[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Lingapurana](https://indike.org/pramana/in.purana.linga) › 2.47 # Lingapurana 2.47 Liṅgapurāṇa 2.47 - **Language:** Sanskrit ## Contents - [2.47.50](https://indike.org/pramana/in.purana.linga.2.47.50) — 1 part ### [2.47.1](https://indike.org/pramana/in.purana.linga.2.47.1) sūta uvāca iti niśamya kṛtāñjalaya stadā divi mahāmunayaḥ kṛtaniścayāḥ / śivataraṃ śivamīśvaramavyayaṃ manasi liṅgamayaṃ praṇipatya te // ### [2.47.2](https://indike.org/pramana/in.purana.linga.2.47.2) sakaladevapatirbhagavānajo hariraśeṣapatirguruṇā svayam / munivarāśca gaṇāśca surāsurā naravarāḥ śivaliṅgamayāḥ punaḥ // ### [2.47.3](https://indike.org/pramana/in.purana.linga.2.47.3) śrutvaivaṃ munayaḥ sarve ṣaṭkulīyāḥ samāhitāḥ / saṃtyajya sarvaṃ devasya pratiṣṭhāṃ kartumudyatāḥ // ### [2.47.4](https://indike.org/pramana/in.purana.linga.2.47.4) apṛcchansūtamanaghaṃ harṣagadgadayā girā / liṅgapratiṣṭhāṃ vipulāṃ sarve te śaṃsitavratāḥ // ### [2.47.5](https://indike.org/pramana/in.purana.linga.2.47.5) sūta uvāca pratiṣṭhāṃ liṅgamūrtervo yathāvadanupūrvaśaḥ / pravakṣyāmi samāsena dharmakāmārthamuktaye // ### [2.47.6](https://indike.org/pramana/in.purana.linga.2.47.6) kṛtvaiva liṅgaṃ vidhinā bhuvi liṅgeṣu yatnataḥ / liṅgamekatamaṃ śailaṃ brahmaviṣṇuśivātmakam // ### [2.47.7](https://indike.org/pramana/in.purana.linga.2.47.7) hemaratnamayaṃ vāpi rājataṃ tāmrajaṃ tu vā / savedikaṃ sasūtraṃ ca samyagvistṛtamastakam // ### [2.47.8](https://indike.org/pramana/in.purana.linga.2.47.8) viśodhya sthāpayedbhaktyā savedikamanuttamam / liṅgavedī umā devī liṅgaṃ sākṣānmaheśvaraḥ // ### [2.47.9](https://indike.org/pramana/in.purana.linga.2.47.9) tayoḥ sapūjanādeva devī devaśca pūjitau / pratiṣṭhayā ca deveśo devyā sārdhaṃ pratiṣṭhitaḥ // ### [2.47.10](https://indike.org/pramana/in.purana.linga.2.47.10) tasmātsavedikaṃ liṅgaṃ sthāpayetsthāpakottamaḥ // ### [2.47.11](https://indike.org/pramana/in.purana.linga.2.47.11) mūle brahmā vasati bhagavānmadhyabhāge ca viṣṇuḥ sarveśānaḥ / paśupatirajo rudramūrtirvareṇyaḥ / tasmālliṅgaṃ gurutarataraṃ pūjayetsthāpayedvā yasmātpūjyo gaṇapatirasau devamukhyaiḥ samastaiḥ // ### [2.47.12](https://indike.org/pramana/in.purana.linga.2.47.12) gandhaiḥ sragdhūpadīpaiḥ snapanahutabalistotramantropahārairnityaṃ ye 'bhyarcayānti tridaśavaratanuṃ liṅgamūrtiṃ maheśam / garbhādhānādināśakṣayabhayarahitā devagandharvamukhyaiḥ siddhairvandyāśca pūjyā gaṇavaranamitāste bhavantyaprameyāḥ // ### [2.47.13](https://indike.org/pramana/in.purana.linga.2.47.13) tasmādbhaktyopacāreṇa sthāpayetparameśvaram / pūjayecca viśeṣeṇa liṅgaṃ sarvārthasiddhaye // ### [2.47.14](https://indike.org/pramana/in.purana.linga.2.47.14) samarcya sthāpayelliṅgaṃ tīrthamadhye śivāsane / kūrcavastrādibhirliṅgamācchādya kalaśaiḥ punaḥ // ### [2.47.15](https://indike.org/pramana/in.purana.linga.2.47.15) lokapālādidaivatyaiḥ sakūrcaiḥ sākṣataiḥ śubhaiḥ / utkūrcaiḥ svastikādyaiśca citratantukaveṣṭitaiḥ // ### [2.47.16](https://indike.org/pramana/in.purana.linga.2.47.16) vajrādikāyudopetaiḥ savastraiḥ sapidhānakaiḥ / lakṣayetparito liṅgamīśānena