[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Lingapurana](https://indike.org/pramana/in.purana.linga) › 2.54 # Lingapurana 2.54 Liṅgapurāṇa 2.54 - **Language:** Sanskrit ## Contents - [2.54.35](https://indike.org/pramana/in.purana.linga.2.54.35) — 1 part ### [2.54.1](https://indike.org/pramana/in.purana.linga.2.54.1) sūta uvāca triyaṃbakeṇa mantreṇa devadevaṃ triyaṃbakam / pūjayedbāṇaliṅge vā svayaṃbhūte 'pi vā punaḥ // ### [2.54.2](https://indike.org/pramana/in.purana.linga.2.54.2) āyurvedavidairvāpi yathāvadanupūrvaśaḥ / aṣṭottarasahasreṇa puṇḍarīkeṇa śaṅkaram // ### [2.54.3](https://indike.org/pramana/in.purana.linga.2.54.3) kamalena sahasreṇa tathā nīlotpalena vā / saṃpūjya pāyasaṃ dattvā saghṛtaṃ caudanaṃ punaḥ // ### [2.54.4](https://indike.org/pramana/in.purana.linga.2.54.4) mudgānnaṃ madhunā yuktaṃ bhakṣyāṇi surabhīṇi ca / agnau homaśca vipulo yathāvadanupūrvaśaḥ // ### [2.54.5](https://indike.org/pramana/in.purana.linga.2.54.5) pūrvoktairapi puṣpaiśca caruṇā ca viśeṣataḥ / japedvai niyutaṃ samyak samāpya ca yathākramam // ### [2.54.6](https://indike.org/pramana/in.purana.linga.2.54.6) brāhmaṇānāṃ sahasraṃ ca bhojayedvai sadakṣiṇam / gavāṃ sahasraṃ dattvā tu hiraṇyamapi dāpayet // ### [2.54.7](https://indike.org/pramana/in.purana.linga.2.54.7) etadvaḥ kathitaṃ sarvaṃ sarahasyaṃ samāsataḥ / śivena devadevena śarveṇātyugraśūlinā // ### [2.54.8](https://indike.org/pramana/in.purana.linga.2.54.8) kathitaṃ meruśikhare skandāyāmitatejase / skandena devadevena brahmaputrāya dhīmate // ### [2.54.9](https://indike.org/pramana/in.purana.linga.2.54.9) sākṣātsanatkumāreṇa sarvalokahitaiṣiṇā / pārāśaryāya kathitaṃ pāraṃparyakramāgatam // ### [2.54.10](https://indike.org/pramana/in.purana.linga.2.54.10) śuke gate parandhāma dṛṣṭvā rudraṃ triyaṃbakam / gataśoko mahābhāgo vyasaḥ para ṛṣiḥ prabhuḥ // ### [2.54.11](https://indike.org/pramana/in.purana.linga.2.54.11) skandasya saṃbhavaṃ śrutvā sthitāya ca mahātmane / triyaṃbakasya māhātmyaṃ mantrasya ca viśeṣataḥ // ### [2.54.12](https://indike.org/pramana/in.purana.linga.2.54.12) kathitaṃ bahudhā tasmai kṛṣṇadvaipāyānāya vai / tatsakvaṃ kathayiṣyāmi prasādādeva tasya vai // ### [2.54.13](https://indike.org/pramana/in.purana.linga.2.54.13) devaṃ saṃpūjya vidhinā japenmantraṃ triyaṃbakam / mucyate sarpapāpaiśca saptajanmakṛtairapi // ### [2.54.14](https://indike.org/pramana/in.purana.linga.2.54.14) saṃgrāme tatsarvaṃ labdhvā saubhāgyamatulaṃ bhavet / lakṣahomena rājyārthī rājyaṃ labdhvā sukhī bhavet // ### [2.54.15](https://indike.org/pramana/in.purana.linga.2.54.15) putrārthī putramāpnoti niyutena na saṃśayaḥ / dhanārthī prayutenaiva japedeva na saṃśayaḥ // ### [2.54.16](https://indike.org/pramana/in.purana.linga.2.54.16) dhanadhānyādibhiḥ sarvaiḥ saṃpūrṇaḥ sarvamaṅgalaiḥ / krīḍate putrapautraiśca mṛtaḥ svarge prajāyate // ### [2.54.17](https://indike.org/pramana/in.purana.linga.2.54.17) nānena sadṛśo mantro loke vede ca suvratāḥ / tasmāttriyaṃbakaṃ devaṃ tena nityaṃ prapūjayet // ### [2.54.18](https://indike.org/pramana/in.purana.linga.2.54.18) agniṣṭomasya yajñasya phalamaṣṭaguṇaṃ bhavet / trayāṇāmapi lokānāṃ guṇānāmapi yaḥ prabhuḥ // ### [2.54.19](https://indike.org/pramana/in.purana.linga.2.54.19) vedānāmapi devānāṃ brahmakṣatraviśāmapi / akārokāramakārāṇāṃ mātrāṇāmapi vācakaḥ // ### [2.54.20](https://indike.org/pramana/in.purana.linga.2.54.20) tathā somasya sūryasya vahneragnitrayasya ca / aṃbā umā mahādevo hyaṃbakastu triyaṃbakaḥ // ### [2.54.21](https://indike.org/pramana/in.purana.linga.2.54.21) supuṣpitasya vṛkṣasya yathā gandhaḥ suśobhanaḥ / vāti dvarāttathā tasya gandhaḥ śaṃbhormahātmanaḥ // ### [2.54.22](https://indike.org/pramana/in.purana.linga.2.54.22) tasmātsugandho bhagavāngandhārayati śaṅkaraḥ / gāndhāraścamahādevo devānāmapi līlayā // ### [2.54.23](https://indike.org/pramana/in.purana.linga.2.54.23) sugandhastasya lokesminvāyurvāti nabhastale / tasmātsugandhistaṃ devaṃ sugandhi puṣṭivardhanam // ### [2.54.24](https://indike.org/pramana/in.purana.linga.2.54.24) yasya retaḥ purā śaṃbhorhareryonau pratiṣṭhitam / tasya vīryādabhūdaṇḍaṃ hiraṇmayam ajodbhavam // ### [2.54.25](https://indike.org/pramana/in.purana.linga.2.54.25) candrādityau sanakṣatrau bhūrbhuvaḥ svarmahastapaḥ / satyalokamatikramya puṣṭirvīryasya tasya vai // ### [2.54.26](https://indike.org/pramana/in.purana.linga.2.54.26) pañcabhūtānyahaṅkāro buddhiḥ prakṛtireva ca / puṣṭirbījasya tasyaiva tasmādvai puṣṭivardhanaḥ // ### [2.54.27](https://indike.org/pramana/in.purana.linga.2.54.27) taṃ puṣṭivardhanaṃ devaṃ ghṛtena payasā tathā / madhunā yavagodhūmamāṣabilvaphalena ca // ### [2.54.28](https://indike.org/pramana/in.purana.linga.2.54.28) kumudārkaśamīpatragaurasarṣapaśālibhiḥ / hutvā liṅge yathānyāyaṃ bhaktyā devaṃ yajāmahe // ### [2.54.29](https://indike.org/pramana/in.purana.linga.2.54.29) ṛtenānena māṃ pāśādbandhanātkarmayogataḥ / mṛtyośca bandanāccaiva mukṣīya bhava tejasā // ### [2.54.30](https://indike.org/pramana/in.purana.linga.2.54.30) urvārukāṇāṃ pakvānāṃ yathā kālādabhūtpunaḥ / tathaiva kālaḥ saṃprāpto manunā tena yatnataḥ // ### [2.54.31](https://indike.org/pramana/in.purana.linga.2.54.31) evaṃ mantravidhiṃ jñātvā śivaliṅgaṃ samarcayet / tasya pāśakṣayo 'tīva yogino mṛtyunigrahaḥ // ### [2.54.32](https://indike.org/pramana/in.purana.linga.2.54.32) triyaṃbakasamo nāsti devo vā ghṛṇayānvitaḥ / prasādaśīlaḥ prītaśca tathā mantropi suvratāḥ // ### [2.54.33](https://indike.org/pramana/in.purana.linga.2.54.33) tasmātsarvaṃ parityajya triyaṃbakamumāpatim / triyaṃbakeṇa mantreṇa pūjayetsusamāhitaḥ // ### [2.54.34](https://indike.org/pramana/in.purana.linga.2.54.34) sarvāvasthāṃ gato vāpi mukto 'yaṃ sarvapātakaiḥ / śivadhyānānna saṃdeho yathā rudrastathā svayam // ### [2.54.35](https://indike.org/pramana/in.purana.linga.2.54.35) hatvā bhittvā ca bhūtāni bhuktvā cānyāyato 'pi vā / śivamekaṃ sakṛtsmṛtvā sarvapāpaiḥ pramucyate // ### [2.54.35.p1](https://indike.org/pramana/in.purana.linga.2.54.35.p1) iti śrīliṅgamahāpurāṇe uttarabhāge cutaṣpañcāśattamo 'dhyāyaḥ ## Commentaries (1) - [Śivatoṣiṇī](https://indike.org/pramana/in.purana.linga!ganesa-ballala-natu.189.1) — Gaṇeśa Ballāla Nātū, Sanskrit --- Source: [https://indike.org/pramana/in.purana.linga.2.54](https://indike.org/pramana/in.purana.linga.2.54) · Pramāṇa