[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Lingapurana](https://indike.org/pramana/in.purana.linga) › 2.45 # Lingapurana 2.45 Liṅgapurāṇa 2.45 - **Language:** Sanskrit ## Contents - [2.45.94](https://indike.org/pramana/in.purana.linga.2.45.94) — 1 part ### [2.45.1](https://indike.org/pramana/in.purana.linga.2.45.1) ṛṣaya ūcuḥ evaṃ ṣoḍaśa dānāni kathitāni śubhāni ca / jīvacchrā ddhakramo 'smākaṃ vaktumarhasi sāṃpratam // ### [2.45.2](https://indike.org/pramana/in.purana.linga.2.45.2) sūta uvāca jīvacchrāddhavidhiṃ vakṣye samāsātsarvasaṃmatam / manave devadevena kathitaṃ brahmaṇā purā // ### [2.45.3](https://indike.org/pramana/in.purana.linga.2.45.3) vasiṣṭhāsa ca śiṣṭāya bhṛgave bhārgavāya ca / śṛṇvantu sarvabhāvena sarvasiddhikaraṃ param // ### [2.45.4](https://indike.org/pramana/in.purana.linga.2.45.4) śrāddhamārgakramaṃ sākṣācchrāddhārhāṇāmapi kramam / viśeṣamapi vakṣyāmi jīvacchrāddhasya suvratāḥ // ### [2.45.5](https://indike.org/pramana/in.purana.linga.2.45.5) parvate vā nadītīre vane vāyatane 'pi vā / jīvacchrāddhaṃ prakartavyaṃ mṛtakāle prayatnataḥ // ### [2.45.6](https://indike.org/pramana/in.purana.linga.2.45.6) jīvacchrāddhe kṛte jīvo jīvanneva vimucyate / karma kurvannakurvanvā jñānī vājñānavānapi // ### [2.45.7](https://indike.org/pramana/in.purana.linga.2.45.7) śrotriyo 'śrotriyo vāpi brāhmaṇaḥ kṣatriyo 'pi vā / vaiśyo vā nātra saṃdeho yogamārgagato yatā // ### [2.45.8](https://indike.org/pramana/in.purana.linga.2.45.8) parīkṣya bhūmiṃ vidhivadgandhavarṇarasādibhiḥ / śalyamuddhṛtya yatnena sthāṇḍilaṃ saikataṃ bhuvi // ### [2.45.9](https://indike.org/pramana/in.purana.linga.2.45.9) madhyato hastamātreṇa kuṇḍaṃ caivāyataṃ śubham / sthāṇḍilaṃ vā prakartavyamiṣumātraṃ punaḥ punaḥ // ### [2.45.10](https://indike.org/pramana/in.purana.linga.2.45.10) upalipya vidhānena cālipyāgniṃ vidhāya ca / anvādhāya yathāśāstraṃ parigṛhya ca sarvataḥ // ### [2.45.11](https://indike.org/pramana/in.purana.linga.2.45.11) paristīrya svaśākhoktaṃ pāraṃparyakramāgatam / samāpyāgnimukhaṃ sarvaṃ mantrairetairyathākramam // ### [2.45.12](https://indike.org/pramana/in.purana.linga.2.45.12) saṃpūjya sthaṇḍile vahnau homayetsamidādibhiḥ / ādau kṛtvā samiddhomaṃ caruṇā ca pṛthakpṛthak // ### [2.45.13](https://indike.org/pramana/in.purana.linga.2.45.13) ghṛtena ca pṛthakprātre śodhitena pṛthakpṛthak / juhuyādātmanoddhṛtya tattvabhūtāni sarvataḥ // ### [2.45.14](https://indike.org/pramana/in.purana.linga.2.45.14) oṃ bhūḥ brahmaṇe namaḥ // ### [2.45.15](https://indike.org/pramana/in.purana.linga.2.45.15) oṃ bhūḥ brahmaṇe svāhā // ### [2.45.16](https://indike.org/pramana/in.purana.linga.2.45.16) oṃ bhuvaḥ viṣṇave