[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Linga Purana](https://indike.org/pramana/in.purana.linga) › 2.4 # Linga Purana 2.4 Liṅgapurāṇa 2.4 - **Language:** Sanskrit ## Contents - [2.4.21](https://indike.org/pramana/in.purana.linga.2.4.21) — 1 part ### [2.4.1](https://indike.org/pramana/in.purana.linga.2.4.1) ṛṣaya ūcuḥ vaiṣṇavā iti ye proktā vāsudevaparāyaṇāḥ / kāni cihnāni teṣāṃ vai tanno brahi mahāmate // ### [2.4.2](https://indike.org/pramana/in.purana.linga.2.4.2) teṣāṃ vā kiṃ karotyeṣa bhagavān bhūtabhāvanaḥ / etanme sarvamācakṣva sūta sarvārthavittama // ### [2.4.3](https://indike.org/pramana/in.purana.linga.2.4.3) sūta uvāca aṃbarīṣeṇa vai pṛṣṭo mārkaṇḍeyaḥ purāmuniḥ / yuṣmabhiradya yat proktaṃ tadvadāmi yathātatham // ### [2.4.4](https://indike.org/pramana/in.purana.linga.2.4.4) mārkaṇḍeya uvāca śṛṇu rājanyathānyāyaṃ yanmāṃ tvaṃ paripṛcchasi / yatrāste viṣṇubhaktastu tatra nārāyaṇaḥ sthitaḥ // ### [2.4.5](https://indike.org/pramana/in.purana.linga.2.4.5) viṣṇureva hi sarvatra yeṣāṃ vai devatā smṛtā / kīrtyamāne harau nityaṃ romāñco yasya vartate // ### [2.4.6](https://indike.org/pramana/in.purana.linga.2.4.6) kaṃpaḥ svedastathakṣeṣu dṛsyante jalabindavaḥ / viṣṇubhaktisamāyuktān śrautasmārtapravartakān // ### [2.4.7](https://indike.org/pramana/in.purana.linga.2.4.7) prīto bhavati yo dṛṣṭvā vaiṣṇavo 'sau prakīrtitaḥ / nānyadācchādayedvastraṃ vaiṣṇavo jagato 'raṇe // ### [2.4.8](https://indike.org/pramana/in.purana.linga.2.4.8) viṣṇubhaktamathāyāntaṃ yo dṛṣṭvā sanmukhasthitaḥ / praṇāmādi karotyevaṃ vāsudeve yathā tathā // ### [2.4.9](https://indike.org/pramana/in.purana.linga.2.4.9) sa vai bhakta iti jñeyaḥ sa jayī syājjagattraye / rūkṣākṣarāṇi śṛṇvanvai tathā bhāgavateritaḥ // ### [2.4.10](https://indike.org/pramana/in.purana.linga.2.4.10) praṇāmapūrvaṃ kṣāntyā vai yo vadedvaiṣṇavo hi saḥ / gandhapuṣpādi kaṃ sarvaṃ śirasā yo hi dhārayet // ### [2.4.11](https://indike.org/pramana/in.purana.linga.2.4.11) hareḥ sarvamitītyevaṃ mattvāsau vaiṣṇavaḥ smṛtaḥ / viṣṇukṣetre śubhānyeva karoti snehasaṃyutaḥ // ### [2.4.12](https://indike.org/pramana/in.purana.linga.2.4.12) pratimāṃ ca harernityaṃ pūjayetprayatātmavān / viṣṇubhaktaḥ sa vijñeyaḥ karmaṇā manasā girā // ### [2.4.13](https://indike.org/pramana/in.purana.linga.2.4.13) nārāyaṇaparo nityaṃ mahābhāgavato hi saḥ / bhojanārādhanaṃ sarvaṃ yathāśaktyā karoti yaḥ // ### [2.4.14](https://indike.org/pramana/in.purana.linga.2.4.14) viṣṇubhaktasya ca sadā yathānyāyaṃ hi kathyate / nārāyaṇaparo vidvānyasyānnaṃ prītamānasaḥ // ### [2.4.15](https://indike.org/pramana/in.purana.linga.2.4.15) aśrāti taddharerāsyaṃ gatamannaṃ na saṃśayaḥ / svārcanādapi viśvātmā prīto bhavati mādhavaḥ // ### [2.4.16](https://indike.org/pramana/in.purana.linga.2.4.16) mahābhāgavate tacca dṛṣṭvāsau bhaktavatsalaḥ / vāsudevaparaṃ dṛṣṭvā vaiṣṇavaṃ dagdhakilbiṣam // ### [2.4.17](https://indike.org/pramana/in.purana.linga.2.4.17) devāpi bhītāstaṃ yānti praṇipatya yathāgatam / śrūyatāṃ hi purāvṛttaṃ viṣṇubhaktasya vaibhavam // ### [2.4.18](https://indike.org/pramana/in.purana.linga.2.4.18) dṛṣṭvā yamo 'pi vai bhaktaṃ vaiṣṇavaṃ dagdhakilbiṣam / utthāya prāñjalirbhūtvā nanāma bhṛgunandanam // ### [2.4.19](https://indike.org/pramana/in.purana.linga.2.4.19) tasmātsaṃpūjayedbhaktyā vaiṣṇavānviṣṇuvannaraḥ / sa yāti viṣṇusāmīpya nātra kāryā vicāraṇā // ### [2.4.20](https://indike.org/pramana/in.purana.linga.2.4.20) anyabhaktasahasrebhyo viṣṇubhakto viśiṣyate / viṣṇubhaktasahasrebhyo rudrabhakto viśiṣyate / rudrabhaktātparataro nāstiloke na saśaṃyaḥ // ### [2.4.21](https://indike.org/pramana/in.purana.linga.2.4.21) tasmāttu vaiṣṇavaṃ cāpi rudrabhaktamathāpi vā / pūjayetsarvayatnena dharmakāmārthamuktaye // ### [2.4.21.p1](https://indike.org/pramana/in.purana.linga.2.4.21.p1) iti śrīliṅgamahāpurāṇe uttarabhāge viṣṇubhaktakathanaṃ nāma caturtho 'dhyāyaḥ ## Commentaries (1) - [Śivatoṣiṇī](https://indike.org/pramana/in.purana.linga!ganesa-ballala-natu.136.19) — Gaṇeśa Ballāla Nātū, Sanskrit ## Discussed in (1) - [Studies in the Purāṇic Records on Hindu Rites and Customs](https://indike.org/pramana/ins.religion.hazra-1940.c14.s9.5) — Hazra 1940, English --- Source: [https://indike.org/pramana/in.purana.linga.2.4](https://indike.org/pramana/in.purana.linga.2.4) · Pramāṇa