Lingapurana 2.44
Liṅgapurāṇa 2.44
- Language
- Sanskrit
Contents
- 2.44.9 — 1 part
2.44.1
sanatkumāra uvāca
athānyatsaṃpravakṣyāmi sarvadānottamottamam /
pūrvoktadeśakāle ca maṇḍape ca vidhānataḥ //
2.44.2
praṇayātkuṇḍamadhye ca sthaṇḍile śivasannidhau /
pūrvaṃ viṣṇuṃ samāsādya padmayonimataḥ param //
2.44.3
mantrābhyāṃ vidhinoktābhyāṃ praṇavādisamantrakam /
nārāyaṇāya vidmahe vāsudevāya dhīmahi /
tanno viṣṇuḥ pracodayāt //
2.44.4
brahmabrāhmaṇavṛddhāya brahmaṇe viśvavedhase /
śivāya haraye svāhā svadhā vauṣaṭvaṣaṭ tathā //
2.44.5
pūjayitvā vidhānena paścāddhomaṃ samācaret /
sarvadravyaṃ hi hotavyaṃ dvābhyāṃ kuṇḍavidhānataḥ //
2.44.6
ṛtvijau dvau prakartavyau guruṇā vedapāragau /
tānuddiśya yathānyāyaṃ viprebhyo dāpayeddhanam //
2.44.7
śatamaṣṭottaraṃ tebhyaḥ pṛthakpṛthaganuttamam /
vastrābharaṇasaṃyuktaṃ sarvālaṅkārasaṃyutam //
2.44.8
gurureko hi vai śrīmān brahmā viṣṇurmaheśvaraḥ /
teṣāṃ pṛthakpṛthagdeyaṃ bhojayedbrāhmaṇānapi //
2.44.9
śivārcanā ca kartavyā snapanādi yathākramam //
2.44.9.p1
iti śrīliṅgamahāpurāṇe uttarabhāge catuścatvāriṃśo 'dhyāyaḥ
Commentaries (1)
- Śivatosaṇī Liṅgapurāṇaṭīkā — Gaṇeśa Bhaṭṭa, Sanskrit