namaḥ // ### [2.45.17](https://indike.org/pramana/in.purana.linga.2.45.17) oṃ bhuvaḥ viṣṇave svāhā // ### [2.45.18](https://indike.org/pramana/in.purana.linga.2.45.18) oṃ svaḥ rudrāya namaḥ // ### [2.45.19](https://indike.org/pramana/in.purana.linga.2.45.19) oṃ svaḥ rudrāya svāhā // ### [2.45.20](https://indike.org/pramana/in.purana.linga.2.45.20) oṃ mahaḥ īśvarāya namaḥ // ### [2.45.21](https://indike.org/pramana/in.purana.linga.2.45.21) oṃ mahaḥ īśvarāya svāhā // ### [2.45.22](https://indike.org/pramana/in.purana.linga.2.45.22) oṃ janaḥ prakṛtaye namaḥ // ### [2.45.23](https://indike.org/pramana/in.purana.linga.2.45.23) oṃ janaḥ prakṛtaye svāhā // ### [2.45.24](https://indike.org/pramana/in.purana.linga.2.45.24) oṃ tapaḥ mudgalāya namaḥ // ### [2.45.25](https://indike.org/pramana/in.purana.linga.2.45.25) oṃ tapaḥ mudgalāya svāhā // ### [2.45.26](https://indike.org/pramana/in.purana.linga.2.45.26) oṃ ṛtaṃ puruṣāya namaḥ // ### [2.45.27](https://indike.org/pramana/in.purana.linga.2.45.27) oṃ ṛtaṃ paruṣāya svāhā // ### [2.45.28](https://indike.org/pramana/in.purana.linga.2.45.28) oṃ satyaṃ śivāya namaḥ // ### [2.45.29](https://indike.org/pramana/in.purana.linga.2.45.29) oṃ satyaṃ śivāya svāhā // ### [2.45.30](https://indike.org/pramana/in.purana.linga.2.45.30) oṃ śarva dharāṃ me gopāya ghrāṇe gandhaṃ śarvāya devāya bhūrnamaḥ // ### [2.45.31](https://indike.org/pramana/in.purana.linga.2.45.31) oṃ śarva dharāṃ me gopāya ghrāṇe gandhaṃ śarvāya bhūḥ svāhā // ### [2.45.32](https://indike.org/pramana/in.purana.linga.2.45.32) śarva dharāṃ me gopāya ghrāṇe gandhaṃ śarvasya devasya patnyai bhūrnamaḥ // ### [2.45.33](https://indike.org/pramana/in.purana.linga.2.45.33) oṃ śarva dharāṃ me gopāya ghrāṇe gandhaṃ sarvapatnyaibhūḥ svāhā // ### [2.45.34](https://indike.org/pramana/in.purana.linga.2.45.34) oṃ bhava jalaṃ me gopāya jihvāyaṃ rasaṃ bhavāya devāya bhuvo namaḥ // ### [2.45.35](https://indike.org/pramana/in.purana.linga.2.45.35) oṃ bhava jalaṃ me gopāya jihvāyāṃ rasaṃ bhavāya devāya bhuvaḥ svāhā // ### [2.45.36](https://indike.org/pramana/in.purana.linga.2.45.36) oṃ bhava jalaṃ me gopāya jihvāyāṃ rasaṃ bhavasya devasya patnyai bhuvo namaḥ // ### [2.45.37](https://indike.org/pramana/in.purana.linga.2.45.37) oṃ bhava jalaṃ me gopāya jihvāyāṃ rasaṃ bhavasya patnyai bhuvaḥ svāhā // ### [2.45.38](https://indike.org/pramana/in.purana.linga.2.45.38) rudrāgniṃ me gopāya netre rūpaṃ rudrāya devāya svarāeṃ namaḥ // ### [2.45.39](https://indike.org/pramana/in.purana.linga.2.45.39) rudrāgniṃ me gopāya netre rūpaṃ rudrāya devāya svaḥ svāhā // ### [2.45.40](https://indike.org/pramana/in.purana.linga.2.45.40) rudrāgniṃ me gāpāya