[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Linga Purana](https://indike.org/pramana/in.purana.linga) › 2.52 # Linga Purana 2.52 Liṅgapurāṇa 2.52 - **Language:** Sanskrit ## Contents - [2.52.16](https://indike.org/pramana/in.purana.linga.2.52.16) — 1 part ### [2.52.1](https://indike.org/pramana/in.purana.linga.2.52.1) ṛṣaya ūcuḥ śrutā vajreśvarī vidyā brāhmī śakropakāriṇī / anayā sarvakāryāṇi nṛpāmāmiti naḥ śrutam // ### [2.52.2](https://indike.org/pramana/in.purana.linga.2.52.2) viniyogaṃ vadasvāsyā vidyāyā romaharṣaṇa / sūta uvāca vaśyamākarṣaṇaṃ caiva vidveṣaṇamataḥ param // ### [2.52.3](https://indike.org/pramana/in.purana.linga.2.52.3) uccāṭanaṃ staṃbhanaṃ ca mohanaṃ tāḍanaṃ tathā / utsādanaṃ tathā chedaṃ māraṇaṃ pratibandhanam // ### [2.52.4](https://indike.org/pramana/in.purana.linga.2.52.4) senāstaṃbhanakādīni sāvitryā sarvamācaret / āgaccha varade devi bhūmyāṃ parvatamūrdhani // ### [2.52.5](https://indike.org/pramana/in.purana.linga.2.52.5) brāhmaṇebyo hyanujñātā gaccha devi yathāsukham / udvāsyānena mantreṇa gantavyaṃ nānyathā dvijāḥ // ### [2.52.6](https://indike.org/pramana/in.purana.linga.2.52.6) pratikāryaṃ tathā bāhyaṃ kṛtvā paśyādikāṃ kriyām / udvāsya vahnimādhāya punaranyaṃ yathāvidhi // ### [2.52.7](https://indike.org/pramana/in.purana.linga.2.52.7) devīmāvāhya ca punarjapetsaṃpūjayetpunaḥ / homaṃ ca vidhinā vahnau punareva samācaret // ### [2.52.8](https://indike.org/pramana/in.purana.linga.2.52.8) sarvakāryāṇi vidhinā sādhayedvidyayā punaḥ / jātīpuṣpaiśca vaśyārthi juhuyādayutatrayam // ### [2.52.9](https://indike.org/pramana/in.purana.linga.2.52.9) ghṛtena karavīreṇa kuryādākarṣaṇaṃ dvijāḥ / vidveṣaṇaṃ viśeṣeṇa kuryāllāṅgalakasya ca // ### [2.52.10](https://indike.org/pramana/in.purana.linga.2.52.10) tailenoccāṭanaṃ proktaṃ staṃbhanaṃ madhunā smṛtam / tilena mohanaṃ proktaṃ tāḍanaṃ rudhireṇa ca // ### [2.52.11](https://indike.org/pramana/in.purana.linga.2.52.11) kharasya ca gajasyātha uṣṭrasya ca yathākramam / staṃbhanaṃ sarṣapeṇāpi pāṭanaṃ cākuśena ca // ### [2.52.12](https://indike.org/pramana/in.purana.linga.2.52.12) māraṇoccāṭane caiva rohībījena suvratāḥ / bandhanantvahipatreṇa senāstaṃbhamataḥ param // ### [2.52.13](https://indike.org/pramana/in.purana.linga.2.52.13) kunaṭyā niyataṃ vidyātpūjayetparameśvarīm / ghṛtena sarvasiddhiḥ syātpayasā vā viśuddhyate // ### [2.52.14](https://indike.org/pramana/in.purana.linga.2.52.14) tilena roganāśaśca kamalena dhanaṃ bhavet / kāntirmadhūkapuṣpeṇa sāvitryā hyayutatrayam // ### [2.52.15](https://indike.org/pramana/in.purana.linga.2.52.15) jayādiprabhṛtīnsarvān sviṣṭāntaṃ pūrvavatsmṛtam / evaṃ saṃkṣepataḥ prokto viniyogotivistṛtaḥ // ### [2.52.16](https://indike.org/pramana/in.purana.linga.2.52.16) japedvā kevalāṃ vidyāṃ saṃpūjya ca vidhānataḥ / sarvasiddhimavāpnoti nātra kāryā vicāraṇā // ### [2.52.16.p1](https://indike.org/pramana/in.purana.linga.2.52.16.p1) iti śrīliṅgamahāpurāṇe uttarabhāge dvipañcāśattamo 'dhyāyaḥ ## Commentaries (1) - [Śivatoṣiṇī](https://indike.org/pramana/in.purana.linga!ganesa-ballala-natu) — Gaṇeśa Ballāla Nātū, Sanskrit ## Linked texts (1) - [Śāntikamalākara](https://indike.org/pramana/in.niti.dharma.santi.nibandha.mahanibandha.santikamalakara.8.70_247) — Kamalākarabhaṭṭa 1587, Sanskrit ## Discussed in (1) - [Ancient Indian Historical Tradition](https://indike.org/pramana/ins.general.pargiter-1922.c7.45) — Pargiter 1922, English --- Source: [https://indike.org/pramana/in.purana.linga.2.52](https://indike.org/pramana/in.purana.linga.2.52) · Pramāṇa