[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Linga Purana](https://indike.org/pramana/in.purana.linga) › 2.48 # Linga Purana 2.48 Liṅgapurāṇa 2.48 - **Language:** Sanskrit ## Contents - [2.48.50](https://indike.org/pramana/in.purana.linga.2.48.50) — 1 part ### [2.48.1](https://indike.org/pramana/in.purana.linga.2.48.1) sūta uvāca sarveṣāmapi devānāṃ pratiṣṭhāmapi vistarāt / svairmatrairyāgakuṇḍāni vinyasyaikaikameva ca // ### [2.48.2](https://indike.org/pramana/in.purana.linga.2.48.2) sthāpayedutsavaṃ kṛtvā pūjayecca vidhānataḥ / bhānoḥ pañcāgninā kāryaṃ dvādaśāgnikrameṇa vā // ### [2.48.3](https://indike.org/pramana/in.purana.linga.2.48.3) sarvakuṇḍāni vṛttāni padmākārāṇi suvratāḥ / aṃbāyā yonikuṇḍaṃ syādvardhanyekā vidhīyate // ### [2.48.4](https://indike.org/pramana/in.purana.linga.2.48.4) śaktīnāṃ sarvakāryeṣu yonikuṇḍaṃ vidhīyate / gāyatrīṃ kalpayecchaṃbhoḥ sarveṣāmapi yatnataḥ / sarve rudrāṃśajā yasmātsaṃkṣepeṇa vadāmi vaḥ // ### [2.48.5](https://indike.org/pramana/in.purana.linga.2.48.5) gāyatrībhedāḥ tatpuruṣāya vidmahe vāgviśuddhāya dhīmahi / tannaḥ śivaḥ pracodayāt // ### [2.48.6](https://indike.org/pramana/in.purana.linga.2.48.6) gaṇāṃbikāyai vidmahe karmasiddhyai ca dhīmahi / tanno gaurī pracodayāt // ### [2.48.7](https://indike.org/pramana/in.purana.linga.2.48.7) tatpuruṣāya vidmahe mahādevāya dhīmahi / tanno rudraḥ pracodayāt // ### [2.48.8](https://indike.org/pramana/in.purana.linga.2.48.8) tatpuruṣāya vidmahe vakratuṇḍāya dhīmahi / tanno dantiḥ pracodayāt // ### [2.48.9](https://indike.org/pramana/in.purana.linga.2.48.9) mahāsenāya vidmahe vāgviśuddhāya dhīmahi / tannaḥ skandaḥ procadayāt // ### [2.48.10](https://indike.org/pramana/in.purana.linga.2.48.10) tīkṣṇaśṛṅgāya vidmahe vedapādāya dhīmahi / tanno vṛṣaḥ pracodayāt // ### [2.48.11](https://indike.org/pramana/in.purana.linga.2.48.11) harivaktrāya vidmahe rudravaktrāya dhīmahi / tanno nandī pracodayāt // ### [2.48.12](https://indike.org/pramana/in.purana.linga.2.48.12) nārāyaṇāya vidmahe vāsudevāya dhīmahi / tanno viṣṇuḥ pracodayāt // ### [2.48.13](https://indike.org/pramana/in.purana.linga.2.48.13) mahāṃbikāyai vidmahe karmasiddhaiya ca dhīmahi / tanno lakṣmīḥ pracodayāt // ### [2.48.14](https://indike.org/pramana/in.purana.linga.2.48.14) samuddhṛtāyai vidmahe viṣṇunaikena dhīmahi / tanno dharā pracodayāt // ### [2.48.15](https://indike.org/pramana/in.purana.linga.2.48.15) vainateyāya vidmahe suvarṇapakṣāya dhīmahi / tanno garuḍaḥ pracodayāt // ### [2.48.16](https://indike.org/pramana/in.purana.linga.2.48.16) padmodbhavāya vidmahe vedavaktrāya dhīmahi / tannaḥ sraṣṭā pracodayāt // ### [2.48.17](https://indike.org/pramana/in.purana.linga.2.48.17) śivāsyajāyai vidmahe devarūpāyai dhīmahi / tanno vācā pracodayāt // ### [2.48.18](https://indike.org/pramana/in.purana.linga.2.48.18) devarājāya vidmahe vajrahastāya dhīmahi / tannaḥ śakraḥ pracodayāt // ### [2.48.19](https://indike.org/pramana/in.purana.linga.2.48.19) rudranetrāya vidmahe śaktihastāya dhīmahi / tanno vahniḥ pracodayāt // ### [2.48.20](https://indike.org/pramana/in.purana.linga.2.48.20) vaivasvatāya vidmahe daṇḍahastāya dhīmahi / tanno yamaḥ pracodayāt // ### [2.48.21](https://indike.org/pramana/in.purana.linga.2.48.21) niśācarāya vidmahe khaḍgahastāya dhīmahi / tanno nirṛtiḥ pracodayāt // ### [2.48.22](https://indike.org/pramana/in.purana.linga.2.48.22) śuddhahastāya vidmahe pāśahastāya dhīmahi / tanno varuṇaḥ pracodayāt // ### [2.48.23](https://indike.org/pramana/in.purana.linga.2.48.23) sarpaprāṇāya vidmahe yaṣṭihastāya dhīmahi / tanno vuyaḥ pracodayāt // ### [2.48.24](https://indike.org/pramana/in.purana.linga.2.48.24) yakṣeśvarāya vidmahe gadāhastāya dhīmahi / tanno yakṣaḥ pracodayāt // ### [2.48.25](https://indike.org/pramana/in.purana.linga.2.48.25) sarveśvarāya vidmahe śūlahastāya dhīmahi / tanno rudraḥ pracodayāt // ### [2.48.26](https://indike.org/pramana/in.purana.linga.2.48.26) kātyāyanyai vidmahe kanyākumāryai dhīmahi / tanno durgā pracodayāt // ### [2.48.27](https://indike.org/pramana/in.purana.linga.2.48.27) evaṃ prabhidya gāyatrīṃ tattadevānurūpataḥ / pūjayet sthāpayetteṣāmāsanaṃ praṇavaṃ smṛtam // ### [2.48.28](https://indike.org/pramana/in.purana.linga.2.48.28) athavā viṣṇumatulaṃ sūktena puruṣeṇa vā / viṣṇuṃ caiva mahāviṣṇuṃ sadāviṣṇumanukramāt // ### [2.48.29](https://indike.org/pramana/in.purana.linga.2.48.29) sthāpayeddevagāyatryā parikalpya vidhānataḥ / vāsudevaḥ pradhānastu tataḥ saṃkarṣaṇaḥ svayam // ### [2.48.30](https://indike.org/pramana/in.purana.linga.2.48.30) pradyumno hyaniruddhaśca mūrtibhedāstu vai prabhoḥ / bahūni vividhānīha tasya śāpodbhavāni ca // ### [2.48.31](https://indike.org/pramana/in.purana.linga.2.48.31) sarvāvarteṣu rūpāṇi jagatāṃ ca hitāya vai / matsyaḥ kūrmo 'tha vārāho nārasiṃho 'tha vāmanaḥ // ### [2.48.32](https://indike.org/pramana/in.purana.linga.2.48.32) rāmo rāmaśca kṛṣṇaśca bauddhaḥ kalkī tathaiva ca / tathānyāni na devasya hareḥ sāpodbhavāni ca // ### [2.48.33](https://indike.org/pramana/in.purana.linga.2.48.33) teṣāmapi ca gāyatrīṃ kṛtvā stāpya ca pūjayet / guhyāni devadevasya harernārāyaṇasya ca // ### [2.48.34](https://indike.org/pramana/in.purana.linga.2.48.34) vijñānāni ca yantrāṇi mantropaniṣadāni ca / pañca brahmāṅgajānīha pañcabhūtamayāni ca // ### [2.48.35](https://indike.org/pramana/in.purana.linga.2.48.35) namo nārāyaṇāyeti mantraḥ paramaśobhanaḥ / hareraṣṭākṣarāṇīha praṇavena samāsataḥ // ### [2.48.36](https://indike.org/pramana/in.purana.linga.2.48.36) oṃ namo vāsudevāya namaḥ saṃkarṣaṇāya ca / pradyumnāya pradhānāya aniruddhāya vai namaḥ // ### [2.48.37](https://indike.org/pramana/in.purana.linga.2.48.37) ekamekena mantreṇa sthāpayetparameśvaram / biṃbāniyāni devasya śivasya parameṣṭhinaḥ // ### [2.48.38](https://indike.org/pramana/in.purana.linga.2.48.38) pratiṣṭhā caiva pūjā ca liṅgavanmunisattamāḥ / ratnavinyāsasahitaṃ kautukāni harerapi // ### [2.48.39](https://indike.org/pramana/in.purana.linga.2.48.39) acale kārayetsarvaṃ calepyevaṃ vidhānataḥ / tannetronmīlanaṃ kuryānnetramantreṇa suvratāḥ // ### [2.48.40](https://indike.org/pramana/in.purana.linga.2.48.40) kṣetrapradakṣiṇaṃ caiva ārāmasya purasya ca / jalādhivāsanaṃ caiva pūrvavatparikīrtitam // ### [2.48.41](https://indike.org/pramana/in.purana.linga.2.48.41) kuṇḍamaṇḍapanirmāṇaṃ śayanaṃ ca vidhīyate / hutvā navāgnibhāgena navakuṇḍe yatāvidhi // ### [2.48.42](https://indike.org/pramana/in.purana.linga.2.48.42) athavā pañcakuṇḍeṣu pradhāne kevale 'tha vā / pratiṣṭhā kathitā divyā pāraṃparyakramāgatā // ### [2.48.43](https://indike.org/pramana/in.purana.linga.2.48.43) śilodbhavānāṃ biṃbānāṃ citrābhāsasya vā punaḥ / jalādhivāsanaṃ proktaṃ vṛṣendrasya prakīrtitam // ### [2.48.44](https://indike.org/pramana/in.purana.linga.2.48.44) prāsādasya pratiṣṭhāyāṃ pratiṣṭhā parikīrtitā / prāsādāṅgasya sarvasya yathāṅgānāṃ tanoriva // ### [2.48.45](https://indike.org/pramana/in.purana.linga.2.48.45) vṛṣāgnimātṛvighneśakumārānapi yatnataḥ / śreṣṭhāṃ durgāṃ tathā caṇḍīṃ gāyatryā vai yathāvidhi // ### [2.48.46](https://indike.org/pramana/in.purana.linga.2.48.46) prāgādyaṃ sthāpayecchaṃbhoraṣṭāvaraṇamuttamam / lokapālagaṇeśādyānapi śaṃbhoḥ pravinyaset // ### [2.48.47](https://indike.org/pramana/in.purana.linga.2.48.47) umā caṇḍī ca nandī ca mahākālo mahāmuniḥ / vighneśvaro mahābhṛṅgī skandaḥ saumyāditaḥ kramāt // ### [2.48.48](https://indike.org/pramana/in.purana.linga.2.48.48) indrādīnsveṣu sthāneṣu brahmāṇaṃ ca janārdanam / sthāpayeccaiva yatnena kṣetreśaṃ veśagocare // ### [2.48.49](https://indike.org/pramana/in.purana.linga.2.48.49) siṃhāsane hyanantādīn vidyeśāmapi ca kramāt / sthāpayetpraṇavenaiva guhyāṅgādīni paṅkaje // ### [2.48.50](https://indike.org/pramana/in.purana.linga.2.48.50) evaṃ saṃkṣepataḥ proktaṃ calasthāpanasuttamam / sarveṣāmapi devānāṃ devīnāṃ ca viśeṣataḥ // ### [2.48.50.p1](https://indike.org/pramana/in.purana.linga.2.48.50.p1) iti śrīliṅgamahāpurāṇe uttarabhāge 'ṣṭacatvāriṃśo 'dhyāyaḥ ## Commentaries (1) - [Śivatoṣiṇī](https://indike.org/pramana/in.purana.linga!ganesa-ballala-natu.184.1) — Gaṇeśa Ballāla Nātū, Sanskrit ## Linked texts (2) - [Acintyaviśvasādākhyatantra](https://indike.org/pramana/in.sampradaya.saiva.agama.siva.acintyavisvasadakhyatantra.9.4038) — Sanskrit - [Vratakhaṇḍa](https://indike.org/pramana/in.niti.dharma.nibandha.hemadri.vratakhanda.4.p1.6) — Hemādri, Sanskrit ## Discussed in (4) - [Mānasāra Series (I. A Dictionary of Hindu Architecture; II. Indian Architecture according to Mānasāra-Śilpaśāstra; III. Mānasāra on Architecture and Sculpture: Sanskrit Text; IV. Architecture of Mānasāra: Translation; V. Architecture of Mānasāra: Illustrations; VI. Hindu Architecture in India and Abroad; VII. An Encyclopaedia of Hindu Architecture)](https://indike.org/pramana/ins.art.acharya-1927.v1.c6.s13.75) — Acharya 1927, English - [Original Sanskrit Texts on the Origin and History of the People of India, their Religion and Institutions](https://indike.org/pramana/ins.religion.muir-1868.v4.c27.s14.16) — Muir 1858, English - [Ancient Indian Historical Tradition](https://indike.org/pramana/ins.general.pargiter-1922.c7.176) — Pargiter 1922, English - [Studies in the Purāṇic Records on Hindu Rites and Customs](https://indike.org/pramana/ins.religion.hazra-1940.c7.s9.20) — Hazra 1940, English --- Source: [https://indike.org/pramana/in.purana.linga.2.48](https://indike.org/pramana/in.purana.linga.2.48) · Pramāṇa