netre rūpaṃ rudrasya patnyai svarāeṃ namaḥ // ### [2.45.41](https://indike.org/pramana/in.purana.linga.2.45.41) rudrāgniṃ me gopāya netre rūpaṃ rudrasya devasya patnyaisvaḥ svāhā // ### [2.45.42](https://indike.org/pramana/in.purana.linga.2.45.42) ugra vāyuṃ me gopāya tvaci sparśaṃ ugrāya devāya maharnamaḥ // ### [2.45.43](https://indike.org/pramana/in.purana.linga.2.45.43) ugra vāyūṃ me gopāya tvaci sparśamugrāya devāya mahaḥ svāhā // ### [2.45.44](https://indike.org/pramana/in.purana.linga.2.45.44) ugra vāyuṃ me gopāya tvaci sparśamugrasya devasya patnyai maharāeṃ namaḥ // ### [2.45.45](https://indike.org/pramana/in.purana.linga.2.45.45) oṃ ugra vāyuṃ mo gopāya tvaci sparśamugrasya devasya patnyai devāya janaḥ svāhā // ### [2.45.46](https://indike.org/pramana/in.purana.linga.2.45.46) bhīma suṣiraṃ me gopāya śrotre śabdaṃ bhīmāya devāya jano namaḥ // ### [2.45.47](https://indike.org/pramana/in.purana.linga.2.45.47) bhīma suṣiraṃ me gopāya śrotre śabdaṃ bhīmāya devāya janaḥ svāhā // ### [2.45.48](https://indike.org/pramana/in.purana.linga.2.45.48) bhīma suṣiraṃ me gopāya śrotre śabdaṃ bhīmasya patnyai jano namaḥ // ### [2.45.49](https://indike.org/pramana/in.purana.linga.2.45.49) bhīma suṣiraṃ me gopāya śrotre śabdaṃ bhīmasya devasya patnyai janaḥ svāhā // ### [2.45.50](https://indike.org/pramana/in.purana.linga.2.45.50) īśa rajo me gopāya dravye tṛṣṇāmīśāya devāya tapo namaḥ // ### [2.45.51](https://indike.org/pramana/in.purana.linga.2.45.51) īśa rajo me gopāya dravye tṛṣṇamīśāya devāya tapaḥ svāhā // ### [2.45.52](https://indike.org/pramana/in.purana.linga.2.45.52) rajo me gopāya dravye tṛṣṇāmīśasya patnyai tapo namaḥ // ### [2.45.53](https://indike.org/pramana/in.purana.linga.2.45.53) īśa rajo me gopāya dravye tṛṣṇamīśasya patnyai tapaḥ svāhā // ### [2.45.54](https://indike.org/pramana/in.purana.linga.2.45.54) mahādeva satyaṃ me gopāya śraddhāṃ dharme mahādevāya ṛtaṃ namaḥ // ### [2.45.55](https://indike.org/pramana/in.purana.linga.2.45.55) mahādeva satyaṃ me gopāya śraddhāṃ dharme mahādevāya ṛtaṃ svāhā // ### [2.45.56](https://indike.org/pramana/in.purana.linga.2.45.56) mahādeva satyaṃ me gopāya śraddhāṃ dharme mahādevāya patnyai ṛtaṃ namaḥ // ### [2.45.57](https://indike.org/pramana/in.purana.linga.2.45.57) mahādeva satyaṃ ma gopāya śraddhāṃ mahādevasya patnyai ṛtaṃ svāhā // ### [2.45.58](https://indike.org/pramana/in.purana.linga.2.45.58) paśupate pāśaṃ me gopāya bhoktṛtvabhogyaṃ paśupataye devāya satyaṃ namaḥ // ### [2.45.59](https://indike.org/pramana/in.purana.linga.2.45.59) paśupate pāśaṃ me gopāya bhoktṛtvabhāgyaṃ paśupataye devasya satyaṃ svāhā // ### [2.45.60](https://indike.org/pramana/in.purana.linga.2.45.60) oṃ paśupate pāśaṃ me gopāya yoktṛtvabhogyaṃ paśupater devasya patnyai satyaṃ namaḥ // ### [2.45.61](https://indike.org/pramana/in.purana.linga.2.45.61) oṃ paśupate pāśaṃ ma gopāya yoktṛtvabhogyaṃ paśupaterdevasya patnyai satyaṃ svāhā // ### [2.45.62](https://indike.org/pramana/in.purana.linga.2.45.62) oṃ śivāya namaḥ // ### [2.45.63](https://indike.org/pramana/in.purana.linga.2.45.63) oṃ śivāya satyaṃ svāhā // ### [2.45.64](https://indike.org/pramana/in.purana.linga.2.45.64) evaṃ śivāya hotavyaṃ viriñcyādyaṃ ca pūvavat / viriñcādyaṃ ca pūrvoktaṃ sṛṣṭimārgeṣu suvratāḥ // ### [2.45.65](https://indike.org/pramana/in.purana.linga.2.45.65) punaḥ paśupateḥ patnīṃ tathā paśupatīṃ kramāt / saṃpūjya pūrvavanmantrairhetavyaṃ ca krameṇa vai // ### [2.45.66](https://indike.org/pramana/in.purana.linga.2.45.66) carvantamājyapūrvaṃ ca samidantaṃ samāhitaḥ // ### [2.45.67](https://indike.org/pramana/in.purana.linga.2.45.67) oṃ śarva dharāṃ me chindhi ghrāṇe gandhaṃ chindhi meghaṃ jahi bhūḥ svāhā // ### [2.45.68](https://indike.org/pramana/in.purana.linga.2.45.68) bhuvaḥ svāhā // ### [2.45.69](https://indike.org/pramana/in.purana.linga.2.45.69) svaḥ svāhā // ### [2.45.70](https://indike.org/pramana/in.purana.linga.2.45.70) bhūrbhuvaḥ svaḥ svāhā // ### [2.45.71](https://indike.org/pramana/in.purana.linga.2.45.71) evaṃ pṛthakpṛthagghutvā kevalena ghṛtena vā / sahasraṃ vā tadardhaṃ vā śatamaṣṭottaraṃ tu vā // ### [2.45.72](https://indike.org/pramana/in.purana.linga.2.45.72) virajā ca ghṛtenaiva śatamaṣṭottaraṃ pṛthak / prāṇādibhiśca juhuyāddhṛtenaiva tu kevalam // ### [2.45.73](https://indike.org/pramana/in.purana.linga.2.45.73) oṃ prāṇe niviṣṭo 'mṛtaṃ juhomi śivo ma viśāpradāhāya prāṇāya svāhā // ### [2.45.74](https://indike.org/pramana/in.purana.linga.2.45.74) prāṇādhipataye rudrāya vṛṣāntakāya svāhā // ### [2.45.75](https://indike.org/pramana/in.purana.linga.2.45.75) oṃ bhūḥ svāhā // ### [2.45.76](https://indike.org/pramana/in.purana.linga.2.45.76) oṃ bhuvaḥ svāhā // ### [2.45.77](https://indike.org/pramana/in.purana.linga.2.45.77) oṃ svaḥ svāhā // ### [2.45.78](https://indike.org/pramana/in.purana.linga.2.45.78) bhūrbhūvaḥ svaḥ svāhā // ### [2.45.79](https://indike.org/pramana/in.purana.linga.2.45.79) evaṃ krameṇa juhuyācchrāddhoktaṃ ca yatākramam / saptame 'hani yogīndrāñ chrāddhārhān api bhojayet // ### [2.45.80](https://indike.org/pramana/in.purana.linga.2.45.80) śarvādīnāṃ ca viprāṇāṃ vastrābharaṇakaṃbalān / vāhanaṃ śayanaṃ yānaṃ kāṃsyatāmrādibhājanam // ### [2.45.81](https://indike.org/pramana/in.purana.linga.2.45.81) haimaṃ ca rājataṃ dhenuṃ tilān kṣetraṃ ca vaibhavam / dāsīdāsagaṇaścaiva