Lingapurana 2.49

Liṅgapurāṇa 2.49

ṛṣaya ūcuḥ
aghoreśasya mahātmyaṃ bhavatā kathitaṃ purā /
pūjāṃ pratiṣṭhāṃ devasya bhagavanvaktumarhasi //

sūta uvāca
aghoreṇāṅga yuktena vidhivacca viśeṣataḥ /
pratiṣṭhāliṅgavidhinā nānyatā munipuṅgavāḥ //

tathāgnipūjāṃ vai kuryādyathā pūjā tathaiva ca /
sahasraṃ vā tadardhaṃ vā śatamaṣṭottaraṃ tu vā //

tilairhemaḥ prakartavyo dadhimadhvājyasaṃyutaiḥ /
ghṛtasaktumadūnāṃ ca sarvaduḥkhapramārjanam //

vyādhīnāṃ nāśanaṃ caiva tilahomastu bhūtidaḥ /
sahasreṇa mahābhūtiḥ śatena vyādhināśanam //

sarvaduḥkhavinirmukto japena ca na saṃśayaḥ /
aṣṭottaraśatenaiva trikāle ca yathāvidhi //

aṣṭottarasahasreṇa ṣaṇmāsājjāyate dhruvam /
siddhayo naiva saṃdeho rājyamaṇḍālināmapi //

sahasreṇa jvaro yāti kṣīreṇa ca juhoti yam /
trikālaṃ māsamekaṃ tu sahasraṃ juhuyātpayaḥ //

māsena siddhyate tasya mahāsaubhāgyamuttamam /
siddhyate cābdahomena kṣaudrājyadadhisaṃyutam //

yavakṣīrājyahomena jātitaṇḍulakena vā /
prīyeta bhagavānīśo hyaghoraḥ parameśvaraḥ //

dadhnā puṣṭirnṛpāṇāṃ ca kṣīrahomena śāntikam /
ṣaṇmāsaṃ tu ghṛtaṃ hutvā sarvavyādhivināśanam //

rājayakṣmā tilairhemānnaśyate vatsareṇa tu /
yavahomena cāyuṣyaṃ ghṛtena ca jayastadā //

sarvakuṣṭhakṣayārthaṃ ca madhunāktaiśca taṇḍulaiḥ /
juhuyādayutaṃ nityaṃ ṣaṇmāsānniyataḥ sadā //

ājyaṅkṣīraṃ madhuścaiva madhuratrayamucyate /
samastaṃ tuṣyate tasya nāśayedvai bhagandaram //

kevalaṃ ghṛtahomena sarvarogakṣayaḥ smṛtaḥ /
sarvavyādhi haraṃ dhyānaṃ sthāpanaṃ vidhinārcanam //

evaṃ saṃkṣepataḥ proktamaghorasya mahātmanaḥ /
pratiṣṭhā yajanaṃ sarvaṃ nandinā kathitaṃ purā //

brahmaputrāya śiṣyāya tena vyāsāya suvratāḥ //

śrīlīṅgamahāpurāṇe uttarabhāge ekonapañcāśattamo 'dhyāyaḥ

Commentaries (2)