pratiṣṭhitam // ### [2.47.17](https://indike.org/pramana/in.purana.linga.2.47.17) dhūpadīpasamopetaṃ vitānavitatāṃbaram / lokapāladhvajaiścaiva gajādimahiṣādibhiḥ // ### [2.47.18](https://indike.org/pramana/in.purana.linga.2.47.18) citritaiḥ pūjitaiścaiva darbhamālā ca śobhanā / sarvalakṣaṇasaṃpūrṇā tayā bāhye ca veṣṭayet // ### [2.47.19](https://indike.org/pramana/in.purana.linga.2.47.19) tatodhivāsayettoye dhūpadīpasamanvite / pañcāhaṃ vā tryahaṃvātha ekarātramadhāpi vā // ### [2.47.20](https://indike.org/pramana/in.purana.linga.2.47.20) vedādhyayanasaṃpanno nṛtyagītādimaṅgalaiḥ / kiṅkiṇīravakopetaṃ tālavīṇāravairapi // ### [2.47.21](https://indike.org/pramana/in.purana.linga.2.47.21) īkṣayetkālamavyagro yajamānaḥ samāhitaḥ / utthāpya svastikaṃ dhyāyenmaṇḍape lakṣaṇānvite // ### [2.47.22](https://indike.org/pramana/in.purana.linga.2.47.22) saṃskṛte vedisaṃyukte navakuṇḍena saṃvṛte / pūrvokta vidhinā yukte sarvalakṣaṇasaṃyute // ### [2.47.23](https://indike.org/pramana/in.purana.linga.2.47.23) aṣṭamaṇḍalasaṃyukte digdhvajāṣṭakasaṃyute / pūrvoktalakṣaṇopetaiḥ kuṇḍaiḥ prāgāditaḥ kramāt // ### [2.47.24](https://indike.org/pramana/in.purana.linga.2.47.24) pradhānaṃ kuṇḍamīśānyāṃ caturasraṃ vidhīyate / athavā pañcakuṇḍaikaṃ sthaṇḍilaṃ caikameva ca // ### [2.47.25](https://indike.org/pramana/in.purana.linga.2.47.25) yajñopakaraṇaiḥ sarvaiḥ śivārcāyāṃ hi bhūṣaṇaiḥ / vedimadhye mahāśayyāṃ pañcatūlīprakalpitām // ### [2.47.26](https://indike.org/pramana/in.purana.linga.2.47.26) kalpayetkāñcanopetāṃ sitavastrāvaguṇṭhitām / prakalpyaivaṃ śivaṃ caiva sthāpayetparameśvaram // ### [2.47.27](https://indike.org/pramana/in.purana.linga.2.47.27) prākśiraskaṃ nyaselliṅgamīśānena yathāvidhi / ratnanyāse kṛte pūrva kevalaṃ kalaśaṃ nyaset // ### [2.47.28](https://indike.org/pramana/in.purana.linga.2.47.28) liṅgamācchādya vastrābhyāṃ kūrcena ca samantataḥ / ratnanyāse prasakte 'tha vāmādyā nava śaktayaḥ // ### [2.47.29](https://indike.org/pramana/in.purana.linga.2.47.29) navaratnaṃ hiraṇyādyaiḥ pañcagavyena saṃyutaiḥ / sarvadānyasamopetaṃ śilāyāmapi vinyaset // ### [2.47.30](https://indike.org/pramana/in.purana.linga.2.47.30) sthāpayedbrahmaliṅgaṃ hi śivagāyatrisaṃyutam / kevalaṃ praṇavenāpi sthāpayecchivamavyayam // ### [2.47.31](https://indike.org/pramana/in.purana.linga.2.47.31) brahmajajñānamantreṇa brahmabhāgaṃ prabhostathā / viṣṇugāyatriyā bhāgaṃ vaiṣṇavaṃ tvatha vinyaset // ### [2.47.32](https://indike.org/pramana/in.purana.linga.2.47.32) sūtre tattvatrayopete praṇavena pravinyaset / sarvaṃ namaḥ śivāyeti namo haṃsaḥ śivāya ca // ### [2.47.33](https://indike.org/pramana/in.purana.linga.2.47.33) rudrādhyāyena vā sarvaṃ parimṛjya ca vinyaset / sthāpayedbrahmabhiścaiva kalaśānvai samantataḥ // ### [2.47.34](https://indike.org/pramana/in.purana.linga.2.47.34) vedimadhye nyasetsarvānmūrvoktavidhisaṃyutān / madhyakuṃbhe śivaṃ devīṃ dakṣiṇe parameśvarīm // ### [2.47.35](https://indike.org/pramana/in.purana.linga.2.47.35) skandaṃ tayośca madhye tu skandakuṃbhe sucitrite / brahmāṇaṃ skandakuṃbhe vā īśakumbhe hariṃ tathā // ### [2.47.36](https://indike.org/pramana/in.purana.linga.2.47.36) athavā