[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Lingapurana](https://indike.org/pramana/in.purana.linga) › 2.46 # Lingapurana 2.46 Liṅgapurāṇa 2.46 - **Language:** Sanskrit ## Contents - [2.46.21](https://indike.org/pramana/in.purana.linga.2.46.21) — 1 part ### [2.46.1](https://indike.org/pramana/in.purana.linga.2.46.1) ṛṣaya ūcuḥ jīvacchrāddhavidhiḥ proktastvayā sūta mahāmate / mṛrkhāṇāmapi mokṣārthamasmākaṃ romaharṣaṇa // ### [2.46.2](https://indike.org/pramana/in.purana.linga.2.46.2) rudrādityavasūnāṃ ca śakraādīnāṃ ca suvrata / pratiṣṭhā kīdṛśī śaṃbhorligamūrteśca śobhanā // ### [2.46.3](https://indike.org/pramana/in.purana.linga.2.46.3) viṣṇoḥ śakrasya devasya brahmaṇaśca mahātmanaḥ / agner yasya nirṛter varuṇasya mahādyuteḥ // ### [2.46.4](https://indike.org/pramana/in.purana.linga.2.46.4) vāyoḥ somasya yakṣasya kuberasyāmitātmanaḥ / īśānasya dharāyāśca śrīpratiṣṭhātha vā katham // ### [2.46.5](https://indike.org/pramana/in.purana.linga.2.46.5) durgāśivāpratiṣṭhā ca haimavatyāśca śobhanā / skandasya gaṇarājasya nandinaśca viśeṣataḥ // ### [2.46.6](https://indike.org/pramana/in.purana.linga.2.46.6) tathānyeṣāṃ ca devānāṃ gaṇānāmapi vā punaḥ / pratiṣṭhālakṣaṇaṃ sarvaṃ vistāradvaktumarhasi // ### [2.46.7](https://indike.org/pramana/in.purana.linga.2.46.7) bhavānsarvārthatattvajño rudrabhaktaśca suvrata / kṛṣṇadvaipāyanasyāsi sākṣāttvamaparā tanuḥ // ### [2.46.8](https://indike.org/pramana/in.purana.linga.2.46.8) sumanturjaiminiścaiva pailaśca paramarṣayaḥ / gurubhaktiṃ tathā kartuṃ samartho romaharṣaṇaḥ // ### [2.46.9](https://indike.org/pramana/in.purana.linga.2.46.9) iti vyāsasya vipulā gāthā bhāgīrathītaṭe / ekaḥ samo vā bhinno vā śiṣyastasya mahādyuteḥ // ### [2.46.10](https://indike.org/pramana/in.purana.linga.2.46.10) vaiśaṃpāyanatulyo 'si vyāsaśiṣyeṣu bhūtale / tasmādasmākamakhilaṃ vaktumarhasi sāṃpratam // ### [2.46.11](https://indike.org/pramana/in.purana.linga.2.46.11) evamuktvā sthiteṣveva teṣu sarveṣu tatra ca / babhūva vismayo 'tīva munīnāṃ tasya cāgrataḥ // ### [2.46.12](https://indike.org/pramana/in.purana.linga.2.46.12) athāntarikṣe vipulā sākṣāddevī sarasvatī / alaṃ munīnāṃ praśro 'yamiti vācā babhūva ha // ### [2.46.13](https://indike.org/pramana/in.purana.linga.2.46.13) sarvaṃ liṅgamayaṃ lokaṃ sarvaṃ liṅge pratiṣṭhitam / tasmātsarvaṃ parityajya sthāpayetpūjayecca tat // ### [2.46.14](https://indike.org/pramana/in.purana.linga.2.46.14) liṅgasthāpanasanmārganihitasvāyatāsinā / āśu brahmāṇḍamudbhidya nirgacchedaviśaṅkayā // ### [2.46.15](https://indike.org/pramana/in.purana.linga.2.46.15) upedrāṃbhojagarbhendrayamāṃbudhanadeśvarāḥ / tathānye ca śivaṃ sthāpya liṅgamūrti maheśvaram // ### [2.46.16](https://indike.org/pramana/in.purana.linga.2.46.16) sveṣusveṣu ca pakṣeṣu pradhānāste yathā dvijāḥ / brahmā haraśca bhagavānviṣṇurdevī ramā dharā // ### [2.46.17](https://indike.org/pramana/in.purana.linga.2.46.17) lakṣmīrdhṛtiḥ smṛtiḥ prajñā dharā durgā śacī tathā / rudrāśca vasavaḥ skando viśākhaḥ śākha eva ca // ### [2.46.18](https://indike.org/pramana/in.purana.linga.2.46.18) naigameśaśca bhagavāṃllokapālā grahāstathā / sarve nandipurogāśca gaṇā gaṇapatiḥ prabhuḥ // ### [2.46.19](https://indike.org/pramana/in.purana.linga.2.46.19) pitaro munayaḥ sarve kuberādyāśca suprabhāḥ / āditya vasavaḥ sāṃkhyā aśvinau ca bhiṣagvarau // ### [2.46.20](https://indike.org/pramana/in.purana.linga.2.46.20) viśvedevāśca sādhyāśca paśavaḥ pakṣiṇo mṛgāḥ / brahmādisthāvarāntaṃ ca sarvaṃ liṅge pratiṣṭhitam // ### [2.46.21](https://indike.org/pramana/in.purana.linga.2.46.21) tasmātsarvaṃ parityajya sthāpayelliṅgamavyayam / yatnena stāpitaṃ sarvaṃ pūjitaṃ pūjayedyadi // ### [2.46.21.p1](https://indike.org/pramana/in.purana.linga.2.46.21.p1) iti śrīliṅgamahāpurāṇe uttarabhāge ṣaṭcatvāriṃśo 'dhyāyaḥ ## Commentaries (1) - [Śivatosaṇī Liṅgapurāṇaṭīkā](https://indike.org/pramana/in.purana.linga!ganesa.182.13) — Gaṇeśa Bhaṭṭa, Sanskrit ## Linked texts (2) - [Prāṇatoṣiṇī](https://indike.org/pramana/in.sampradaya.general.sakta.pranatosini.1.3.146) — Rāmatoṣaṇa Śarman 1796, Sanskrit - [Śaivasarvasvasāra](https://indike.org/pramana/in.niti.dharma.pratistha.saiva.saivasarvasvasara.4.632-2) — Vidyāpati, Sanskrit --- Source: [https://indike.org/pramana/in.purana.linga.2.46](https://indike.org/pramana/in.purana.linga.2.46) · Pramāṇa