43) · Pramāṇa