[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Lingapurana](https://indike.org/pramana/in.purana.linga) › 2.44 # Lingapurana 2.44 Liṅgapurāṇa 2.44 - **Language:** Sanskrit ## Contents - [2.44.9](https://indike.org/pramana/in.purana.linga.2.44.9) — 1 part ### [2.44.1](https://indike.org/pramana/in.purana.linga.2.44.1) sanatkumāra uvāca athānyatsaṃpravakṣyāmi sarvadānottamottamam / pūrvoktadeśakāle ca maṇḍape ca vidhānataḥ // ### [2.44.2](https://indike.org/pramana/in.purana.linga.2.44.2) praṇayātkuṇḍamadhye ca sthaṇḍile śivasannidhau / pūrvaṃ viṣṇuṃ samāsādya padmayonimataḥ param // ### [2.44.3](https://indike.org/pramana/in.purana.linga.2.44.3) mantrābhyāṃ vidhinoktābhyāṃ praṇavādisamantrakam / nārāyaṇāya vidmahe vāsudevāya dhīmahi / tanno viṣṇuḥ pracodayāt // ### [2.44.4](https://indike.org/pramana/in.purana.linga.2.44.4) brahmabrāhmaṇavṛddhāya brahmaṇe viśvavedhase / śivāya haraye svāhā svadhā vauṣaṭvaṣaṭ tathā // ### [2.44.5](https://indike.org/pramana/in.purana.linga.2.44.5) pūjayitvā vidhānena paścāddhomaṃ samācaret / sarvadravyaṃ hi hotavyaṃ dvābhyāṃ kuṇḍavidhānataḥ // ### [2.44.6](https://indike.org/pramana/in.purana.linga.2.44.6) ṛtvijau dvau prakartavyau guruṇā vedapāragau / tānuddiśya yathānyāyaṃ viprebhyo dāpayeddhanam // ### [2.44.7](https://indike.org/pramana/in.purana.linga.2.44.7) śatamaṣṭottaraṃ tebhyaḥ pṛthakpṛthaganuttamam / vastrābharaṇasaṃyuktaṃ sarvālaṅkārasaṃyutam // ### [2.44.8](https://indike.org/pramana/in.purana.linga.2.44.8) gurureko hi vai śrīmān brahmā viṣṇurmaheśvaraḥ / teṣāṃ pṛthakpṛthagdeyaṃ bhojayedbrāhmaṇānapi // ### [2.44.9](https://indike.org/pramana/in.purana.linga.2.44.9) śivārcanā ca kartavyā snapanādi yathākramam // ### [2.44.9.p1](https://indike.org/pramana/in.purana.linga.2.44.9.p1) iti śrīliṅgamahāpurāṇe uttarabhāge catuścatvāriṃśo 'dhyāyaḥ ## Commentaries (2) - [Śivatosaṇī Liṅgapurāṇaṭīkā](https://indike.org/pramana/in.purana.linga!ganesa.180.3) — Gaṇeśa Bhaṭṭa, Sanskrit - [Śivatoṣiṇī](https://indike.org/pramana/in.purana.linga!ganesa-ballala-natu.180.3) — Gaṇeśa Ballāla Nātū, Sanskrit ## Linked texts (3) - [Liṅga](https://indike.org/pramana/in.purana.linga-anon.180.1) — Sanskrit - [Studies in the Purāṇic Records on Hindu Rites and Customs](https://indike.org/pramana/ins.religion.hazra-1940.c14.s9.2) — R. C. Hazra, English - [Kāmikatantra](https://indike.org/pramana/in.sampradaya.saiva.agama.siva.kamikatantra.166.p2) — Sanskrit --- Source: [https://indike.org/pramana/in.purana.linga.2.44](https://indike.org/pramana/in.purana.linga.2.44) · Pramāṇa