dātavyo dakṣiṇāmapi // ### [2.45.82](https://indike.org/pramana/in.purana.linga.2.45.82) piṇḍaṃ ca pūrvavaddadyātpṛthagaṣṭaprakārataḥ / brāhmaṇānaṃ sahasraṃ ca bhojayecca sadakṣiṇam // ### [2.45.83](https://indike.org/pramana/in.purana.linga.2.45.83) ekaṃ vā yoganirataṃ bhasmaniṣṭhaṃ jitendriyam / tryahaṃ caiva tu rudrasya mahācarunivedanam // ### [2.45.84](https://indike.org/pramana/in.purana.linga.2.45.84) viśeṣa evaṃ kathita aśeṣaśrāddhacoditaḥ / mṛte kuryānna kuryādvā jīvanmukto yataḥ svayam // ### [2.45.85](https://indike.org/pramana/in.purana.linga.2.45.85) nityanaimittikādīni kuryāddhā saṃttyajettu vā / bāndhave 'pi mṛte tasya śaucāśaucaṃ na vidyate // ### [2.45.86](https://indike.org/pramana/in.purana.linga.2.45.86) sūtakaṃ ca na saṃdehaḥ snānamātreṇa śuddhyati / paścājjāte kumāre ca sve kṣetre cātmano yadi // ### [2.45.87](https://indike.org/pramana/in.purana.linga.2.45.87) tasya sarvaṃ prakartavyaṃ putro 'pi brahmavidbhivet / kanyakā yadi rāñjātā paścāttasya mahātmanaḥ // ### [2.45.88](https://indike.org/pramana/in.purana.linga.2.45.88) ekaparṇā iva jñeyā aparṇā iva suvratā / bhavatyeva na saṃdehastasyāścānvayajā api // ### [2.45.89](https://indike.org/pramana/in.purana.linga.2.45.89) mucyante nātra saṃdehaḥ pitaro narakādapi / mucyante karmaṇānena mātṛtaḥ pitṛtastathā // ### [2.45.90](https://indike.org/pramana/in.purana.linga.2.45.90) kālaṃ gate dvije bhūmau khaneccāpi dahettu vā / putrakṛtyamaśeṣaṃ ca kṛtvā doṣo na vidyate // ### [2.45.91](https://indike.org/pramana/in.purana.linga.2.45.91) karmaṇā cottareṇaiva gatirasya na vidyate / brahmaṇākathitaṃ sarvaṃ munīnāṃ bhāvitātmanām // ### [2.45.92](https://indike.org/pramana/in.purana.linga.2.45.92) punaḥ sanatkumārāya kathitaṃ tena dhīmatā / kṛṣṇadvaipāyanāyaiva kathitaṃ brahmasūnunā // ### [2.45.93](https://indike.org/pramana/in.purana.linga.2.45.93) prasādāttasya devasya vedavyāsasya dhīmataḥ / jñātaṃ mayā kṛtaṃ caiva niyogādeva tasya tu // ### [2.45.94](https://indike.org/pramana/in.purana.linga.2.45.94) etadvaḥ kathitaṃ sarvaṃ rahasyaṃ brahmasiddhidam / muniputrāya dātavyaṃ na cābhaktāya suvratāḥ // ### [2.45.94.p1](https://indike.org/pramana/in.purana.linga.2.45.94.p1) iti śrīliṅgamahāpurāṇe uttarabhāge jīvacchrādvavidhirnāma pañcacatvāriṃśattamo 'dhyāyaḥ ## Commentaries (1) - [Śivatosaṇī Liṅgapurāṇaṭīkā](https://indike.org/pramana/in.purana.linga!ganesa.181.8) — Gaṇeśa Bhaṭṭa, Sanskrit ## Linked texts (1) - [Dānamayūkha](https://indike.org/pramana/in.niti.dharma.dana.danamayukha.3.p65.1) — Nīlakaṇṭha Dīkṣita 1600, Sanskrit --- Source: [https://indike.org/pramana/in.purana.linga.2.45](https://indike.org/pramana/in.purana.linga.2.45) · Pramāṇa