[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Linga Purana](https://indike.org/pramana/in.purana.linga) › 2.49 # Linga Purana 2.49 Liṅgapurāṇa 2.49 - **Language:** Sanskrit ## Contents - [2.49.17](https://indike.org/pramana/in.purana.linga.2.49.17) — 1 part ### [2.49.1](https://indike.org/pramana/in.purana.linga.2.49.1) ṛṣaya ūcuḥ aghoreśasya mahātmyaṃ bhavatā kathitaṃ purā / pūjāṃ pratiṣṭhāṃ devasya bhagavanvaktumarhasi // ### [2.49.2](https://indike.org/pramana/in.purana.linga.2.49.2) sūta uvāca aghoreṇāṅga yuktena vidhivacca viśeṣataḥ / pratiṣṭhāliṅgavidhinā nānyatā munipuṅgavāḥ // ### [2.49.3](https://indike.org/pramana/in.purana.linga.2.49.3) tathāgnipūjāṃ vai kuryādyathā pūjā tathaiva ca / sahasraṃ vā tadardhaṃ vā śatamaṣṭottaraṃ tu vā // ### [2.49.4](https://indike.org/pramana/in.purana.linga.2.49.4) tilairhemaḥ prakartavyo dadhimadhvājyasaṃyutaiḥ / ghṛtasaktumadūnāṃ ca sarvaduḥkhapramārjanam // ### [2.49.5](https://indike.org/pramana/in.purana.linga.2.49.5) vyādhīnāṃ nāśanaṃ caiva tilahomastu bhūtidaḥ / sahasreṇa mahābhūtiḥ śatena vyādhināśanam // ### [2.49.6](https://indike.org/pramana/in.purana.linga.2.49.6) sarvaduḥkhavinirmukto japena ca na saṃśayaḥ / aṣṭottaraśatenaiva trikāle ca yathāvidhi // ### [2.49.7](https://indike.org/pramana/in.purana.linga.2.49.7) aṣṭottarasahasreṇa ṣaṇmāsājjāyate dhruvam / siddhayo naiva saṃdeho rājyamaṇḍālināmapi // ### [2.49.8](https://indike.org/pramana/in.purana.linga.2.49.8) sahasreṇa jvaro yāti kṣīreṇa ca juhoti yam / trikālaṃ māsamekaṃ tu sahasraṃ juhuyātpayaḥ // ### [2.49.9](https://indike.org/pramana/in.purana.linga.2.49.9) māsena siddhyate tasya mahāsaubhāgyamuttamam / siddhyate cābdahomena kṣaudrājyadadhisaṃyutam // ### [2.49.10](https://indike.org/pramana/in.purana.linga.2.49.10) yavakṣīrājyahomena jātitaṇḍulakena vā / prīyeta bhagavānīśo hyaghoraḥ parameśvaraḥ // ### [2.49.11](https://indike.org/pramana/in.purana.linga.2.49.11) dadhnā puṣṭirnṛpāṇāṃ ca kṣīrahomena śāntikam / ṣaṇmāsaṃ tu ghṛtaṃ hutvā sarvavyādhivināśanam // ### [2.49.12](https://indike.org/pramana/in.purana.linga.2.49.12) rājayakṣmā tilairhemānnaśyate vatsareṇa tu / yavahomena cāyuṣyaṃ ghṛtena ca jayastadā // ### [2.49.13](https://indike.org/pramana/in.purana.linga.2.49.13) sarvakuṣṭhakṣayārthaṃ ca madhunāktaiśca taṇḍulaiḥ / juhuyādayutaṃ nityaṃ ṣaṇmāsānniyataḥ sadā // ### [2.49.14](https://indike.org/pramana/in.purana.linga.2.49.14) ājyaṅkṣīraṃ madhuścaiva madhuratrayamucyate / samastaṃ tuṣyate tasya nāśayedvai bhagandaram // ### [2.49.15](https://indike.org/pramana/in.purana.linga.2.49.15) kevalaṃ ghṛtahomena sarvarogakṣayaḥ smṛtaḥ / sarvavyādhi haraṃ dhyānaṃ sthāpanaṃ vidhinārcanam // ### [2.49.16](https://indike.org/pramana/in.purana.linga.2.49.16) evaṃ saṃkṣepataḥ proktamaghorasya mahātmanaḥ / pratiṣṭhā yajanaṃ sarvaṃ nandinā kathitaṃ purā // ### [2.49.17](https://indike.org/pramana/in.purana.linga.2.49.17) brahmaputrāya śiṣyāya tena vyāsāya suvratāḥ // ### [2.49.17.p1](https://indike.org/pramana/in.purana.linga.2.49.17.p1) śrīlīṅgamahāpurāṇe uttarabhāge ekonapañcāśattamo 'dhyāyaḥ ## Commentaries (1) - [Śivatoṣiṇī](https://indike.org/pramana/in.purana.linga!ganesa-ballala-natu.185.6) — Gaṇeśa Ballāla Nātū, Sanskrit ## Discussed in (1) - [Ancient Indian Historical Tradition](https://indike.org/pramana/ins.general.pargiter-1922.c31.111) — Pargiter 1922, English --- Source: [https://indike.org/pramana/in.purana.linga.2.49](https://indike.org/pramana/in.purana.linga.2.49) · Pramāṇa