Lingapurana 2.51
Liṅgapurāṇa 2.51
- Language
- Sanskrit
Contents
- 2.51.18 — 1 part
2.51.1
ṛṣaya ūcuḥ
nigraho 'ghorarūpeyaṃ kathito 'smākamuttamam /
vajravāhanikāṃ vidyāṃ vaktumarhasi sattama //
2.51.2
sūta uvāca
vajravāhanikā nāma sarvaśatrubhayaṅkarī /
anayā secayedvajraṃ nṛpāṇāṃ sādhayettathā //
2.51.3
vajraṃ kṛtvā vidhānena tadvajramabhiṣicya ca /
anayā vidyayā tasminvinyesetkāñcanena ca //
2.51.4
tataścākṣaralakṣaṃ ca japedvidvānsamāhitaḥ /
vajrīdaśāṃśaṃ juhuyādvajrakuṇḍe ghṛtādibhiḥ //
2.51.5
tadvajraṃ gopayennityaṃ dāpayennṛpatestataḥ /
tena vajreṇa vai gacchañchatrūñjīyādraṇājire //
2.51.6
purā pitā mahenaiva labdhā vidyā prayatnataḥ /
devī śakropakārārthaṃ sākṣādvajreśvarī tathā //
2.51.7
purā tvaṣṭa prajānātho hataputraḥ sureśvarāt /
vidyayāharataḥ somamindravaireṇa suvratāḥ //
2.51.8
tasminyajñe yatāprāptaṃ vidinopakṛtaṃ haviḥ /
tadaicchata mahābāhurviśvarūpavimardanaḥ //
2.51.9
matputramavadhīḥ śakra na dāsye tava śobhanam /
bhāgaṃ bhāgārhatā naiva viśvarūpo hatastvayā //
2.51.10
ityuktvā cāśramaṃ sarvaṃ mohayāmāsa māyayā /
tato māyāṃ vinirbhidya viśvarūpavimardanaḥ //
2.51.11
prasahya somamapibatsagaṇaiśca śacīpatiḥ /
tatastaccheṣamādāya krodhāviṣṭaḥ prajāpatiḥ //
2.51.12
indrasya śatro vardhasva svāhetyagnau juhāva ha /
tataḥ kālāgnisaṃkāśo vartanādvṛtrasaṃjñitaḥ //
2.51.13
prādurāsīt sureśārir dudrāva ca vṛṣāntakaḥ /
tataḥ kirīṭī bhagavānparityajya divaṃ kṣaṇāt //
2.51.14
sahasranetraḥ sagaṇo dudrāva bhayavihvalaḥ /
tadā tamāha sa vibhṛrhṛṣṭo brahmā ca viśvasṛṭ //
2.51.15
tyaktvā vajraṃ tametena jahītyarisarindamaḥ /
so 'pi sannahya devendro devaiḥ sārdhaṃ mahābhujaḥ //
2.51.16
nihatya cāprayatnena gatavānvigatajvaraḥ /
tasmādvajreśvarīvidyā sarvaśatrubhayaṅkarī //
2.51.17
mandehā rākṣasā nityaṃ vijitā vidyayaiva tu /
tāṃ vidyāṃ saṃpravakṣyāmi sarvapāpapramocanīm //
2.51.18
oṃ bhūrbhuvasvaḥ tatsaviturvareṇyaṃ bhargo devasya dhīmahi /
dhiyo yo naḥ pracodayāt /
oṃ phaṭ jahi huṃ phaṭ chindhi bhindhi jahi hanahana svāhā /
vidyā vajreśvarītyeṣā sarvaśatrubhayaṅkarī /
anayā saṃhṛtiḥ śaṃbhorvidyāyā munipuṅgavāḥ //
2.51.18.p1
iti śrīliṃṅgamahāpārāṇe uttarabhāge ekapañcāśattamo 'dhyāyaḥ
Commentaries (2)
- Śivatosaṇī Liṅgapurāṇaṭīkā — Gaṇeśa Bhaṭṭa, Sanskrit
- Śivatoṣiṇī — Gaṇeśa Ballāla Nātū, Sanskrit
Linked texts (2)
- Liṅga — Sanskrit
- Ancient Indian Historical Tradition — F. E. Pargiter, English