śivakuṃbhe ca brahmāṅgāni ca vinyaset / śivo maheśvaraścaiva rudro viṣṇuḥ pitāmahaḥ // ### [2.47.37](https://indike.org/pramana/in.purana.linga.2.47.37) brahmāṇyevaṃ samāsena hṛdayādīni cāṃbikā / vedimadhye nyasetsarvānpūrvoktavidhisaṃyutān // ### [2.47.38](https://indike.org/pramana/in.purana.linga.2.47.38) vardhanyāṃ sthāpayeddevīṃ gandhatoyena pūrya ca / hiraṇyaṃ rajataṃ ratnaṃ śivakuṃbhe pravinyaset // ### [2.47.39](https://indike.org/pramana/in.purana.linga.2.47.39) vardhanyāmāpi yatnena gāyatryaṅgaiśca suvratāḥ / vidyeśvarāndiśaṃ kuṃbhe brahmakūrcena pūrite // ### [2.47.40](https://indike.org/pramana/in.purana.linga.2.47.40) aṃnateśādidevāṃśca praṇavādinamontakam / navavastraṃ pratighaṭamaṣṭakuṃbheṣu dāpayet // ### [2.47.41](https://indike.org/pramana/in.purana.linga.2.47.41) vidyeśvarāṇāṃ kuṃbheṣu hemaratnādi vinyaset / vaktrakrameṇa hotavyaṃ gāyatryaṅgakrameṇa ca // ### [2.47.42](https://indike.org/pramana/in.purana.linga.2.47.42) jayādisviṣṭaparyantaṃ sarvaṃ pūrvavadācaret / secayecchivakuṃbhena vardhanyā vaiṣṇavena ca // ### [2.47.43](https://indike.org/pramana/in.purana.linga.2.47.43) paitā mahena kuṃbhena brahmabhāgaṃ viśeṣataḥ / vidyeśvarāṇāṃ kuṃbhaiśca secayetparameśvaram // ### [2.47.44](https://indike.org/pramana/in.purana.linga.2.47.44) vinyasetsarvamantrāṇi pūrvavatsusamāhitaḥ / pūjayetsnapanaṃ kṛtvā sahasrādiṣu saṃbhavaiḥ // ### [2.47.45](https://indike.org/pramana/in.purana.linga.2.47.45) dakṣiṇā ca pradātavyā sahasrapaṇamuttamam / itareṣāṃ tadardhaṃ syāttadardhaṃ vā vidhīyate // ### [2.47.46](https://indike.org/pramana/in.purana.linga.2.47.46) vastrāṇi ca pradhānasya kṣetrabhūṣaṇagodhanam / utsavaśca prakartavyo homayagabaliḥ kramāt // ### [2.47.47](https://indike.org/pramana/in.purana.linga.2.47.47) navāhaṃ vāpi saptāhamekāhaṃ ca tryahaṃ tathā / homaśca pūrvavatprokto nityamabhyarcya śaṅkaram // ### [2.47.48](https://indike.org/pramana/in.purana.linga.2.47.48) devānāṃ bhāskarādīnāṃ homaṃ pūrvavadeva tu / abhyantare tathā bāhye vahnau nityaṃ samarcayet // ### [2.47.49](https://indike.org/pramana/in.purana.linga.2.47.49) ya evaṃ sthāpayelliṅgaṃ sa eva parameśvaraḥ / tena devagaṇā rudrā ṛṣayo 'psarasastathā // ### [2.47.50](https://indike.org/pramana/in.purana.linga.2.47.50) sthāpitāḥ pūjitāścaiva trailokyaṃ sacarācaram // ### [2.47.50.p1](https://indike.org/pramana/in.purana.linga.2.47.50.p1) iti śrīliṅgamahāpurāṇe uttarabhāge liṅgasthāpanaṃ nāma saptacatvāriṃśo 'dhyāyaḥ ## Commentaries (1) - [Śivatosaṇī Liṅgapurāṇaṭīkā](https://indike.org/pramana/in.purana.linga!ganesa.183.5) — Gaṇeśa Bhaṭṭa, Sanskrit ## Linked texts (3) - [Prāṇatoṣiṇī](https://indike.org/pramana/in.sampradaya.general.sakta.pranatosini.1.3.160) — Rāmatoṣaṇa Śarman 1796, Sanskrit - [Smṛtīnāṃ Samuccayaḥ](https://indike.org/pramana/in.niti.dharma.upasmrti.smrtisamuccaya.109.538) — Sanskrit - [Śaivasarvasvasāra](https://indike.org/pramana/in.niti.dharma.pratistha.saiva.saivasarvasvasara.4.933) — Vidyāpati, Sanskrit --- Source: [https://indike.org/pramana/in.purana.linga.2.47](https://indike.org/pramana/in.purana.linga.2.47) · Pramāṇa